منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 تزينت العروس لعريس لم يأتى؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
baby comm.



تاريخ التسجيل : 06/04/2009

مُساهمةموضوع: تزينت العروس لعريس لم يأتى؟!   الجمعة 20 نوفمبر 2009, 1:35 am

شعرت بخوف وقلق شديدين بعد لإنتهاء مباراة مصر والجزائر يوم 14 نوفمبر وبعد احراز منتخبنا هدفين والانتقال لمباراة فاصلة، فلقد شاهدت وسمعت بعد انتهاء المبارة
احاديث المصرين على مختلف المستويات وفى جميع الاماكن والكل يتحث عن الفوز الذى سيحققه المنتخب، الكل يتحث عن الفوز والفوز فقط وكأن المباراة الفاصلة ما هى
الاتحصيل حاصل لان المنتخب سوف يكسب لا محالة.
شاهدت الجميع يستعد للاحتفال وكيف سيحتفل بعد المباراة وبأى طريقة النقاد فى وسائل الاعلام السياسيون الفنانون الطالبات فى الكلية الناس فى الشوارع الكل يتحث عن
شئ واحد باى عدد من الأهداف سيفوز المنتخب هل سيفوز أثنين- صفر - ام ثلاثة- صفر بل الاكثر من ذلك ظهرت شعارات فى وسائل الاعلام مثل
" ليه تكسب مرة لما ممكن تكسب مرتين " مثل"هيه خطوة كمان بإذن الله هانخطيها فى السودان" الكل يتحث عن الفوز ولا شئ غيره والكل يتحث عن عودت نجومنا الغائبين وغياب بعض نجوم الجزائر وعن الروح المعنوية العالية للاعبينا والمنخفضة للمنافس وان السودان ارضنا التى ستلعب معنا مثل ستاد القاهرة، صحيح المنتخب فعل الكثير الكثير وأحيا أماله بعد ان كانت فقدت صحيح اللاعبون ادوا اكثر مما كانوا مطالبون به ولكن..
نسى الجميع اننا سنقابل فريق لديه نفس الطموحات ويملك نفس الحظ ونسى الجميع ان منتخب الجزائر يملك اكثر من 16 محترف فى اندية كبيرة فى اوربا، نسى الجميع ان
حظوظنا متساوية مع الفريق الجزائرى نسوا ان فريق الجزائر فريق قوى بحق مهما اختلافنا على تصرفات لاعبيه وجماهيره فمن اين جاءت هذه الثقة التى تؤدى دائما الى
ما لا يحمد عقباه نسوا ان الجزائر لديها الطموح والرغبة الكبيرة مثلنا فى التواجد فى كأس العالم ولهم مدرب يخطط ويتابع.
مبعث خوفى جاء من موقف مشابه تماماً تماماً لماكنا عليه، تتذكرون جميعا مبارة النادى الاهلى والنجم الساحلى التونسى فى نهائى دورى ابطال افريقيا حينما تعادل الاهلى
فى تونس صفر- صفر وكانت مباراة العودة فى القاهرة، وقتها استعد المصرين للاحتفال بالكأس والتأهل لكأس العالم للأندية وقال الجميع ان الاهلى سيكسب المباراة على
أرضه وكان الاهلى فى وقتها فى قمة مستواه الفنى وبدأ الجميع الاستعداد للاحتفال بل وقد حضر بعض الفنانين الاغانى لاذاعتها بعد المباراة ونسوا الفريق الاخر وللاسف فاز النجم الساحلى وعلى ستاد القاهرة.
ولذلك عندما شاهدت هذه الاجواء فى اليومين الماضيين شعرت بالخوف والقلق واسترجعت فى مخيلتى تلك الاحداث وتمنيت من الله الا تتكرر وللاسف كان خوفى فى محله
الثقة الزائدة لدينا افقدتنا حلمنا الذى ننتظره من عشرون عاماً.
والان اطرح سؤال الى من يهمه الامر، الا نتعلم من أخطائنا الا نعتبر من الا نقرأ التاريخ الى متى سنظل نخطئ ونكرر اخطائنا فهل من مجيب ؟
محمد عيد- مصرى حزين
الرجوع الى أعلى الصفحة اذهب الى الأسفل
yoya



تاريخ التسجيل : 07/03/2009

مُساهمةموضوع: رد: تزينت العروس لعريس لم يأتى؟!   الجمعة 20 نوفمبر 2009, 4:24 am

طبعا منتخبنا مش كان يستحق الفوز خالص , يعنى ايه كمية الارتخاء اللى بنلعب بيها دى و كاننا ضمنين ان احنا هنجيب جون فى اى وقت ما احنا اتعودنا على الوقت الضايع .

طبعا كدة الاستاذ حسن شحاته بان على حقيقته , يعنى حضرته كانت ماشية معاه بالبركة و نوعية اللاعبين اللى معاه , يعنى لو اللاعبين فى الفورمة يبقى تمام و لو اللاعبين خارج نطاق الخدمة مش هيقدر يعمل حاجة .

طبعا عتابى لابو تريكة الحاضر الغائب فى هذا الماتش , و طبعا الاستاذ عبد الظاهر السقا اللى رايح يطبطب على اللاعب ادام المرمى و طبعا كانت النتيجة ان الباك بتاعهم يدخل فينا جون كان هيقطع الشبكة , و احمد حسن لعب و تعب بس كرات كتير اتقطعت منه .
و بعدين انا نفسى اسأل حسن شحاته هو ليه كان متمسك بحسنى عبد ربه مع انه مش جاهز و ده بان فى عدم سيطرته على الكرة , و أصلا كان بركات جاهز و على ما اعتقد انه مش كان مصاب .

طبعا أنا ابتديت بمنتخبنا بس فيه عوامل تانية كتييييييير , زى الحكم اللى مش حمانا خالص يعنى كذا كورة كانت تستحق الطرد المباشر لانها ضرب من غير كورة بس حضرته كان بيكتفى بالانظار الشفوى يالا طيبة , و طبعا برغم الوقت اللى ضيعوا الجزائريين و حارس مرماهم الحكم حسب 4 دقائق وقت ضايع بس يالا اختلاف توقيت من هنا لهناك .

و طبعا لعيبة الجزائر المحترمين جداااا اللى معظم لعبهم كان فيه تعمد الايذاء , ده غير تمويت الكرة و الوقوع و التمثيل و حارس المرمى بتاعهم اللى بيقع عادى , طبعا هما فى الشوط التانى لعبوا خطين دفاع و بيلعبوا على الهجمة المرتدة من حقهم مش كسبانين .

كل ده كوم و جماهير الجزائر كوم تانى , يعنى كسبانين و بيضربونا و امال لو كنا كسبنا كان زمان الجماهير بتاعتنا ماتت هناك ( لا تعليق عليهم اكثر من الهمجية ) .

يالا الحمد لله بس ان قلت ده كله لأنى بحب مصر و زعلت جداااااااااا من كمية الاحباط و الحزن اللى اتعرضله 70 مليون مصرى كان أملهم الوحيد و الاخير فى الكرة , لان بجد الكرة بقت الحاجة الوحيدة اللى بتهون على الناس اللى هما فيه .

قدر الله و ما شاء فعل , و الحمد لله على كل شئ .




من واحدة عاشقة جدااااااااا لمصر و ترابها , و حزينة جداااااا على اللى حصل و عدم وصولنا لكأس العالم 2010 .

Sad Sad Sad Sad Sad Sad Sad Sad Sad Sad Sad Sad Sad Sad Sad Sad Sad Sad Sad Sad Sad
Sad Sad Sad Sad Sad Sad Sad Sad Sad

_________________
الرجوع الى أعلى الصفحة اذهب الى الأسفل
baby comm.



تاريخ التسجيل : 06/04/2009

مُساهمةموضوع: رد: تزينت العروس لعريس لم يأتى؟!   الجمعة 20 نوفمبر 2009, 4:23 pm

لا بت yoya انا بختلف معاكى فى نقطة تخاذل الاعبين وعدم كفاءة الكابتن حسن شحاتة، وبصراحة الجيل ده والجهاز الفنى فرحونا كتير ولا يمكن لاى منصف ان ينكر مجهوداتهم ده يكفى ان ده اول جهاز فنى يفضل المدة الكبيرة دى بيدرب المنتخب
من اول ما حرفت الكورة، كمان فى حاجة غايبة عنك ان المدرب واللاعبون عايزين يحققوا مجد شخصى ليهم بالوصول لكأس العالم واحنا عارفين مدى الشهرة والقيمة لوصول اى منتخب للمونديال كمان فى لاعبين كتير مش هايلحقوا كأس العالم القادمة علشان كده كانوا بيبذلوا مجهود مضاعف ولو انى اتفق معكى ان هناك بعض اللاعبين كانوا ليسوا على المستوى وهناك خطأ فى التشكيل او التعير لكن لا نستطيع ان نعاقب هذا الجيل على خسارة مباراة حتى ولو كانت مصيرية
والحمد لله اننا مكسبناش والا الجمهور الجزائرى الهمجى كان مطط انه هايقطل المشجعين المصرين المتواجدين وكلنا تابعنا الموقف على الفضائيات وكمان هما لوكانوا اتغلبوا كانوا هايخرجوا قبلنا مما كان سوف يساعدهم على تنفيذ مخططهم
واتفق معكى فى بقية النقاط
وشكرا على تعليقك
الرجوع الى أعلى الصفحة اذهب الى الأسفل
 
تزينت العروس لعريس لم يأتى؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منوعات :: رياضة-
انتقل الى: