منتدى كلية رياض الأطفال
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةأحدث الصورالتسجيلدخول

 

 البيكاتا بصوص الماشروم -الفيلية بصوص المشروم

اذهب الى الأسفل 
2 مشترك
كاتب الموضوعرسالة
نوووور

نوووور


الموقع : المعادى
تاريخ التسجيل : 11/02/2009

البيكاتا بصوص الماشروم -الفيلية بصوص المشروم Empty
مُساهمةموضوع: البيكاتا بصوص الماشروم -الفيلية بصوص المشروم   البيكاتا بصوص الماشروم -الفيلية بصوص المشروم Emptyالخميس 20 أغسطس 2009, 11:46 pm

ندخل بأه علي المقادير علي طول


نصف كيلو لحم فيلية

(عرق فيليه)

(و ممكن تمشي بلحم البوفتيك)


ماشروم مقطع

(معلب ولو طازة يكون احسن طبعا)


فريش كريم

(ديه بتاعة جهينة)

و في كمان عند جهينة كريمة طبخ
بس انا كتير بعمل بديه عادي يعني مافيش فرق واضح


(الناس اللي بتعمل رجيم يستخدموا كريمة نباتي نفس الطعم و ارخص كمان)


بصل مبشور و عليه ملح و فلفل


شوية دقيق


2 ليمون

ربع كوب خل

(ممكن اقل )



زيت


الطريقة



نبدأ الاول في تتبيل الفيليه او البوفتيك بالبصل المبشور و الملح و الفلفل و اليمون و الخل و نتركة علي الاقل نصف ساعة

(طبعا يستحسن يقعد في التتبيلة اطول من كده)



نبدأ بأه في التسوية


نجيب طاسة كبيرة

و نحط فيها زيت

(يا دوب نغطي قعر الطاسة)


و نحط الفيليه في الدقيق من الجانبين

(نعفره يعني بالدقيق)

و بعدين نحطه في الطاسة

(طبعا الزيت يكون سخن)

بس بمجرد ما نبدأ في وضع الفيليه نهدي النار علشان اللحم يستوي من بره و من جوة


و نعمل باقي كمية الفيليه بنفس الطريقة

لحد ما نملي الطاسة


و نسيبها شوي

(نغطيها ثلاث دقائق)


و لما الوجه اللي في الزيت يصبح لونه بني نقلب علي الوجه الاخر

(ماتخافوش لما يغمق شوي)


و نسيبة نفس الفترة اللي فاتت


و لو لسة باقي فيليه تاني

يبقي نشيل الكمية ديه في طبق جانبي و نعمل كده مع باقي الكمية لغاية ما كمية الفيليه تخلص


و بعد ما تنتهي الكمية


نرجع الفيلية كله تاني في الطاسة و نحط عليه الماشروم و نقلب حتي يغمق لون المشروم شوي

(دقيقتين مثلا)


و بعدين نزود شوية ماية

(ممكن نزود من الماية بتاعة المشروم لو ستخدمتوا المعلب)

يا دوب نغطي الفيليه و المشروم


و نسيبهم يغلو شوي علشان الدقيق اللي في اللحمة يفك و يعملي صوص غليظ


و لما نتأكد ان اللحم استوي

نحط الكريمة و نقلب

نحط لحد ما يصل للون اللي بتحبوه

في ناس بتحب الصوص يكون غامق فتحط الكريمة قليلة

و اللي بيحب الصوص فاتح يكتر كريمة لحد ما يصل للون اللي عايزينه


و نقلب كويس

و نغطي و نسيبها تغلي شوي دقيقتين كمان


ملحوظة:

لو عايزين الصوص يكون كتير

كتري كمية الماية اللي حطيتيها بعد المشروم


طبعا بنقدم جنبها مكرونة او رز ابيض

مش لازم طبعا مكرونة اسباجيتي
انا بحب اعملها بمكرونة فيونكة او قواقع او سوستة
علشان الاولاد يعرفوا يكلوها
طيب لو عايزين تعملوا مكرونة زي اللي فوق ديه نعملها ازاااااي


نسلق المكرونة بتاعتنا عاااادي


و في طاسة نحط ملعقتين زبده سخنين


و نشوح فيهم شوية جزر مبشور


ونطفي النار


و نحط ورق كسبرة خضرا مقطع صغير خالص


ونقلب كويس اوي


و بعدين نحط المكرونة علي الخلطة ديه و نقلب


هتطلع زي المكرونة اللي في الصورة فوق




انا بأه بعد ما اللحم يستوي بشيل اللحم و احط المكرونة في الصوص و اقلب علشان المكرونة تشرب من الصوص


و بعدين اقدم المكرونة بالصوص


و جنبها طبق في اللحم بشوية شوص صغيرين


ممكن طبعا بدل فيليه اللحم نحط فيليه فراخ
الرجوع الى أعلى الصفحة اذهب الى الأسفل
ملوكه

ملوكه


تاريخ التسجيل : 11/07/2009

البيكاتا بصوص الماشروم -الفيلية بصوص المشروم Empty
مُساهمةموضوع: رد: البيكاتا بصوص الماشروم -الفيلية بصوص المشروم   البيكاتا بصوص الماشروم -الفيلية بصوص المشروم Emptyالجمعة 21 أغسطس 2009, 12:37 am

جميله قوي ان شاء الله اجربها يا قمر
تسلمي
الرجوع الى أعلى الصفحة اذهب الى الأسفل
 
البيكاتا بصوص الماشروم -الفيلية بصوص المشروم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: مطبخ حــواء-
انتقل الى: