منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 لكى تكونى انسه عشان متفضحوناش لما ترتبطوا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: لكى تكونى انسه عشان متفضحوناش لما ترتبطوا   الأربعاء 29 يوليو 2009, 10:54 am


مساء \صباح الفل

آنستي العزيزة.. لو ربنا فك عقدتك.. واتخطبتي..
فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه..
إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية ..
على أحلى محلات أكل ف البلد.. واللي عمرك مانتي شايفاها بعد الجواز..
المهم نصائحي لك عند أي عزومة مع ختيبك.. قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش
م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك..
ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق..
وبعدين تاخدي لقمة.. لقمة.. بالعافية.. قال يعني نفسك مسدودة..
اضغطي على أعصابك جدااا وبعدين لما تروَّحي..
إبقي حِفِّي زي مانتِ عايزه... .

3- الشوووربة.. أبوس كعب رجلك..
بند الشوربة ده مهم جدًاااا.. الشوربة تتشرب من غير صوت خالص.
ومن غير ماتقعدي تنفخي فيها.. زي القهوجي اللي بينفخ ف الحجر للزبون..
وطبعًاااااا عايزك تنسى تمامًا..
السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل..
مش تميليه.. عشان تلهطيها لآخر نقطة.....

4- الرز طبعاً .. بيتاكل بالشوكة.. أوعي إيدك تتمد ع المعلقة.
. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5- المكرونة.. الاسباكتي.. برضه بالشوكة.. تتلف على طرف الشوكة..
لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- [السمك.. مشكلة.. شوفي.. بتفصلي اللحم عن الشوك.. إزاي..؟؟
تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية..
متقلبيش السمكة.. بلاش فلح..

شيلي السلسلة بالشوكة والسكينة وحطيها ف جنب الطبق وكملي أكل النص التاني..
وبدل الفيلم الهندي ده.. نصيحة..
ماتكليش السمك خالص..
قولي مابحبش السمك وخلصي نفسك..

7-الجمبري.. -إذا كنتي عارفاه-.. أول ماطبق الجمبري ينزل..
بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا..
وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة..
أنا ف عرضك إنسي المصمصة دلوقت..


8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ..
.لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9-الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة..
وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10-ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-..
وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها..
آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..
لفة الفول والطعمية اللي جايباها معاكي.. وبالهنا والشفاااااااااا ااا
الرجوع الى أعلى الصفحة اذهب الى الأسفل
رحيق



تاريخ التسجيل : 11/07/2009

مُساهمةموضوع: رد: لكى تكونى انسه عشان متفضحوناش لما ترتبطوا   الأربعاء 29 يوليو 2009, 10:35 pm

هههههههههههههههههههههههه

جامدة مووووووووووووووووووووت ياspider
الرجوع الى أعلى الصفحة اذهب الى الأسفل
????
زائر



مُساهمةموضوع: رد: لكى تكونى انسه عشان متفضحوناش لما ترتبطوا   الأحد 02 أغسطس 2009, 3:27 am

thank u raheeeeeeeeeeeeeeeeeek
الرجوع الى أعلى الصفحة اذهب الى الأسفل
zozo_2010



تاريخ التسجيل : 31/03/2009

مُساهمةموضوع: رد: لكى تكونى انسه عشان متفضحوناش لما ترتبطوا   الخميس 06 أغسطس 2009, 8:01 pm

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه Laughing Laughing Laughing بجد مواضيعك جامدة اخرحاجة
الرجوع الى أعلى الصفحة اذهب الى الأسفل
راجية الجنة



الموقع : الغابة
تاريخ التسجيل : 08/03/2009

مُساهمةموضوع: رد: لكى تكونى انسه عشان متفضحوناش لما ترتبطوا   الخميس 06 أغسطس 2009, 8:48 pm

السلام عليكم ورحمة الله وبركاته

الصراااااحه فطستني من الضحك lol!

شكراً على الموضوع

بس أكيد مش للدرجة دي

مبالغ فيه حبتين Laughing
الرجوع الى أعلى الصفحة اذهب الى الأسفل
????
زائر



مُساهمةموضوع: رد: لكى تكونى انسه عشان متفضحوناش لما ترتبطوا   الخميس 06 أغسطس 2009, 9:19 pm

ميرسي ليكي يازوزو علي ردودك الجميله دايما
وشكرا ليكي يازينب وفعلا هي مش للدرجه دي
الرجوع الى أعلى الصفحة اذهب الى الأسفل
لؤلؤة



تاريخ التسجيل : 09/03/2009

مُساهمةموضوع: رد: لكى تكونى انسه عشان متفضحوناش لما ترتبطوا   الجمعة 07 أغسطس 2009, 1:24 am

hhhhhhhhhhhhhhhhhhhh
الرجوع الى أعلى الصفحة اذهب الى الأسفل
امونة



تاريخ التسجيل : 08/02/2009

مُساهمةموضوع: رد: لكى تكونى انسه عشان متفضحوناش لما ترتبطوا   السبت 08 أغسطس 2009, 9:10 pm

دة مش راااااااااائع بس دة حلووووووووووووو اووووووووووووي يموووووت من الضحك
الرجوع الى أعلى الصفحة اذهب الى الأسفل
مرمر والزمن



الموقع : الدنيا
تاريخ التسجيل : 27/02/2009

مُساهمةموضوع: رد: لكى تكونى انسه عشان متفضحوناش لما ترتبطوا   الأحد 09 أغسطس 2009, 1:11 am

ههههههههههههههههههههههههههههههههههههههههههههههههههههههههههههههههههههههههه نكتة بجد
جميل مووووووووووووووووووووووووت
الرجوع الى أعلى الصفحة اذهب الى الأسفل
mosensdk



تاريخ التسجيل : 14/03/2009

مُساهمةموضوع: رد: لكى تكونى انسه عشان متفضحوناش لما ترتبطوا   الأحد 09 أغسطس 2009, 2:52 am

بصراحة يا سبيدر انت كوميدي جدا وموضوعك جميل وخيالك اجمل lol! lol! lol!
الرجوع الى أعلى الصفحة اذهب الى الأسفل
amooooola



الموقع : في قلوب احبابي
تاريخ التسجيل : 04/07/2009

مُساهمةموضوع: رد: لكى تكونى انسه عشان متفضحوناش لما ترتبطوا   الأحد 09 أغسطس 2009, 4:34 am

موضوع جميل
الرجوع الى أعلى الصفحة اذهب الى الأسفل
marmar



تاريخ التسجيل : 01/08/2009

مُساهمةموضوع: رد: لكى تكونى انسه عشان متفضحوناش لما ترتبطوا   الأحد 09 أغسطس 2009, 9:30 pm

طيب و النصايح لكو أيه يا رجل
على راى المثل إكسبى الراجل بعدتو
فيعنى أنتو مش مفجيع ولا أيه يا بنات
الرجوع الى أعلى الصفحة اذهب الى الأسفل
نوووور



الموقع : المعادى
تاريخ التسجيل : 11/02/2009

مُساهمةموضوع: رد: لكى تكونى انسه عشان متفضحوناش لما ترتبطوا   الإثنين 10 أغسطس 2009, 1:46 am

ههههههههههههه بس مبالغ شوية
الرجوع الى أعلى الصفحة اذهب الى الأسفل
barbi



تاريخ التسجيل : 04/04/2009

مُساهمةموضوع: رد: لكى تكونى انسه عشان متفضحوناش لما ترتبطوا   الإثنين 10 أغسطس 2009, 2:08 am

الموضوع جامد موت ودمك خفيف اوى
شكرا لك
الرجوع الى أعلى الصفحة اذهب الى الأسفل
إيناس عبد الحميد (نوسة)



الموقع : شبرااااااااااااااااااااا
تاريخ التسجيل : 09/03/2009

مُساهمةموضوع: رد: لكى تكونى انسه عشان متفضحوناش لما ترتبطوا   الإثنين 10 أغسطس 2009, 3:54 am

ههههههههههههههههههههههههههههههههههههههههههههههههههههههههههههههههههههههههههههههههه
جامدة جدا فظيعة
بس مين قلك ان احنا مش كدة خهههههههه ده احنا رقيقين خالص مالص
ولا ايه يا بنات
الرجوع الى أعلى الصفحة اذهب الى الأسفل
 
لكى تكونى انسه عشان متفضحوناش لما ترتبطوا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: