برنامج متكامل عن البشره ولا امينه شلبايه ولا......

كل اللي عندها سؤال يخص بشرتها ياريت تكتبلي نوع بشرتها ايه وهكتبلها الحل فورا
ولا تقولوا بقي امينه شلبايه ولا كلام فاضي بنات رياض اطفال اجمد اكييييييييييييييييييد
انا في الانتظار يا بنات

انا بشرتى دهنيةوحساسة واناكل اللى بستعمله هومنظف للبشرةواصحابى بيقوللى استعمل كريم واقى للبشرة علشان وشى مابيستحملش الشمس وياريت دردى عليا

بصي يانور اولا مدام بشرتك دهنيه يبقي بلاش تحطي عليها كريمات او مش اي كريم لان بشرتك بتفرز ماده دهنيه طول النهار وفي الليل كمان
اولا لازم طبعا تستعملي منظف كويس للبشره
ثانيا اهتمي بالمسكات اللي بتشيل الدهون من البشره عشان اكيد بيطلعلك حبوب
وانا هكتبلك بعض الماسكات دي:خلطة لتنظيف البشرة الدهنية:
-----------------------------------
المقادير: حليب+للوز
الطريقة: قومي بخلط المقادير ثم قومي بتبليل القطنه بالسائل وامسحي بها بشرتك واستخدمي رؤوس أصابعك لإزالة ما يعلق بالبشرة من شوائب
ولوشايفه ان ده صعب عليكي في واحد اسهل شويه
خلطة الملح و الثلج لتنظيف البشرة:
--------------------------------------------
المقادير: مقدار ملعقة ك من : (ملح+ الليمون+ماء الورد)+4- قطع صغيره جدا ثلج
الطريقة: قومي بخلط المقادير وضعيها على الوجه لمدة ربع ساعة ثم قومي بشطفه بالماء
ودي كمان سهله جدااا وانا بعملها
خلطة النشا والعسل لتنظيف البشرة:
-----------------------------------------
المقادير: ملعقة حليب2+مقدار1- ملعقة من: (عسل+ نشا)
الطريقة: قومي بخلط جميع المقادير ثم قومي بوضعها على الوجه

بس برضه متنسيش يا نور انك لازم تحمي بشرتك مش الشمس بsun bluck
يكون كويس لان الشمس بتظهر الدهون
يارب تكون اجابتي ساعدتك ولو بجزء بسيط
واتمني ردك بعد ماتشوفي النتائج
سلام

انا متشكرة جدا يامانجا على ردك وان شاء الله هعمل بنصحتك

الاول كنت خايفة من الطريقة بس بعد كده النتيجة كانت هايلة ويسلموااااااااااااااااااااااااااااااااااااااااااااااا
الايادى يا مانجا

بصى أنا بشرتى بتتأثر أوى من الشمس وبتسمر وهى عادية لو تعرفى ماسك لتفتيح البشرة بس ياريت يكون بسرعه قبل ما ارجع الكليه علشان الأمتحانات

اولا شكرا لمجهودك معانا
ثانيا انا بشرتي جافة ومش بستعمل اي حاجة غير المنظف و كريم مرطب ومش بحط اي حاجة في وشي عاوزة اعرف المفروض اللي اعملة

شكرا ليكي يا angel ومعلش اني اتاخرت في الرد عشان الامتحانات وانتي عارفه
وبالنسبه لبشرتك الجافه هي اكيد محتاجه عنايه دائمه وطبعا محتاجه منظف كويس بس ياريت مش دايما او مش كل يوم عشان بشرتك كده ممكن تقشر كتير
وثانيا المرطبات حلوه ليكي قوي بس بليل يعني حاولي كل يوم قبل متنامي تستخدمي اي كريم مرطب ده هيخلي بشرتك طول اليوم صحيه وجميله لان بجد البشره دي افضل من البشره الدهنيه بكتير وكمان سهل التعامل معاها
وبعدين الاجازه جايه بقي ابقثي اعملي ماسكات ترطيب للبشره وانا هقولك كام نوع كده للترطيب والتغذيه
بصي ياستي

على فكره مفيش اسهل من ترطيب البشره الجافه بس احنا الا بنكسل ...صح
فى طرق كتييييييييير للترطيب ممتد المفعول هتقوللى طبعا زى ايه....؟
انا اقول لك
فى مثلا الذبادى مع العسل
وفى زيت الزيتون (على فكره ليه فوائد كتير للبشره)
وفى كمان شرائح الخيار ودى ليها مفعول ساحر للهلات السوداء تحت العين
ممكن تعملى منهم مسكات انتى هتشعرى بتاثيرها الجميل على الوجه الاجمل
بس كده
جربيى وقوللى
وكمان الماسك ده مفيد جداااا
قناع لنعومة وشد البشرة


هذا القناع ممتاز يجعل البشره مشدوده وينعمها وهو يستعمل مرتان بالأسبوع .

مكوناته :

ملعقة صغيره عسل + ملعقة صغيره زبادي + بياض بيضه .

أخلطيها وادهني بها وجهك من أسفل إلى أعلى ومن الوسط إلى الجوانب ثم تترك حتى ينشف ثم يشطف الوجه بالماء .

بتلاحظي النتيجة من أول مره تعمليه
جربي وقوليلي اوعي تنسي
سلااااااااااااااااااااااااااام.

وكمان الماسكات دي لشيماء شحاته لتفتيح البشره ومعلش يا شيماء اتاخرت عليكي مانتي كمان طالع عينك معانا
المهم خدي عندك ياستي ماسك بجد تحفه للتفتيح وهتلاقيه عندك في البيت

ماسك لتفتيح البشره سريع جدا


ممكن تعمليه وتخرجى بدون كريم اساس ولا بودر ضعى فقط كونسيلر حول عينك وباقى المكياج دون كريمات اساس


1 ملعقتين من العدس الاصفر المطحون جيدا جدا


2 ملعقتين لبن بودره مجفف

3 ماء ورد و ماء عادى


اخلطى المقادير كلها بحيث تكون عجينه لينه سهله الفرد على وجهك واتركيه نصف ساعه

ثم افركيه من الوجه واشطفيه بالماء
وانا كمان هعمل موضوع كامل عن التفتيح ياريت تشوفيه

شكرا ليكى يامانجة تسلم ايديكى