منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 حلال المشاكل ( الزوجه النكدية )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رحيق



تاريخ التسجيل : 11/07/2009

مُساهمةموضوع: حلال المشاكل ( الزوجه النكدية )   الخميس 16 يوليو 2009, 11:38 pm

الركن ده أنا فكرت أعمله باسم (حلال المشاكل) بحيث نعرض فيه المشكلات

الزوجية اللي بتكون سبب في هدم بيوت كتير مع العلم انها ممكن تتحل

وأنا فكرت في الموضوع ده لأن فعلا نسبة الطلاق زادت أوي في الفترة

اللي فاتت ، وكمان أصبحت العنوسة منتشرة بصورة مخيفة مش بين

البنات بس ولكن بين الشباب كمان ، وكمان عشان تكاليف الزواج بقت

صعبة والبيت اللي بيتكون وبيتفتح لما بتيجي مشكلة تفقله بيبقي صعب

أوي ، وكمان احنا عاوزين نحافظ على المجتمع بتاعنا ، وعشان نحافظ

عليه لازم نحافظ على الأسرة ونحاول نساعد في انها تكون مستقرة دايما

، مش لأتفه الأسباب تتفكك وكل واحد يروح لحاله .

عشان كده أنا بقترح ان احنا ناخدمشكلة مشكلة ونفكر في حلول عملية

ليها بحيث لما كلنا نفكر سوا أكيد هانوصل لحل كويس نحقق بيه الهدف

اللي قولتهولكم فوق .

لأن من الممكن أن واحدة فينا تتعرض لمشكلة من المشكلات دي فيما بعد

في المستقبل لا قدر الله ، أو أي حد من أصحابها أو أي حد من أقاربها

، وبالتالي احنا نكون قادرين ازاي نتعامل مع المشكلة ؟ وازاي نساعد في حلها ؟

ياريت ياريت كل الأعضاء يشاركوني في الركن ده ( حلال المشاكل ) اللي هاناقش فيه كل يوم مشكلة لحد مانوصل لحل واقعي ومقنع فيها.

بس ياريت نشارك كلنا

وياريت ناخد الموضوع بجدية

وأكيد كل واحدة هتشارك أكيد أكيد هاتاخد ثواب كبير أوي من ربنا

وأبدأ بأول مشكلة وهي

الزوج البخيل

أزاي تحاولي تعالجي المشكلة دي بحكمة وذكاء بدون اصطدام ؟؟؟؟؟؟؟؟


عدل سابقا من قبل رحيق في الخميس 30 يوليو 2009, 5:58 am عدل 1 مرات
الرجوع الى أعلى الصفحة اذهب الى الأسفل
اسراء



الموقع : في ستر من الله وعفوه
تاريخ التسجيل : 20/03/2009

مُساهمةموضوع: رد: حلال المشاكل ( الزوجه النكدية )   الجمعة 17 يوليو 2009, 2:47 am

ماشاء الله الفكره حلوه اوي
ان شاء الله شويه واجاوبك علي الموضوع دا
الرجوع الى أعلى الصفحة اذهب الى الأسفل
http://www.way2allah.com/
رحيق



تاريخ التسجيل : 11/07/2009

مُساهمةموضوع: رد: حلال المشاكل ( الزوجه النكدية )   الجمعة 17 يوليو 2009, 3:03 am

شكرا أوي ليكي ياإسراء دايما بتجبري بخاطري ويارب الفكرة

تعجب كل الأعضاء ويشاركونا لأنها فعلا مهمة وهانستفيد

كلنا منها
الرجوع الى أعلى الصفحة اذهب الى الأسفل
اسراء



الموقع : في ستر من الله وعفوه
تاريخ التسجيل : 20/03/2009

مُساهمةموضوع: رد: حلال المشاكل ( الزوجه النكدية )   الجمعة 17 يوليو 2009, 3:30 am

بصي ياقمر بجد الفكره رائعه

اكيد الانسان البخيل دتا يه حاجات حلو كتير واي انسان مابيكونش كامل واحنا لو نظرنا للعيب دا
هنكون بندور في حلقه مغلقه وقبل لما نتعب الليقدامن هانتعب نفسنا 0000هنكون مرتاحين اوي لو بصينا علي المميزات ونسينا العيوب او تلاشيناها


بالنسبه للزوج البخيل
عن هند بنت عتبة – رضي الله عنها – أنها قالت: يا رسول الله إن أبا سفيان رجل شحيح، وإنه لا يعطيني من النفقة ما يكفيني وولدي، فقال: " خذي ما يكفيك وولدك بالمعروف "،


وهنا المعني انها تأخذ بدون علم زوجها ولكن بشرط مايكفيها هي وابنائها علي قدر النفقه فقط والا تسرف في هذا المال

واري ان تتحدث معه وتنصحه في اوقات مناسبه والمرأه الذكيه هي من تعرف متي تتحدث وتقنع زوجها بأفكارها وتتحدث معه عن واجبه الاسلامي تجاه النفقه علي المنزل
وايضاعن الاجر الذي يأخذه من الله علي النفقه علي اولاده وبإذن الله تحل المشاكل
الرجوع الى أعلى الصفحة اذهب الى الأسفل
http://www.way2allah.com/
رحيق



تاريخ التسجيل : 11/07/2009

مُساهمةموضوع: رد: حلال المشاكل ( الزوجه النكدية )   الجمعة 17 يوليو 2009, 3:51 am

جزاكي الله خير ياإسراء على رؤيتك لحل المشكلة دي


وياريت نشارك أكثر ونشوف آراء باقي الأعضاء
الرجوع الى أعلى الصفحة اذهب الى الأسفل
رحيق



تاريخ التسجيل : 11/07/2009

مُساهمةموضوع: رد: حلال المشاكل ( الزوجه النكدية )   الخميس 30 يوليو 2009, 3:51 am

طيب نبدأ مع مشكلة تانية وهي " الزوجة النكدية اللي مبيعجبهاش أي حاجة "

ياريت نشارك كلنا ازاي نعالج المشكلة دي وننصحها بايه ؟ وكمان ننصح زوجها بايه ؟
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حلال المشاكل ( الزوجه النكدية )   الخميس 30 يوليو 2009, 4:36 am

وما اكثرها
كل 4 ستات منهم 25 زوجه نكديه
ده فيه فن اسمه فن النكد
وكيف تصبحين نكديه
وصباح الخير يانكد
وبرنامج 90دقيقه نكد
وبرنامج الطبخ المشهور نكد اليوم
واغنية النكدي يرفع ايده
علفكره المشكله دي لها 100 مليون الف حل
بس مينفعوش
لان النكد بقي طبع في الستات
واصبح شرط اساسي من شروط الزوجيه
الرجوع الى أعلى الصفحة اذهب الى الأسفل
رحيق



تاريخ التسجيل : 11/07/2009

مُساهمةموضوع: رد: حلال المشاكل ( الزوجه النكدية )   الخميس 30 يوليو 2009, 5:57 am

على فكرة أنا حاسة ان انت من ساعة ما اشتركت في المنتدي وانت نازل نقد في البنات أوي ، وده بصراحة مينفعش لأن لولا البنات مكنتش جيت على وش الدنيا

وبعدين لما هما مضايقينك كده أوي انت بتشترك في المنتدي بتاعنا لينا
روح اشترك في منتدي الرجالة لو احنا مزهقينك كده أوي

معلش انا كلامي جارح شوية بس بصراحة انت كلامك اللي قولته أشد وأصعب
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حلال المشاكل ( الزوجه النكدية )   الخميس 30 يوليو 2009, 2:16 pm

ابدا والله
بالعكس فيه بنات لطاف جدا
ولو كنتي هتتكلمي عن الرجاله
فكنت هقول ان برده فيه رجاله نكديه
انا انبسطت لما لقيت موضوع بيتكلم في حاجات مهمه زي كده
بس لازم برده يبقي فيه حريه في النقد
بالذات لما يكون المشكله اللي بنتكلم فيها ادت لالاف من حالات الطلاق
امال هنتغير الذاي
الهدف من ردي مش تريقه اد مهو رفض لواقع دمر حياة ناس كتير
وبالنسبه للمنتدي انا معرفتش انه بتاع بنات بس الا لما دخلت فيه
عملت زي اللي دخل عربية السيدات في المترو
والشاطر هو اللي يقبل الراي والراي الاخر
انا مش شايف ان عملت حاجه غلط
ومتعودتش ان ازعل من حد مهما كان رايه فيا
انا مش زعلان منك وبدعوكي انك تكملي الموضوع الرائع ده
الرجوع الى أعلى الصفحة اذهب الى الأسفل
رحيق



تاريخ التسجيل : 11/07/2009

مُساهمةموضوع: رد: حلال المشاكل ( الزوجه النكدية )   الجمعة 31 يوليو 2009, 12:07 pm

شكرا ليك ياspider بس فعلا احنا بدل ما نلعن الظلام يبقي

لابد نضيء شمعة

ماشي؟

وده أكيد لما نستغل موقعنا في ان احنا نعرف عيوبنا

ونحدد الدواء اللي ممكن يصلحها

وكمان ننمي قدراتنا عشان منبقاش سبب في حالات

كتيييييييييير من الطلاق زي ماانت تفضلت وذكرت

وياريت نشوف مشاركاتك الإيجابية والإصلاحية
الرجوع الى أعلى الصفحة اذهب الى الأسفل
corals_reef



تاريخ التسجيل : 31/07/2009

مُساهمةموضوع: رد: حلال المشاكل ( الزوجه النكدية )   الجمعة 31 يوليو 2009, 4:10 pm

خف عليهم شويه ياسبيدر
دول النصف الحلو برده
هههههههههههههه
بصراحه موضيعكو جميله بس انتو دايما ظالمنا بردوه
الرجوع الى أعلى الصفحة اذهب الى الأسفل
رحيق



تاريخ التسجيل : 11/07/2009

مُساهمةموضوع: رد: حلال المشاكل ( الزوجه النكدية )   الجمعة 31 يوليو 2009, 6:01 pm

شكرا لمشاركت يا corals_reef ولمرورك ، بس احنا بنتكلم

بكل إيجابية وانتو داخلين في النقد على طول مع أني

اراهن إذا لقيت موضوع في المنتدى بينتقد الرجال بقسوة وشدة زي ما أنتوا بتكتبوا

أنا أصلا زعلانة جدا وأنا بكتب الكلام ده لأني بنتقدكم فيه

بس بصراحة زي ما قلت قبل كده أحنا عاوزين بدل ما نلعن

الظلام نحاول نضيء شمعة

وياريت كلنا نساعد بعضنا
الرجوع الى أعلى الصفحة اذهب الى الأسفل
لؤلؤة



تاريخ التسجيل : 09/03/2009

مُساهمةموضوع: رد: حلال المشاكل ( الزوجه النكدية )   السبت 01 أغسطس 2009, 5:10 am

مرسى على موضوعكك يارحيق ومش على طول الستات هى اللى بتكون سبب النكد كتييييييييييييير الرجالة هما اللى بيكونوا السبب وده بعدم تقديرهم للمراة وبفرض رايهم سواء كان صح او خطا من غير تفكيييييييير
ودة ميمنعش برده ان الستات كتييييييييير بيكونوا سبب النكد
الرجوع الى أعلى الصفحة اذهب الى الأسفل
رحيق



تاريخ التسجيل : 11/07/2009

مُساهمةموضوع: رد: حلال المشاكل ( الزوجه النكدية )   السبت 01 أغسطس 2009, 6:55 am

شكرا لمرورك يالؤلؤة ومشاركتك

وياللا بينا بقه نبدأ علاج المشكلة دي وياريت الكل يشارك ويقول رأيه

ازاي نعالج ؟ وبإيه ننصح المرأة دي ؟ وبإيه ننصح زوجها عشان يقدر يتعامل معاها

ويساعد في علاجها بدون مشكلات ؟؟
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حلال المشاكل ( الزوجه النكدية )   السبت 01 أغسطس 2009, 9:22 am

يلا بينا
انا شايف ان اول طربقه للقضاء علي النكد
هي القناعه والرضا بالمكتوب
طمع الستات
قصدي طمع الستات وبعض الرجاله
سبب في حالات كتبر من النكد
طلبات الست الكتيره هي اللي بتخلي الراجل يزهأ والست طبعا تفتكره مش بيحبها
فتحاول تاخد بطارها وتنكد عليه
محدش يزعل
بس اراهن علي ان فيه ست واحده مش بتعمل كده
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: حلال المشاكل ( الزوجه النكدية )   السبت 01 أغسطس 2009, 9:28 am

بلااااش تعمم الحكم على كل الستااات يا دكتور سبيدر
الدنيا لسه بخير.....
وفى ستاااات...
هى اللى مصبر الراجل على الدنيا وهمومها

((وجعلنا لكم أزراجا.....لتسكنوا إليها....وجعل بينكم مودة ورحمة...))
صدق الله العظيم
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حلال المشاكل ( الزوجه النكدية )   السبت 01 أغسطس 2009, 9:43 am

والله يdr.oraefyهو ده اللي بيحصل
انا قلت محدش يزعل
وبعدين انا مش قصدي حاجه غير اني اظهر المشكله مش اكتر
مضيعوش وقت وفولو حلول للمشكله احسن
معلش يارحيق
اوعي تزعلي انتي كمان
الرجوع الى أعلى الصفحة اذهب الى الأسفل
رحيق



تاريخ التسجيل : 11/07/2009

مُساهمةموضوع: رد: حلال المشاكل ( الزوجه النكدية )   السبت 01 أغسطس 2009, 9:59 am

ميرسي أوي لحضرتك يا dr.oraefy وياريت تساعدنا في هذا القسم ( حلال المشاكل )

وأنا بشكرك ياسبيدر على مشاركتك ومش زعلانه منك لأنك أصلا في النهاية

هتتجوز وبرده هاتقابل بعض النمازج دي وياريت نشارك بإيجابية عشان نعرف

ازاي نتعامل معاها من باب الوقاية خير من العلاج

وده مش لينا بس بل احنا هانستفيد وهانفيد أهالينا وأصدقائنا في حل كتير من مشاكلهم

أرجوا أن تكون رسالتي وصلت للجميع
الرجوع الى أعلى الصفحة اذهب الى الأسفل
 
حلال المشاكل ( الزوجه النكدية )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منوعات :: موضوعات عامة-
انتقل الى: