منتدى كلية رياض الأطفال
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةأحدث الصورالتسجيلدخول

 

 جمل كل البنات الانسات بتسمعهااااااااااا لحد ما زهقووا منها‏

اذهب الى الأسفل 
4 مشترك
كاتب الموضوعرسالة
dof3et 2006

dof3et 2006


تاريخ التسجيل : 09/06/2009

جمل كل البنات الانسات بتسمعهااااااااااا لحد ما زهقووا منها‏ Empty
مُساهمةموضوع: جمل كل البنات الانسات بتسمعهااااااااااا لحد ما زهقووا منها‏   جمل كل البنات الانسات بتسمعهااااااااااا لحد ما زهقووا منها‏ Emptyالخميس 16 يوليو 2009, 9:07 am

معظم البنات اللى لسه ما اتجوزتش أو مش عاوزة تتجوز بتسمع جمل مستفزة طول الوقت

و الجمل دى خلاص بقت عاملة زى الاسطمبات الواحدة بتتوقع تسمعها فى مواقف معينة بتفكرنى بشريط احمد حلمى فى فيلم ظرف طارق

يلا نبتدى


# عقبال التنجيدة الكبيرة
■■■■■■■■■■■■■■■■■


طبعاً بتسمعيها لو حبيتوا تعيدوا تنجدوا المراتب و المخدات فى البيت

و طبعاً كالمعتاد بيبقى مقر المنجد بير سلم بيتكم

يعنى اللى ما يشترى يتفرج . فاى حد لظيظ من الجيران معدى لازم يرميله الكلمة دى

_________________________________________________

# و اخرتها ؟
■■■■■■■■■■■■■■■■■

غالباً بتكون نابعة من الأهل اللى زهقوا منك و مش عارفين يتخلصوا منك بأى شكل

فبيطلع على شكل اقصر استفسار عرفته البشرية . ( و اخرتها ؟ )

_________________________________________________

# ما فيش حد كدا و لا كدا أو (ما فيش حد ينفع )
■■■■■■■■■■■■■■■■■■■■■■■■■■■■■■■■■■

دى بقى بتتقال لما تروحى شغل جديد او راجعة من فرح او طلعتى رحلة

بيكون اول سؤال يتوجهلك لما ترجعى و كانك كنتى رايحة الاماكن دى لهدف الزواج و مش حاجة تانية
_________________________________________________


# ما فيش حد كدا و لا كدا
■■■■■■■■■■■■■■■■■

تانى Smile

بس دى دايماً بقى من البنات جيرانك لو قابلوكى فى الشارع و مهما حاولتى تعملى مناورات عشان تتجاهليهم برضوا بيقدروا يوصلولك ( الغلس طول عمره حيفضل غلس )

و يبتدى الحوار كلاتى

و طبعاً بيبقى حوار من جهة واحدة لأنك ما بتلحقيش تردى و بتاخدى الجرعة ورا بعض و قبل ما تفوقى من الصدمة بتكون اللى ما تتسمى دى مشيت

الحوار :

عاملة ايه يا حبيبتشى
وحشانى
ما حدش بيشوفك ليه ؟

( تمسك ايدك و تبص فيه دبلة فى ايدك و لا لأ )

ما فيش جديد؟
ما فيش حاجة كدا و لا كدا ؟
هى الرجالة عميت ؟

معلش بكرة ربنا يعدلهالك

سلام بقى احسن انا متأخرة

( اللى يغيظ بقى ان الست هانم اللى رصتلك الجمل دى و را بعض بتكون سابقاكى فى السن و برضه ما تجوزتش )
_________________________________________________

# انتى ازاى ما اتجوزتيش لحد دلوقى
■■■■■■■■■■■■■■■■■
# لو كنت بس لحقتك قبل ما اخطب
■■■■■■■■■■■■■■■■■
# لو كنتى اصغر منى بس ؟
■■■■■■■■■■■■■■■■■
الرجالة عميو
■■■■■■■■■■■■■■■■■


الأربع جمل دوول بيتسمعوا من الشباب اللطيف الخفيف الظريف اللى معاكى فى الشغل . و كانهم خلاص لقطة بس خسارة واحدة غيرك فازت بيهم
و المفروض تندبى حظك انك ما شوفتهومش قبل كدا

ثم جملة الرجالة عمييو دى بتعصبنى موت بتحسيسنى كاننا جوارى و مستنين اللى حيشترينا

و ما حدش بيحط احتمال واحد فى المليون حتى ان البنت نفسها هى اللى مش عاوزة تتجوز و انها مش قاعدة حاطة ايديها على خدها لحد ما يجى حد يختارها
_________________________________________________

عقباااااااااااااااااااااااااااااااااااالك
■■■■■■■■■■■■■■■■■


طبعاً مش محتاجة تتفسر

بتتسمع منين ما روحتى

فرح - عيد ميلاد - حفلة نجاح - - حد كسب البوم بمبم ...................

_________________________________________________

كل سنة و انتى طيبة و السنة اللى جاية تكونى فى بيتك
■■■■■■■■■■■■■■■■■■■■■■■■■■■■■■■■■■


من المهنئين فى عيد ميلادك

ثم ايه تكونى فى بيتك دى؟

هو بيت اهلى مش بيتى ؟

يحسسوا ان الواحد قاعد فى دار مسمين او مركز ايتان


_________________________________________________

عقبال ما نفرح بيكى
■■■■■■■■■■■■■■■■■


كان ما فيش اى حاجة تستاهل الفرح غير جوازك

و اى انجازات انتى عملتيها فى حياتك سواء فى دراستك او شغلك
لا تستحق الفرح

و كأن الفرح مؤجل لحين حدوث الزواج

_________________________________________________

طيب لو فى حد قوليلنا
■■■■■■■■■■■■■■■■■

من الأهل و الاقارب لما يلاقوكى بترفضى كذا حد لسبب بسيط ان ما فيش قبول

او مش عاوزة تتجوزى

يبقى على طول ينزل الحكم بانك مرتبطة

__________________
_______________________________

يبقى انتى مستكترة نفسك . فاكرة نفسك السفيرة عزيزة
■■■■■■■■■■■■■■■■■


طبعاً الجملة دى من الاقارب لما تردى على الجملة السابقة ان ما فيش حد مرتبطة بيه

يقوموا يقولوك الجملة دى على طول


_________________________________________________

و اسيبها لمين دى ؟
■■■■■■■■■■■■■■■■■


من الأخ

اللى هو غالباً ما بيقاش هو كمان عاوز يتجوز و لما حد يسأله هو كمان مش ناوى تتجوز

بدل ما يوجع دماغها بيرميلك الكرة فى ملعبك

و كانك معاقة و ما تقدريش تعيشى حياتك من غير ما تعتمدى على راجل سواء اخ او زوج

يعنى افرضوا البنات اللى لسه ما تجوزوش و ما لهومش اخوات ولاد .يرحوا ينتحروا احسنلهم ؟

_________________________________________________

عانس
■■■■■■■■■■■■■■■■■


نفسى اعرف ليه ما بنقولش على الولد اللى كبر فى السن و لسه ما اتجوزيش انه عانس هو كمان

قمة الظلم من المجتمع ان

البنت اللى ما اتجوزتش تبقى عانس

الولد اللى ما اتجوزيش يبقى عازف عن الزواج

_________________________________________________

و اخيراً يا ريت المجتمع يسيب البنات دى فى حالها

الجواز عمره ما كان اول و لا اخر الدنيا

و عمره ما كان السعادة الوحيدة المطلقة فى الحياة

و البنت لازم تعيش حياتها و تفرح باى انجاز و متأجليش سعادتها لمجرد ان المجتمع حصر افكاره فى فكرة السعادة بالجواز فقط






منقوووووووووووووووووووووووووووووووووووووول
الرجوع الى أعلى الصفحة اذهب الى الأسفل
أطياف

أطياف


الموقع : غربتى المؤلمة
تاريخ التسجيل : 29/06/2009

جمل كل البنات الانسات بتسمعهااااااااااا لحد ما زهقووا منها‏ Empty
مُساهمةموضوع: رد: جمل كل البنات الانسات بتسمعهااااااااااا لحد ما زهقووا منها‏   جمل كل البنات الانسات بتسمعهااااااااااا لحد ما زهقووا منها‏ Emptyالخميس 16 يوليو 2009, 10:41 am

هههههههههههههههه
شكلك مضايقة أوى
تسلم إيدك
بس أحب أوضح معلومة
الولد إللى ميتجوزش اسمه عازب
عادى كل البنات بيتقال ليهم كده
جزاكى الله خيرا
الرجوع الى أعلى الصفحة اذهب الى الأسفل
إيناس عبد الحميد (نوسة)

إيناس عبد الحميد (نوسة)


الموقع : شبرااااااااااااااااااااا
تاريخ التسجيل : 09/03/2009

جمل كل البنات الانسات بتسمعهااااااااااا لحد ما زهقووا منها‏ Empty
مُساهمةموضوع: رد: جمل كل البنات الانسات بتسمعهااااااااااا لحد ما زهقووا منها‏   جمل كل البنات الانسات بتسمعهااااااااااا لحد ما زهقووا منها‏ Emptyالخميس 16 يوليو 2009, 1:58 pm

هههههههههههههههههههههههههههههههههههههه
الحوار :

عاملة ايه يا حبيبتشى
وحشانى
ما حدش بيشوفك ليه ؟

( تمسك ايدك و تبص فيه دبلة فى ايدك و لا لأ )

ما فيش جديد؟
ما فيش حاجة كدا و لا كدا ؟
هى الرجالة عميت ؟

معلش بكرة ربنا يعدلهالك

سلام بقى احسن انا متأخرة

( اللى يغيظ بقى ان الست هانم اللى رصتلك الجمل دى و را بعض بتكون سابقاكى فى السن و برضه ما تجوزتش )

جامد جدا وخصوصا الحوار ده طبعا بيحصل تقريبا من كل البنات لكل البنات
بس انا والله مبقولهوش لحد
عموما موضوع جاااااااااااااااامد
تسلمى
الرجوع الى أعلى الصفحة اذهب الى الأسفل
لؤلؤة

لؤلؤة


تاريخ التسجيل : 09/03/2009

جمل كل البنات الانسات بتسمعهااااااااااا لحد ما زهقووا منها‏ Empty
مُساهمةموضوع: رد: جمل كل البنات الانسات بتسمعهااااااااااا لحد ما زهقووا منها‏   جمل كل البنات الانسات بتسمعهااااااااااا لحد ما زهقووا منها‏ Emptyالخميس 16 يوليو 2009, 2:32 pm

ههههههههههههههههههههه لا بجد موضوع جاااااااااااامد
بس هانعمل ايه مجتمعنا و لا زم نرضى بيه
بس اهم حاجة مضيقيش نفسك انتى ياقمر
ميرسى ليكى كتييييييييييييييييييير
الرجوع الى أعلى الصفحة اذهب الى الأسفل
dof3et 2006

dof3et 2006


تاريخ التسجيل : 09/06/2009

جمل كل البنات الانسات بتسمعهااااااااااا لحد ما زهقووا منها‏ Empty
مُساهمةموضوع: رد: جمل كل البنات الانسات بتسمعهااااااااااا لحد ما زهقووا منها‏   جمل كل البنات الانسات بتسمعهااااااااااا لحد ما زهقووا منها‏ Emptyالخميس 16 يوليو 2009, 8:07 pm

ههههههههههههههه....يا جماعة انتوا فهمتونى غلط انا اساسا متجوزة Very Happy Very Happy بس الموضوع عجبنى وقولت لازم تقروه خاصة انه فعلا حقيقة ثابتة فى مجتمعنا وعلى فكرة يا نوسة انا زييك برضه مش بعمل كده بس ساعات ممكن اغلس على بسيط هههههههههه
الرجوع الى أعلى الصفحة اذهب الى الأسفل
 
جمل كل البنات الانسات بتسمعهااااااااااا لحد ما زهقووا منها‏
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منوعات :: موضوعات عامة-
انتقل الى: