منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 $"هو الحـ ده ــب"$

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
امونة



تاريخ التسجيل : 08/02/2009

مُساهمةموضوع: $"هو الحـ ده ــب"$   السبت 13 يونيو 2009, 3:26 pm

Ihis is thelove
الحب
الله على الكلمة دى!!
جميلة..رقيقة..حساسه..
صادقة..بريئة..
ماحدش قدر يعرٌف الحب
الا انه حب!!
اذا كنت عايزة تعرفى يعنى ايه حب؟؟
تعالى نعمل التجربة البسيطة دى مع بعض
غمضى عينك(بعد ما تخلصى قراءة طبعا!)
اسرحى شوية!!كمان..كمان..شوية كمان..بس كدا كفاية لحسن الغزالة تسرح..هههه
استحضرى صورة واحدة انت بتحبيها قوى،فكرى فيها..
مثلا مثلا..واحده صاحبتك بتفضفضلها مشاكلك وهمومك ..بتحسى انك لما بتكلميها بترتاحى بعد ما بتكونى حاسة ان الدنيا كلها فوق دماغك ..
بتخرجوا مع بعض..
بتاكلوا مع بعض..
عارفة اهلها وعارفينك..
جدعة جدا معاكى..
السؤال بــــــــــــــقى:
اذا غابت عنك كام يوم بعد ما كنتى بتشوفيها كل يوم
هتحسى بايه؟!!وحشتك اوى ..مش كده؟!!.........
"هــــو ده الحــــــب"
ها ادينى سهلتها عليكى..جربى لوحدك المرة دى اقعدى وافتكى
لما كنتى تعبانه..
نايمه فى السرير..
سخنة وبتكحى وحالتك صعبة!!
وبتقولى ااااااااااااه..
مفيش حد جنبك غير امك طبعا..
قاعدة بتنام على
(يا رب اشفيلى بنتى)
نفسك تقولى ايه ساعتها؟؟؟!!!
"هـــو ده الحـــب"
معلش جربى تانى ..........
وانتى بتقلبى فى التليفزيون..
لقيتى واحد نازل يشتم فى دينك ونبيك وبيقول كذا وكذا،وانتى عارفه انه كذاب..
نفسك تعملى ايه وقتها؟تاكليه مش كدا!!
عشان بتغير على دينك او....بتحبة....
"هــــو ده الحــــب"
ماشية فى الشارع..لقيتى واحد او واحده فى الارد بتدور على حاجة تاكلها..صعب عليكى المنظر؟؟قمتى حطيتى ايدك فى شنطتك وادتيها اللى قدرتى عليه
زطيبتى خاطرها بكلمه حلوه..
بتحبى تعملى خير والحمد لله..
"هـــو ده الحـــب"
بتحبى امك ،بتحبى ابوكى ،بتحبى اختك واخوكى؟!!
"هـــو ده الحـــب"
بتحبى بيتك ،بتحبى الشارع بتاعك ،بتحبى بلدك رغم كل حاجة ونفسك انها تتصلح وتبقى احسن بلد فى الدنيا؟!!...
"هـــو ده الحـــب"
وطبعا طبعا وقبل كل ده بتحبى ربك،وبتحبى رسولك،(صلى الله عليه وسلم)
وهو ده الحب الاكبر!!
"هــو ده الحــب"
معرفناش نكتبله تعريف!!
الا انه حاجة متتكتبش!!
الحب احساس جميل..ما يتوصفش
هتسالينى طبعا:بعد الكلام الحلو اللى قولتيه ده،امال الحب اللى الناس كلها بتتكلم عليه ده يبقى ايه؟

للاسف اكتر كلمة اهينت واهين معناها السامى هى كلمة الحب ،باختصار اللى بنشوفه فى الافلام والمسلسلات وللاسف فى الجامعة والشارع مش حب ابدا ده بالعربى كدا استظراف-تسلية- تضييع وقت- ضحك على بنات الناس..اى حاجه زى كدا
معظم هذه الحالات التى يحسب اصحابها انهم يحبون لا تنتهى بالزواج وده معناه تاثير نفسى كبير على الطرفين وللاسف التاثير ده بيستمر حتى بعد ما كل واحد من الطرفيت يتجوز.
اليك هذين المشهدين الحقيقيين:
مشهد رقم1:
المكان :
احدى الكليات(جامعة)

البنت:احنا خلاص قربنا نخلص الترم التانى ودى اخر سنة والحمد لله،واظن يا(....)ان الوقت مناسب انك تتقدم لبابا
الولد:نعم..اه..بس...
البنت:بس ايه؟
الولد:بصراحة كده انا مش جاهز خالص انا اساسا لسه هدخل الجيش وبعدين يا عالم انا هاشتغل امتى ولسه هحوش، بصراحة كده يا(....)انا مش عايزك تتبهدلى معايا شوفى طريقك
البنت: يعنى الاربع سنين اللى فاتو دول ضاعوا و....
الولد:بصى بقى من الاخر انا ماتجوزش واحده بتمشى مع شباب.....مع السلامة


مشهد يتكرر كثيرا واليكى هذا المشهد المشابه

مشهد رقم2:
المكان :
نفس المكان السابق

الولد:انشاء الله يا(.....)اول ما النتيجة طلع واتخرج هتقدم لوالدك علطول يعنى هانت....
البنت:بصراحة يا(.....)انا متقدملى عريس لقطة
الولد انتى بتقولى ايه؟
البنت:خلينا عمليين يا(....)انت لسة هتدور على شغل، امتى بقى هتجمع فلوس الجهاز والشبكة بصراحة احنا مش لبعض ...مع السلامة.

للاسف المشاهد دى حقيقية ومتكررة جدا وشفناها كتير فى الجامعة وغير الجامعة هذا الحب الواهم ليس هبا طاهرا شريفا كما يقولون فانه ينال اول ما ينال من سمعة الفتاه واهلها




الرجوع الى أعلى الصفحة اذهب الى الأسفل
EMY



تاريخ التسجيل : 12/04/2009

مُساهمةموضوع: رد: $"هو الحـ ده ــب"$   الأحد 14 يونيو 2009, 1:24 am

فعلا انا معاكى ياجميل كلمة الحب دى فقدت معناها دلوقتى محدش قادر يحددمن كتر اللى بيسمعه هل الكلمة اللى بتقال دى كلمة حب بجد ولا تسلية والسلام...وفى النهاية لدينا حب قائم موثوق فيه هو
**حب الله عز وجل**..**وحب رسولنا الكريم..محمد ابن عبد الله**
شكرا ليكى ياامونة على الموضوع الجميل ده
الرجوع الى أعلى الصفحة اذهب الى الأسفل
لؤلؤة



تاريخ التسجيل : 09/03/2009

مُساهمةموضوع: رد: $"هو الحـ ده ــب"$   الأحد 14 يونيو 2009, 3:26 am

ميرسى كتييييير ليكى ياامونة موضوع رائع و بجد عندك حق بس لا يصح الا الصحيح لو كل بنت صانت نفسها وكرمتها مش ها تتعرض لان تكون تسلية و خلاص
الرجوع الى أعلى الصفحة اذهب الى الأسفل
اسراء



الموقع : في ستر من الله وعفوه
تاريخ التسجيل : 20/03/2009

مُساهمةموضوع: رد: $"هو الحـ ده ــب"$   الأحد 14 يونيو 2009, 6:37 pm

الموضوع اكتر من رائع
حلووووووووووووووجدااااااااااا
تسلميييييييي ياقمر


[center]
الرجوع الى أعلى الصفحة اذهب الى الأسفل
http://www.way2allah.com/
 
$"هو الحـ ده ــب"$
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» تخلي عن الشخصية القوية مؤقتاً.. ضعف الأنثي "طُعم" لاصطياد عريس "الغفلة"
» متى ينطق حرف c "سي ومتى ينطق ك"...
» ناصيف زيتون" في اول حوار مع "النشرة" بعد نيله لقب ستاراك 7
» هشام عبد الحميد يستكمل "بالشمع الأحمر"
» بالصور مرض شائع لمستخدمي الكمبيوتر " النفق الرسغي "

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: