منتدى كلية رياض الأطفال
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةأحدث الصورالتسجيلدخول

 

 لو كنتي سنه اولي حجاب؟

اذهب الى الأسفل 
2 مشترك
كاتب الموضوعرسالة
manga

manga


الموقع : في بيتنا
تاريخ التسجيل : 02/02/2009

لو كنتي سنه اولي حجاب؟ Empty
مُساهمةموضوع: لو كنتي سنه اولي حجاب؟   لو كنتي سنه اولي حجاب؟ Emptyالجمعة 01 مايو 2009, 2:39 pm

لوكنت سنة أولى حجاب

دلوقتي عايزة أقول شوية نصائح للبنت اللي أول مرة تلبس حجاب.. وعلى فكرة النصائح دي برضه مفيدة لأي بنت محجبة...

-1-

ما تحاوليش تجيبي الطرح الصعبة زي الستان أو المكشكشة أو الحرير أو الطرح اللي فيها تطريز كتير لأن كل ما كانت الطرحة بسيطة وما فيهاش تطريز كتير هتكون أسهل في اللبس، وعلى فكرة القطن مناسب جدا هو والشيفون التقيل أسهل في الربط من أي طرحة تانية.

-2-

لو كنت بتشتكي إن الطرحة بتاخد منك وقت طويل في اللبس يبقى ممكن تلبسي بندانة قطن تحت الطرحة وده لأن البندانة هتساعدك إنك تربطي الطرحة بسرعة.
كمان خدي بالك إنك لو هتلبسي طرحة شفافة وهتبين شعرك من تحت يبقى المفروض تلبسي تحتها بونيه خفيف أو طرحة تانية قطن أو بندانة علشان تداري شعرك.

-3-

أنصح أي بنت لسه هتتحجب أو تلبس إيشارب جديد إنها تاخد بالها من لبسها لأن اللبس عليه عامل مهم جدا في اختيار الإيشارب، فمينفعش تلبسي ضيق من تحت وتكوني محجبة لأن بكده هتكوني منتقدة أوي، وياريت قبل ماتتحجبي تظبطي لبسك وتجيبي هدوم واسعة مناسبة للحجاب.

-4-

اوعي تلبسي طرح فيها تطريز وحاجات بتلمع كتير وأنت رايحة الجامعة أو الشغل الصبح، لأن ده شيء مرفوض تماما ومش مناسب للجامعة أو للشغل وبيقلل من شياكتك.

-5-

دلوقتي انتشرت الإسدالات السوداء. بصراحة أنا مش بفضل شكلها لأنها مابتديش شياكة، بالإضافة إلى إن الإسدال بيترب من الأطراف بسرعة. علشان كده بانصح البنات اللي عايزين يلبسوا لبس إسلامي واسع إنهم يلبسوا عبايات واسعة يكون فيها نفس مواصفات الإسدال، يعني ما تكونش ضيقة من عند الصدر أو الوسط ومش قصيرة، وأنا بفضل العبايات السعودية اللي شكل الفراشة لأنها بتكون ممسوكة من عند الأكمام وبتكون واسعة من عند الإيد.

-6-

لو كان وشك صغير ومش عارفة تربطي الطرحة إزاي؟! فقدامك أكتر من حل علشان وشك يبان من الطرحة...

أولا: ممكن تروحي عند أي مركز تجميل متخصص علشان يعمل لك عملية إزالة للشعر الموجود في منطقة القورة بالفتلة أو بالتشقير بحيث إن منطقة الجبهة تكبر شوية.

ثانيا: حطي ماكياج خفيف بحيث يفتح منطقة الجبهة.

ثالثا: ماتجيبيش طرح كبيرة لأن كل ما كانت الطرحة متوسطة الطول أو صغيرة شوية هتخلي وشك طبيعي، وياريت تلبسي طرح فاتحة علشان تكبر منطقة الوش شوية.

رابعا: حاولي تبعدي في اختيارك عن الطرح الخفيفة اللي بتتزحلق زي الستان والحرير والشيفون الخفيف خصوصا لو كنت هتلبسيهم من غير بندانة.

خامسا: ممكن تربطي الطرحة بالطريقة العادية أو تعمليها إسبانش، بس في الوقت ده بتبقى البندانة من تحت وتربطي الإيشارب من ورا بدبوس، وبعد كده بتلفي الإيشارب من وراء حوالين شعرك زي الشينيو أكتر من مرة علشان كل ما كانت الطرحة كبيرة من وراء وشكلها ضخم هتدي شياكة وأناقة وشكل حلو للبنت اللي وشها صغير وبيكون شكلها زي الإسبان.

-7-

لكن لو كان وشك كبير يبقى خدي بالك من شوية الحاجات دي وأنت بتلفي الطرحة...

أولا: إن الطرح الإسبانش اللي جاية لوراء مش مناسبة ليك نهائي، وأفضل لفة ليكي هي اللفة العادية أو إنك تعمليها إسبانش وتجيبي طرف من الطرحة للأمام علشان تداري الرقبة أو الغدد اللي بتكون موجودة تحت الرقبة، ودي حاجة بتشتكي منها بنات كتير.

ثانيا: حاولي تصغري وشك باستخدام الماكياج زي مثلا إنك تستخدمي الروجاجو البيج الغامق علشان تحاولي تصغري وشك شوية.

ثالثا: ياريت تختاري طرح سادة أو يكون طرفها هو اللي منقوش أو فيها تطريز بسيط وابعدي نهائي عن الطرح اللي فيها نقوش كبيرة واللي فيها تطريز كتير لأن كل ده بيشد النظر إلى وشك وبيبين حجمه
الرجوع الى أعلى الصفحة اذهب الى الأسفل
http://manga21.ahlamontada.com/
beauty

beauty


الموقع : فى بلدى الحبيبه مصر
تاريخ التسجيل : 15/02/2009

لو كنتي سنه اولي حجاب؟ Empty
مُساهمةموضوع: رد: لو كنتي سنه اولي حجاب؟   لو كنتي سنه اولي حجاب؟ Emptyالجمعة 26 يونيو 2009, 3:15 am

فعلا فعلا فعلا مجهود رااااااااااااااااااااااااااااااااااائع يا منجا

تسلم ايديكى بجد flower
الرجوع الى أعلى الصفحة اذهب الى الأسفل
 
لو كنتي سنه اولي حجاب؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» يوميات عمر وسارة
» ايه اكتر مادة كنتى بتكريها وبتحبيها لما كنتي بالثانوية
» لا تتزوجي من هذا البرج؟ ادخلي واختاري شريك حياتك بس ده لو كنتي لسه؟
» تيجوا نعمل دورات من دلوقتي لطلبة اولي وتانية وتالته ورابعه

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: