منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 من أنا...........!!؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5  الصفحة التالية
كاتب الموضوعرسالة
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: من أنا...........!!؟   الأحد 30 أغسطس 2009, 8:57 am

بسم الله الرحمن الرحيم


من منّا لم يسأل نفسه ذات يوم هذا السؤال ..؟!

"من أنا ..؟"

ربما كان السؤال يبدو عجيبًا للوهلة الأولى ..

لكن الحقيقة أن كلنا مر بمثل تلك اللحظة ذات يوم ..

هل أنا حقًا هو ما تصورت ..

أم أن الحقيقة تختلف ..؟!

هل كان ما فعلته حين كذا كان بنفس الدافع الذي قصدته ..

أم أنه كان هناك دافعًا خفيًا يحركني دون أن أشعر ..؟؟

أعلم أنه موضوع مخيف إلى حد ما

لكننا هنا اليوم لنحاول أن نعرف أنفسنا أكثر ..

سنحاول أن نفهم ما فاتنا ولم نجد له إجابة..

لست محللاً نفسيًا .. ولست خير من يتظاهر بهذا الدور

لكن الأقدمون قالوا حكمة تلخص الموقف وهى حقًا صادقة إلى حد بعيد ..

(إن الإنسان طبيب نفسه ..!)

والسبب بمنتهى البساطة أنك الوحيد على وجه الأرض

الذى يمكنه تحديد سبب علته على وجه الدقة ..

أنت أدرى بالمشكلة وأبعادها ..

ومهما كذبت على من حولك فأنت فى داخلك تعلم الحقيقة جيدًا ..

ومن هنا يمكنك أن تبدأ بشكل صحيح طريقك نحو إنهائها ..

فقط ..

لو كنت تملك الشجاعة الكافية للإعتراف

أمام نفسك على الأقل ..!

***

سنعتبرها لعبة صغيرة ..

لعبة تعتمد على نقطتين هامتين ..

التفكير .. والتطهير بالإعتراف أمام نفسك ..

لا أطالب بأسرار شخصية هنا

الأهم أن نصل للنتيجة المنشودة ..

من قرأ منا عن البرمجة اللغوية العصبية سيفهم فورًا عم أتحدث ..

ومن لم يقرأ سيحاول تحقيق نتائج دون الإهتمام بما أعنى ..

وهو الأهم ..

***

سأترك لكم موقفًا عاديًا ..

وعلى من يرغب في المشاركة أن يكتب لنا ..

يشرح أسلوبه في التعامل مع هذا الموقف إذا صادفه في الحياة الواقعية ..

بكافة التفاصيل دون إهمال المفردات واللوازم اللغوية التي إعتاد التحدث بها ..

يستحسن أن يكون الحديث باللهجة العامية أفضل من الفصحى هنا ..

لا أطالب بإنطباعات عامة ..

بل بشرح وإسهاب في الوصف كأنك صنعت سيناريو ..

حتى يصل المشهد كاملاً بلا تدخل من خيالي الشخصي ..

ستكون هذه هي البداية

وإذا وجدت إهتمامًا منكم سنستمر بإذن الله..

خطوة بخطوة ..

لن أكتب الموقف الآن ..

سأنتظر آرائكم وتعليقاتكم ..

والذي سيحدد إستمرارى من عدمه

بعد مشيئة الله تعالى

هو مدى إستجابتكم

ربما إهتم البعض بالأمر على سبيل التسلية ..

وربما وجد البعض الآخر أنه بحاجة للإشتراك لسبب في داخله ..

وربما فضل الآخرون الإنتظار والمتابعة عن بعد ..

على أية حال لن أستبق الأحداث ..

ولسوف أنتظر ....

............

........

.....
الرجوع الى أعلى الصفحة اذهب الى الأسفل
إيناس عبد الحميد (نوسة)



الموقع : شبرااااااااااااااااااااا
تاريخ التسجيل : 09/03/2009

مُساهمةموضوع: رد: من أنا...........!!؟   الأحد 30 أغسطس 2009, 9:26 am

ايه ده ليه بس التعليقة دى انا عاوزة الموقف بسرعة انا بحب الحاجات دى اوى
يلا انا اول واحدة موافقة وهستنى الموقف
الرجوع الى أعلى الصفحة اذهب الى الأسفل
hebakhaled



الموقع : بلد الامان
تاريخ التسجيل : 27/02/2009

مُساهمةموضوع: رد: من أنا...........!!؟   الأحد 30 أغسطس 2009, 10:30 am

وانا كمان معاكم
بس بشرط بلاش احراج
ههههههههههههههههه
بلاش مواقف الواحد مش بيعرف يتصرف فيها اصلا
ويكون الصمت هو الحل؟؟؟
الرجوع الى أعلى الصفحة اذهب الى الأسفل
romantic rose



تاريخ التسجيل : 15/08/2009

مُساهمةموضوع: رد: من أنا...........!!؟   الأحد 30 أغسطس 2009, 6:45 pm

انا كمان موافقه
وربنا يستر
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الأحد 30 أغسطس 2009, 7:29 pm

--------------------------------------------------------------------------------

شكرًا على مشاركتكم الرائعة..

خللوا باللكم..
كل ما أعنيه أن نحل المشكلة قبل لحظة النهاية ..

حتى تتسنى لنا الفرصة للإستمتاع بلحظة صفاء مع النفس ..

بلا ضغوط أو وجع ..

مجرد لحظة !
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الأحد 30 أغسطس 2009, 7:31 pm

الموقف الاول
عيشوا وتعايشوا

أنت مندوب مبيعات ..!!!

الساعة الآن الثانية ظهرًا ..

ونحن فى منتصف شهر مايـــو ..!

أنت الآن تحاول عبور الطريق بصعوبة ..

بين إطارات السيارات المسرعة الملولة ..

وصوت آلات التنبيه المزعجة نافدة الصبر ..



لديك مهمة محددة ..

توزيع عدد معين من النسخ لكتاب حديث الصدور ..

وقد أتممت المهمة بنجاح ..

تقريبًا ..!!

معك الآن نسخة أخيرة ..

هى ما تبقى معك فى النهاية ..

لكنك لن تحصل على مكافآتك إلا لو أتممت بيع المجموعة بالكامل ..


ثمن النسخة أعلى مما بحوزتك من مال ..

لا يمكنك شرائها لنفسك وإنهاء هذا السخف ..

أمام المنزل ينتظرك دائن أو مستأجر بمنتهى الشغف ..!!



لا تأمل أن تتمكن من استيقاف أحد المارة ..

لا تحاول ..!

الكل يدارى وجهه من حرارة الشمس ..

ويسير بصعوبة مختنقًا من الزحام وتوقف حركة السير ..

والتأخر على موعد العودة للديار ..

بمعجزة تمكنت فى النهاية من عبور الطريق ..

وسط فيض العرق الذى يسيل من كل أنحاء جسدك وروحك ..

ومن السيارات وجدران البيوت من حولك ..

وفجأة قابلت هذا الوجه البشوش ..

رجل واقف ينظر إليك بلهفة وفضول ولا ينوى التحرك من مكانه ..!!

ليس الفريسة المناسبة .. بل الوحيدة ..

عليك به فورًا ..

إنه الآن أملك الآخير فى الحياة ليوم جديد ..!!

تتجه نحوه بكل ثقة ..

وقد انتويت أن تبيعه النسخة الأخيرة بأى ثمن ..

النسخة التى أبقتها معجزة أخرى سالمة رغم كل ما خضت بها من حروب ..!

تبدأ فى الكلام بثقة وقد أكتسيت فورًا بصفات التاجر البارع متناسيًا كل ما يحيط بك من ظروف ..

أنت فعلتها من قبل فلا تخش شيئًا ..

إنها مجرد لعبة بالنسبة لك ..

لكنك كنت مو ...

لحظة ..



ما هذا ..؟!

لماذا لا يبد هذا الأحمق أي نوع من الإستجابة ..؟!

فقط النظرة الفضولية القاتلة ..

كأنك نسيت أنفك فى المنزل ..!!


ومع الأسف ..

تكتشف أن هذا العجوز المسكين مصاب بالصمم ..!!



نعم ..

هو لم يسمع منك حرف واحد ..

ويبدو أنه تائه كذلك ..

آسف ..

إنه قدرك ..!

فهل تحتمل للنهاية ..؟!

***
المطلوب منك الآن :

إخبرنى كيف ستتصرف فى هذا الموقف بأكبر عدد ممكن من الكلمات ..

أتمنى أن أظل أستمع إليك للأبد ..

لكن النتيجة الحتمية أن تتمكن من إقناع هذا العجوز

بإية وسيلة بشراء الكتاب ..!!

ودلوقتى يا حلو.....
أتركك لمصيرك ..

مسكين ..!

ولكن على كل شخص أن يحتمل قدره بصبر ...!!



***

فى انتظار الردود والمشاركات..
الرجوع الى أعلى الصفحة اذهب الى الأسفل
hebakhaled



الموقع : بلد الامان
تاريخ التسجيل : 27/02/2009

مُساهمةموضوع: رد: من أنا...........!!؟   الأحد 30 أغسطس 2009, 9:31 pm

انا مش عارفه اعمل ايه
بس انا صبوره شويه
هحاول افهم الرجل ده اهميه الكتاب
وممكن يستفاد منه ازاي
بالاشاره او باني اخليه يتفرج عليه
يمكن يمكن يكون بيعرف يقرأ
ولو فقدت الامل هسيبه وادور علي حد تاني
ماهو انا مش هروح غير لما ابيعه.......
وربنا معايا بقي
pale

لما اشوف بقي انتو هتعملو ايه؟؟؟
بس الموقف ده مش ليه اختيارات كتير
ياهتمشي وتستحمل الخساره
يا هتصبر لحد ما ربنا يسهلهالك
كله بامر الله
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الأحد 30 أغسطس 2009, 10:28 pm

شكرا تواصلك هبة..
أتمنى تفاعلكم جميعا
فى مواقف كتير جميلة وحلوة
هنعرضها مع بعض..
ونشوف كل واحد هيتصرف إزاى...
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الأحد 30 أغسطس 2009, 10:42 pm

الموقف التانى.......
بس ياريت الناس تتفاعل أكتر عشان نكمل


................
معى الآن موقف عادى جدًا قد نتعرض له جميعًا ..

انت فى أحد المواصلات العامة تذهب إلى مكان لا تعرفه ..

بمجرد الوصف ...

أنزلك السائق فى مكان ما وقال لك : إركب من على أول الشارع حاجة رايحة ( ..... )

تتحرك سائلاً المارة بالطريق حتى تجد موقفًا لسيارات الأجرة ..

" من فضلك والله .. أركب منين حاجة تروح الـ ( ...... ) ..؟!"
"تعال يا بشمهندس .. طريقى ..!"

تحمد الله لأن الأمر قد انتهى بسهولة دون المزيد من البحث ..

وتركب مطمئنًا راجيًا الرجل الطيب أن ينبهك عند نقطة الوصول ..

" عيب يا بيه .. إحنا - عدم المؤاخذة - فى الخدمة ..!!"

لا تكاد تمر دقيقتين حتى يتوقف عند أول الشارع التالى ..

" هنا ياباشا .. إنزل وأمشى خطوتين فى الإتجاه ده بس .."

تمنحه الأجرة عن طيب خاطر وتنزل سعيدًا مبتسمًا ..

تسأل أول من يقابلك ..

" من فضلك .. فين "منشية البكرى" والله ..؟!"
"آه عارفها .. دى فى روكسى حضرتك .."
" جميل .. يعنى أمشى إزاى ..؟!"
" تمشى ..؟! .. باقول لحضرتك روكسى ..!"
" ما أنا عارف يا أخى أمال يعنى إحنا فين ..؟!!"

فيضحك الرجل فيما بين الشفقة والسخرية ..
" إحنا - اسم الله على مقامك - فى الهرم ..! .. اتفضل معانا ..؟!
انت تايه ولا إيه ..
لا حول ولا قوة إلا بالله ..!
كوباية ميه بسرعة يابنى .."

***

انتهى الموقف والحمد لله ..!



والمطلوب معرفة :

1 - أول رد فعل لك .
2 - شعورك الحالى .
3 - تصرفك الآن .
4 - تصرفك لو قابلت هذا السائق فى ليلة ممطرة بزقاق مهجور وأنت تحمل سلاحك المرخص .
ههههههههه
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الأحد 30 أغسطس 2009, 10:46 pm

الفكرة عبارة عن
أننا نفترض موقف ما نادر الحدوث
بل ربما يكون مستحيلا
ولكن نفترض حدوثه فكل شىء جايز فى الزمن ده
المطلوب من القارىء
أن يضع لنا اجابته
كيف سيتصرف اذا مر به هذا الموقف
ويبرر لنا تصرفه
نحتاج بالطبع يكون تصرفه عقلانيا
رغم أن الموقف يبدو خيالى
الرجوع الى أعلى الصفحة اذهب الى الأسفل
boba



تاريخ التسجيل : 05/04/2009

مُساهمةموضوع: رد: من أنا...........!!؟   الأحد 30 أغسطس 2009, 10:58 pm

بصراحه بابا معودنا لما بنروح مكان جديد بنسال اكتر من حد
او
ممكن اخد تاكسى واريح نفسى
اهوالسواق اللى توهنى ربنا يسمحه ويهديه
الرجوع الى أعلى الصفحة اذهب الى الأسفل
إيناس عبد الحميد (نوسة)



الموقع : شبرااااااااااااااااااااا
تاريخ التسجيل : 09/03/2009

مُساهمةموضوع: رد: من أنا...........!!؟   الأحد 30 أغسطس 2009, 11:10 pm

بالنسبة للموقف الاول انا هحاول افهم الرجل باى طريقة اهمية الكتاب بالاشارة واو اكتبله فى ورقه وافتحله الكتاب مش هسكت يعنى بس لو لقيت مفيش فايدة هدور على غيره اكيد ومش هروح غير لما ابيعه
وده طبعا لانى لما بحط حاجة فى دماغى بعمل المستحيل عشان اوصلها ومبيئسش بسهولة


الموقف التانى طبعا اول رد فعل ليا هيكون دهشة فظيعة بس طبعا هكتم فى نفسى واشكر اللى عرفنى الحقيقة المرة
شعورى الحالى بغلى من جوايا ومتنرفزة طبعااااااااااا
تصرفى للاسف هضطر ادور على حاجة تودينى روكسى وهروح مشوارى
لو قابلته تانى طبعا هيكون الموقف عدى عليه وقت هفتكر واقعد اضحك ههههههههههههه
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الأحد 30 أغسطس 2009, 11:15 pm

هاااااااااااا.....

لموقف التالت جاهز..
رأيكم ايه...
الرجوع الى أعلى الصفحة اذهب الى الأسفل
hebakhaled



الموقع : بلد الامان
تاريخ التسجيل : 27/02/2009

مُساهمةموضوع: رد: من أنا...........!!؟   الأحد 30 أغسطس 2009, 11:42 pm

الموقف التاني
اولا ؛ طبعا هندهش جدا
ثانيا؛ هكون مخنوقه من الي عمل فيا كده
ثالثا؛ هروح المكان الي عايزه اروحه بس بعد ما اسال كتير
رابعا؛ لو شوفت الانسان الطيب الي عمل فيا كده
مش هعمله حاجه وكأن شيء لم يكن وبفكر كمان اشكره
لاني اكيد هكون استفدت وعرفت اماكن جديده



يلا الموقف الثالث بعد الفطار بقي انا تعبت
هههههههههههههه
الرجوع الى أعلى الصفحة اذهب الى الأسفل
????
زائر



مُساهمةموضوع: رد: من أنا...........!!؟   الأحد 30 أغسطس 2009, 11:51 pm

انا هقول الموقف التالت
لو قابلت حد
اول مره
اول مره تشوفه
بس حسيت انك تعرفه من 100سنه
من اول مجيت الدنيا دي
لقبت ان هو ده حبك الضائع
الحب اللي طول عمرك فضلت تحلم بيه
لقيت ان الشخص ده لن يتكرر مره اخري في حياتك
هي مره واحده
المره دي
المره اللي هو واقف قدامك فيها
وبعد لحظات هيسيبك
مش هتشوفه تاني
بس للاسف وهو ماشي هياخد اغلي حاجه منك
هياخد قلبك
هتعمل ايه
الفتره قصيره جدا
ومفيش وقت للتفكير
هتعمل ايه
هتسيبه يمشي كانك مشوفتوش
ولا هتاخد موقف مع نفسك
وهتعمل حاجه انت اول مره هتعملها في حياتك
................
زي مالدكتور قال
معظم المواقف دي
ممكن تحصل مره واحده
وممكن متحصلش خالص
ياريت اشوف اراءكم
متشكر جدا يادكتور
الرجوع الى أعلى الصفحة اذهب الى الأسفل
hebakhaled



الموقع : بلد الامان
تاريخ التسجيل : 27/02/2009

مُساهمةموضوع: رد: من أنا...........!!؟   الإثنين 31 أغسطس 2009, 1:47 am

الموقف التالت؛
هسيبه يمشي لاني مش اقدر اعمل حاجه غير كده
ولو زي ما انت بتقول حبي الضائع
هقول ان لو في نصيب اشوفه تاني اكيد ربنا هيجمعنا تاني
القدر والنصيب هيكون مهما عملت انا
وفي الاخر كل شيء نصيب,,,,,,,,,,,,



ايه يا جماعه هوه مفيش غيري هيرد ولا ايه
شكلكو كده بتردو بس في سركو ههههههههههههه
علو الصوت شويه علشان نعرفكم اكتر
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الإثنين 31 أغسطس 2009, 3:07 am

الله.....هبة قالت اللى كان نفسى أقولهولك يا سبيدر
صح....إنت مستغرب قوى...
متستغربش
بس لو فعلا الانسان ليه نصيب فى حاجة وربنا كاتبهاله
هتكون له...حتى ولو بعد سنين....
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الإثنين 31 أغسطس 2009, 3:41 am

موقف جديد ..!!


هل أنت رومانسى .. أنانى .. شهم .. رخم ( ولا مؤخذة ) - ندل ( لا سمح الله ) !!


قبل السؤال لى رجاء بسيط ..

يا ريت كل واحد قبل ما يجاوب يحاول مايشوفش إجابات الناس اللى قبله

لأنه ممكن ينتبه لنقطة معينة .. فـ يفكر يضيف أو يحذف منها ..

وأهم حاجة هنا إن الإجابة تكون تلقائية لأقصى حد ..


الموقف التااااالت...:

أنت تمر فى الشارع راكبًا سيارتك

التى تتسع لراكب واحد إضافى بجانبك فقط ..

وكان الجو عاصفًا للغاية .. لدرجة أن الناس كانت تموت بالفعل من شدة هبوب الرياح !!


وبالصدفة قابلت فى طريقك ثلاثة أفراد يقفون فى العراء وتكاد العاصفة تقتلعهم من مكانهم

- صديق / صديقة عمرك .

- حبيب / حبيبة قلبك .

- سيدة عجوز .. مسنة للغاية ولا تكاد تقوى على الوقف فضلاً عن صعوبة تنفسها ..

وتذكر .. سيارتك تتسع لراكب واحد إضافى بجانبك فقط ..

فكيف ستتصرف فى هذا الموقف ..؟!


فى إنتظار الإجابات ..
الرجوع الى أعلى الصفحة اذهب الى الأسفل
hebakhaled



الموقع : بلد الامان
تاريخ التسجيل : 27/02/2009

مُساهمةموضوع: رد: من أنا...........!!؟   الإثنين 31 أغسطس 2009, 5:05 am

اكيد طبعاالسيده العجوزه
هي احق واحده بالمساعده
وكمان ممكن تكون امي وجدتي مكانها


وبعدين بقي انا زهقت انا هتكلم لوحدي ولا ايه
حد يرد غيري والا مش هرد تاني,,,,,,,,,
ههههههه
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الإثنين 31 أغسطس 2009, 7:37 am





أولاً .. ماهى إحتمالات الموضوع ..؟!



1 - أن أتحرك وحدى بالسيارة وأترك الجميع لمواجهة مصيرهم ..



( ندل جدًا - سلبى - معدوم الفكر )



2 - أن آخذ السيدة العجوز ..



(قاصر التفكير - شهم - متمسك بالحياة فى أسوأ ظروفها - متبلد المشاعر إلى حد ما )



3 - أن آخذ الصديق ..



( قاسى القلب - مريض نفسيًا - محب لجلد الذات - يهوى العنف - وفىّ وهى ميزته الوحيدة )



4 -أن آخذ الحبيبة ..



(أنانى - ضعيف - وحيد - قليل الخبرة - ضعيف الشخصية - ميال للصراحة )



5 - أن أترك السيارة للصديق والحبيبة ..



( فاقد الأمل - يشعر بالإضطهاد - كتوم - شجاع - بارد الأعصاب - حار المشاعر )



6 - أن أترك السيارة للصديق والعجوز ..



(خيالى - متسلط - رومانسى - شهم - مغرور )



7 - أن أترك السيارة للحبيبة والعجوز ..



(يعتمد عليه - متزن - مضحى - متسامح )



8 - أن أترك السيارة وأنضم لهم ..



(هوائى - أميل للزهو - متفانى - محب - غبى !! )






عدل سابقا من قبل dr.oraefy في الخميس 17 سبتمبر 2009, 5:30 am عدل 1 مرات
الرجوع الى أعلى الصفحة اذهب الى الأسفل
إيناس عبد الحميد (نوسة)



الموقع : شبرااااااااااااااااااااا
تاريخ التسجيل : 09/03/2009

مُساهمةموضوع: رد: من أنا...........!!؟   الإثنين 31 أغسطس 2009, 8:00 am

بالنسبة للموقف التالت انا طبعا مفيش فى ايدى حاجة اعملها همشى وانا ساكتة وهبة تقريبا قالت اللى عاوزة اقوله

اما الرابع فانا طبعا هركب العجوز لان اكتر حد يصعب عليا الاطفال وكبار السن
الرجوع الى أعلى الصفحة اذهب الى الأسفل
لؤلؤة



تاريخ التسجيل : 09/03/2009

مُساهمةموضوع: رد: من أنا...........!!؟   الإثنين 31 أغسطس 2009, 8:12 am

بالنسبة للموقف التالت اكيد هسكت مفيش فى ايدى اى حاجة اعملها بس اكيد هكون بتالم جدا بس هعمل ايه
اما الموقف الرابع اكيد طبعا العجوز لان الاتنين الاخرين هيستحملوا اكتر من العجوز و اكيد هيكونوا مقدرين حاجة ذى كدة

وميرسى على الموضوع الجامد ده
الرجوع الى أعلى الصفحة اذهب الى الأسفل
لؤلؤة



تاريخ التسجيل : 09/03/2009

مُساهمةموضوع: رد: من أنا...........!!؟   الإثنين 31 أغسطس 2009, 8:14 am

ممكن اقترح موقف بلييييييييييييييييييييييييييييز
الرجوع الى أعلى الصفحة اذهب الى الأسفل
dr.oraefy



الموقع : بجوار سرير العيااااان..
تاريخ التسجيل : 26/07/2009

مُساهمةموضوع: رد: من أنا...........!!؟   الإثنين 31 أغسطس 2009, 8:16 am

طبعااااااااااااا....
إتفضلى أختى الكريمة...
الرجوع الى أعلى الصفحة اذهب الى الأسفل
راجية الجنة



الموقع : الغابة
تاريخ التسجيل : 08/03/2009

مُساهمةموضوع: رد: من أنا...........!!؟   الإثنين 31 أغسطس 2009, 9:23 am

السلام عليكم ورحمة الله وبركاته
موضوع راااااائع


ولا أدري كيف ساجيب على كل هذه المواقف دفعة واحدة

ولكن قبل الإجاابة


اتمنى أن تذكر لنا الحكمة أو الهدف من بعض المواقف

بمعنى مثلاً في آخر موقف اختيارنا لأي فرد منهم بالتأكيد سيعني شيئاً

ونحن نريد ان نعلم ما وراء هذه المواقف




**********************

الآن سوف أبدأ انا بسم الله


* الموقف الاول *


هحاول أكتبله في ورقة

ولو كان مش بيعرف يقرأ هحاول اعمله أي اشار افهمه بيها

ولو مفهمش بدل الوقت الضايع ده هحاول امشي شوية ولا اروح لشارع تاني شوف حد تاني

والله المستعااان



* الموقف الثاني *

حصل معايا فعلاً بس مش للدرجة دي

وبصراحه انا من النووع الحساس بغباااااء

يعني اول ما حصل كده واكتشفت بنفسي وقتها محدش قالي

علطول بطلت مشي ووقفت وفضلت أبكي دقيقتين 3 وبعدها أخذت نفس وقلت حسبي الله ونعم الوكيل

واتضايقت جداً من الراجل وكان نفسي اضربه

وبعدين لقيت الوقت هيبتدي يأخر وعندي التزامات تانية فأخدت تاكسي للكلية لأن كان عندي حاجه اعملها هناك

ورجعت البيت علطول لكن الموضوع مأثر في نفسيتي كتييير لأن حاجات كتير بتحصل معايا في مصر

ومواقف غريبة من اللي بتقول عليها مستحيلة لدرجة اني لما اتضغطت جاامد بدأت احس ان مغفلة

بس بعد كده قلت عشان مطلعش نفسي في الصو€رة الوحشة دي قلت يا انا حظي سيء يا الناس اللي بصادفهم وحشين

مع ان عمري ما حصلي كده في اي حتة تانية رحتها في الدنيا غير في مصر ولله الحمد Rolling Eyes





* الموقف الثالث لـ spider *


هسيبه يمشي وربنا معااااااااه

اصعب حاجه ان الواحد يتعلق قلبه بحد

شفت مواقف كتييييير لأشخاص كتيييير قراب وبعاد

ومن خلالهم اتأكدت أن احسن حاجة نصيبك اللي هتاخده في الآخر

بلا حب بلا هم بلا وجع قلب

مفيش حد حب حد قبل ما يتجوزوا وارتاحوا لا هوا ولا هي

لازم مشاكل لازم عقبات ولازم وجع قلب

ويمكن يكون ده عقاب ربنا ليهم



* الموقف الثالث * للدكتور


آآآآآآآه انا كان نفسي موصلش للموقف ده


وبصرااااحه صعب جداً

بس انا ملقتش غير حل وااااحد

انزل من السيارة واركب صديقتي والعجوز

واموت انا وحبيبي(اللي المفروض زوجي) ولا ربنا ينجينا اللي يحصل يحصل



************************


اسمحولي احط موقف من المواقف المستحيلة اللي حصلت معايا وعايزة رأيكم فيها

وكمان انا هكتب انا عملت ايه

الموقف:

اولاً الولد يعتبر نفسه بنت

والبنت تفضل كده بنت زي ما هيا

المهم صحيتي الساعة 8

متأخرة

عندك محاضرة مهمه

ركبتي التاكسي من ش فيصل وقلتيله انك عايزة تروحي كلية ررياض الأطفال بالدقي

اتفقتوا على 15 جنيه

وانتوا بالطريق وخلاص وصلتوا عند مترو الجامعه يعني فاضل شوية وتبقي في الكلية

(للي مش عارفين المنطقة شارع فيصل ده شارع طويل بعده تطلعي الكوبري وتنزلي على مترو الجامعه

وبعد بشوية الكلية) يعني المسافه مش كبيرة

المهم جه السواق وقالك وانتوا ماشيين لو سمحتي يا آنسة الطريق زحمة والدنيا حر وخنقة

معلش انا هاخد 30 جنيه وهخففها عشانك واخليها 25

ماشي؟

فضلتي تقولي لا انا متفقة معاك على سعر معين ومش هدفع غيره

لقيتيه هيقل أدبه وبيكلمك بطريقه وحشة

خلاص فاضل خطوتين عالكلية

والتاكسي وقف قدامها

شكله كده واحد سوري في اللفظ صاايع

وهيشتم ويقل ادبه ويفتري عليكي

وناوي يعملك فضيحه قدام الناس

هتعملي ايه؟؟؟؟



**********************

يمكن البعض يشوفوا الموضوع خلاص مش مهم اديله اللي هوا عايزه وخلاص

بس انا لا

مش عشان الفلووس بس انا بتقهر اوي لما حد يخلف اتفاقه معايا او ياخد شي غصب عني

لازم الشي يطلع بمزاجي يعني ممكن اديله 50 بس بمزاجي

المهم حضرتي كلمته قلتله انا اتفقت معاك على سعر محدد طبعاً رده كان في غاية قلة الأدب

والكلمات مينفعش تتكتب هنا كلها كلام شوراع

ده غير بيقولي اني انا ظالماه والدنيا حر والواحد زهقان من نفسه...إلخ

المهم

اانا كنت متضايقة ومتنرفزة جداً

طلعت الخمسة وعشرين وعطيته اياهم وقلتله لو أنا ظلمتك الله ياخذلك حقك مني

ولو انت ظلمتني الله ياخذلي حقي منك وماني مسامحتك

وكان هدفي من الكلام انه يحس ولا يأنب نفسه


لو انتوا مكاني كنتوا هتعملوا ايه؟؟؟



************

ملحوظة : لما رجعت الكلية صاحباتي معجبهمش اللي عملته

وشايفين ان الناس دي مبتحسش وكان مفروض اعمل مشكله

تفتكروا كنت اهزأ نفسي وانا بنت لوحدي عشان 10 جنيه؟؟
الرجوع الى أعلى الصفحة اذهب الى الأسفل
 
من أنا...........!!؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 5انتقل الى الصفحة : 1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منوعات :: موضوعات عامة-
انتقل الى: