برده بنحبك....يا مصر

# يقال إن87%من الشعب المصرى ساخطون على الحكومة المصرية ...
ما تعليقك ؟

ــ ال 13% الباقيين معاهم جنسيات أخرى .

# تقرير :45% من الشعب المصرى مصابون بمرض السكر
ما تعليقك ؟

ــ آدى اللى خدناه من" الحلوانى " اللى بنى مصر .

# ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت .

# ما الفرق الأهم بين مصر وأمريكا ؟

ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

# ما أهم قاعدة موجودة فى مصر ؟
ــ ان مفيش قاعدة لأى حاجة

# ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .

# لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .

# أين يمكنك أن تلاحظ سوء نية المصريين ؟

ــ عندما يغنون للطفل البرىءبمنتهى الخبث قائلين ....
يارب يا ربنا " تكبر وتبقى زينا .

# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟

ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.

# امتى بتحس ان البلد حلوة ؟

ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)

# امتى هناكل جوافة من انتاج مزارع توشكى ؟

ــ لما نلاقى المشمش!!!!!

# ما العلاقة بين عصام الحضرى وسمن روابى ؟

ــ الطعم فلاحى وتحدى .

# هل لك أقارب استشهدوا فى الحرب ؟

ــ لأ عندى أقارب استشهدوا فى السلام .....
"عبااارة السلام 98" .

# ما تعليقك على أن المصريين لا يتحدون الا لما يكون المنتخب بيلعب ؟

ــ إنهم شايفين.. الاستاد هو الحل ! بدل الإسلام هو الحل

# ما الدليل على أن مصر بلد الامان ؟

ــ الدليل ان الواحد بيتردد كتير قبل ما يدخل أى قسم شرطة .

# ايه الكلمة اللى ما بتحبش تسمعها وانت فى أوضة العمليات ؟
ــ يا خسارة .

# ما الفرق بين الزوجة المصرية والزوجة اللبنانية ؟
ــ 0 4 كيلو جرام على الأقل .

# بماذا ستجيب كمصرى عند سؤالك عن عمرك فيما أفنيته بعد عمر طويل ؟

ــ أفنيته فى اشارة قصر النيل مستنيها تفتح ،
وفى صلاح سالم مستنيه يتحرك ،
وعلى كوبرى أكتوبر مستنى لما رئيس الوزراء يروح .

# من المستفيد من الزحام الذى يسيطر على شوارع القاهرة ؟

ــ شركات المحمول ،
كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ،
وبالتالى
تعتبر الادارة العامة للمرور هى المستفيد الثانى
" مخالفات استخدام المحمول أثناء القيادة "
.
المستفيد الثالث

هى الشركة الشرقية للدخان حيث يتزايد معدل الحرق على سبيل " التنفيث " .

المستفيد الرابع
هو الهيئة العامة للبترول حيث يتزايد حرق البنزين على الفاضى
اثناء الوقوف وهو الأمر الذى يبرر اختفاء البنزين من المحطات
وبالتالى

يصبح المستفيد الخامس
هم أطباء الأمراض الصدرية .

المستفيد السادس
المعلنون على اذاعة نجوم fm
وبالتالى يصبح

المستفيد السابع
الشركة المصنعة للأدوية المهدئة بالتساوى مع صيدليات على على .

## ليه بيقدموا الساعة ساعة عندنا فى الصيف ؟

ــ علشان مصر تتقدم بينا .

## ايه اكتر حاجة بتجمعنا كمصريين ؟

ــ حبنا للكابتن ابوتريكة .

ــ حبنا لأبو تريكة بيخلينا ندعى له من قلوبنا
يارب يخف
يارب يلحق ماتش المنتخب
يارب أبوتريكة ينزل دلوقتى ،
ما أظنش ان فيه حد فينا دعى لمصر بأى حاجة من زمان .

ــ حبنا لأبو تريكة خلانا نصفق له ونقف وراه لما رفع فانلة عليها
" تعاطفا مع غزة " ،
لكن لما الغزاوية دخلوا عندنا
شوف بأه .

ــ حبنا لأبو تريكة خلا معظمنا يمشى فى الشارع
لابس تى شيرتات عليها رقم 22 ،
حد فيكم فكر يعلق علم مصر فى البلكونة عنده ؟ ....

شكرا مصر حبيبتى...وحبيبة كل المصريين

تاريخ التسجيل : 09/06/2009

سلام عليكم...فعلا بنحبك يا مصر حتى لو الخضار اللى بناكله اتروى بمياه الصرف....وبنحبك يا مصر حتى لو اللحمة اللى بناكلها لحمة خنازير وحمير....وبنحبك يا مصر حتى لو الخضار والفاكهة كلهم مبيدات مسرطنة....وبنحبك يا مصر وشبابك قاعدين على القهاوى وأبواب الجوامع مش لاقيين شغل....وبنحبك يا مصر حتى لو كل فئة فيكى كل يوم عاملة اعتصام ومظاهرة....وبنحبك يا مصر حتى لو امن الدولة كل يوم يلم فى شباب زى الفل لمجرد انه ملتحى او عايز يعمل خير...الحاجة الوحيدة اللة عدلة فيكى يا مصر الكبـــــــــــــارى

السلام عليكم ورحمه الله وبركاته

ايه دا ايه حاله الاحباط دي
اكتر حاجه مزعلاني هي الطوابير في كل حاجه يعني عشان تخلص مصلحه تروح مبني كذا وتقف طابور عشان تاخد الورقه وبعدين تروح المكان الفلاني عشان ماعرفش تختم الورقه وكمان مكان تاني عشان معرفش هيدولك ايه عشان مصلحتك تتقضي

وياسلام علي موظفين مصر قاعدين في المكاتب تحت المكيف وايه تكتب حرف وتقول لزميلها ايه اللي حصل بينها وبين جوزها لما تخانقو وكمان حرف هاتلي معاك كبايه شاي ياحمد وحرف كمان الواحد تعب اوي النهارده لغايه لما انت تطلع روحك عشان مصلحتك تخلص
والناس مابقتش عندها دين اصلا ولا بتحس ببعضها فين احترام العمل واحترام الاخرين

وطبعا الطوابير في كل حاجه ولو ليك واسطه يبقي يابختك وخصوصا في فرن العيش

بس انا عايزه ااقول حاجه لو كل واحد بدأ بنفسه وصلحها اكيد ربنا ماهيسلطش علينا بذنوبنا اللي يأذينا بالشكل البشع دا

دي والله ذنوب الناس
نصلح نفسنا الاول وان شاء الله كل شيئ يصلح

وعايزه اقول ابشر ياكل مظلوم فمهما طال الليل فلابد من طلوع الفجر وان اشد اوقات الليل ظلمه هي قبل طلوع الفجر بقليل

وكلما ضاقت الحياه فاعلم ان الفرج اقترب

ومع كل عسر يسر
وصبرا شباب مصرا

مهما حصل بحبك يامصر وافديكي بدمي

تقبلوا مروري

الموقع : هنا هوة تاريخ التسجيل : 01/08/2009

ليه بحبك يا مصر !!!
ليه بدعيلك فى كل عصر!!!
ليه نفسى أشوفك فى نصر!!!
عشان أنت مصر؟
ولا عشان متولدش حب
فى قلبى غير حب مصر ؟!
ليه بشوفك فرحتى !!!
ليه بشوفك دمعتى!!!
ليه بحس بغربتى
وأنا مش فى مصر!!!
ليه يا ونيسة وحدتى !!!
ليه يا حبيبة غربتى!!!
ليه يا مصر!!!!!!!!!!!!!!!!!!!!!!!!

$dr\hero2009$ تاريخ التسجيل : 27/07/2009

جميله جدا جدا
عجبانى جدا وضحكت عليها كتير

تاريخ التسجيل : 15/08/2009

هههههههههههههههه
ااااااااااااااااايه يا دكتور الحب ده كله؟؟؟؟؟؟؟؟؟
حضرتك بتحبها اوى
ربنا يقدرك يارب على الحب ده كله

الموقع : بلد الامان تاريخ التسجيل : 27/02/2009

لازم طبعا نحبها
امال هنحب مين يعني
تسلم ايدك

هههه حلوة اوى التعليقات دى Laughing

واحنا فعلا مهما حصل من مصر بنحبها ولكن فى كلام يخليك تدخل

برده بنحبك....يا مصر I3P35636

بهزر احنا بلد ديموقراطى

دي والله ذنوب الناس
نصلح نفسنا الاول وان شاء الله كل شيئ يصلح

من أجمل ما قلتى...إسراء...

شكرا دفعة 2006
على حبك الشديد لمصر

روبا.....كلامك كمل كلامى...

د\هيرو..أولا ألف سلامة ليك ..
وربنا يطمنا عليك..
وشكرا ردك الجميل..

romantic rose
ياااااااااارب...ربنا يقدرنا كلنا على حب مصر...
بجد مش هزار...
وتعلى بينا

هبة خالد...طبعا وفى الغربة بنفكر ده كويس..

محمد حااااااتم
بلدنا...ديموقراطية..يا محمد
أنت حر تقول رأيك بكل....صرااااااااااحة
والحكومة برده حره....تعمل فيك اللى هيا عاوزااااااااه...

شكرا ليكم...
نورنونى...
ودمتم جميعا فى رعاية الله

تاريخ التسجيل : 05/04/2009

ياجماعه بلدنا امانه فى ايدينا
بجد مش عارفه ليه لما ببعد عنبلدى بحس بالغربه
اللى يعرف يبقى يجاوب

ربنا ..أدم علينا فى بلدنا
نعمة الأمن والإستقرار
التى حرم منها الكثير....

ووفقنا لهداك وإجعل عملنا فى رضاك...

شكرا بوبا...

على الرغم من كل اللى بيحصل الا انى والله بحب مصر
موضوع راااااااائع
تسلم الايادى

لازم نحبها...
مالنااااااااااش غيرها...

شكرا ردك مالك الحزين

حفظكم الله

تاريخ التسجيل : 21/03/2009

الموضوع جميل
تسلم ايدك
بس تعلوا نبص بداخلنا
ونشوف ايه اللى حصلنا
هتلاقى
خرص.. عمى..جبن ..قهر وحاجات كتيرررررررررررررررر
واللى احنا فيه ده بسببنا
ومن اعمالكم سلط عليكم.......لا يغير الله ما بقوم حتى ما يغيروا ما بانفسهم
ادخل الجامعه وشوف طلاب العلم بيعملوا ايه... وغيرهم..... لكن دول الشباب هم نصر الامه
شوف ايام الصحابه والخلفاء كان زمن عزه....اما دلوقتى اصبح زمان بخسه

المكان عمره ما كان وحش او حلو المكان بالناس اللى فيه

حاول تبدأ بنفسك وفى الاول او الاخر لنا الله

ربنا يصلح حال جميع المسلمين
وعليكم بالدعاء
بجد من القلب اكيد كلنا بنحبك يامصر

شكرا ردك الجميل ريرى

وأجمل ما قلتى...

**لا يغير الله ما بقوم حتى ما يغيروا ما بانفسهم**

اللهم أعنا أن نتغير للأفضل دائما....