منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 لفات طرح جديدة للوش الصغير والكبير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
امونة



تاريخ التسجيل : 08/02/2009

مُساهمةموضوع: لفات طرح جديدة للوش الصغير والكبير   الخميس 11 يونيو 2009, 1:16 am

الربطة الأولى
في الربطة دي هنستخدم اللون البيج اللي فيه لمعة بسيطة وعلى فكرة الربطة دي تنفع الصبح وبالليل لو عندك خروجة مهمة أو حفلة خطوبة. وعلى فكرة لون الإيشارب ده بيليق مع جميع ألوان البشرة.
هنربط الطرحة إسبانيش عادي وبعد كده ناخد جزء منها ونربطه من فوق زي الشينيو...



بعد كده نحط عليها الطرحة المنقوشة، هنمسك الطرحة المنقوشة ونربطها بحيث إننا نداري منطقة الرقبة، هناخد الجزء الصغير من الطرحة البيج اللي كان موجود عندنا في الخلف ونجيب جزء صغير من الطرحة المنقوشة ونربطهم مع بعض من على جنب على شكل وردة، وده عن طريق إننا نكشكشهم بالدبوس بالراحة



على فكرة الربطة دي اسمها الربطة التركي ودي بتليق على الوش الطويل والجبهة الكبيرة.



الربطة الثانية
هنستخدم فيها برضه لونين؛ اللون الأول هو الأسود وهنربطه من الأمام بدبوس من تحت الرقبة، بعدين نربط عليها التركواز من الأمام برضه من تحت الرقبة، وناخد بالنا إننا نسيب حتة طويلة وحتة قصيرة في كل طرحة، ونحاول نبين الطرحة اللي لونها أسود من الأمام بحيث إنها تبان كأنها بندانة... بعد كده ناخد الطرف الكبير من الإيشارب الأسود ونلفه من فوق ونربطه من ناحية الشمال بدبوس علشان يعمل علو للطرحة وما تبقاش مبططة على الوش



بعد كده بنلف الطرف الكبير من الإيشارب التركواز بنفس الطريقة اللي لفينا بيها الإيشارب الأسود وناخد بالنا إننا نبين جزء من الإيشارب الأسود من فوق زي ما موجود في الصورة...بعد كده بناخد الطرف القصير في الإيشارب الأسود والتركواز ونربطهم باستخدام الدبوس على شكل وردة من على جنب

ده الشكل النهائي وعلى فكرة اللفة دي ممكن نعملها كمان لبنت وشها صغير بس في الحالة دي ما نستخدمش الإيشارب الأسود اللي تحت






الربطة الأولى
أول ربطة معانا النهارده ربطة بسيطة جدا تنفع للصبح، وهي عبارة عن إيشاربين قطن بلونين مختلفين ومناسبين لبعض ربطنا الأول إسبانش ربطة عادية خالص ومن فوقه الإيشارب التاني... وسيبنا الطرف الطويل على جنب، ولفينا الطرف القصر على الشعر من وراء والطرف الكبير ربطناه من على جنب بدبوس بطريقة بسيطة.




في الربطة دي هنستخدم الطرحة الزيتي اللي استخدمناها في الربطة الأولى وبعد كده نحط عليها الأورنج ونخلي حتة من الزيتي تبان من الأمام ونربطها من وراء، هنمسك الطرف الطويل من الطرحة الزيتي ونجيبه إلى الأمام على الناحية التانية بحيث إننا نداري بيه الرقبة زي ما في الصورة كده



بعد كده بناخد الطرف الطويل للطرحة الأورنج ونلفه على الشعر من فوق زي ما أنا ماسكاها في الصورة كده وبنثبتها من على جنب باستخدام الدبابيس وعلى فكرة الطرحة الثانية في اللفة دي لازم يكون فيها شغل بسيط علشان يبان من على جنب.



ده الشكل النهائي زي ما إحنا شايفين كده الوش باين وجميل.




الرجوع الى أعلى الصفحة اذهب الى الأسفل
EMY



تاريخ التسجيل : 12/04/2009

مُساهمةموضوع: رد: لفات طرح جديدة للوش الصغير والكبير   الخميس 11 يونيو 2009, 3:02 am

شكررررررررررا ليكى
كلهم تحفة
الرجوع الى أعلى الصفحة اذهب الى الأسفل
لؤلؤة



تاريخ التسجيل : 09/03/2009

مُساهمةموضوع: رد: لفات طرح جديدة للوش الصغير والكبير   السبت 13 يونيو 2009, 1:28 am

ميرسى كتير ليكى
الرجوع الى أعلى الصفحة اذهب الى الأسفل
اسراء



الموقع : في ستر من الله وعفوه
تاريخ التسجيل : 20/03/2009

مُساهمةموضوع: رد: لفات طرح جديدة للوش الصغير والكبير   السبت 13 يونيو 2009, 1:45 am



تسلمي ياقمر واللفه الاخرانيه روعه
الرجوع الى أعلى الصفحة اذهب الى الأسفل
http://www.way2allah.com/
zandy



الموقع : بايتين في الكية
تاريخ التسجيل : 18/03/2009

مُساهمةموضوع: رد: لفات طرح جديدة للوش الصغير والكبير   السبت 13 يونيو 2009, 7:28 pm

تسلم ايديكي بجد جماااااااااااااال اوي
الرجوع الى أعلى الصفحة اذهب الى الأسفل
 
لفات طرح جديدة للوش الصغير والكبير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: