بجد محتاجين لينا قوى

السلام عليكم

بجد محتاجين لينا قوى
محتاجين قلب يحبهم ........حضن يضمهم
عقل يفكر فيهم........ حد يعطف عليهم
اكيد عرفنا مين....

فكرت قبل كده تزور دار ايتام او دار مسنين او مستشفى 57 او معاهد الورام او......او......
ناس هتقول ايوه زورت وناس هتقول فكرت بس معرفتش

ايه رايكوا اننا نساعد بعض ونحاول
نساعدهم مع بعض

احنا هيصعب اننا نحدد زياره ونروح كلنا مع بعض لان فينا ناس ميعرفوش بعض

بس ممكن نحلها ان كل جماعه عارفين بعض يتفقوا على معياد ويعملوا زياره لاى مكان يحبوا يرحوا فيه

ولو حد مش عارف حد ممكن ياخد اصحابه او يعرض على اخوانه او اقاربه

صدقونى اجمل ابتسامه ممكن تشفها ابتسامه طفل يتم او مريض ممكن تسعده

او نظره حب او بوسه من اجمل أم او اب ممكن تكون انت مكانهم

انا جربت وحسيت انى فى افضل لحظات حياتى

مش لازم نكلف نفسينا يعنى محدش يقول لازم نجيب هدايا كبيره ومصاريف عشان كذا وكذا

بلاش كسل و حجج لو ببسمه صافيه صدقنى هتسعدهم

غير انك هتسعدهم
شوف اجرك عند ربك
وحسب ما تعدد نواياك
لكل نيه اجر عظيم
لو حد مش هيقدر لاكن مستعد يبلغنى ن شاء الله هحاول انى اساعده او نعمل هذه الزيارات خلال العام الدراسى باذن الله

انا اقترحت السنه الماضيه هذه الفكره على شؤن الكليه
لكن حسيت انهم بيعقدونى فكررت انى اعمل اللى اقدر عليه انا واصحابى
والحمد لله ربنا وفقنا

فكروا وكرروا

كان الله فى عون العبد مادام العبد فى عون اخيه

اولا اشكرك جدااااا على الموضوع لانه بالعفل موضوع فى غاية الروعة

انا معاكى انا بجد نفسى اروح فعلا دار ايتام او مستشفى 57

بس فعلا محتاجين ان نروح مجموعة علشان حتى نشجع بعض لان طبعا ايد لواحده متسقبش

وجزاكى الله خيرا وبارك الله فيكى

جزاكي الله كل خير يا ريري
بجد موضوع مهم جدا ورائع

جزاكى الله كل خير..

بجد أجمل إحسااااااس فى الدنيا

لما نرسم بسمة..فى وجه إتحرم منها..
أو نسأل على حد...كل الناس نسيوه..
والأغلى قوى..نسمع دعوة حلوة منهم..تنور طريقنا


موضوع جميل
واللى نفسه يشاااارك بجد فى أى عمل خير
وفى وسط نااااس وهبوا حياااتهم ومجهودهم للخير..بدون مقاااابل
جمعية رساااله..اللى كلنا عارفينها
هى بس وسيلة..بتجمع اللى بيحبوا الخير
عشااان يبدأوا مع بعض
وبصراااحة أنا رحت معاااهم مرة
وشفت قد ايه ... بيخلصوا ويتعبوا
عشااان بسمة يرسموها على وجه يتيم أو مسن..


حفظكم الله
وأدام لكم رضااااه

فعلاااااااااااااااااااااااااا موضوع جمبببببببببببل وانا بجد

نفسي ازور الاماكن دى كلها

يارب فعلا نقدر نعملها

زينب
اولا هتنورى مصر كلها
تيجى بالسلامه ان شاء الله

ثانيا على اتم استعداد ان شاء الله
نرتب موعد ونتقابل كلنا ونحدد برامجنا وان شاء الله نحاول نقوم باكبر مجهود بأمكنا القيام به


ثانيا من يود ان يشاركنا يشرفنا
واذا لم يتم اشتراك احد

ان شاء الله لما تيجى مصر ونتقابل ونحدد هنعمل ايه ممكن نعلن ساعتها على المنتدى والذى يريد يتفضل


غير كده انا عايزه اعمل جمعيه خيريه حاجه بسيطه يعنى على قدنا
تتكون مثلا من خمس افراد هما القاده
وكل واحد من الخامسه يكون ليه مجموعه اخرى حتى ولو خمسه

يعنى كده معانا 25 قابل للزياده من الكليه
غير ان ممكن نتقبل مساعدات من كليات اخرى يعنى ممكن
ود.سبيدر د.عريفى .هيرو يعملوا جمعيه تانيه ولم يتم الاختلاط بيننا ولكن التعامل
سيكون مرتب له بحيث لا احد يفهم خطأ وانا هدفى من انهم يسعدونا
ان الموضوع ينتشر لكل الناس ولانى اعرفهم جيدا واثق فيهم اكثر من نفسى


يعنى تقريبا لو هنبقى حوالى 100
لو كل واحد دفع 10 جنيه فى الشهر تقريبا هنعمل 1000 ج ممكن نعمل بيهم صدقه جاريه
يعنى نجيب مكينه خياطه لاسره محتاجه ...عده شغل لواحد رب اسره ومحتاج
صدقونى المبلغ صغير بس ممكن نعمل بيه حاجه وده
من خلال ان بعض الناس هتقوم بالبحث عن ناس بجد محتاجه
يعنى تقريبا هنقسم بعض كل واحد له مهمة

وده مش صعب ولا مكلف لكن عايزه همه وسعى

شوف انت كام سنة عايش عملت فيهم ايه

لكن من خلال 6 شهور ممكن نعمل ايه ولو نجحت ممكن نستمر

دى فكره انا بطرحه لوحد موافق ممكن نساعد بعض
بس قولوا رايكوا وتعليقتكوا

اذا مات بن ادم انقطع عمله الا عن ثلاث.......... صدقه جاريه ..............

هذا ما اوصنا به رسولنا

دمتوا فى رعايه الله

شكرا يادكتور
وكل سنه وانت طيب

اشكرك على رقه احساسك و كلامك

لوانت موافق على الفكره ممكن ننفذها اول الدراسه ان شاء الله
بس ياريت تعرض الفكره على الباقى او حتى لو انت لوحد
بس لما تكون جماعه هتخففوا المتاعب على بعض



انا عارفه انها بسيطه بس المهم اننا نبدأ وبعد كده نكبرها ذى ما نحب

انا نفذت الفكره دى وانا فى الاعدادي والثانوي وكانت ابسط من كده
لكن جابت نتائج جميله جدا

ممكن نكبر خطوه خطوه
المهم نعمل حاجه

دمت فى حفظ الله

السلام عليكم ورحمة الله وبركااااااته...


أولا شكرا جزيلا..على هذه الثقة
جعلنا الله عند حسن ظنكم دائما..

فكرة رائعة أختى ريرى
جزاكى الله كل خير...
ونحن جميعا على أتم إستعدااااااااااد..

وكنت عاوز أعرف هو فى فرع لجمعية رساااالة
عندكم فى الكلية وللا لأ
أو أسرة يعنى..تبع الجمعية
لأن لو إنضميتوا ليها هتلاقو الخير أعم بكتيييير
وأيادى كتير بتساااعد وبتتعب
وكل اللى بيجمعهم حبهم للخير..
أنا عضو فيها بقااالى فترة
فى الكلية عندنا
وبينظموا زياااارات لدار الأيتاااام وبنعمل يوم اليتيم
وزيااارات دار المسنين..وطبق الخير
ومعارررض كل الدخل منها لأسر المحتااااجين
وغيرها كتير من أعمال الخير..

ده بس لأن دايما روح الجماعة والعمل الجماااعى بيبقى أحلى بكتير
إسألوا وردوا علينا..
وممكن ننسق مع كليتنا وكليتكم..تبع الجمعية
والتعامل زى ماأنت قلتى بالظبط
لأن عندنا بنااات كتير فى الجمعية ممكن يبقوا على إتصااال معاكم
ويتم التنسيق للزياااارات أو التبرعااااات

وشكرا جدا..على روح الخير الجميلة الموجودة عندكم..
لكم منى دعوة من القلب..

حفظكم الله ورعاااكم...

والله فكرة جمييييييييييييييييييييلة وفعلا بجد عايزين ننفذها حتى مع نفسنا

شكرا جدا ياجماعه على اهتمامكوا
وردكوا الجميل

اما بالنسبه لدكتور.عريفى

الحقيقه انا مش عارفه ان كان عندنا فى الكليه فرع ولا لآ

بس انا لما طلبت من الكليه انها تساعدنى السنه الماضيه عقدونى وانا اتصرفت وعملت كل حاجه
لوحدى

على كل حال انا هسأل اول ما روح الكليه ان شاء الله

ولو حتى مفيش مش مشكله

انا عندى استعداد اننا نبنى نفسينا

وممكن ننضم ليكوا

بس نعرف مين اللى مستعد

ولو انت وسبيدر و حد تانى معاكوا موافقين

ممكن نبدأ بس من اول الدراسه

ياترى عندكوا استعداد ولا لآ


واهلا بكل اللى عايز بس ياريت يعرفنا عشان
اعرف احنا كام تقريبا

اشكرك يا روز على كلامك الرقيق

ربنا يعين جميع الامه الاسلاميه
دمتى فى حفظ الله

بجد ياريرى انا حاسة ان ربنا بعتك ليا انا بقالى فترة نفسى اعمل مشروع زى دة ومش لقية
حد يساعدنى او يشجعنى انا ممكن اكون من قادة الموضوع دة معاكى واقدر اجبلك خمسة
من اصحابى بس ياريت نقدر نحققة بجد لان انا حاسة انى مليش اى فايدة فى الحياة ومتتخيليش لو قدرنا
نحققة انا هكون سعيدة قد اية بس ياريت تردى عليا بسرعة ارجوكى وتقوليلى اشوفك ازاى فى
الكلية واهى الدراسة قربت وجزاكى اللة كل خير

الله عليكى يا ريرى
موضوع بجد فى غاية الاهمية
يا ريت فعلا الفكرة دى تتنفذ
ويا ريت المكان ده يكون قريب للكلية عشان يبقى سهل علينا كلنا
وميرسى جداااااااااااا ليكى ع الفكرة
وميرسى لكل اللى شجع الفكرة
وربنا يقدرنا كلنا دايما على فعل الخير

شكررررررر جدا على تشجيعكوا

وبالنسبه ل بيل و نوسه وقلب وزينب ان شاء الله هعتبركوا معايا من دلوقتى
وانا هبلغكوا اول الدراسه انتظرونى وتبعونى

ولو حد تانى عايز يشترك يتفضل احنا بنرحب بكل الناس
وان شاء الله هبلغكوا اول الدراسه بالمواعيد بس بلاش اول اسبوعين

عايزه اخلص ورق لكرس انا هبدأ فيه وبعد كده هفضى للموضوع ان شاء الله
وانا اعد له منذ هذه الحظه

اما بالنسبه للسبيدر

اولا :نتشرف بالانضمام لنا ولكن كل قائد هيكون مسؤل عن فلوس المجموعه الخاصه بيه فقط

ثانيا:الفلوس دى هنساعد بيها ناس مش لقيه تاكل مش ناس عايزه تتجوز
ممكن بعد تنفيذ الموضوع نعطف على حالتك ونتناقش فيها

ثالثا:المشروع اللى بتقترحه جميل ولكن عايز ناس فاضيه
احنا فى الكليه شاغلين من 9صباحا حتى 7مساءا وممكن يزيد
وعشان منتحملش اكبر من عاتقنا

هبلغكوا الجديد ان شاء الله اول الدراسه

وممكن الافكار الجديده ندرسها ولو حد عنده فكره يكتبها ويحتفظ بيها

لتناقش معه فيها

دمتوا فى حفظ الله

انا معاكى يا ريرى ان شاء الله