موضوع: أرجوكم لا تمسكوا الخشب الثلاثاء 16 يونيو 2009, 3:03 am
كثيرا ما نقول لا لا لا امسك او امسكي الخشب عندما يقوم احد بالشكر فيك او يقول ايه ده كله معاكي فلوس كتتيير دلوقتي اعرفكم اصل الكلمة جه منين
أمسك الخشب ... Touch wood هل تعرف أصل عبارة (أمسك الخشب) إن الخشب أو الخشبة هي الصليب لأن كلمة الصليب باللغة القبطية هي "شى اثؤاف" وكلمة شى تعني (خشبة). فالصليب باللغة القبطية أسمه الخشبة المقدسة. فأمسك الخشبة بمعني أمسك الصليب وكلمة (الصليب) لا وجود لها باللغة القبطية غير كلمة الخشبة المقدسة. أما (استافروس هي تعني الصليب) فهي كلمة يونانية ...
السبب فى كتابة هذه الرسالة
انى كنت فى حوار مع زميلة انجليزية... وبعدين باقول لها : الشغل هادى النهارده.... قالت لى : تاتش وود..امسك الخشب يعنى.. وطبعا العبارة دى هم بيرددوها كتير زينا.. بس هى سألتنى: انتم عندكم اكيد بتقولوا حاجه بدلها... قلت لها: لأ..بنقولها هى هى... قالت لى : بتقولوا امسك الخشب برضه ؟ قلت لها: آه... قالت: المسلمين بيقولوا (امسك الخشب)؟؟؟؟ معقوله؟؟؟؟ استغربت انها مستغربة أوى كده... قالت لى: أصل الخشب ده المقصود بيه الصليب..خشب الصليب...
كانت اول مرة اعرف المعلومة دى فحبيت انقلها لكم لو ماكنتوش عارفينها..وبرجاء نشرها..علشان اللى مش عارف يعرف..بدل ما احنا طول النهار عمالين نغنى:
امسكوا الخشب يا حبايب..امسكوا الخشب.... لاحسن نتحسد يا حبايب...امسكوا الخشب...
" يا ريت نعرف أصل كل حاجه بنقولها...بدل ما احنا بنردد تراث الغير"
موضوع: أرجوكم لا تمسكوا الخشب 
