مسرح العرايس

يا جماعة انا خريجة 2009 بشتغل فى مدرسة لغات الحمد لله بس انا نفسى اشتغل فى مجال مسرح العرائس بس المشكلة ان الواحد مش عارف المفروض يبدا من فين طيب لو المفروض يبدا باخد دورات فى المجال ده الدورات ديه بتبقى فين
لو حد يا جماعة يعرف اى حاجة عن الموضوع ده يا ريت يفيدنى ارجوكوا

ولا حد عبرنى ايه الرخامة ديه

و الله يا بنتى انا كمان نفسى اشتغل فى المجال ده بس مش عندى اى معلومات

السلام عليكم اولا
عايزة اقولكم ان د.كمال حسين دايما بينظم دورات تدريبية فى الكلية عندنا
كمان بالنسبة لشغل المسرح والعرايس ؛ الكلية كانت لسه عاملة دورة فى العرايس الماريونت والمسرح الخاص بيها
تقدرو تسالو فى قسم العلوم الاساسية فى الكلية اللى رئيسه د.كمال

طب لما هما بيعملوا ليه مش بينزلوا اعلان على المنتدى او الجروب على الفيس بوك
لازم يكون فيه اهتمام اكتر من كدا يا جماعة

السلام عليكم ورحمة الله وبركاته
كان في العام الماضي تدريب علي صنع زي تنكري كامل وتصميم عرائس ماريونيت في الكلية والذي قامت به اللجنة العلميةوالتكنولوجيةللكلية وأسرة كليوباترا وتم الاستعانة بمدربين متخصصين في مسرح الطفل والعرائس.
وسيتم الاعلان قريبا عن هذه الدورات بعد بدء العام الدراسي الثاني وحينئذ يمكنك الاشتراك.
ارجو متابعة المنتدي باستمرار حيث سيتم الاعلان من خلاله بجانب الاعلان في اروقة الكلية.

طب واللهى انا بتابع المنتدى باستمرار المهم بس الاعلان ينزل فى الوقت المناسب مش بعد لما الدورة تخلص
ربنا يسهل والدورة تتعمل بس
وميرسى ليكى كتير يا دكتورة هبة الف شكر على الاهتمام