فكره حلوه

ايه رايكوا يا بنات لو كل واحده فينا تكتب لنا عيب فيها والبنت الى بعدها تكتبلها نصيحه تساعدها فى التغلب على العيب ده وتقول عيب فيها هى وهكذا اللى بعدها تكتب لها نصيحه وانا حبتدى بنفسى انا عصبيه وبتوتر بسرعه

انا هقلك حاولى تسيطرى على اعصابك ولو لقيتى نفسك متنرفزة استعيذى بالله من الشيطان وحاولى تغيرى المكان اللى انت قاعدة فيه
وانا عيبى لما بتحصل اى مشكلة جامدة لحد بتاثر جدا وافضل متخيلة انها هتحصللى

سلام عليكم....جميلة اووووووى الفكرة دى يا باربى وربنا يكرمك عليها...تقريبا عيبى زى عيبك شويةباخد كل حاجة على اعصابى اوى

دى مشكله بتواجهنا كلنا
بس بجد رقبى نفسك وانتى هتنجحى
يعنى لما تكونى بتتكلمى فى موضوع وبدأتى تحسى انك هتتنرفزى
حولى تغيرى الموضوع
او تهدى نفسك بنفسك

انا مشكلتى انى مبعرفش اكره حد حتى لو اساء ليا
نفسى اعرف اتعامل مع نوعية الناس اللى مبتقدرش حد

بص فى مقولة بتقول عامل الناس كما يعاملوك
بس انا فى رايى عامل الناس كما تحب ان يعاملوك
انك مبتعرفيش تكرهى دى ميزة وميزة حلوة كمان
الحمد الله ان قلبك مليان حب لكل الناس
اللى يسى اليك ممكن تبقى متحفظة معاها وتاخدى منهم موقف فى المعاملة وحاولى تعرفيه انه اسىء اليكى
بس احسن حاجة بجد انك مبتعرفيش تكرهى

انا مشكلتى ان احيانا ببقى كسولة وبطيئة اووى

شكرا ليكى يانور

انتى ممكن تعملى لكل حاجة هتعميلها هدف
وليكن المذاكره هدفك اسعاد اسرتك قبل كل شىء ومستقبلك وحياتك وتفوقك والناس لما تسألك وغيرها كتير

لو هتقومى بعمل شىء ما وليكن اعمال المنزل حاول انك تشتغلى وكأنك بتلعبى مع حد او مع نفسك
شوفى هتبقى نشيطه اذاى اتحركى بسهوله وانسى انك كسوله او افتكرى انك عندك مشوار بعد نصف ساعة
واكيد مش هتبقى نشيطه انتى هطيرى عشان مشوارك
انسى انك كاسوله وحاولى تتعاملى انك انشط انسانه
ولومى نفسك دائما على التقصير بس بشدة واكيد هتتغيرى ان شاع الله


انا مشكلتى ان دموعى بتنزل بسرعة جدا
يعنى لو رساله بسيطة او اهانة عاديه خالص ببكى فى ساعتها
انا بحاول اتماسك قدام الناس بس بينى وبين نفسى مبقدرش اتماسك
بجد مسببالى مشكله جامدة جدا لانها بتحرجنى احيانا مع الناس

انت انسانه حساسه اوى يا ريرى انا برده عندى المشكله ديه بس انت حاولى تمسكى نفسك وتسيطر على اعصابك وخلى دموعك عزيزه مش اى حد يشوفها ومتخليش اى موقف يستفزك

شكرا ليكى يا باربى على اهتمامك
وعلى فكرة موضوعك الجميله
بجد هايلة
وبما انك عندك نفس المشكله ربنا يستر علينا ومنتحرجش قدام حد

أنا بقى مشكلتي أني أي توتر بسيط بيخليني ماأنامش لمدت تلات أيام على الأقل بالرغم أن ممكن يكون التوتر ده حاجه عاديهمش على حاجه تستاهل

الفكلرة عجبانى اوى
Soso12 بصى يا روحى اول متحسى انك متوترة او متضايقة روحى اتوضى وصلى ركعتين لله واستغفرى ربنا كتببببببببببببببببببراوى وبعدين حاولى تكلمى حد بتحبيه اوى واتكلمى معاه فى اى حاجة تانيه غير الموضوع الى موترك او اعملى حاجة بتحبيها اوى وكل متفتكرى الموضوع الى موترك استغفرى ربنا

الموضوع جمييييييييييييييييييييل جدااااااا
انا مشكلتى انى بتعصب بسرعة وممكن ماخدش بالى انا قولت ايه الا بعد مخلص عصبيتى
ودموعى بتنزل قدام اى حد
انا بعتبرها اكبر عيب