رقم تليفون بابا 0100000000000000000000000000000000

حكايه حب






تعالوا هحكلكوا حدوته يارب متكونش ملتوتة.



هى بعباية طويلة وطرحة ملونة جميلة ووجه برىء مبتسم دائما..و.ماسكة كمية كتب مهوله



فاتت ........كتبها وقعت ...حاول يلمهلها ...(انتو عارفين الشباب المصري خدوم اد ايه)



هى:متشكره اوى (ووشها احمرمن كتر الكسفة يا عينى)
لاول مره يرفع عينه ويشوفها
هو:لا عادي ولا يهمك(فى اسبهلال)



تمشى ونظراته مش قادره تفارقها




هو:مش ممكن البراءة دي (فى سره)
يعود لاصدقاءه



هو:ياااااه ..ايه ده؟ قصدي مين دي ؟انا اول مره اشوف البنت دي...هى سنه كام؟



صحابه:دي معانا يابرنس .بس سيبك خنيقة مووووت..اصلها من النوع الدحيح ..اللى بيحضر ووجع الدماغ ده ...يا شيخ دي بت معقده...انت قولتلى سيبت جيجى ليه؟يامان خالد كان بيوصلها بعربيته عشان كنا بليل طالعين ومفيش مواصلات..متبقاش خنيق يا مان




وصاحبه قاعد يتكلم ويتكلم وصاحبنا ولا هو هنا



لاول مره فى حياته يحس بحاجه .احساس بالامان ...العودة للوطن...حضن امى...احساس حلو اوى....



هوفى سره)هى رايحه فين؟نظراته بتراقبها؟.....المسجد!!!!



احساس دخيل لاول مرة يشعر بيه...انا عمري ما دخلت مسجد الكليه ولا اعرف شكله...ده انا بصلى الجمعة بزن امى




مستنيها(فاضى بقى )



هو:لو سمحتى ممكن كلمة



هى:فى حاجه حضرتك؟



هو:بس كنت عاوز اعرف اسمك



تمشى (فى سرها ده عبيط ده ولا ايه؟)



اتكررت محاولات اخينا مليون مرةوطبعا دون جدوي



الموضوع ف الاول كان تحدي واثبات لنفسه ان الكبير كبير وعاوز يكلمها باي طريقة.ايوة اشمعنه دي ..دي كل البنات هتموت لو اشارة منو



لكن كل المحاولات فشلت



بس هو كان مش موضوع تحدي كان حب ...ايوة حب ..بس حب جميل اوى ..نضيف اوى...برىء اوى



...قال خلاص مبدهاش انا هدخلها من طريق تانى!!!الجواز!!



ياسلالالالالالالالالام(ده انا اللى بقول)



هو:لو سمحتى انا معجب بيكى...وعاوز اتقدم ليكى



هى:تتقدم لى !!!انا اسفه مينفعش



هو:انتى مرتبطة(واحساس بصدمة رهيبة هيسمعها)



هى:لا بس انا عاوزه ارتبط بشخص ملتزم.....ومشت



وكانت الكلمة دي اكبر صدمه سمعها فى حياته



حس احساس رهيب ولاول مرة يسمع الكلمه دي ويفكر فيها ....



بيبص للبسه!



لشكله!



لعلبة السجايرو(واخواتهاا)اللى فى ايده!



لموبايله اللى مليان تليفونات بنات ومسجات بشعه!و........وو..انا مين؟انا ايه؟.



ويمر شريط حياته لاول مره امام عينيه ....يااااااااه انا فاشل اوى كده...ياه انا بشع كده



انا استاهل انها ترفضنى.!.. يبص لحياته لاول مرةو يفهم يعنى ايه كلمة ملتزم...



الله اكبر ...الله اكبر.....(اذان العصر )لاول مرة ياخد باله من الاذان



شافها داخله مسجد البنات....



بلا شعور لقى نفسه فى المسجد.....بس انا مش متوضى !...راح واتوضى



وعيط ...ايوة قعد يعيط وهو بيتوضى ويقول مستحيل ربنا يسامحنى ده ولا كل الميه تنضفنى انا والذنوب اللى عملتها



سمع هاتف..وأيه كان بيقراها وهو صغير(قل يا عبادي الذين اسرفوا على انفسهم لا تقنطوا من رحمة الله.ان الله يغفر الذنوب جميعا.انه هو الغفور الرحيم)زاد عياطه وصوته بيقول يااااااااااااااااارب يااااااااااااااارب




صللى وعيط فى خشوعه وركوعه وسجوده...بعد ما خلص مخرجش ...قعد يناجى ربنا شويه...وخرج



عارفين احساسه كان عامل ازاي؟انا مش قادره اوصفه؟رجع تانى بنى ادم ربانى رجع تانى لقلبه رجع تانى ضميره رجع لكل حاجه حلوة كانت ضايعه منو فى ايام الضياع !!!




صحابه:............ايه يابرنس كنت فين قالبين الدنيا عليك موبيلك مقفول ..ايه كنت فين؟




مسمعهمش ..مشى فى طريقه ..مش شايف حد ادامه ..مش شايف غير طريق نور ركب عربيته وصل بيته باس ايد امه



دخل اوضته قطع الصور ...نضف الكومبيوتر...رمى شريحته...نضف حياته ...مسك قلم وورقة وقال






انا بنى ادم جديد






انا بقيت نضيف






غاب عن جامعته شهر.... بيعيد نظام حياته يصلح علاقاته بيحب اهله ولاول مره بيتكلم بجد وبحب مع اخواته



ياااااااااه انا اخواتى بيحبونى اوى كده .....وامه بالدعاوى ماشيه وراه...لفلها وقالها بحبك ياامى وباس ايدها



نزل راح الجامعه .....اتصدموا من شكلوا...صلح حاجات كتيييييييير معاهم...بعد عنهم .....



شاااافها!!!



..اتغير لونها وبريق عنيها اول ماشافته..............زى ما يكون........



هو طبعا مش مصدق نفسه..ولا هى مصدقه شكله ولاعلامة الصلاه والنور اللى بقت فى وشه!!



قالها :لسه مينفعش؟






قالتله:رقم تليفون بابا........................010.....

يااااااااااااااااااااااااا قصة فعلا مؤثرة يااااااااااارب كل شباب المسلمين يعيدوا حياتهم تانى ويفتحوا صفحة جديدة مع ربنا واحنا عمرنا ماهنرفضهم ده حتى تليفون بابا .........................017 (ههههههههههههههههههههههه)

تسلم ايديك يا هنودة..................

قصة جميلة جدا

نورتى يا شوشو

وانتى كمان يا دوللى فينك من زمان

بجد رائعة يا هنودة تسلم ايديكى يا قمرية

يارب يهدى كل شباب المسلمين

الحقيقه انا مكنتش ناويه ارد على اى موضوع انهرده فى المنتدى عشان زعلانه منكو موت
لكن موضوعك ياهنوده بجد يستاهل الرد والشكر عليه
ياريت كل الشباب يعملو كده وكل البنات يحاولو يستغلوا حب الناس ليهم فى المصلحه ليهم ويجازيهم الله خير
ويارب كل الى بيحب او شايف حد بيحبه ميسيبهوش وهو شايف انه محتاجله
يحاول يصلحه مبتغى وجه الله.....ياااااااااارب قربنا ليك
اعذرونى طولت عليكو

الموضوع جميل خالص يا هنوده

موضوع رائع يا هنودة تسلمى وربنا يهدى الجميع



صحيح
ده رقم تليفون بابا 0170000000000000000000000000000000000000ههههههههههههههههههه

انا كنت بقرا بقلبي مش بعيني
لا اله الا الله
يارب اهدينا يارب
اللهم ادخلنا الجنه بجوار نبيك وحبيبك محمد

مشكورة اختى على هذه القصة الجميلة ،بجد اكثر من رائعة
ولها من اسمى واجمل المعانى مايؤثر فى القلب مباشرة
وياريت دى تكون حافز ودافع يغيرنا شباب وبنات للاحسن بجد.....

ميرسي ليكوا كلكوا

ونورتوا الموضوع وشرفتونى بردودكوا الجميلة دى

تسلم ايدك على الموضوع الخراااااافه ده يا هنوده وده طبعا مش جديد عليكي

حلو اوووى الموضوع ده بجد

تسلم ايدك ياهنودة بجد موضوع رااااااااااااائع
ربنا يهدي شباب المسلمين

نورتوا الموضوع بمشاركاتكوا وانا سعيدة جداااااااااااااااااااااااااا

ان الموضوع عجبكوا وشد انتباهكوا كده

جميله اوى
تسلم ايديكى

اكتر شئ لفت نظرى وخلانى اعلق على الموضوع هى جملة
ربنا يهدى جميع شباب المسلمين
انا حاسس ان شباب المسلمين داخلين النار خلاص مفيش مرة حد قال
رنا يهدى بنات المسلمين
ولا ايه

انت كده هاتلعب بالنار سوري يعني المنتدي كله بنات والكلية كلهابنات
ولا ايه يابنات ههههههههههههههههههههههه.
وشكرا علي الموضوع بجد جميل وتسلم ايديك
وربنا يهدي شباب المسلمين