منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الخميس 20 أغسطس 2009, 4:31 am




ممكن اعرف منكم يا بنات يا محترمات - ومحترمات دى بجد مش تريقة والله - فى نوعية من البنات تكون فى بداية


طريق الحب مع شخص يستاهل حبها وهى تكون متأكده منه ومن صدق احساسه ناحيتها ومن حبه الصادق ليها بس


ظروفه المادية مش قد كده ولما صارحها بحبه وافقت وصارحها بظروفه ووافقت وقالها على ظروفه مرة واتنين

وتلاتة وبرضه وافقت وبعديها بفترة ابتدا طابور العرسان يقف على باب بيت حضرتها -على حسب كلامها - وتقوله

انا فى عريس جايلى الحقنى وتلخبط كيانه وتخليه شايل هموم الدنيا ويحاول يسابق الزمن عشان متروحش من ايديه ؟؟؟؟؟؟؟؟

ليه حرقة الدم اللى بتعملها البنات دى؟ ولما هو قالها على ظروفه وافقت ليه ؟ وحطت نفسها فى الموقف اللى يخلى

الولد يقول عليا ماتستاهلش حبه او ميعرفش يقول عليها ايه يشتمها عشان سابته ولا يلتمس ليه العذر عشان لسه

بيحيها ؟؟؟؟؟؟ حد يفسر لى نوعية البنات دى
الرجوع الى أعلى الصفحة اذهب الى الأسفل
ريري



تاريخ التسجيل : 21/03/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الخميس 20 أغسطس 2009, 5:03 am

مع كل احترامى لك
قبل ما تسأل هى لية وفقت
انت لية اصلا حبيت وانت عارف ظروفك
الاجابة واحدة لان محدش ليه دخل فى الحب
صدقنى بلاش تزعل منها لان احيانا الظروف بتبقى اقوى منا
وصعب على الواحدة انها تزعل اهلها منها
افتكر لها اى حاجة حلوة تشفع لها
كل واحد ليه نصيب اكيد ده الاحسن له
ياريت تستناه عشان ولا تهين ولا تجرح نفسك
والحب بجد اللى مع زوجتك اللى هتحبك وتستحمل كل ظروفك وتعينك على طاعة الله
هى دى بجد اللى تستاهل حبك (ربنا يرزقك بالزوجة الصالحة واللى انت عايزه كله يتوافر فيها)
الرجوع الى أعلى الصفحة اذهب الى الأسفل
hebakhaled



الموقع : بلد الامان
تاريخ التسجيل : 27/02/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الخميس 20 أغسطس 2009, 6:49 am

في الاول اقول آمين علي دعائك
ومع احترامي لرأيك ممكن يكون ظروفه كويسه عادي ولكن
ممكن تكون البنت دي او النوع ده من البنات طماع شويه وبيحب يقارن بين الناس
وتختار الاحسن منهم
انا قابلت واحده من النوع ده وبصراحه هوه ده رأيي فيها واسفه لو كان رأيي ده وحش
هيا عايزه احسن حاجه ولما جالها الاحسن قالت للحب باي
في الي احسن منك والي هيريحني ويريح اهلي
مش تزعل من كلامي لكن هيا مش تستاهل
والي فيه النصيب هيكون حتي لو حصل ايه
النصيب فوق كل شيء واسفه تاني ومش تندم علي حاجه
الي بيروح هيجيء تاني غيره
الرجوع الى أعلى الصفحة اذهب الى الأسفل
نوووور



الموقع : المعادى
تاريخ التسجيل : 11/02/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الجمعة 21 أغسطس 2009, 12:20 am

فى الاول عايزة اقول ان كل شىء قسمة ونصيب
هى كان ممكن فى البداية مقدرة ظروفه وموافقة عليها بس الامور والظروف بتتغير والاهل بيقى ليهم الراى الاول والاخير وامام رغبات اهلها اكيد لازم توافق على حد مناسب وهو المفروض ميزعلش ويتمنالها الخير
وكل شىء قسمة ونصيب وربنا يعوضه باحسن منها
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الجمعة 21 أغسطس 2009, 5:28 pm

ريري كتب:
مع كل احترامى لك
قبل ما تسأل هى لية وفقت
انت لية اصلا حبيت وانت عارف ظروفك
الاجابة واحدة لان محدش ليه دخل فى الحب
صدقنى بلاش تزعل منها لان احيانا الظروف بتبقى اقوى منا
وصعب على الواحدة انها تزعل اهلها منها
افتكر لها اى حاجة حلوة تشفع لها
كل واحد ليه نصيب اكيد ده الاحسن له
ياريت تستناه عشان ولا تهين ولا تجرح نفسك
والحب بجد اللى مع زوجتك اللى هتحبك وتستحمل كل ظروفك وتعينك على طاعة الله
هى دى بجد اللى تستاهل حبك (ربنا يرزقك بالزوجة الصالحة واللى انت عايزه كله يتوافر فيها)



اولا شكرا على ردك على موضوعى


ظروف ايه الا يخليها تسيب الا بتحبه على شان خاطر الفلوس

ياترى الفلوس ديه هاتخليها تعيش من غير حب

االلى تضحى بالحب على شان واحد جاهز ده ميبقاش حب ده يبقى تسليه

لانى معنى الحب ده كبير اوى

امش زنب الا حبها انو حبها لانى الحب ده كدا شئ اللهى

على العموم متشكر على دعوتك الجميله

شكرا لتانى مره لردك
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الجمعة 21 أغسطس 2009, 5:34 pm

hebakhaled كتب:
في الاول اقول آمين علي دعائك
ومع احترامي لرأيك ممكن يكون ظروفه كويسه عادي ولكن
ممكن تكون البنت دي او النوع ده من البنات طماع شويه وبيحب يقارن بين الناس
وتختار الاحسن منهم
انا قابلت واحده من النوع ده وبصراحه هوه ده رأيي فيها واسفه لو كان رأيي ده وحش
هيا عايزه احسن حاجه ولما جالها الاحسن قالت للحب باي
في الي احسن منك والي هيريحني ويريح اهلي
مش تزعل من كلامي لكن هيا مش تستاهل
والي فيه النصيب هيكون حتي لو حصل ايه
النصيب فوق كل شيء واسفه تاني ومش تندم علي حاجه
الي بيروح هيجيء تاني غيره



اولا نورتى الموضوع

فعلا نوعيه البنات ديه بصراحه كترت الايام ديه

تبيع الحب على شان الفلوس

بصراحه احنا فى زمن مبقاش فى حب

الحب اصبح مصلحه واكبر مصلحه

على شان تحب لازم يكون معاك فلوس

بس بصراحه مش كل البنات عندها التفكير ده فى بعض البنات بتقدر معنى الحب الحقيقى الحب الا هو بقى نادر دلوقتى

نورتى الموضوع
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الجمعة 21 أغسطس 2009, 5:44 pm

نوووور كتب:
فى الاول عايزة اقول ان كل شىء قسمة ونصيب
هى كان ممكن فى البداية مقدرة ظروفه وموافقة عليها بس الامور والظروف بتتغير والاهل بيقى ليهم الراى الاول والاخير وامام رغبات اهلها اكيد لازم توافق على حد مناسب وهو المفروض ميزعلش ويتمنالها الخير
وكل شىء قسمة ونصيب وربنا يعوضه باحسن منها




شرفتى الموضوع

بس ده مش حب الا يخليكى تبيعى واحد حبك وحبتيه علشان واحد تانى جاهز ده مش حب

يعنى ايه تبيعى الا حبتيه وياترى قعدتو مع بعض فتره قد ايه سنه اتنين تلاته وناس بتوصل لربع وخمس سنين مع بعض ياترى السنين ديه تروح هدر على شان واحد تانى جاهز ؟؟

اكيد كل واحد بيتمنى لتانى الخير بس ماينتظرش منها انها تبيعه عند اول واحد جاهز ليها فين بقى التضحيه على شان الا بيحب

ولا هو الشب بس هو اللى لازم يضحى بكل حاجه على شان البنت

ليه نخلى كل حياتنا مصالح

الجاهز يشيل

مش جاهز يبقى فوت علينا بكرا يا محترم

لا اله الا الله سيدنا محمد رسول الله

اسف على اطلتى فى الكلام

شرفتى الموضوع
الرجوع الى أعلى الصفحة اذهب الى الأسفل
romantic rose



تاريخ التسجيل : 15/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   السبت 22 أغسطس 2009, 1:37 am

السلام عليكم ورحمة الله وبركاته
مع احترامى لارائكم جميعا
اولا: مش كل البنات اللي بتحب انسان وبتكون ظروفه الماديه مش قد كده وتسيبه لان البنت لما تحب بجد بتضحى علشانه لكن مش بتضحى بيه
انا اعرف بنت كانت بتحب شاب لدرجة الجنون واتقدملها ناس كتير اوى واقل واحد فيهم ظروفه كانت افضل بكتير اوى من الانسان اللى بتحبه لكن هى قالت انا مش هتجوز غير اللي قلبى اختاره والله ياجماعه عانت كتير اوى وضحت كتير اوى علشانه كفايه ان اهلها كانوا رافضين لكن النصيب
وكان نصيبها انها تتجوز اللى بتحبه وفعلا حصل وعايشين دلوقتى احلى حياه كفايه انهم بدئوا حياتهم بحبهم لبعض وبدئوا يبنوا مستقبلهم خطوه خطوه
واكيد ده علشان النصيب
ثانيا: النوع التانى من البنات
ممكن تكون البنت بتحب انسان معين لكن اهلها اجبروها انها تعيش مع انسان غيره علشان امواله
وفي بنات هما اللى بيختاروا الاموال ويقولوا للحب باى انت مش هتقدر تعيشنى
.................فعلا فيه بنات من الانواع دى كلها انا معاك
لكن...................... في انسان ممك يحب بنت ويحبوا بعض اووووووووووووى بس بعد الجواز بيشك فيها ليه بقى؟؟؟؟؟؟
يقولها انتى حبتينى وكلمتينى وكنتى بتخلينا نتقابل
انا كده ازاى هاثق فيكى؟؟؟؟؟؟؟؟
تخيلوا بعدما ضحت بكل حاجه علشانه يقولها هاثق فيكى ازاى
وفي النهايه كل شيئ قسمه ونصيب
.....................
انا اتكلمت كتير اوى
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   السبت 22 أغسطس 2009, 6:14 pm

romantic rose كتب:
السلام عليكم ورحمة الله وبركاته
مع احترامى لارائكم جميعا
اولا: مش كل البنات اللي بتحب انسان وبتكون ظروفه الماديه مش قد كده وتسيبه لان البنت لما تحب بجد بتضحى علشانه لكن مش بتضحى بيه
انا اعرف بنت كانت بتحب شاب لدرجة الجنون واتقدملها ناس كتير اوى واقل واحد فيهم ظروفه كانت افضل بكتير اوى من الانسان اللى بتحبه لكن هى قالت انا مش هتجوز غير اللي قلبى اختاره والله ياجماعه عانت كتير اوى وضحت كتير اوى علشانه كفايه ان اهلها كانوا رافضين لكن النصيب
وكان نصيبها انها تتجوز اللى بتحبه وفعلا حصل وعايشين دلوقتى احلى حياه كفايه انهم بدئوا حياتهم بحبهم لبعض وبدئوا يبنوا مستقبلهم خطوه خطوه
واكيد ده علشان النصيب
ثانيا: النوع التانى من البنات
ممكن تكون البنت بتحب انسان معين لكن اهلها اجبروها انها تعيش مع انسان غيره علشان امواله
وفي بنات هما اللى بيختاروا الاموال ويقولوا للحب باى انت مش هتقدر تعيشنى
.................فعلا فيه بنات من الانواع دى كلها انا معاك
لكن...................... في انسان ممك يحب بنت ويحبوا بعض اووووووووووووى بس بعد الجواز بيشك فيها ليه بقى؟؟؟؟؟؟
يقولها انتى حبتينى وكلمتينى وكنتى بتخلينا نتقابل
انا كده ازاى هاثق فيكى؟؟؟؟؟؟؟؟
تخيلوا بعدما ضحت بكل حاجه علشانه يقولها هاثق فيكى ازاى
وفي النهايه كل شيئ قسمه ونصيب
.....................
انا اتكلمت كتير اوى




فعلا فى بنات بتحب بتحب بجد مابتحبش الفلوس عن الا بتحبه
بس ده بيكون نوع من انواع البنات النادر دلوقتى
وفعلا شئ جميل لما واحد يبتدى مع انسانه بيحبه بعض وينتهى بالجواز ده شئ جميل جدا وناس كتير بتتمنى كدا
وزى ما فى بنات وحشه برضو فى ولاد وحشين
وبيفكرو فعلا تفكير قله الثقه ديه الا هو (زى ما مشيتى معايا هاتمشى مع غيرى) بس ده لما بيكون علاقه عاديه صداقه او هو بيتسلى وده تعتبر ممكن تكون حجه لى هو

لكن لو الاتنين حبو بعض اوىىىىىىىىى زى ما بتقولى واتجوزو ماعتقدش انو هايقول كدا

يعنى بعد ما يتجوزها يقولها انا هاشك فيكى على شان مشيتى معايا
مدام هاتقول كدا ليه اتجوزتها اصلا وقعدت معاها الفتره ديه
لو حب بجد مش هايقول كدا لانو بكدا بيجرح مشاعرها وهو لو بيحبها هيخاف جدا على مشاعرها

اسف انا كمان على اطلتى فى الكلام

نورتينى بردك الجميل
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الثلاثاء 25 أغسطس 2009, 4:27 am

السلام عليكم
لو ممكن تسمحولى أقول رأيى
ولد حب بنت
أول حاجة لازم يعملها
لأن الحب مش بإيديه ولا بإيديها
والرسول قال
.. الأرواح جنود مجندة
من تلاقى منها تألف..
أولا
لو ظروفه تسمح يتقدم لها
والأمور تمشى فى النور
يبقى طبعا أفضل كتير
ثانيا
لو ظروفه ما تسمحش
ليه يعذب نفسه المسكين
ويحمل نفسه فوق طاقتها
هيقولى الحب ومش قادر و..و..و..
بس برده حبيبك المصطفى قالك حل
عليك بالصوم والدعاء
إدعى من قلبك ..
لو ربنا كاتبلك خير فيها
هتكون ليك..
صدقونى أنا مجرب
حبيت واحدة 7 سنين
بس عمرى ما كلمتها..
وكنت بدعى قوى ..
لقيت ربنا رزقنى اللى أحسن منها
فى نظرى بكتيييييييييير
والحمد لله..
بس أسف طولت عليكو..
ودى نظرتى لأى علاقة بين ولد وبنت
لازم تبدأ فى النور
عشان تكمل برضا ربنا
وتوفيقه
ما تنتهيش زى معظم علاقات ولاد وبنات الجامعات
اللى بتبدأ من ورا الأهل
...شكرا على الموضوع الجميل..
الرجوع الى أعلى الصفحة اذهب الى الأسفل
زهرة العمر



تاريخ التسجيل : 23/04/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الثلاثاء 25 أغسطس 2009, 4:43 am

السلام عليكم ورحمه الله وبركاته
احب اقولك بلاش تعمم يعني بلاش تقول ان كل البنات كده ولا حتي الغالبيه ( اصابع اليد الواحده ليست مثل بعضها) وانا مقدره جداااااااااااااااا احساسك بس مع الاسف انا اتعمل معايا العكس عرفت ظروفه واستنيت سنه والتانيه والتالته ولما جيه اتقدملي هو الى فرض شروط مش احنا ولما ولدى رفض صرف نظر وبعد لابد وكمان اعتبرني اتخليت عنه وع العلم انى رفضت ناس كتير اتقدمولي عشان بموت في التراب الي بيمشي عليه اعتقد بعد ما تقرا حكايتي هتهون عليك بلوتك محدش بيتعلم ببلاش يا عزيزى وهي تجارب بنتعلم منها عشان نقوى ونتكسرش تانى
طولت عليك
شكراااااااا
الرجوع الى أعلى الصفحة اذهب الى الأسفل
dof3et 2006



تاريخ التسجيل : 09/06/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الثلاثاء 25 أغسطس 2009, 4:50 am

سلام عليكم....انا قرأت الموضوع ورأى الدكتور لخص كل اللى كنت عايزة اقوله...فى القرآن ربنا

سبحانه وتعالى قال (فيما معناه)انه مفيش اى ذنب لو حبيت تخطب او تتزوج او لو حتى كتمت حبك

لواحدة ما فى قلبك لأن ربنا اعلم بما فى القلوب لكن لا تواعدوهن سراً يعنى إما التقدم والخطبة والزواج

على طول إما اللى مش ظروفه تسمح عليكم بالصيام....وانا عامة بدعى:اللهم ارزق شباب المسلمين

بالزوجات الصالحة وارزق بنات المسلمين بالأزواج الصالحة،آمين.
الرجوع الى أعلى الصفحة اذهب الى الأسفل
boba



تاريخ التسجيل : 05/04/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الثلاثاء 25 أغسطس 2009, 4:51 am

بصوا ياجماعه اولا كل سنه وانتم طيبن ورمضان كريم
ثانيا الاول والاخر كل شىءنصيب واللى له نصيب فى حاجه هيشوفها وبعيدا عن اى ظروف ممكن الاتنين يكونوا بيموتوا فى بعض لكن نصيبهم مش لبعض وعلى اهون سبب يسبوا بعض لان فى الاول والاخر قسمه ونصيب ومقدر
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الثلاثاء 25 أغسطس 2009, 5:05 pm

dr.oraefy كتب:
السلام عليكم
لو ممكن تسمحولى أقول رأيى
ولد حب بنت
أول حاجة لازم يعملها
لأن الحب مش بإيديه ولا بإيديها
والرسول قال
.. الأرواح جنود مجندة
من تلاقى منها تألف..
أولا
لو ظروفه تسمح يتقدم لها
والأمور تمشى فى النور
يبقى طبعا أفضل كتير
ثانيا
لو ظروفه ما تسمحش
ليه يعذب نفسه المسكين
ويحمل نفسه فوق طاقتها
هيقولى الحب ومش قادر و..و..و..
بس برده حبيبك المصطفى قالك حل
عليك بالصوم والدعاء
إدعى من قلبك ..
لو ربنا كاتبلك خير فيها
هتكون ليك..
صدقونى أنا مجرب
حبيت واحدة 7 سنين
بس عمرى ما كلمتها..
وكنت بدعى قوى ..
لقيت ربنا رزقنى اللى أحسن منها
فى نظرى بكتيييييييييير
والحمد لله..
بس أسف طولت عليكو..
ودى نظرتى لأى علاقة بين ولد وبنت
لازم تبدأ فى النور
عشان تكمل برضا ربنا
وتوفيقه
ما تنتهيش زى معظم علاقات ولاد وبنات الجامعات
اللى بتبدأ من ورا الأهل
...شكرا على الموضوع الجميل..



نورت الموضوع برأيك
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الثلاثاء 25 أغسطس 2009, 5:12 pm

زهرة العمر كتب:
السلام عليكم ورحمه الله وبركاته
احب اقولك بلاش تعمم يعني بلاش تقول ان كل البنات كده ولا حتي الغالبيه ( اصابع اليد الواحده ليست مثل بعضها) وانا مقدره جداااااااااااااااا احساسك بس مع الاسف انا اتعمل معايا العكس عرفت ظروفه واستنيت سنه والتانيه والتالته ولما جيه اتقدملي هو الى فرض شروط مش احنا ولما ولدى رفض صرف نظر وبعد لابد وكمان اعتبرني اتخليت عنه وع العلم انى رفضت ناس كتير اتقدمولي عشان بموت في التراب الي بيمشي عليه اعتقد بعد ما تقرا حكايتي هتهون عليك بلوتك محدش بيتعلم ببلاش يا عزيزى وهي تجارب بنتعلم منها عشان نقوى ونتكسرش تانى
طولت عليك
شكراااااااا



وعليكم السلام ورحمه الله وبركاته

لو بصيتى فى ردودى هاتعرفى انى بقول انى فى بنات من النوع الا بيحب الفلوس وانو ممكن يضحى بالحب على شان واحد جاهز ومعاه فلوس
ونوع من البنات الا بضحى بالفلوس وبالدنيا كلها على شان خاطر الحب وقولت ده شئ نادر

بصى هو فرض عليكى شروط والمفروض انى ده مايحصلش لانى هو لو شريكى مش هايفرض شروط انتو الا تفرضو لكن هو شكلو ماكنش بيحبك قد ما انتى حبتيه

فعلا هى تجارب والشاطر هو الا يتعلم منها

ربنا يوفقق مع انسان يعرف قيمه الحاجه الا فى ايده

شرفتى الموضوع بردك
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الثلاثاء 25 أغسطس 2009, 5:14 pm

dof3et 2006 كتب:
سلام عليكم....انا قرأت الموضوع ورأى الدكتور لخص كل اللى كنت عايزة اقوله...فى القرآن ربنا

سبحانه وتعالى قال (فيما معناه)انه مفيش اى ذنب لو حبيت تخطب او تتزوج او لو حتى كتمت حبك

لواحدة ما فى قلبك لأن ربنا اعلم بما فى القلوب لكن لا تواعدوهن سراً يعنى إما التقدم والخطبة والزواج

على طول إما اللى مش ظروفه تسمح عليكم بالصيام....وانا عامة بدعى:اللهم ارزق شباب المسلمين

بالزوجات الصالحة وارزق بنات المسلمين بالأزواج الصالحة،آمين.



نورتى الموضوع
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الثلاثاء 25 أغسطس 2009, 5:16 pm

boba كتب:
بصوا ياجماعه اولا كل سنه وانتم طيبن ورمضان كريم
ثانيا الاول والاخر كل شىءنصيب واللى له نصيب فى حاجه هيشوفها وبعيدا عن اى ظروف ممكن الاتنين يكونوا بيموتوا فى بعض لكن نصيبهم مش لبعض وعلى اهون سبب يسبوا بعض لان فى الاول والاخر قسمه ونصيب ومقدر



وانتى بالصحه والسلامه

فعلا كل شئ نصيب والا مكتوب على الجبين لازم تشوفه العين

شكراااااااااااا على مرورك
الرجوع الى أعلى الصفحة اذهب الى الأسفل
باشا الزمان



تاريخ التسجيل : 04/03/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   السبت 29 أغسطس 2009, 12:07 am

مع احترااااااااااااامي لجميع الاعضاء اللي منورين الموضوع
اولا كل سنة وانتم طيبين ورمضااان كريم عليكم جميعا
بالنسبة لموضوعك يا محمود بص يا سيدي انت بتقول انك بتحبها جدا جدا اوك طيب وهي؟!
بتحبك بجد وزي ما انت بتحبها واكتر انا من رأيي اللي بيحب حد في حاجة بينهم اسمها تضحية يعني كل واحد لازم يستحمل التاني بظروفه بكل مشاكله ويتحمل معاه المشوار من اوله الي اخره امال بيحبه ازاي
وكل واحد فيهم يحاول يعمل اللي يقدر عليه عشان يحافظ على الحب ده ولو مفيش فايدة يبقي ده قدر من عند ربنا وقسمة ونصيب بس اسمك ايه عملت اللي عليك ... صح؟
ومدام انت عملت اللي عليك وصارحتها من الاول بظروفك تبقي كده انت تمام التمام وفي السليم هي بقي غلطتها انها وافقت واتخلت عنك كان المفروض ان موافقتها دي تبقي طول العمر مش مجرد فترة وخلاص
انت كده مش غلطان وسبها تشوف حالها وانت شوف حالك وربنا اكيد شايلك حاجة كويسة حد يقدر حبك وظروفك ...
بس كده انا خلاص كلامي يا ريت مش يكون في كلامي حاجة ضايقتك
ورمضان كريم
تحياتي
باشا الزمان
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الأحد 30 أغسطس 2009, 6:01 pm

باشا الزمان كتب:

مع احترااااااااااااامي لجميع الاعضاء اللي منورين الموضوع
اولا كل سنة وانتم طيبين ورمضااان كريم عليكم جميعا
بالنسبة لموضوعك يا محمود بص يا سيدي انت بتقول انك بتحبها جدا جدا اوك طيب وهي؟!
بتحبك بجد وزي ما انت بتحبها واكتر انا من رأيي اللي بيحب حد في حاجة بينهم اسمها تضحية يعني كل واحد لازم يستحمل التاني بظروفه بكل مشاكله ويتحمل معاه المشوار من اوله الي اخره امال بيحبه ازاي
وكل واحد فيهم يحاول يعمل اللي يقدر عليه عشان يحافظ على الحب ده ولو مفيش فايدة يبقي ده قدر من عند ربنا وقسمة ونصيب بس اسمك ايه عملت اللي عليك ... صح؟
ومدام انت عملت اللي عليك وصارحتها من الاول بظروفك تبقي كده انت تمام التمام وفي السليم هي بقي غلطتها انها وافقت واتخلت عنك كان المفروض ان موافقتها دي تبقي طول العمر مش مجرد فترة وخلاص
انت كده مش غلطان وسبها تشوف حالها وانت شوف حالك وربنا اكيد شايلك حاجة كويسة حد يقدر حبك وظروفك ...
بس كده انا خلاص كلامي يا ريت مش يكون في كلامي حاجة ضايقتك
ورمضان كريم
تحياتي
باشا الزمان



الله اكرم

الحمد لله على كل حال وكل شئ نصيب

نورت الموضوع
الرجوع الى أعلى الصفحة اذهب الى الأسفل
هنودة27



الموقع : فى قلب حبيبي M
تاريخ التسجيل : 05/03/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الجمعة 04 سبتمبر 2009, 8:40 am

دى حاجة بتاعة ربنا وهيا غلطانة لانا وافقت على الحب ده بكل ظروفه بس زى مافى بنت تعمل كده فى مليون ولد يعملوا كده ويبيعوا حبهم بسهولة انا بجد عرفت واحدة حصل معاها كده وكانت بتحبه ووافقت بكل ظروفه بمعنى اصح مكنش حيلته حاجة زى مبيقولوا بس هو الى ضيع الحب ده وهيا كان عندها استعداد تقف جنبه ويبداوا من الصفر بس فى حاجة احب انك تعرفها مش كل حاجة بنتمناها فى الدنيا بناخدها ومش كل اتنين حبوا بعض كانوا لبعض وبجد دى انسانة متستاهلش حتى انك تزعل عليها ولو للحظة او تفكر انك كنت بتحبها واكيد هتلاقى الاحسن منها Smile تقبل مرورى
الرجوع الى أعلى الصفحة اذهب الى الأسفل
mhmoudkamel2



الموقع : Giza
تاريخ التسجيل : 14/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الأحد 06 سبتمبر 2009, 3:35 am

هنودة27 كتب:
دى حاجة بتاعة ربنا وهيا غلطانة لانا وافقت على الحب ده بكل ظروفه بس زى مافى بنت تعمل كده فى مليون ولد يعملوا كده ويبيعوا حبهم بسهولة انا بجد عرفت واحدة حصل معاها كده وكانت بتحبه ووافقت بكل ظروفه بمعنى اصح مكنش حيلته حاجة زى مبيقولوا بس هو الى ضيع الحب ده وهيا كان عندها استعداد تقف جنبه ويبداوا من الصفر بس فى حاجة احب انك تعرفها مش كل حاجة بنتمناها فى الدنيا بناخدها ومش كل اتنين حبوا بعض كانوا لبعض وبجد دى انسانة متستاهلش حتى انك تزعل عليها ولو للحظة او تفكر انك كنت بتحبها واكيد هتلاقى الاحسن منها Smile تقبل مرورى

ونعمه بالله فعلا زى ما فى بنت وحشه فى ولد وحش بس بردو فى بنات بتعرف معنى الحب الحقيقى الحب الا هو بقى اصبح شئ نادر دلوقتى فى بنات وولاد عارفه يبعنى ايه حب يعنى ايه احاسيس مش كل حاجه فلوس

كل شئ نصيب وماحدش بياخد اكتر من نصيبه والحمد لله وقدر الله ماشاء فعل

شكرا على مرورك الطيب
الرجوع الى أعلى الصفحة اذهب الى الأسفل
marmar



تاريخ التسجيل : 01/08/2009

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الأحد 22 أغسطس 2010, 5:54 am

اسمحولى ابدى رأي

احيانا فى بنات بضحى بحبها ان كانت بتحب بصدق عشان الفلوس والعريس الجاهز

وأحيانا بيبقى ضغط من الأهل عليها..وده بيتوقف على شخصيتها طبعا...وشخصيه اهلها

فممكن يكون صارمين لدرجه مش باديه وممكن تكون مع احترامى ضعيفه ولاتسطيع ابدا رايها

او اهلها يقنعوها انها العريس هيخليها اميره والكلام ده....

وفى بنات بتحب تغيظ حبيبها...بأنها تقوله انى فى عريس وتعرف اد ايه هو بيحبها..مش اكتر

وطلما هى وافقه على الظروف يبقى خلاص....كان ممكن حضرتك تتقدملها...

وكان مش شرط اللى بتحب مش بتكون قايله لحد من اهلها...ممكن يكون فى حد عارف وبيحاول يساعدها

وكله فى الاخر نصيب...
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الإثنين 27 سبتمبر 2010, 9:00 pm

اسمحولي والاخ محمود اتمنى صدره يكون رحب لكلامي
تكلموا عن الحب واكنه موجود وهو للاسف حاجة مش موجودة في زمانا ده لو عاوزين تشوفواالحب ممكن تلاقوه في متحف قديم آيل للسقوط محطوط ضمن محتويات المتحف ومكتوب عليه انقرض من الاف السنين
معادش في حاجة اسمها حب بجد واللي يخليني اقول كده قولولي ليه ؟؟
ليه الأب لما ملقاش يأكل ولاده جاب سم وسم ولاده ؟ عارفين ليه عشان بيحبهم وخايف عليهم من الجوع ؟؟
ليه الابن اللي قتل عمه اللي راه وعامله زي ابته ؟ عشان بيحبه وزعل منه لما زعله ؟؟
ليه الزوجة بتخون زوجها وتعرف راجل غيره بدل ما تطلب الطلاق ؟؟ عشان بتحب اولادها ومش عاوزاهم يتربوا ين أب وأم منفصلين ؟؟
ليه الزوج بيهدم ثقة زوجته ويحسسها انها ولا حاجة ؟ عشان بيحبها وخايف تتغر وتسيبه
ليه الزوج بيسرق فلوس مراته ويكتب كل حاجة باسمه ؟ عشان بيحبها وخايف الفلوس تيها تستغنى عنه
ليه وليه وليه
هو ده الحب اللي موجود كل الجرائم اللي بترتكب بترتكب اسم الحب
ارحموا الحب وسيبوه يرتاح في قبره بلاش كل شوية تنبشوا في قبره القبور ليها حرمه
لو انت يا محمود حبيت بجد عمرك ما هتفكر تفاتحها ولا تكلمها الا لما تحس انك تستحقها ماديا ومعنويا وانك مش هتعذبها معاك انا اختي اتجوزت جواز صالونات عادي واكتشفنا عد جوازها ان في واحد حبها 4 سنين في صمت واول ما شافها حامل قعد علارض من الصدمة وقالها انتي اتجوزتي ليه ده انا دخلت الثانوية العامة عشانك وهو كان غني لكن معاه صنايع وهي جامعية وقعد يعيط ويقولها مكنتش عاوز اتقدملك الا لما اكون جدير يكي ده في نظري هو الحب غير كده يبقى استهبال وناس عاوزة تحب على نفسها ناس عارفة انها موهومه وموافقة تنخدع بمزاجها
اسفة بجد بجد عالاطالة سامحوني وتقبلوا مروري
الرجوع الى أعلى الصفحة اذهب الى الأسفل
????
زائر



مُساهمةموضوع: رد: ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة   الخميس 30 سبتمبر 2010, 9:48 pm


الشيخة المغربية أم خليل الروحانية
الهاتف

00212666492797

التواصل على المنتدى
www.oumkhalil.com
-----------------
خواتم و مخطوطات روحانية
لدينا أقوى الخدمات روحانية و على كل المستويات

علاج كل أنواع السحر و المس و الأمراض الروحية
سرعة الزواج للمعطلة
جلب الحبيب لرجل أو امرأة و خلال 48 ساعة
أمر الطاعة و الإصلاح للزوجين
للتسيير المعاملات و القبول في مجال العمل و التجارة
الخادم الروحي تحت تصرفك مباشرة
خواتم روحانية
للمحبة و القبول و التأثير و الهيبة
لرد المرأة المطلقة
لفك الربط للرجل والمرأة
للوجاهة وعطف القلوب
لعلاج النظرة والحسد
-------
و الكثير من الخدمات الروحانية لحل جميع مشاكلكم

00212666492797
هل لديك مشكلة و لم تجد لها من الاعراض : الخمول والكسل
العصبية الشديدة وسرعة الغضب
وهذا يكون ايضا احيانا لدى المصاب بالعين .
الصداع الدائم بدون سبب طبي
وتوجد هذه ايضا في المصاب بالعين او المس .
الضيق الشديد مع ضيق التنفس وكأن شخصا يضغط على صدره .
حب العزلة وكراهة الاجتماعات .
خوف غير طبيعي . احلام مخيفة متكررة مع قلة النوم احيانا .
كثرة النوم بعض الاحيان .
انشغال الفكر بامور تافهة جدا . عدم التركيز اثناء الحديث مع الاخرين .
التنميل في الجسد او بعضه
زيادة الصداع والتعب اثناء الرقية ، وخاصة الايات التي تتحدث عن السحر والسحرة
بكاء المريض بشكل لا ارادي اثناء الرقية . بكاء المريض لا اراديا حتى بدون رقية
الرعشة في الاطراف وتزداد مع الرقية .

00212666492797
كثرة الصدود عن ذكر الله وعن الصلاة. وخاصة اذا كان ايذاء الجن داخليا .
انقلاب الاحوال فجأة من حب الى بغض وكثرة الشكوك.
ويكثر هذا في سحرالتفريق تعظيم اسباب الخلاف ولو كانت سهلة .
قلب الصورة الجميلة الى قبيحة . كراهية المسحور لاي عمل يقوم به الطرف الاخر او المكان الذي يتواجد به
الشغف الشديد والمحبة وعدم الصبرعن المحبوب ، وهذا يكثر بل يتركز في سحر التولة .
الرغبة في كثرة الجماع الطاعة العمياء بدون ضوابط . قلب الحقائق ، وهذا يكون في نوع سحر التخييل .
رؤية الثابت متحرك والعكس.كسابقه .
الشرود وكثرة النسيان بشدة . التخبط في الكلام .
عدم الرغبة في المكوث في مكان واحد .
عدم الاستقرار في عمله .
اهمال الاهتمام بالمظهر الحسن .
ألم دائم في عضو من اعضاء الجسد
------

الشيخة المغربية أم خليل الروحانية
الهاتف
00212666492797

التواصل على المنتدى
www.oumkhalil.com
الرجوع الى أعلى الصفحة اذهب الى الأسفل
 
ليه البنت بتعمل كده فى الولد ؟؟؟؟؟؟ عاوز البنات تجاوب بس بصراحة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: