فريق تحرير مجلة أسرة فتيات أون لاين

إزيكم يا بنات ؟
أنا آسفة جدا على الغيبة الطويلة المملة دي
بس فعلاً مكنش بإيدي
المهم

طبعاً دلوقتي في مجلة حائط البنات شغالين فيها - ربنا يكرمهم - و على بكرة تكون بتخلص
الدور دلوقتي على المجلة العادية
في عدد بسيط هيظهر في الأسواق قريباً
^ـ^
و طبعاً هيبقى بسيط كبداية
لكن بعد كده عايزين يبقى في شغل جامد في المجلة
آه هتبقى صغيرة - حجماً
لكن بجد عايزينها تبقى جبارة في المحتوى
كل مرة
مش مرة آه
و 10 لأ
تمام ؟

طب دلوقتي انتي عايزة إيه من الآخر ؟
حاضر .. هاقولكم أهه
دلوقتي عايزة من أي واحده فيكم شيفة إنها قادرة أو حابة مجال الكتابة أو تحضير التقارير و ملمة بمواضيع حلوة ، إنها تبعتلي أو تبعت لفزدقة أو بندقة
عشان تنضم لينا ، و نعمل فريق تحرير لمجلة الأسرة
بجد يا بنات أنا مش بهزر
عايزين فعلاً نعمل حاجة مميزة
و مش هانستنى كتير
عشان عايزين نعمل حاجة و نشوفها بعنينا بجد
و بسرعة
اتفقنا ؟
عموماً
مستنيينكم
^ـ^
و أهلاً بكل الأقلام المبدعة
^ـ^

السلام عليكم فعلا يا ojamajo دي فكرة حلوة قوي وياريت فعلا تتنفذ وانا عندي استعداد اشترك معاكو وانا بحب اكتب في أي موضوع وبحب أكتب قصص قصيرة بس ياريت تقولي اشترك معاكوا ازاي

نورتى المنتدى يا بنتى بعد الغيبة دى علينا ووحشتينا ووحشتنا موضوعاتك ومشاركاتك معانا

اسألي عن مقررة اللجنة الثقافية في الأسرة
هي من الفرقة التالتة
هي اللي ماسكة موضوع المجلات - المفروض يعني
و لو انتي مش مشتركة ممكن حتى تشتركي عن طريقها و تسجلي معانا في الأسرة

فزدقة و بندقة
كيس مكسرات حياتي اللي مقدرش أستغنى عنه
عدنااااااااا
الفاصل كان طويل فعلا
بس أعمل ايه
ما انا قلتلكم اللي كان فيها
^ـ^"