منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هنودة27



الموقع : فى قلب حبيبي M
تاريخ التسجيل : 05/03/2009

مُساهمةموضوع: انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   الجمعة 04 ديسمبر 2009, 8:24 am

بسم الله الرحمن الرحيم
انا شوفت الموضوع ده وبجد عاجبنى اوى اوى فاقولت لازم تقروووه معايا

أنا محجبة
- بعد إيماني بأمر ربنا إن الحجاب فرض على كل مسلمة

- علشان الأسباب التالية:
- علشان انا حرة …مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…

- علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً

- علشان أنا باحترم نفسي ..وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…

- علشان انا جمالي مش خارجي وبس..ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما ي! تجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..

- علشان أنا باخاف على أخويا في الله..اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..

- علشان أنا باشيل هم أخويا في الله..اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..

ده غير حاجة مهمة كمان …الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟

والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر..

ربنا يهدينا ويهدي بنات المسلمين
الرجوع الى أعلى الصفحة اذهب الى الأسفل
shosho16



الموقع : مع مامتى وبابتى واخوااااااااااااااااااتى
تاريخ التسجيل : 13/09/2009

مُساهمةموضوع: رد: انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   الجمعة 04 ديسمبر 2009, 6:22 pm

الله عليكى يا قمر
فعلا كلام رااااااااااااااااااائع الواحد مكنش بيفكر فيها كده احنا لبسنا الحجاب بس علشان ربنا فرضه علينا وان حرام نقلعه
الحمد لله على نعمة الاسلام...................
الرجوع الى أعلى الصفحة اذهب الى الأسفل
Roona



الموقع : فى فلب حبيبى
تاريخ التسجيل : 11/09/2009

مُساهمةموضوع: رد: انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   السبت 05 ديسمبر 2009, 10:36 pm

جزاكى الله خيرا
الموضــــــــــــوع حلو قوى
اللهم ثببت قلوبنا على دينك
الرجوع الى أعلى الصفحة اذهب الى الأسفل
ضحى الروبى



تاريخ التسجيل : 10/03/2009

مُساهمةموضوع: رد: انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   الأحد 06 ديسمبر 2009, 1:19 am

جزاكى الله كل الخير,,,,,,,,,,,,,,,

وفي حاجة احب اذكرها ف الموضوع دة لو سمحتيلي,,,,,,,,,,,,,,

هي عبارة عن قصة قصيرة يارب تعجبكم,,,,,,,,,,,,,,,,,,



`ذات يوم إلتقت وردة جميلة رائعة الجمال .. شذية الرائحة .. جذابة الألوان .. بلؤلؤة ٍ لا

يبدو عليها شيئا ً من هذه الصفات .. فهي تعيش في قاع البحر .. وبعد أن تعرف كل

منهما على الآخر .. قالت الوردة: عائلتنا كبيرة .. فمنا الورد .. ومن الأزهار .. ومن

الصنفين أنواع كثيرة .. لا أستطيع أن أحصيها .. ويتميزون بأشكال كثيرة .. ولكل منها

رائحة مميزة .. وفجأة علت الوردة مسحة حزن..! فسألتها اللؤلؤة: ليس فيما تقولين ما

يدعو إلى الحزن .. فلماذا أنت كذلك..؟! فقالت الوردة: ولكن .. بني البشر يعاملوننا

باستهتار .. فهم يزرعوننا لا حبا لنا .. ولكن ليتمتعوا بنا .. فمنظرنا جميلا ً .. ورائحتنا شذية

.. ثم يلقوا بنا على قارعة الطريق أو في سلة المهملات .. بعد أن يأخذوا منا أعز ما نملك

.. النظارة والعطر! تنهدت اللؤلؤة وقالت: رغم أنى ليس مثل حظك في الألوان الجميلة ..

والروائح العبقة .. إلا أننى غالية في نظر البشر .. فهم يفعلون المستحيل للحصول علىّ

.. يشدون الرحال .. ويخوضون البحار .. ويغوصون في الأعماق ليبحثوا عنى .. وقد

تندهشين عندما أخبرك بأننى كلما ابتعدت عن أعين البشر .. إزدت جمالا ً ولمعانا ً ..

ويرتفع تقديرهم لي .. أعيش في صدفة سميكة .. وأقبع في ظلمات البحار .. إلا أننى

سعيدة .. لأنني بعيدة عن الأيدى العابثة .. وثمني غالي لدى البشر..!







أتعلمون من هي الوردة ومن هي اللؤلؤة؟

- الوردة: هي الفتاة المتبرجة...!

- اللؤلؤة: هي الفتاة المتحجبة..!




لكى اختى الكريمه حريه الاختيار

ان تكونى ورده متألقه يلتف الناس حولها فقط لانتزاع رحيقها

أو ان تكونى لؤلؤه مصونه يشد الناس اليها الرحال


وفقكم الله لكل خير وحفظكم وجميع بنات المسلمين
الرجوع الى أعلى الصفحة اذهب الى الأسفل
هنودة27



الموقع : فى قلب حبيبي M
تاريخ التسجيل : 05/03/2009

مُساهمةموضوع: رد: انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   الأحد 06 ديسمبر 2009, 2:15 am

ميرسى ليكوا نورتوا الموضوع

وربنا يهدينا جميعا
الرجوع الى أعلى الصفحة اذهب الى الأسفل
أطياف



الموقع : غربتى المؤلمة
تاريخ التسجيل : 29/06/2009

مُساهمةموضوع: رد: انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   الأحد 06 ديسمبر 2009, 6:10 am

الله عليكى ياهنوووووووووووووووووووووووووووووودة
رائع جدا جدا
الرجوع الى أعلى الصفحة اذهب الى الأسفل
معلمة صغيرة35



تاريخ التسجيل : 05/11/2009

مُساهمةموضوع: رد: انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   الأربعاء 09 ديسمبر 2009, 12:41 am

جزااااااااااااااااااااك الله خيرا يا هنوده ...
وشكرا بجد يا ضحى...
اللهم ثبتنا وثبت شباب المسلمين على الايمان ....
كمان في ناس محجبه حجابها ما لوش اي لازمه ربنا يهديهم...
تعرفوا يا بنات سمعت مره كلمه من ولد الهوه زى كل الشباب بيمشى يعاكس البيت الحلوه المتبرجه سواء بحجاب او من غير...
لما شاف بنت حلوه اووووى وكلمه وعلى قولتهم علق معاها بعد ما مشيت من معاه سمعته بيدعى عليها وعلى كل المتبرجات وبيقول لهم حسبنا الله ونعم الوكيل انتم سبب دخولنا النارالواحد الاعمى افضل لانه اكثر واحد يقدر يدخل الجنه وطبعا شتم بالفاظ مش لازم اقولهلكم...
الرجوع الى أعلى الصفحة اذهب الى الأسفل
هنودة27



الموقع : فى قلب حبيبي M
تاريخ التسجيل : 05/03/2009

مُساهمةموضوع: رد: انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   الخميس 17 ديسمبر 2009, 6:43 am

نورتوا الموضوع بمشاركاتكوا
الرجوع الى أعلى الصفحة اذهب الى الأسفل
نوووور



الموقع : المعادى
تاريخ التسجيل : 11/02/2009

مُساهمةموضوع: رد: انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   الخميس 17 ديسمبر 2009, 2:58 pm

الموضوع جميل يا هنودة

تسلم ايديكى يا قمر
الرجوع الى أعلى الصفحة اذهب الى الأسفل
 
انا ليه محجبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: