منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 قبل ما تشتري طرحه فكري؟؟؟؟؟؟؟؟؟؟؟؟؟؟ظ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
manga



الموقع : في بيتنا
تاريخ التسجيل : 02/02/2009

مُساهمةموضوع: قبل ما تشتري طرحه فكري؟؟؟؟؟؟؟؟؟؟؟؟؟؟ظ   الجمعة 01 مايو 2009, 2:41 pm

قبل ما تشتري فكري

علشان البنت تشتري طرحة كويسة يبقى لازم قبل ما تنزل تشتري تفكر وتعرف هي ناقصها إيه في الدولاب؟!..علشان كده بقول لكل بنت افتحي دولابك وشوفي عندك كام بادي وكام تي شيرت وكام بنطلون وإيه هي الألوان اللي أنت محتاجة لها، علشان لما تشتري تكون الحاجة اللي هتشتريها مناسبة للون اللبس اللي عندك....كمان لازم يكون في دولابك ألوان أساسية زي الأبيض والبني والرمادي والأسود والبيج لأن الألوان دي بتليق على كل اللبس.

كمان لو مش عارفة تجيبي نفس درجة اللون أو الخامة اللي أنت عايزاها يبقى لازم تلفي على أكتر من محل لغاية ما تلاقي اللي أنت عايزاه.

اختاري اللون المناسب لبشرتك

هنتكلم دلوقتي عن إزاي البنت تختار لون الطرح المناسبة للون بشرتها ودي المرحلة التالية بعد ما البنت تحدد اللي محتاجة له.. وفيه حاجة لازم ألفت نظرك إليها، وهي إنك ما تحطيش ماكياج صارخ وأنت نازلة تشتري الطرح علشان تقدري تختاري الطرح المناسبة ليكي، وكفاية إنك تكوني حاطة ماكياج خفيف، كمان حاولي تلبسي ألوان سادة وأنت رايحة تشتري الطرح أو الإيشاربات علشان تقدري تختاري اللي أنت عايزاه، وياريت بعد ما تختاري الخامة واللون اللي أنت عايزاه تحطي الإيشارب على وشك وتقفي قدام مرايات المحل وتشوفي إذا كان اللون مناسب للون بشرتك فعلا ولا لأ؟!

وبصفة خاصة بنلاقي...

إن أصحاب البشرة الخمرية بيليق عليهم الألوان الفاتحة والغامقة والوسط...

لكن البنات أصحاب البشرة البيضاء بيليق عليهم الألوان الغامقة زي الأسود والكحلي والأخضر والأحمر الغامق والذهبي الغامق... وطبعا مش بيليق عليهم الألوان الفاتحة زي الأبيض أو الأصفر الفاتح أو الرمادي الفاتح نهائي، لأن الألوان دي بتخلي الوش كله يبان كأنه شاحب، علشان كده بنلاقي إن البنات اللي بتلبس إيشاربات ألوانها فاتحة وبشرتها بيضاء بيحتاجوا يحطوا ماكياج كتير علشان بشرتهم ماتبانش مجهدة وشاحبة...

أما البنات أصحاب البشرة السمراء أو الداكنة فالحاجة المناسبة لهم هي الإيشاربات الفاتحة طبعا زي "الموف الفاتح"و"التركواز" و"الفوشيا" و"الأخضر الفاتح" ويفضل طبعا إنهم يحطوا ماكياج خفيف وما يحاولوش يفتحوا لون بشرتهم ويقتنعوا إن البشرة السمراء دي ميزة لأنها مابتعجزش بسرعة وما بيبانش فيها أي تجاعيد بسرعة.

السعر على حسب الخامة

كل خامة في الإيشاربات ولها ثمن محدد ومعروف، يعني مثلا ما ينفعش حد يقول لك إن القطن اللي فيه تطريز بأقل من 50 أو 60 جنيه وعلى فكرة القطن السادة بيبدأ من10 جنيه وبيوصل لغاية 30 جنيه، أما الشيفون فبيبدأ من 20 أو 30 أو 40 جنيه، ده في حالة لو فيه تطريز خفيف مش كتير، أما الطرح المكشكشة فدي بتكون في حدود 15 أو 20 جنيه بالكتير جدا ممكن توصل إلى 25 لو فيها تطريز، كمان التول مش غالي خالص فالمتر سعره حوالي 25 جنيه وسعر الطرحة الواحدة حوالي 5 جنيه، لكن الستان هو اللي بيبقى غالي شوية، هو والحرير. وفيه حرير بيوصل لـ90 أو 120 جنيه، وده ممكن تلاقيه في المحلات الكبيرة والمولات زي "جنينة مول" و"سيتي سنتر" و"سيتي ستارز".

أما بالنسبة للطرح اللي بتتلبس من تحت الطرح فبتكون أرخص بكتير من الإيشارب الأساسي، فممكن البندانة تبقى بـ2 أو 3 جنيه، وفيه حاجات كبيرة شوية بتوصل إلى 6 جنيه، وفيه أشكال كتيرة منها الشكل السوري والتركي والمصري، وعلى فكرة تمن الإيشارب الكبير بيبقى أغلى من البونيهات أو البندانات...
الرجوع الى أعلى الصفحة اذهب الى الأسفل
http://manga21.ahlamontada.com/
EMY



تاريخ التسجيل : 12/04/2009

مُساهمةموضوع: رد: قبل ما تشتري طرحه فكري؟؟؟؟؟؟؟؟؟؟؟؟؟؟ظ   الخميس 14 مايو 2009, 4:04 am

ماشاء الله عليك يامانجه كل موضوعات جميلة جدا ومفيدة . ربنا يخليك للمنتدى ياجميل
الموضوع بجد تحفة
الرجوع الى أعلى الصفحة اذهب الى الأسفل
manga



الموقع : في بيتنا
تاريخ التسجيل : 02/02/2009

مُساهمةموضوع: رد: قبل ما تشتري طرحه فكري؟؟؟؟؟؟؟؟؟؟؟؟؟؟ظ   الخميس 14 مايو 2009, 12:52 pm

مرسي ليكي يا ايمي بجد والله انتو اللي بتشجعوني علي كده وبجد كمان ده لاني بحب كل بنات المنتدي وبالذات اللي اسمهم ايمان زيي يعني
الرجوع الى أعلى الصفحة اذهب الى الأسفل
http://manga21.ahlamontada.com/
EMY



تاريخ التسجيل : 12/04/2009

مُساهمةموضوع: رد: قبل ما تشتري طرحه فكري؟؟؟؟؟؟؟؟؟؟؟؟؟؟ظ   الأحد 17 مايو 2009, 5:22 am

شكرا ليكى انت ياجميل على المعلومات المفيدة الا بتقدميها لينا...ودى بجد والله مش مجاملة
الرجوع الى أعلى الصفحة اذهب الى الأسفل
 
قبل ما تشتري طرحه فكري؟؟؟؟؟؟؟؟؟؟؟؟؟؟ظ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: