منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 وانتي جاية هاتيلي عريس!!!!!!!!!!!!!!!!!!!!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Roona



الموقع : فى فلب حبيبى
تاريخ التسجيل : 11/09/2009

مُساهمةموضوع: وانتي جاية هاتيلي عريس!!!!!!!!!!!!!!!!!!!!!!!!   الخميس 21 يناير 2010, 9:38 pm

السلام عليكم ورحمه الله وبركاته

هدخل على طووووووول
فى موضوع شاغل
بال البنات
وانا سميته
حوار الساعة
كل يوم شكل وخناق فى البيت
عريس جايلك تعالى شوفيه
فى كل بيت تقريبا
ودة حوار كل يوم

يفتح الستار على موال كل يوم

انا راجعة من الشغل لقيت ماما فى اوضتها بتتفرج على التليفزيزن و متنكدة

انا : انا جيت يا مامتى ، ايه مالك مين زعلك ؟؟

ماما : محدش زعلنى ، بنت خالتك خطوبتها الاسبوع الجاى

انا : الف مبروك و الله هاروح بقى اكلمها اباركلها، بس هى دى حاجة تزعلك

ماما : بنت خالتك اصغر منك ب 6 سنين و خلاص هاتتجوز

انا : طيب يا ماما و ماله كل شىء قسمة و نصيب ، و انا لما هايجيلى نصيبى هاتجوز

ماما : يا بنتى نفسى اشوف ولادك قبل ما اموت

انا : يا ماما بعد الشر عليكى و بعدين هو انا كل يوم لازم اسمع نفس الموشح

ماما : كلامى مش عاجبك واقف فى زورك ، يا بنتى العمر بيجرى، و انا مش هاعيش قد ماعشت ، عايزة اطمن عليكى

انا : يا ماما مش يمكن اموت انا الاول و بعدين لو ربنا رايد انى اتجوز هاتجوز

ماما : يا بنتى الملافظ سعد بعد الشر عليكى ربنا يجعل يومى قبل يومك ، بس اخرجى شوفى الناس ، اتفسحى ، خلى الناس تشوفك فى الشارع

انا : يعنى امشى احط يافطة مطلوب عريس؟؟ انتى عارفة انى مابحبش جواز الصالونات و ساعات بوافق اشوف اى عريس علشانك

ماما : مهو طول ما انتى قاعدة بوزى فى بوزك او قاعدالى على المخروب اللى اسمه النت مش هاتتجوزى

انا : استغفر الله العظيم مال النت و مال الجواز

ماما : صحابك كلهم اتجوزوا ووولادهم بقوا فى حضانة و ابتدائى ، يعنى انتى مش احلى من عبير ام ضب ، و لا هناء اللى دمها زى السم

انا : يا ماما القرد فى عين امه غزال انتىعلشان ماما شايفانى حلوة ، و بعدين لما يجيلى عريس كويس هاوافق علطول

ماما : طيب ايه اللى ماعجبكيش فى الدكتور مجدى ؟؟؟؟؟؟؟؟

انا : دكتور مجدى مين ؟

ماما : الدكتور اللى جالك و انتى فى 3 ثانوى

انا : يا ماما انتى لسة فاكرة دة الموضوع دة عدى عليه زمن يكاد يكون قرن و انا كنت صغيرة و كان عندى 17 سنة و هو عنده 33 سنة

ماما : اه صحيح دة من زمان و انا كمان حتى رفضته ، طيب ليه ما اتجوزتيش ياسر ؟؟

انا : يا ماما انتى بتكلمينى عن حاجات حصلت ايام الجامعة ليه؟؟

انا : انسى بقى و اقفلى على الموضوع دة

ماما : طيب يا بنتى اخرجى علشان خاطرى الناس بتتجوز كدة

انا : يا ماما ارحمينى انا زهقت بقى من السيرة دى ما انا بخرج بس مش معقول هاخرج كل يوم ، انا بحب البيت اكتر و بزهق من الخروج

ماما : طيب روحى عند سالى

انا : يا ستى كنت عندها من اسبوع هى صورة و بعدين البنت متجوزة عايزة تكون براحتها فى بيتها و مش معقول كل ما اروحلها تتصلى بيها تقوليلها ، لو بنتى رجعت من غير عريس هازعل منك ، هو حد قالك انها خاطبة

ماما: انتى خلاص مابقيتيش عايزة تسمعى منى كلمة ، طيب اخوكى عايز يتجوز

انا : طيب و انا مالى ، مايتجوز انا دخلى ايه ؟ و بعدين يا ماما دة اصغر منى بسنة و يا دوب مرتبه مكفيه و شقته فى مكان مهجور ، و اصلا هو مش مرتبط و لا فيه واحدة فى دماغه مين اللى قالك انه عايز يتجوز ؟؟

ماما : محدش بس انا عرفتها لوحدى ، انا يا ضنايا حاسة بيه و عارفة

انا : لا حول ولا قوة إلا بالله طيب انا مليت بجد من الكلام دة و عصبت انا هانزل هاروح عند عبير عايزة حاجة اجيبها و انا جاية ؟

ماما: هاتى عريس و انتى جاية




و ينزل الستار و انا بشد فى شعرى و بفكر انتحر

بصراحة كدة عايزين الاهل تخف شوية من
الموضوع دة هتتجوزى امتى عايزين نشوف عيالك
المسالة مش غصب ولا اجبار
وتجارب كتير فشلت كان اساسها الاجبار
نخلى فيه مساحة من الحرية فى الاختيار
اظن دى اقل حاجة نطلبها
الجواز مسؤلية
ولازم نكون ادها
مش عايزين نشمت فينا الاجانب
وانا رايى ان الحكاية عايزة صبر
منتسرعش على الجواز زى ما بشوف كدة
اصبر تنول زى ما بيقولوا
عايزة اعرف منكم رايكم فى كلامى دة
ولو حد عندة تجارب حصلت يحكيلنا
بس بردو الأهل عايزين لبناتهم عرسان

صح يا بنات



منقوووووووووووووول
الرجوع الى أعلى الصفحة اذهب الى الأسفل
ايوت



تاريخ التسجيل : 05/04/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الخميس 21 يناير 2010, 11:36 pm

صح كلامك مظبوط لان كل شئ قسمة ونصيب بجد وربنا هو اللي بايده كل شئ ولازم نعرف كده لان ممكن الواحدة تتجوز ولاقدر الله تتطلق بعد اسبوع بيحصل والله فلازم نصبر لان الصبر مفتاح الفرج واصبروماصبرك الابالله
الرجوع الى أعلى الصفحة اذهب الى الأسفل
نوووور



الموقع : المعادى
تاريخ التسجيل : 11/02/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الجمعة 22 يناير 2010, 12:13 am

هو فعلا اهم حاجة الصبر والتانى وكل بنت فعلا بيجلها نصيبها و محدش

يستجعل على حاجة ومش اهم حاجة الخطوبة والجواز بس

اهم حاجة ان البنت تكون مبسوطة و مقتنعة

ويارب يسعد كل البنات ويكرمهم بولاد الحلال
الرجوع الى أعلى الصفحة اذهب الى الأسفل
معلمة صغيرة35



تاريخ التسجيل : 05/11/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الجمعة 22 يناير 2010, 6:33 pm

ربنا يوفق كل البنات ويسعدهم ويرزقهم الزوج الصالح والذريه الصالحه
الرجوع الى أعلى الصفحة اذهب الى الأسفل
marmar



تاريخ التسجيل : 01/08/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الأحد 24 يناير 2010, 2:37 pm

مش عارفه أضحك و لا أخلى عندى ريحه دم

بصراحه أى أم بيبقى عندها بنات بتبقى عايزها تتخطب من وهى حامل فيها

و اللى عندها صبيان بتغير من أى ست تانيه وتحس أنها بتخدو منها


طب نعمل أيه بقى !!!!!!!!!
الرجوع الى أعلى الصفحة اذهب الى الأسفل
amooooola



الموقع : في قلوب احبابي
تاريخ التسجيل : 04/07/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الخميس 04 فبراير 2010, 11:53 pm

الموضوع ده بايد ربنا وكل شئ قسمه ومحتاج صبر بس بينى وبينكم لما الام تفضل تزن بالشكل ده انا لو مكانها كنت هجوز اول واحد اشوفه هههههه
بس الحمدلله ان ربنا ماحطنيش في الموقف ده عشان انا مش كان هيبقى عندى صبر
الرجوع الى أعلى الصفحة اذهب الى الأسفل
باشا الزمان



تاريخ التسجيل : 04/03/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الجمعة 05 فبراير 2010, 11:57 pm

عايزين عريس منين بقي من وسط البلد والا من اول فيصل
هههههههههههههه
لا حول ولا قوة الا بالله
كل شئ نصيب ووقت ما ربنا هيريد انك تتجوزي هيحصل غصب عن عين اي حد


نايس توبيك يا قمررررر
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   السبت 06 فبراير 2010, 10:44 pm

سبحان الله الانسان مش بيعجبه حاجة عارفين الأمهات دول لما بناتهم بيتاخروا في الجواز يقولوا يارب يجوزوا والزن يبدا ولما يجوزوا بناتهم وتحصل مشاكل ولو حتى بسيطة تقول لبنتها انتي مكانلكيش جواز انتي ترجعي بيت ابوكي معززة مكرمة سيبيه وانا اجوزك سيد سيده ولو وقعت الفاس في الراس واتطلقت بنتها تقولها ما هو انت اللي اتسربعتي ومعرفتيش تحافظي على بيتك هو انا جوزتك عشان اخلص منك وارتاح رجعتيلي بهمك ده اذا كمان مكانش في اطفال
بجد الزواج بقى مأساة والله انا بعتبره مأساة اكثر من العنوسة على الاقل وانتي عانس بتفضلي عندك امل في بكره يكون احلى لكن لما تجوزي هتتمني لو ان بكره اللي كنتي بتحلمي بيه وهتموتي عليه تتمني انه مكانش جه وكنتي فضلتي في بيت باباكي اخر دلع وهنا
بس ارجع واقول
الزواج شر لابد منه هههههههه
وكاس لازم نشربها كلنا
ربنا بس يرزقنا كلنا بالازواج الصالحين
قولوا امين
الرجوع الى أعلى الصفحة اذهب الى الأسفل
Roona



الموقع : فى فلب حبيبى
تاريخ التسجيل : 11/09/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الإثنين 08 فبراير 2010, 3:25 am

اميــــــــــــــــــــــــــن

والله انا شايقه انه مش مأساة قوى لو احسنتى الاختيار من الاول واهم حاجه فى الاختيار الالتزام والاخلاق لانه لو انسان ملتزم هيعملك بما يرضى الله
وبعدين كل شئ قسمة ونصيب وربنا يرزقنا كلنا بالازواج الصالحين
وميرسى كتير لمروركم الجميل
الرجوع الى أعلى الصفحة اذهب الى الأسفل
هنودة27



الموقع : فى قلب حبيبي M
تاريخ التسجيل : 05/03/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الثلاثاء 09 فبراير 2010, 1:01 am

الموضوع جميل جداااااااااااااااا جدااااااااااااااااااا تسلمى يا قمر


وبعدين كل شئ قسمة ونصيب وكل الى ربنا كاتبه هنشوفه
الرجوع الى أعلى الصفحة اذهب الى الأسفل
moonlove



تاريخ التسجيل : 27/02/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الثلاثاء 09 فبراير 2010, 7:21 pm

واللة عندكم حق ياجماعة خدو وقتكو ف الموضوع دا بذات وملكوش دعوة بزن الامهات علشان متتعبوش بعد كدا وتتعبوهم معاكو بردو ..................واسئل مجرب
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الثلاثاء 09 فبراير 2010, 8:44 pm

شدني اوي كلمة اسال مجرب بتاعتك يا قمر الحب وبجد ليه منطلبش من اخواتنا المتجوزين ( اللي ربنا يكون في عونهم ) يفيدونا بخبراتهم في الجواز وازاي نتعامل مع المخلوق العجيب اللي اسمه ابن آدم
والعاقبة عندكم في المسرات
وقلبي مع كل واحدة دخلت القفص
واقولها تجلدي
هههههههه
وانتم السابقون
الرجوع الى أعلى الصفحة اذهب الى الأسفل
rain force



تاريخ التسجيل : 05/03/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الخميس 11 فبراير 2010, 7:11 am

هههههههههههههههههههههههههههههههههههه
طلب غريييييييييييييييييييييييب جدا
موضوع راااااااااااااااااااائع جدا يا روونا بس الساحره عندها حق
شر لابد منه معلش الرد متاخر اوي
الرجوع الى أعلى الصفحة اذهب الى الأسفل
Roona



الموقع : فى فلب حبيبى
تاريخ التسجيل : 11/09/2009

مُساهمةموضوع: رد: وانتي جاية هاتيلي عريس!!!!!!!!!!!!!!!!!!!!!!!!   الخميس 11 فبراير 2010, 10:08 pm

ميرسى لمروركم يا بنوتات
ولا يهمك ياrain force
ومنتذرين خبرات المتزوجات فى الشر ده
الرجوع الى أعلى الصفحة اذهب الى الأسفل
 
وانتي جاية هاتيلي عريس!!!!!!!!!!!!!!!!!!!!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: