منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 عايزة تتجوزى ؟ :)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أميرة



تاريخ التسجيل : 21/04/2009

مُساهمةموضوع: عايزة تتجوزى ؟ :)   الثلاثاء 21 أبريل 2009, 4:20 pm

السلام عليكم ورحمة الله ,
أخواتى الأعزاء أكيد بعد ما الواحدة فينا بتتخرج بتبتدى تنتبه اكتر لموضوع حياتها العائلية و مستقبلها الأسرى و ازاى مثلا ممكن تتجوز و تكون أسرة ملتزمة و سعيدة و السؤال الأهم من ده كله هو ازاى هتلاقى شريك حياتها ده ؟!

مشكلتنا دايما ان العرسان اللى بيجولنا مش احنا اللى بنختارهم ! يعنى بما أن كليتنا مش مختلطه و لله الحمد فالسبيل الوحيد عشان البنت فينا تلاقى شريك حياتها ان حد من أسرتها مثلا يرشحها لواحد يكون معرفة ولا حاجه و بعدين يروح يشوفها و بعدين تكتشف انه مينفعش يمكن أفكاره ، درجة التزامه ، عقليته أو يمكن شكله يكون كده affraid و هكذا ممكن البنت تتزار مليون مرة و برضوه متلاقيش الشاب اللى بتحلم بيه Crying or Very sad

عشان كده انا فكرت فى طريقة جديده و يمكن فيه منكم فى البداية أول ما يسمعوا فكرتى ديه يستغربوا عليها او ميستسيغوهاش بس بجد الفكرة مبتكرة جدا هو صحيح موقع زواج بس بجد مش زى اى موقع انا عمرى ما شوفت موقع بيحافظ على حياء البنت بالشكل ده و مش فاتح الدنيا و يخلى اى بنت تتكلم مع اى شاب ، اطلاقا الموقع فكرته ثورية انتى بتدخلى و تسجلى عليه مجانا و بتعملى لنفسك بروفيل تكتبى كده زى اربع خمس سطور عن نفسك و 4 خمس سطور تانيين عن شريك حياتك اللى بتتمنيه و بعدها ممكن تبدأى تبحثى عن الزوج بالمواصفات اللى انتى عايزها أولا طبعا هتتعرفى على عقليته و اسلوب تفكيره من الكلام اللى كاتبه عن نفسه .. طب هتقوليلى طبعا و ياترى اربع سطور مش كافيين عشان اعرف ازاى الأنسان ده بيفكر هقولك مهو فى اسئلة كتيرة حوالى 700 سؤال ممكن يتسأل لأى شاب انتى تختاريه الأسئلة ديه فى كل المواضيع ده غير ان هو اصلا بيكون مجاوب على اسئلة كتيرة اتسئلتله و محدش يقدر يكذب او يمثل فى كل ردوده أكيد لو هو فعلا مش ملتزم هينكشف المهم دايما ان الموقع ده بيضمنلك ان مفيش حد غلس او مش مناسب ليكى ممكن يتكلم معاكى .. فقط الشخص اللى هتختاريه و تضيفيه لقائمة قبولك هو اللى ممكن يتفتح الكلام معاه بحيث بس تسمحيله انه ياخد رقم تليفون والدك عشان يرتب موضوع الرؤية الشرعية Wink

بجد يا بنات انا فى البداية مكنتش مقتنعة بموضوع المواقع ديه تماما بس لما شوفت الموقع ده و عرفت انه كمان موقع اسلامى و اسلوبه فى قمة الأحترام قررت انى اشترك فيه و ده على فكرة كان بعلم والدى العزيز يعنى انا مكنتش بعمل حاجه غلط عشان اخبيها و لو اى واحده فيكم ليها أى اسئلة انا مستعدة أجاوبها و بكل سرور Wink

اه صحيح انا نسيت اقولكم عنوان الموقع Very Happy
العنوان هو www.kobool.com
الرجوع الى أعلى الصفحة اذهب الى الأسفل
عاشقه الطفوله



تاريخ التسجيل : 04/02/2009

مُساهمةموضوع: رد: عايزة تتجوزى ؟ :)   الأربعاء 22 أبريل 2009, 4:54 am

ممكن يكون كلامك مقنع بس مش قوى ممكن الشخص اللى انت هتسئليه ال700 سؤال ايه يضمنلى انه مش يبكدب وانا معاكى فى موضوع انه يجى يقابلك فى البيت وتحصل الرؤيه الشرعيه بس انا من وجهه نظرى انه لازم العريس يجى عن طريق ثقه مش معلهش موقع لا تضمنى فيه الشخص ده اصله ايه حتى لو قابلتيه وتعرفت عليه شخصيا على العموم ربنا يوفقك ويرزق البنات كلها بالازواج الصالحه ويخليلى خطيبى يارب
الرجوع الى أعلى الصفحة اذهب الى الأسفل
سمكه الجميله



تاريخ التسجيل : 05/02/2009

مُساهمةموضوع: رد: عايزة تتجوزى ؟ :)   الأربعاء 22 أبريل 2009, 4:57 am

انا عن نفسى مش مقتنعة بالفكرة ومش بحبذها لانى كتيييييييييييييييييييير سمعت ان جواز الطريقة دى فااااااااااااااااااااااااااااااااااااااشل
ومهما تحولى تقنعنى انا رافضة الجواز بالطريقة دى ولازم يكون حد موثوق فيه scratch scratch

متزعليش اميرة وشكرا على موضوعك اللى يهم كل بنت
الرجوع الى أعلى الصفحة اذهب الى الأسفل
أميرة



تاريخ التسجيل : 21/04/2009

مُساهمةموضوع: رد: عايزة تتجوزى ؟ :)   الأربعاء 22 أبريل 2009, 7:30 am

طيب طيب خلاص متزعلوش  انا مقصدش أزعل حد بس لازم تسألوا نفسكم سؤال مهم جدا ؟!
ايه هو تعريف كلمة موثوق فيه ؟ ده لو قدرتم فعلا تلاقوا تعريف دقيق للكلمة ديه ؟!
و الدليل العملى انه سعات ممكن يجيلى عريس مترشح من حد قريب ليا ممكن خالى او عمى و ممكن يكون مش عمى نفسه اللى يعرفه معرفة وثيقة لا ده ممكن يكون فى وسيط كمان فى النصف هو اللى يعرف عمى و هو اللى عرفه على الشخص ده و فى النهاية بيكون الشخص ده اسمه جاى من طرف عمى و بعد ما نقعد معاه و نشوف بيفكر ازاى ممكن متعجبناش طريقة تفكيره و برضوه ميطلعش شخص مناسب و على العكس ممكن شخص من على الموقع ده يطلع أفضل بكتيير من الناس اللى بيجبها أقاربنا و لما بنسأل عليه بيطلع شخص كويس جدا و أكيد ده بيبان فى الرؤية الشرعية لما بنشوفه و نشوف أسرته .

فى نقطة تانية مهمة جدا يا بنات مينفعش تحكمى على شىء جديد منغير ماتجربيه و لما نقول ان الجواز من على النت دايما مصيره الفشل يبقى لازم نذكر الطريقة اللى تم بيها الجواز من على النت لأن الطريقة نفسها ممكن تكون طريقة غير شرعية على سبيل المثال التعرف من على الشات و الكلام المباشر بدون اى ضوابط و لا رقابة من اى جهة انما لما تشوفوا الموقع ده و تجربوه أكيد هتحسوا بالفرق لأنه و للمرة التانية بقولها موقع ثورى فى عالم مواقع الزواج ..( الناس اللى بقت بتستخدم ايميل جوجل بعد ما سابت ايميل الهوتميل ممكن يفهموا معنى كلمة ثورى أكتر ) زى ما جوجل غير مفهوم الأيميل الموقع ده كمان غير مفهوم مواقع الزواج اللى انا فى الأصل مكنتش بحترمها .

و أخيرا يا جماعة صعب جدا تحكموا على حاجة منغير ما تكونوا جربتوها ؟؟! كل الموضوع ان بدل ما تروحى تكلمى واحده معرفة عشان ترشحلك شاب بالمواصفات اللى انتى عايزها ممكن تستخدمى الموقع ده و بس و بقول فقط الموقع ده لأن باقى مواقع الزواج فاتحة الدنيا على البحرى و أراهن ان مفيش حد فيكم حتى قرر يدخل موقع الزواج ده و يقرأ بالظبط شرح النظرية اللى بيقوم عليها (نظرية عبقرية) .

مشكلتنا يا جماعة اننا ساعات بنخلى وجهة نظرنا الفردية أساس لابد ان يقيس عليه الجميع بس ده مش دايما صح .. لو انتى اتجوزتى عن طريق معارفك ، ممكن يكون غيرك اتجوز عن طريق موقع زى ده و انا بتكلم عن تجربة واحدة صاحبتى ربنا وفقها فعلا و زواجها كلل بالنجاح بفضل الله .. يبقى لو فيه فرصة و لو 50% انى الاقى شريك حياتى على موقع زى ده (موقع يقوم على الأحترام و الخصوصية) يبقى ليه أسيب الفرصة ديه ، و لو جربت ايه اللى هاخسره ؟
Smile
الرجوع الى أعلى الصفحة اذهب الى الأسفل
فتاة القران



تاريخ التسجيل : 14/03/2009

مُساهمةموضوع: رد: عايزة تتجوزى ؟ :)   الأربعاء 22 أبريل 2009, 9:44 am

انا فعلا هجرب بس على سبيل الفضول مش اكتر وانا من اشد المعارضين لهذه الزيجات
بس انا هجرب واقولك على النتيجة.....نسيت اقولك انى رافضة الجواز فى الوقت الراهن خاااااالص
الرجوع الى أعلى الصفحة اذهب الى الأسفل
اسراء



الموقع : في ستر من الله وعفوه
تاريخ التسجيل : 20/03/2009

مُساهمةموضوع: رد: عايزة تتجوزى ؟ :)   الأربعاء 22 أبريل 2009, 12:47 pm

ياحبيبه قلبي انتي وهيا انت بتدوري علي شريك حياتك ليه نصيبك هايجيلك لغايه عندك وانت مستريحه ليه لانه اتكتبلك في القدر قبل ماتيجي الدنيا دي يعني مهما نلف ونعمل ماهنخدش غير قدرنا يبقي نؤمن بيه ومانستعجلش عليه وبعدين بدل لما تدوري علي حد يكون مناسب ماتدعي ربنا اللي بيده كل شيء ان يرزقك الزوج الصالح دا الدعاء عباده ويستجاب للعبد للانسان طالما ماستعجلش وخلي املك في ربنا كبيييييييييييييييييييييييييييير انه هايرزقك انسان صالح وثقي في الله لان ربنا قال انا عند ظن عبدي بي واحسن حاجه في كليتنا انها بنات بس والله دي نعمه مش حاسين بيها وهو يعني كل اللي بيعرفو بعض قبل مايتزوجو بتكون زواجهم ناجح وكل واحد اكيد مابيظهرش علي طبيعته اكتر غير بعد الزواج لان قبله بنحاول نبين الحلو فينا ونخفي عيوبنا والرسول صلي الله عليه وسلم قال اذا جاءكم من ترضون دينه وخلقه فزوجوه يعني العريس اللي جايلك عن طريق بمعارفك اسألي عليه كويس اوي وان لاقيتي فيه الحاجتين دول صلي صلاة استخاره وتوكلي علي الله
وفي حاجه دلوأت اي شاب جاهز وانسان كويس يقدر يفتح بيت ويشيل المسؤليه مابيستناش جوازالنت يعني البنات كتير وهايروح للي تناسبه
وشكرا ياميره علي موضوعك بس ياريت نفكر في الكلام اللي قولته
الرجوع الى أعلى الصفحة اذهب الى الأسفل
http://www.way2allah.com/
طارق خالد



الموقع : عش الحب
تاريخ التسجيل : 07/03/2009

مُساهمةموضوع: رد: عايزة تتجوزى ؟ :)   الأربعاء 22 أبريل 2009, 12:59 pm

انا معاكى يا اسراء فى كل كلمه قولتيها
فعلا عندك حق معلش يا اميره انا مش مقتنعه
الرجوع الى أعلى الصفحة اذهب الى الأسفل
ايمانو



تاريخ التسجيل : 22/04/2009

مُساهمةموضوع: رد: عايزة تتجوزى ؟ :)   الأربعاء 22 أبريل 2009, 9:07 pm

بجد يا اميره الفكره عجبانى و حساها جديده انك مش مجرد ان شريك حياتك هو اللى يختارك لا ده انتى كمان اللى تختاريه بنفسك وعلى فكرة واحده صحبتى قالتلى على موقع قبول ده قبل كده وواضح انه فعلا موقع محترم .
وجزاك الله خيرا على انك عايزة تساعدى البنات Smile Smile
الرجوع الى أعلى الصفحة اذهب الى الأسفل
ميرو



تاريخ التسجيل : 27/02/2009

مُساهمةموضوع: رد: عايزة تتجوزى ؟ :)   الأربعاء 22 أبريل 2009, 9:55 pm

بصوا يا جماعة اغلب الناس ضد الفكرة دى و حتى الاهل مش يرضوا بالفكرة دى
[b]
الرجوع الى أعلى الصفحة اذهب الى الأسفل
eman we safy



تاريخ التسجيل : 17/03/2009

مُساهمةموضوع: رد: عايزة تتجوزى ؟ :)   الخميس 23 أبريل 2009, 12:43 am

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لا تعليق كله فى الفاضى بصراحه
الرجوع الى أعلى الصفحة اذهب الى الأسفل
عاشقه الطفوله



تاريخ التسجيل : 04/02/2009

مُساهمةموضوع: رد: عايزة تتجوزى ؟ :)   الخميس 23 أبريل 2009, 12:55 am

وفي حاجه دلوأت اي شاب جاهز وانسان كويس يقدر يفتح بيت ويشيل المسؤليه مابيستناش جوازالنت يعني البنات كتير وهايروح للي تناسبه [/quote]والله هو ده اللى عايزه ااقوله وبعدين يا اميره حسيتك زعلانه من اراء البنات انت طرحت موضوع للمناقشه كل واحده تقول رايها ربنا يوفقك يا اميره لما يحب ويرضى
الرجوع الى أعلى الصفحة اذهب الى الأسفل
barbi



تاريخ التسجيل : 04/04/2009

مُساهمةموضوع: رد: عايزة تتجوزى ؟ :)   الخميس 23 أبريل 2009, 1:28 am

ايه الهبل ده يا جماعه الى كتبه ربنا حيكون وامنا بالله وبقدره والى تجرب وتنجح تقولى عريسها المصون اشترها على كام اصل ده كده بيع وشرى
الرجوع الى أعلى الصفحة اذهب الى الأسفل
توتة



تاريخ التسجيل : 27/01/2009

مُساهمةموضوع: رد: عايزة تتجوزى ؟ :)   الخميس 23 أبريل 2009, 2:13 am

بصوا يابنات اميرة اكيد معملتش كده من فراغ ومعاها حق طبعا لان دلوقتي تقريبا الجواز يعتبر قليل
بس انا عايزة اوصلك حاجة مش كل اللي في كليات مختلطه اتجوزا من بعض يعني رغم ان الجامعه مليااااااااااانه شباب وبنات لكن صدقيني في الاخر محدش بيجتوز التاني والحالات اللي بتحصل بتكون قليله جدا يعني مش شرط تتجوزي من الجامعه وزي ماقالو ده نصيبك هيجيلك حتي لو في صندوق ومقفول عليكي
انتي عندك حق ان الواحد لازم يجرب الجديد بس للاسف الكلام ده مش عندنا يابنتي هنا لان حتي لو فيه واحد محترم في 10وحشين وهتلاقي شباب كتير تقول وماله مانجرب اي واحده نتعرف عليها ونرسم الدور ونعيش يومين تضمني بقي منين الحد ده
وفيه حاجه كمان عايزاكي تحطيها في دماغك ودي عن تجربة شخصية اول مشكله ممكن تقعوا فيها وتختلفوا هيقلك دنا عرفتك من النت لو استحملتيها خلاص يبقي كملي
الجواز دلوقتي مبقاش له اي مقااايس يعني لو خرجتي يقولولك منتي بتخرجي كتير وهنا وهنا عشان كده محدش بيتقدم ولو قعدتي في البيت يقلوليك ماهو الناس هتشوفك فين
الخلاصة انه نصيبك هيصيبك
الرجوع الى أعلى الصفحة اذهب الى الأسفل
أميرة



تاريخ التسجيل : 21/04/2009

مُساهمةموضوع: رد: عايزة تتجوزى ؟ :)   الخميس 23 أبريل 2009, 3:36 pm

واااو ده الموضوع شكله سخن قوى يا جماعة ..... اممممممممممم
طب قولولي فى مصر أيام ما كانت البنات بيلبسوا البرقع كان ممكن حد يتخيل ان هيجى يوم تسوق فيه البنات العربيات ؟!

طب حد كان ممكن يتخيل ساعتها ان البنات هيسوقوا طيارات كمان ؟ ( كنت فى رحلة قادمة من السعودية و الكابتن كان واحده ست مصرية !)

طب حتى اللحظة ديه لسة فى السعودية مانعين سواقة الستات و البنات للعربيات و ان البنت هناك تسوق عربية ده شىء عيب و مش مقبول و هيقابله اعتراض كبير من الأسرة ؟!

أى حاجه فى أولها لازم تلاقى معارضة أحيانا بتكون شرسة .. أيوة بتكلم بجد الأنسان بيخاف من التغيير .. لو فى شركة ما الموظفين خدوا انهم يشتغلوا على برنامج حسابات معين على الكمبيوتر من حوالى 5 سنين مثلا لو جيت تقولهم هنجبلكم برنامج جديد أحدث و حتى أسهل هتلاقيهم بيرفضوا و بشده ! و هيتحججوا بألف حجة و ده فعلا عن تجربة حصلت مع ناس أعرفهم
يبقى نستنتج ان الأنسان بيقاوم التغيير بطبعه و للأسف فيه فكرة سيئة الناس واخداها على النت بصورة عامة غالبا بتيجى عن عدم فهم دقيق لأستخداماته .

يعنى انا حاسه ان لو واحده فيكم بقا كده اتعرفت على بنت تانيه عن طريق النت و راحت قالت لوالدها ممكن يبتدى يشك ان البنت اللى على النت ديه بنت مش كويسه لا سمح الله ولا حاجه و يمكن تكونى اتعرفتى عليها حتى فى موقع الكلية ده ؟
ناس هتقولى لا اصل موقع الكليه ده موثوق في الناس اللى فيه و كلهم من الكلية و تبع جامعة القاهرة !!
و انا هارد و اقول الموقع زى اى موقع و بيسمح لأى حد انه يشترك فيه حتى لو هو من خارج الكلية يبقى ازاى الشخص ده أكيد موثوق فيه ؟؟!!

نفس النظرية على موقع الزواج ده بل بالعكس بيديلك فرصة تكتشف اللى قدامك أكتر و اكتر و من خلال اجاباته بتعرفه اذا كان ذكى ولا غبى بيلعب و يضيع وقت ولا انسان جاد و بعدين بعد ما بتلاقى الشاب اللى انتى عايزاه مش بيتفتح الأتصال على طول لا ده لازم الأول تشحنى فى الموقع بكارت فودافون بقيمة 25 جنيه كوسيلة تخلى اللى بيلعب ينسحب لو لاقى الموضوع فيه فلوس و بعدين انا مصرة ان الموضوع ده لو اتعمل فى وجود رقابة من الأم مثلا انها تكون قاعده جنب البنت و تساعدها فى اختيار شريك حياتها اكيد خبرة و وجود الأم هيمنعوا ان البنت تقع فى حد بيتسلى .. و تانى بكررها انا متأكده ان كل اللى أدى حكم متسرع على الموقع محاولش يجرب يدخل على الموقع و حتى منغير ما تسجلى فيه ممكن تبدأى البحث على طول عشان بس تشوفى أمثلة الشباب الموجودين ..

انا مؤمنه ان الواحد نصيبه هيجيله بإذن الله بس ايه رأيكم لو نسبب الأسباب و ممكن يكون ده الطريق اللى مكتوب لواحده فينا بالفعل فى قدرها عشان تلاقى شريك حياتها ..
مش يمكن القدر هو اللى خلانى أصلا اكتب الموضوع ده عشان واحده تدخل على الموضوع و تقراه و حتى منغير ما تبدى اى تعليق هتروح و تسجل فى الموقع و تكون كده عملت اول خطوة فى سبيل سعادتها ؟ مش يمكن كلامى يكون صحيح ؟

كلام اللى قدامى ممكن يكون خطأ يحتمل الصواب و كلامى ممكن يكون صح يحتمل الخطأ
!it 's just a chance take it or.. leave it Smile
الرجوع الى أعلى الصفحة اذهب الى الأسفل
أميرة



تاريخ التسجيل : 21/04/2009

مُساهمةموضوع: رد: عايزة تتجوزى ؟ :)   الجمعة 24 أبريل 2009, 5:57 am

خبر جديد يا جماعة واضح ان الأقبال على موقع الزواج "قبول" كان عالى جدا لدرجة ان الموقع وقع و ديه أول مرة تحصل و لقيت بدل الموقع الرسالة ديه :
-----------------------------------------------------------------------------
Kobool.com is temporary down for maintenance and would be up soon. Please come back shortly

موقع قبول معطل بصورة مؤقتة لإجراء بعض الصيانة عليه. فضلا عاود الزيارة بعد قليل
-----------------------------------------------------------------------------
مما يعنى ان فيه بنات كتتير من كليتنا حاولوا يزورو الموقع و ده خبر أكيد يسعدنى Smile
الرجوع الى أعلى الصفحة اذهب الى الأسفل
pondoaaa19



الموقع : فى بيت بحبة اوى اوى اوى
تاريخ التسجيل : 28/01/2009

مُساهمةموضوع: رد: عايزة تتجوزى ؟ :)   الجمعة 24 أبريل 2009, 6:16 am

انا قرات الموضوع من البداية وبصراحة معلشى يا اميرة انا برفض الطريقة دى خالصصصصصصصصصص ومش بقتنع بيها تماما وانا مع معظم البنات فعلا كل شئ نصيب
وكل انسان فى حياتة لية نصيبة وقصمتة محدش يزعل منى بس هو دة رائى
الرجوع الى أعلى الصفحة اذهب الى الأسفل
لؤلؤة الشرق



تاريخ التسجيل : 06/03/2009

مُساهمةموضوع: رد: عايزة تتجوزى ؟ :)   الخميس 22 أكتوبر 2009, 5:17 am

أنا بعتقد أن المرأة في الوضع دة سلعة بتاع على الملأ ودة انا مارضهوش ليا و لا لأحد من اخاوتي المسلمات
الرجوع الى أعلى الصفحة اذهب الى الأسفل
إيناس عبد الحميد (نوسة)



الموقع : شبرااااااااااااااااااااا
تاريخ التسجيل : 09/03/2009

مُساهمةموضوع: رد: عايزة تتجوزى ؟ :)   الثلاثاء 27 أكتوبر 2009, 12:25 am

انا ضد ضد ضد المواقع دى بصراحة بحسها اهانة للبنت اللى تدخل تدور على عريس اللى ليها نصيب فيه هو اللى هتخده وهى معززة مكرمة من غير ما هى اللى تروح تدور
الرجوع الى أعلى الصفحة اذهب الى الأسفل
معلمة صغيرة35



تاريخ التسجيل : 05/11/2009

مُساهمةموضوع: رد: عايزة تتجوزى ؟ :)   السبت 07 نوفمبر 2009, 5:06 am

السلام عليكم...
اولا يا اميرة شكرا على فكرتك لان فعلا احنا مظلومين بكليتنا ده والله..
بس واله العظيم لو العالم كله حاول يقنعنى ان شباب النت كويسين ما اقتنع مش عدم ثقه هما كويسين اه وفيهم محترمين اوك وانا معاكى وفيهم نااااااااس بتدور على جواز من النت علشاااااان ظروفها واسباب كتير عندهم كده
بس والله ابدا الشخص البتكلمية على النت هيكون مختلف تمام عن شخصيته الحقيقية لية ...
جربى كده يا اميرة وانت بتكلنى حد ع النت بعد ما تقفلى راجعى نفسك هل ده شخصيتك ما اقصدش مثلا عيوب فيكى لكن الطبيعى ان الانسان لما يكون شايف حد وجهها لوجهه غير لما يكون كلام فقط او كتابة الوضع مختلف تماما....
وربنا يوفقك ويوفقنا ويرزقنا بالزوج الصالح والذرية الصالحة...
بس اكيد مش من ع النت
الرجوع الى أعلى الصفحة اذهب الى الأسفل
 
عايزة تتجوزى ؟ :)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: