منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
manga



الموقع : في بيتنا
تاريخ التسجيل : 02/02/2009

مُساهمةموضوع: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الخميس 26 فبراير 2009, 3:28 am

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

> أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ...

1> - الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2> - العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

> 3-الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
> بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....


> 4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

> 5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

> 6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

> 7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

> 8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ..لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

> 9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

> 10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....

> وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
> وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

و النبي يا بنات اسمعوا كلامي احسن عايزين نخلص من الجوازه المنيله ديييييييييي
الرجوع الى أعلى الصفحة اذهب الى الأسفل
http://manga21.ahlamontada.com/
mahgora



الموقع : بيتنا
تاريخ التسجيل : 15/02/2009

مُساهمةموضوع: الي منجاية   الجمعة 27 فبراير 2009, 4:00 am

بجد انا لما اتخطب حاسمع كلامك وعقبالنا كلنا :che cheers ers:
الرجوع الى أعلى الصفحة اذهب الى الأسفل
غاده



تاريخ التسجيل : 14/03/2009

مُساهمةموضوع: رد: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الأحد 15 مارس 2009, 12:43 am

انا عمري ما عملت كده ولا هعمل عشان مش عاوزه خطيبي يتصدم فيا.
احسن حاجه ابقي علي طبعتي ولو معجبهوش هو حر انا كده وعجبه نفسي.
ولا انتو ايه رأيكو
الرجوع الى أعلى الصفحة اذهب الى الأسفل
bosy



تاريخ التسجيل : 03/02/2009

مُساهمةموضوع: رد: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الخميس 19 مارس 2009, 6:34 pm

انا معاكى يا غاده اكتر حاجه ممكن تخلى الجواز سعيد هى ان كل واحد يبقى بطبعته علشان محدش يتصدم بعد كده
وكمان الجواز ده حياه بين اثنين مش مهم فيها الاتكيت على قد ما مهم فيها الحب والتفاهم
وعقبال كل البنات
الرجوع الى أعلى الصفحة اذهب الى الأسفل
angel baby



الموقع : قلب حبيبى
تاريخ التسجيل : 19/03/2009

مُساهمةموضوع: رد: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الجمعة 20 مارس 2009, 12:35 pm

يااااااااااااااااااااااااااااااااااااااااااااااااااااااااااااااارب

اتخطب بس وملكوش دعوة انتوا انا هعمل اية بس الاكيد انى هكون على طبعتى
الرجوع الى أعلى الصفحة اذهب الى الأسفل
اسراء



الموقع : في ستر من الله وعفوه
تاريخ التسجيل : 20/03/2009

مُساهمةموضوع: رد: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الأحد 19 أبريل 2009, 1:10 am

لم اتمالك نفسي من كثرة الضحك
الرجوع الى أعلى الصفحة اذهب الى الأسفل
http://www.way2allah.com/
mans



الموقع : مع الاطفال فى الروضه............
تاريخ التسجيل : 18/02/2009

مُساهمةموضوع: رد: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الثلاثاء 28 أبريل 2009, 6:45 am

على فكره جمده جدا بس البنات يخلو بلهم ويركزوا عشان لو الخطيب ده عارفها من الاول يبقى لازم تبقى على طبيعتهالانه هيكشفها. lol!
الرجوع الى أعلى الصفحة اذهب الى الأسفل
عاشقه الطفوله



تاريخ التسجيل : 04/02/2009

مُساهمةموضوع: رد: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الأربعاء 29 أبريل 2009, 7:11 pm

مش عايزه اخرج من اصله يا بنتى انا حاسه انك بتذلينا مش بتعلمينا وبعدين هو العريس منين اصلا ؟ نصيحه لكل البنات اثناء فتره الخطوبة خليكى على طبعتك وفطرتك علشان متتعبيش بعد كده شكرا يا منجايه على الموضوع اللذيذ ده bounce
الرجوع الى أعلى الصفحة اذهب الى الأسفل
منون



تاريخ التسجيل : 21/04/2009

مُساهمةموضوع: رد: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الجمعة 01 مايو 2009, 4:41 am

هههههههههههههههههههه
بجد موضوع جميل اوي
ومستعده كمان اني اشرب الشوربه بالشوكه بس
حد يعبرني بس
الرجوع الى أعلى الصفحة اذهب الى الأسفل
manga



الموقع : في بيتنا
تاريخ التسجيل : 02/02/2009

مُساهمةموضوع: رد: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الجمعة 01 مايو 2009, 10:42 am

iههههههههههههههه مرسي علي ردك يا منون وان شاء الله اشوفك احلي عروسه في الدنيا
الرجوع الى أعلى الصفحة اذهب الى الأسفل
http://manga21.ahlamontada.com/
silent lover



تاريخ التسجيل : 27/01/2009

مُساهمةموضوع: رد: عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟   الجمعة 01 مايو 2009, 4:19 pm

حلوة اوى اوى يا ايمى

بس اوعو يا بنات تسمعوا كلامها

فى الاخر هيطلقك وبدل ما تبقى عانس هتبقى مطلقة


يعنى هتخرجى من مشكله تقعى ف مشكله اكبر

انتى على طبيعتك الى عاجبه عاجبه الى مش عاجبه ....................( تييييييييييييييييت ).

عــــــــــــاشـــقــــــة الـــــصـــــمـــــــت
الرجوع الى أعلى الصفحة اذهب الى الأسفل
 
عزيزتي المخطوبه ابوس ايدك اسمعيني؟؟؟؟؟؟؟؟؟؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منوعات :: موضوعات عامة-
انتقل الى: