منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 ربطات الحجاب وما يناسب وجهك(اسئله واجوبه)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
manga



الموقع : في بيتنا
تاريخ التسجيل : 02/02/2009

مُساهمةموضوع: ربطات الحجاب وما يناسب وجهك(اسئله واجوبه)   الأحد 28 يونيو 2009, 6:50 pm

فيه بنات كتير بتحب تلبس طرحة واحدة. تربطها ازاي؟
دي ليها أكتر من طريقة:

الطريقة الأولى:
تربطها عادي جدا من الخلف وبعدين تجيب الطرفين على قدام وتربطهم كأنهم زي (الإسكارف أو الكوفية) وتمسكهم بإكسسوار من النصف وممكن تلبس بندانة.


الطريقة التانية:
تربط الطرحة من الخلف وتجيب الأطراف لقدام على شكل حلزوني وتربط أطرافهم بإكسسوار أو شريطة.

طيب والبنات اللي بتحب تلبس أكتر من طرحتين.. الربطة تكون ازاي؟
تعمل طرحة واحدة عدلة وتطلع بواحدة كروس والثانية عدلة أو تلبس بندانة والطرحتين كروس، يعني تضعها بطريقة مائلة وتربطها من الخلف.. والطرحة الثانية تكون عكس الكروس الأول وتربطها بطريقة مائلة من الخلف وممكن تعمل كمان من الأطراف كروس عكس الكروسات الأولى.

البنت المصرية بتحب الربطة الخليجي.. تعملها ازاي؟
1 - تجيب بندانة وتلبسها كويس على رأسها.
2 - تجيب الطرحة وتلفها وتكون من الناحية اليمين قصيرة ومن الناحية الشمال طويلة.
3 - وتربطها بدبوس وتكون (مرحرحة).
4 - بعد كده تجيب الطرف الشمال وتلف الطرحة على الرأس بشكل طرفين.
5 - وبعد كده الناحية القصيرة تتركها على كتفها وتجيبها من الخلف إلى الأمام.


واللفات المغربي والهندي بتكون شكلها ازاي؟
اللفات دي بتكون غير ثابتة ولفها بيكون بطريقة عشوائية وتكون مطابقة لشكل العبايات لأن المغاربة بيحبوا يلبسوا عبايات وتكون خامة الطرحة نفس خامة العباية ويضعوا إكسسوار على الطرح وبيعملوا أكثر من لفة وينفشوها



Click this bar to view the full image.

الربطة المنفوشة أعملها ازاي؟
1 - أجيب طرحة وأربطها من الخلف إسبانش.
2 - الطرحة الثانية نجيبها لقدام.
3 - الطرحة الثالثة تكون منفوشة ونربط طرف منها على فوق والطرف الثاني على الكتف.
4 - الناحية العريضة نرفعها لقدام كأنه شال.

ما الألوان المتناسقة مع بعضها وتكون موضة؟
الفوشية مع الأحمر، والأورانج والبني، والموف مع الأصفر والتركواز.. وأنا في رأيي إن معظم الألوان تتناسب مع بعضها لكن المهم اختيار الدرجة.. يعني درجة معينة مع الأصفر ودرجة معينة مع التركواز وتداخل الألوان يحتاج تركيز ويعتمد على الإحساس الشخصي.

لو مش عاوزة ألبس الطرحة نفس لون البلوزة أعمل إيه؟
لو البلوزة أورانج مثلا ممكن ألبس طرحة زيتي أو بصلي أو أكثر من لون بس يكونوا مناسبين للون البلوزة


Click this bar to view the full image.

ازاي أنسق الإكسسوار مع الطرحة؟
يعني مثلا لو البلوزة صفراء ممكن ألبس طرحة تركواز والإكسسوار يكون تركواز أو تركواز في أصفر. ولو البلوزة زيتي ممكن الطرحة تكون صفراء والإكسسوار أصفر في زيتي، ولو البلوزة بيضاء فكل الألوان تتناسب معها، والإكسسوارات تكون ملونة ومتداخل فيها ألوان كثيرة..



اتمني ان الموضوع يكون عجبكم
الرجوع الى أعلى الصفحة اذهب الى الأسفل
http://manga21.ahlamontada.com/
لؤلؤة



تاريخ التسجيل : 09/03/2009

مُساهمةموضوع: رد: ربطات الحجاب وما يناسب وجهك(اسئله واجوبه)   الأحد 28 يونيو 2009, 11:21 pm

موضوع رااااااااائع بس كان نفسى يكون بالصور
تسلمى مانجة
الرجوع الى أعلى الصفحة اذهب الى الأسفل
لؤلؤة الشرق



تاريخ التسجيل : 06/03/2009

مُساهمةموضوع: رد: ربطات الحجاب وما يناسب وجهك(اسئله واجوبه)   الخميس 02 يوليو 2009, 6:27 am

فعلا بالصور هايكون أوضح بكتير بس .....................تسلم إيدك Smile
الرجوع الى أعلى الصفحة اذهب الى الأسفل
manga



الموقع : في بيتنا
تاريخ التسجيل : 02/02/2009

مُساهمةموضوع: رد: ربطات الحجاب وما يناسب وجهك(اسئله واجوبه)   الخميس 02 يوليو 2009, 6:32 am

معلش يابنات والله مش عرفت اجيبهم حاولوا بقي تخدوها بالشبه وبجد انا اسفه كان نفسي اكون عند حسن ظنكم بجد مدش يزعل مني وانا جيبت موضوع فيه صور لربطات طرح جديده ممكن تقارنوا بقي وبرضواااا اسفه جدااااااااااا
الرجوع الى أعلى الصفحة اذهب الى الأسفل
http://manga21.ahlamontada.com/
angel baby



الموقع : قلب حبيبى
تاريخ التسجيل : 19/03/2009

مُساهمةموضوع: رد: ربطات الحجاب وما يناسب وجهك(اسئله واجوبه)   الخميس 02 يوليو 2009, 8:04 am

تسلم ايديك

الموضوع برده مفيد حتى لو بالتخيل
الرجوع الى أعلى الصفحة اذهب الى الأسفل
manga



الموقع : في بيتنا
تاريخ التسجيل : 02/02/2009

مُساهمةموضوع: رد: ربطات الحجاب وما يناسب وجهك(اسئله واجوبه)   الخميس 02 يوليو 2009, 6:13 pm

هههههههههههههههه مرسي طبعا ليكي يا اجمل انجيل وانتي طبعا ام التخيل كله
واهو يابنات توسع قدرات التخيل عندنا شويه ولا ايييييييييييييييييه؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
http://manga21.ahlamontada.com/
 
ربطات الحجاب وما يناسب وجهك(اسئله واجوبه)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: