منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 مرة واحد مصرى راح إيطاليا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dof3et 2006



تاريخ التسجيل : 09/06/2009

مُساهمةموضوع: مرة واحد مصرى راح إيطاليا   الأحد 30 أغسطس 2009, 2:49 am

سلام عليكم....يارب تكونوا كلكم بخير....الموضوع ده كان على بالى من فترة وهو سلوكيات معظم المصريين لما بيسافروا يشتغلوا او يستقروا فى دول تانية بالذات لو دول أجنبية....أنا ليا قريبة متزوجة وعايشة فى إيطاليا بحكم عمل جوزها ،،بتحكيلى على سلوكيات مكنتش اتخيل انها ممكن تحصل وبالأخص بتحصل من مصرييــــــــــــــــن وسمعتنا بقت هناك زى الفـــــــــــــــــــل ......كنت عايزة احكيلكم شوية منها:

* مثلا فى الســـــــــــوق ..هناك بيكون فى البائع الإيطالى والبائع المصرى،،لو روحت للإيطالى وقلتله انا عايز مثلا كيلو طماطم ،،هيوزن لك الكيلو ويقولك بس الميزان طلع معايا كيلو و100جرام اوك على كده ولا لأ؟؟؟؟..........لو روحت للبائع المصرى و قولتله عايز كيلو طماطم و2 كيلو خيار وهكذا،،يوزن لك ويقولك الحساب وكله تمام ولما ترجع البيت تفاجأ ان كيلو الطماطم بقى 2 و2 كيلو الخيار بقى 4 وهكذا كل حاجة يديك ضعفها على طول ومن غير ما يقولك وطبعا هو عايز يكسب اكتر.


*مثلا هناك الكنائس لاحظت ان فى كتير من المسيحيات هناك بتضطر انها تجهض نفسها عشان مش قادرين يوفروا معيشة كريمة للطفل ،،فقررت انها تعطيهم معونة مالية لمدة 3 سنوات بشرط ان الإجهاض ميحصلش وبالتالى هم هيتكفلوا بمصاريف الطفل لحد ما تقدر الأم توفر الحياه المناسبة ليه...تيجى بقى اخواتنا المصريات مسيحيات ومسلمات يروحوا الكنيسة و يقولوا احنا حوامل و هنجهض الطفل عشان مش قادرين نأمن مصاريفه(وطبعا هم عايزين فلووووس أكتر وخلاص)وياخدوا المعونة من الكنيسة.

*هناك بعض الجهات المالية زى البنوك وغيره بتعرض انها تقدم مساعدات مالية للأفراد اللى بيكونوا مرتباتهم تحت حد معين بس بشرط مش يكونوا بياخدوا معونة من اى جهة تانية،،طبعا يقوم المصريين رايحين ويطلبوا المساعدة المالية دى،،يسألوا بتاخدوا مساعدات من اى جهة تانية،الإجابة:لألألألألألألألأ....تتأكد الجهة المالية من حسابات المصريين دول طبعا يلاقوهوم بياخدوا مساعدات من مليون جهة تانية.

*قريبتى دى حبت انها تتعلم السواقة هناك فراحت لمركز لتعليم السواقة فطلبت من المسئولة هناك لو ياريت اللى تعلمها تكون واحدة مش واحد(عشان تعاليمنا الإسلامية)وهى بتطلب الطلب ده كانت هناك واحدة ايطالية لما سمعت كده قالت لها انتى عايزة واحدة ليه ،على فكرة انتوا الرجالة بتاعتكوا هم اللى بيبصوا علينا وبيزهقونا لكن الرجالة عندنا مش بيبصوا أبدا.

ومواقف تانية كتيييييييييرة لو افتكرتها هبقى اعملها فى جزء تانىSmileبس الفكرة انهم هناك عندهم السلوكيات والإنسانيات بس مش عندهم الدين،،،واحنا عندنا الدين ومش عندنا السلوكيات والإنسانيات،،،وكمان لما يشوفوا تصرفاتنا دى تفتكروا هيقولوا ايه؟؟أكيد هيقولوا هم دول المسلمين وهو ده الإسلام اللى بيقولوا عليه؟؟!!!!!!


زى ما فى طبعا الوحش اللى هو كتير شوية فى الحلو برضه،،،،فى ألمانيا كان فى مجموعة شباب عرب مسلمين بيدرسوا هناك ،كاونا واقفين بيتكلموا(بالعربى طبعا)انضم لهم واحد ألمانى فبدأوا يتكلموا بالألمانى وكانوا بيعانوا اوى لأنهم مش يعرفوا ألمانى كويس،الألمانى ده لاحظ فسألهم انتوا ايه اللى جابركوا على المعاناة دى؟قالوا لأن فى ديننا مينفعش اتنين يتكلموا والتالت مش يكون فاهمهم لأنه ممكن يظن انهم بيتكلموا عنه،،اندهش جدا الألمانى وبدأيقرأ فى الدين ده وفى الآخر أسلم (كل ده نتيجة موقـــــــــــف بس).......معلش لو طولت عليكم
الرجوع الى أعلى الصفحة اذهب الى الأسفل
amooooola



الموقع : في قلوب احبابي
تاريخ التسجيل : 04/07/2009

مُساهمةموضوع: رد: مرة واحد مصرى راح إيطاليا   الأحد 30 أغسطس 2009, 3:22 am

الموضوع فعلا حقيقي وعن تجربه بس مش في ايطاليا لكن كمان في الدول العربيه وغيرها والله الواحد كان بيكسف يقول انه مصري
هناك في السعوديه لما بيعملوا عزومات بيبزروا جدا ممكن تكون المراه السعوديه عندها عزومه ل15 واحده تعمل 10 خرافان على صو انى كبسه غير الفاكه والعصاير والسلطات وغيرهم وطبعا بعد من النا س بتاكل يرموا كل ده المصرين بيقوموا مشكورين ويقولولهم والله انا سايبه ابو العيال والعيال جعانين ولو معاها العيال دا انا عندى جامعه قرايبي جاين من مصر وغلابه مع انها ممكن تكون مدرسه وتقبض 4الاف ريال يعنى مش محتاجه تذل نفسها وتاخد بواقي اكل السعوديات حتى لوكانو مبذرين هم لهم جزاهم انا نفسي المصري يسافر اي مكان ويبقى عنده عزه وكرامه ومش عشان شويه فلوس يشوه صورتنا
معلش طولت
الرجوع الى أعلى الصفحة اذهب الى الأسفل
dof3et 2006



تاريخ التسجيل : 09/06/2009

مُساهمةموضوع: رد: مرة واحد مصرى راح إيطاليا   الأحد 30 أغسطس 2009, 3:29 am

سلام عليكم...ربنا يكرمك يا أمولة على المشاركة ونورتى الموضوع
الرجوع الى أعلى الصفحة اذهب الى الأسفل
 
مرة واحد مصرى راح إيطاليا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منوعات :: موضوعات عامة-
انتقل الى: