منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 التدريب الميدانى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د. محمد عطا
Admin


تاريخ التسجيل : 27/01/2009

مُساهمةموضوع: التدريب الميدانى   الأربعاء 30 سبتمبر 2009, 7:28 am

السلام عليكم
ارجوا منكم كتابه المشكلات التى واجهتكم فى التدريب الميدانى الخارجى فى الفرقه الثالثه والفرقه الرابعة
كما اود ان تبدوا اقتراحاتكم نحو اساليب التقييم التى يمكن ان يتبعها معكم المشرف عليكم وكذلك المعيده التى تشرف عليكم او اقتراحات تفيد فى تطوير التدريب الميدانى بالكلية
الرجوع الى أعلى الصفحة اذهب الى الأسفل
http://kg-cu.ahlamontada.net
fozdoaa



تاريخ التسجيل : 28/01/2009

مُساهمةموضوع: رد: التدريب الميدانى   الأربعاء 30 سبتمبر 2009, 7:45 am

هى المشكلات كتيييييرة أوى
بس أنا عندى اقتراح دلوقتى ومش عارفة هو ينفع ولا لأ:
أنا باقترح ان المعيدات الجدد (بمعنى انهم أول سنة يكونوا فيها معيدات)
ياريت بجد ينزلوا التدريب الميدانى مع المعيدات الاقدم والدكاترة
ودة طبعآ لفرق الخبرة
او على الاقل يتعملهم تدريب قبل ما ينزلوا مع البنات لأن
فى معيدات مش بيبقوا عارفين نظام الدكتور
وبيقولوا حاجة وبعد لما نعملها نلاقى الدكتور عاوز حاجة تانية

وكمان بالنسبة للاسكتش اللى كنا بنعملة يا ريت يعفونا منه
لاننا اصلآ بنعمل نماذج لكشكول التحضير
دة غير ان فى دكاترة كانوا مش بيطالبوا بيه زميلاتنا زينا
لأننا كنا مجبرين نعملة
واللى يضايق اكتر ان والله ولا المعيدة ولادكتور المدرسة ولا الممتحن
حد فيهم بص عليه
اسفة على الاطالة
بس تدريب ميدانى فيه حاجات كتيييير اوى كانت مضايقانا
الرجوع الى أعلى الصفحة اذهب الى الأسفل
shaza



تاريخ التسجيل : 30/09/2009

مُساهمةموضوع: رد: التدريب الميدانى   الأربعاء 30 سبتمبر 2009, 9:20 pm

المشكله اللي أغلب البنات عانوا منها ان المعيدات الجدد بيحاولوا يفرضوا رأيهم بأي شكل حتي لو مخالف للمعيده الأخري وكل معيده عايزه شئ في الكشكول ونحتار في التنفيذ ولكن بغض النظر عن المشكله أنا استفدت كثير وكنت مستمتعه بأشراف الدكتوره نهي الزيات جزاها الله خير
الرجوع الى أعلى الصفحة اذهب الى الأسفل
لؤلؤة



تاريخ التسجيل : 09/03/2009

مُساهمةموضوع: رد: التدريب الميدانى   الخميس 01 أكتوبر 2009, 6:22 am

بالنسبة للتدريب الميدانى انا واجهتنى مشكلات كتيرة بس مقدرش انكر استفادى والخبرات اللى اخذتها من خلل تعاملى مع الاطفال مباشرة

بس بالنسبة للمشكلات اللى كاتن بتواجهنى ان فى التدريب ان كان مفروض علينا ان نقوم مع الاطفال بخمس انشطة مع الاطفال دة غير الاركان وده طبعا استحالة كان يتم الا على الورق ذى ما بيقولو لان الاطفال استحالة يستوعبوا كل ده فى الوقت الصغير دة وده كمان بيفقد البرنامج مرونته لاننا مجبرين على نظام معين وكمان ده مكنش بيطبق فى المدارس التانية كانوا بيقوموا بتلات انشطة فقط


وكمان كان عندى اقتراح
ياريت لو تبقى فى محاضرة مخصصة فى الكلية لمادة التدريب وكل واحدة فينا تعرض المشكلة اللى بتواجهها فى التدريب الميدانى على الدكتورة اخاصة بالمادة وكلنا نستفيد

اسفة على الاطالة
الرجوع الى أعلى الصفحة اذهب الى الأسفل
pondoaaa19



الموقع : فى بيت بحبة اوى اوى اوى
تاريخ التسجيل : 28/01/2009

مُساهمةموضوع: رد: التدريب الميدانى   الخميس 01 أكتوبر 2009, 8:21 am

اعتقد مادة التدريب الميدانى مادة المفروض انها تطورنا وتجعلنا متمكنين فالتعامل مع الاطفال
بس للاسف فبعض المدارس مش بنستفيد من التدريب الميدانى مش اقدر طبعاًاقول فى كل المدارس ودة يرجع لعدة اسباب
منها عدد الاطفال فى القاعة كبير جدا بيصل الى 47 طفل وزيادة
والمعيدات الغير اكفاء بالدرجة المطلوبة لتدريبنا بنعانى من الموضوع دة كتير اوى
والاسكتش اللى بنعملة وبصراحة مفيش اى حد سواء المعيدة او الدكتور بيهتم بة يبقى لية بيطلب مننا !!!!
الاركان اللى مش عارفين ننفذها مع الاطفال احنا محتاجين حد يرشدنا ويعلمنا ازاى ننفذ الاركان مع الاطفال خاصاً مع اطفال كى جى 1
هناك اسباب اخرى كتييييير بس خايفة اطول عليكوا وابقى مملة
ياريت ياريت يحدث تطوير وتحسين فالسلبيات دى
الرجوع الى أعلى الصفحة اذهب الى الأسفل
amooooola



الموقع : في قلوب احبابي
تاريخ التسجيل : 04/07/2009

مُساهمةموضوع: رد: التدريب الميدانى   الخميس 01 أكتوبر 2009, 12:33 pm

السلام عليكم ورحمه الله وبركاته
التدريب الميدانى كل مشكلات فعلا :
1)الدكاتره بيطلبوا مننا حاجات كتير فوق طاقتنا وياريت بيشفوها يعنى الواحد بيتعب على الفاضي يعنى امتحان اخر العام في سنه 3 كنا عاملين برنامج تحفه تقريبا محدش عمله بمؤثرات من اول باب القاعه واتساوينا في الاخر بالناس العادين والكتوره ماجتش بعد مافرنشنا الي احنا جايبنه وطبعا كنا عاملين معرض كنا جايبين حاجاتنا فى كذا تاكسيودفعنا كتييير وقالت تعالو الكليه بالحاجه واعملوا معرض وبعد كدا نادتنا ومضت على الدفاتر من غير ماتشوف وسائل ولامعرض ولاتعرف اسم البرنامج اصلا


2)التكاليف الباهظه الي بنعمل بيها العملى يعنى بجد مايرضيش ربنا الفلوس دي كلها دى تجهز عروسه

3)الاسكيتش مالوش اى لازمه بنعمله وخلاص من غير ماحد يشوفه وبعدين بيبقى جهد كبير يعنى احنا نعمل نماذج كبيره وكمان الصغيره ومطلوب مننا نروح الكليه للساعه خمسه ونرجع بيوتنا على7او8 مهدودين ونشتغل العملى ونبيض المحضرات ونام ونصحى بدري وكمان الاسكتش الي ماينفعش ترسميه ولازم يبقى طبق الاصلمن الوسيله

4) اثناء تقيم الدكتوره اتقيمنا في الكليه وكلنا شفنا الدكتوره وهى بتحط الدرجهالنهاءيه من غير ماتاخد الكشف بتاع المعيده ولا الغياب والحضور وقالت لبنت اقدمنا من الاوائل انتى نقصتى الترم الاول انا هديكى الدرجه النهائيهفي الترم ده مع ان شغلنا احسن والاسكتش احسن والبنت دى كانت مشاكل كتير في المدرسه وحاجتها شافتها وانا والله الاسكتش بتاع مااتشاف
المشاكل كتيييير اوى معلش انا اطلت بس ياريت يحصل تغير ايجابي
الرجوع الى أعلى الصفحة اذهب الى الأسفل
د.منال



تاريخ التسجيل : 01/02/2009

مُساهمةموضوع: رد: التدريب الميدانى   الثلاثاء 06 أكتوبر 2009, 5:36 am

طالباتى الغاليات د/محمد بيرغب ان تكون هناك نقاط محددة على سبيل المثال وليس الحصرمشكلات فى التضير والاعداد للانشطة المختلفة مثلا من حيث صياغة الاهداف ومستواها
محتوى النشاط
الوسائل
اساليب التقويم
وهكذا من مشكلات ولكن فى نقاط محددة
اتمنى من الله ان من يعين على حل المشكلات ان شاء الله
الرجوع الى أعلى الصفحة اذهب الى الأسفل
د.منال



تاريخ التسجيل : 01/02/2009

مُساهمةموضوع: رد: التدريب الميدانى   الأحد 18 أكتوبر 2009, 2:13 am

السلام عليكم ورحمة الله وبركاته
طالباتى العزيزات بكلية رياض الاطفال انا سعيدة ان يكون هناك مكان مستقل بالتدريب الميدانى للنقاش والحوار وتبادل الاراء والمقترحات وتقديم النماذج للطالبات على مدار الفرق الاربعة وخاصة الفرقة الثالثة والرابعة اثناء الممارسة الفعلية للتدريب داخل الروضات ولنبدا من الان ان حدد المشكلات والصعوبات التى واجهت اثناء التدريب الميادنى العام الماضى ولكن كما اتفقنا فى نقاط محددة لنحدد كيف نحل هذه المشكلات
لكم منى كل المنى والمساعدة فى التغلب على كل ما هو صعب
الرجوع الى أعلى الصفحة اذهب الى الأسفل
لؤلؤة



تاريخ التسجيل : 09/03/2009

مُساهمةموضوع: رد: التدريب الميدانى   الأحد 18 أكتوبر 2009, 3:25 am

مرسى جدا لحضرتك يادكتورة منال اكيد احنا اللى سعداء عشان حضرتك معانا ده كفاية ان حضرتك اللى ماسسانا فى التدريب الميدانى فى الفرقة الاولى
وبجد جميل جدااااااا ان يكون فى قسم للتدريب الميدانى
وميرسى لحضرتك طبعا يا دكتور محمد
الرجوع الى أعلى الصفحة اذهب الى الأسفل
مريم الفقي



تاريخ التسجيل : 08/03/2009

مُساهمةموضوع: رد: التدريب الميدانى   الجمعة 30 أكتوبر 2009, 3:07 am

انا مع دكتورة منال جدا واتمنى ان يكون قيه مكان للتدريب الميداني ونتكلم ونقترح وناقش اي حاجة تخص المجال ده لانه هو اللي قاعد للبنات بعد ما يخلصوا كلية
الرجوع الى أعلى الصفحة اذهب الى الأسفل
جيني



الموقع : في الكلية
تاريخ التسجيل : 24/10/2009

مُساهمةموضوع: رد: التدريب الميدانى   السبت 31 أكتوبر 2009, 12:36 am

ياريت المعيدة لما تدخل تتكلم بصوت منخفض شوية وتقول رايها بطريقة واضحة ايه اللي صح وايه اللي غلط مش تقول مافيش حاجة عجباها وخلاص وتحبطنا ومانعرفش هنكمل ازاي وايه الغلط اللي هنعدل عليه وشكرا لاهتمام حضرتك
الرجوع الى أعلى الصفحة اذهب الى الأسفل
فاطمة عمر



تاريخ التسجيل : 28/05/2009

مُساهمةموضوع: رد: التدريب الميدانى   الإثنين 02 نوفمبر 2009, 2:52 am

السلام عليكم ورحمة الله وبركاته
اولا باشكر د.محمد عطا ود.منال وكل القائمين على هذا القسم على حوارهم مع الطالبات.
ثانيا باقول لإخواتى الطالبات متزعلوش من الاساتذة المعيدات وتقبلو النقد لإن كل غرضهم إنهم يعلموكم الشغل.
ثالثا نصيحة من ناس اكبر منكم كل اللى بيطلبوه الدكاترة والمعيدات من عملى هيفدكم قوى بعد التخرج لما تبقو معلمات شاطرين وفاهمين شغلكم ... إن شاء الله.
واخيرا باحسدكم Shocked على القسم ده اللى مكنش موجود على ايامنا ..بس كنا بنحب اساتذتنا وبنستفيد منهم.

اختكم خريجة2006
الرجوع الى أعلى الصفحة اذهب الى الأسفل
سر حياتى الاطفال



تاريخ التسجيل : 28/11/2009

مُساهمةموضوع: رد: التدريب الميدانى   السبت 28 نوفمبر 2009, 1:49 pm

انا وجهة نظرى ان الصعوبه فى ان اللى بندرسه حاجه والواقع حاجه تانيه بس طبعا زى ما الدكتوره منالعلمتنا منقولش على حاجه صعبه ونأقلم نفسنا معاها
الرجوع الى أعلى الصفحة اذهب الى الأسفل
lovely.sosa



الموقع : في عشي الصغنون
تاريخ التسجيل : 24/04/2009

مُساهمةموضوع: رد: التدريب الميدانى   الإثنين 04 يناير 2010, 7:28 am

اتقدم يشكر خاص لدكتورة منال ودكتور محمد للأهتمام
والحرص علي تحقيق الهدف من التدريب الميداني وهو الأفادة من المادة والتعليم
وأعتقد ان دة اللي المعيدات مش قادرين يفهموة ان الغرض الأساسي للتدريب الميداني هو اننا نفهم ونتعلم وبجد احنا عاوزين نتعلم
ودة علي عكس اللي بيحصل وطبعا مش كل المعيدات لكن الأغلب
المعيدة مش بتوجهنا للصح عشان لأ وكمان بتتبع اسلوب الترهيب
ثانيا بالنسبة للتفيم النهائي اعتقد من وجهة نظري المحدودة إن المادة دي لها أهداف كتيرة قوي وكلها عشان تفيدنا من الناحية العلمية لكن مش عشان ترهقنا من الناحية الجسدية والمقصود طبعا هو المعرض اللي انا مش شايفة ان فية منة اي داع سوي ارهاق الطالبات وتعذيبهم لأنهم اشتغلو وعملو وسايل طوال الترم نقوم نعاقبهم ونقولهم هاتو كل اللي عملتوة طول الترم وطبعا المسكينة اللي اشتغلت وعملت مجسمات ووسايل كتيرة في كل برنامج هيكون عقابها اكتر
وهنا يرفع الممتحن شعار اشتغل اكتر نطلع عينك أكتر
بدون ادني تفكير فبعد المدرسة عن البنات وفالطريقة اللي هتوصل بيها المدرسة او فالنتيجة بعد ما تشيل البنات كل الحاجات دي علي قلبها وتروح بيه من ممنطقة لمنطقة او ممكن من بلد لبلد تانية كمان واعتقد انهم لو شافونا الصبح قبل ما ندخل المدارس والوسايل علي قلبنا هيحسو اكيد اهم غلطو فحقنا وانهم ما يرضوش كدة لأبنائهم
احنا والله تعبنا انا واحدة من الناس تعبت وظهري حصل فية اصابة وباخد حقن بسبب اللي بشيلة
انا طبعا بعتزر علي الأطالة ولكن احنا كنا محتاجين حد يسمعنا وينظر الينا بعين الرحمة بجد
واعتقد ان الهدف من الكلية دي هو التعليم وليس التعذيب

ومرة ثانية اعتزرللأساتذة دكتور محمد ودكتورة منال
:
الرجوع الى أعلى الصفحة اذهب الى الأسفل
????
زائر



مُساهمةموضوع: رد: التدريب الميدانى   الأربعاء 31 مارس 2010, 12:20 pm

جزاك الله خيرا على نقل الحدث يا amooooola
الرجوع الى أعلى الصفحة اذهب الى الأسفل
سومه45



تاريخ التسجيل : 13/05/2009

مُساهمةموضوع: رد: التدريب الميدانى   الثلاثاء 13 يوليو 2010, 3:47 pm

الوسااااااااااااااااااااااااااااااااااااااااااااااااااااااااائل
تكلفة باهظه جدا للشغل
اجهاد لطاقتنا جميعا
بجد انتحار
الرجوع الى أعلى الصفحة اذهب الى الأسفل
اية الوكيل



تاريخ التسجيل : 06/10/2011

مُساهمةموضوع: رد: التدريب الميدانى   الخميس 06 أكتوبر 2011, 4:58 am

السلام عليكم انا ايةد­فعة سنة اولى ومعرفش اى حاجة عن التد­ريب الميدانى لو اى حديعرفنا معلومات عن المادة لانى حاسة انى تايهة
الرجوع الى أعلى الصفحة اذهب الى الأسفل
 
التدريب الميدانى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: التدريب الميدانى-
انتقل الى: