منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 ذكريات من الطفولة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ولاء شعبان



تاريخ التسجيل : 07/07/2009

مُساهمةموضوع: ذكريات من الطفولة   الأربعاء 17 فبراير 2010, 12:41 am

يا ريت كل واحده تفضفض عن نفسها وتقولنا مواقف حصلت معاها من الطفولة وعمرها ما تتنسى
وهبدأ وأحكيلكم عن ذكريات من الطفولة بس هى مضحكه شويه

وأنا فى الحضانة
كانت الميس على طول تغنى معانا أغنية " رايح فين يا حماده رايح أجيب شيكولاته إنتى ومين يا حماده ....... "
وكنا بنسقف معاها
وفى يوم من الأيام كنت بسقف وتانيه الكفين على بعض زى الميس ما بتسقف وراحت زعقتلى كتير أوى
عشان بقلدها وبسقف زيها وقالتلى محدش يسقف زى الميس

الموقف التانى
فى المرحلة الإبتدائية وخاصة فى سنه خامسة
كنت فى يوم مش مذاكرة العلوم وجيه المدرس بيسألنى ومعرفتش أجاوب عليه
وكان فى الوقت ده الجزم الدبابه لسه طالعه جديد
وكان المدرس ضخم جدا وطويل جدا
وخلانا كل اللى مش مذاكر يخلع الكوتشى والشراب
وراح واقف بكل جسمه وقوته على القدم مما سبب ورم فى قدمى وتغيبت عن المدرسة لمدة إسبوع
وحتى الأن بشوف المدرس ده ومن يوميها لا يمكن كلمة إزيك حتى بتطلع له نهائى

يا ريت كل واحده فيكم تضحكنا شويه وتحكى شوية مواقف حصلت معاها وهى صغيرة فى الطفولة
الرجوع الى أعلى الصفحة اذهب الى الأسفل
هنودة27



الموقع : فى قلب حبيبي M
تاريخ التسجيل : 05/03/2009

مُساهمةموضوع: رد: ذكريات من الطفولة   الأربعاء 17 فبراير 2010, 8:43 pm

لما كنت صغير ةكنت بحب اوى انى احط اخويا فى خزنة المكتب كانت كبيرة كنا بنحب نلعب اوى كده

ويقولى سيبينى جوة ومتقوليش لماما وانا موافقة ماما تطلعه وتضربنى وتقولى ده ممككن يموت جوة

موقف تانى اختى اصغر منى ب 8 سنين فتقريبا كانت طول وقتها معايا وماما بره او فى الشغل

لغاية مبقت تقولى يا ماما كنت بتضايق اوى لما تقولى قدامى صحابى يا ماما

كنت لسه فى خمسة ابتدائى وبقيت اعيط لما عشان كده بقت تقولى دى اختك

المهم دلوقتى هبوس ايدها عشان تقولى يا ماما تقولى ابداااااااااااااااااااا


يلا هيا مواقف مش مشوقة بس مفتكرتش غيرها

اول مفتكر حاجة تانى هكتبها على طووووووووووووول
الرجوع الى أعلى الصفحة اذهب الى الأسفل
نوووور



الموقع : المعادى
تاريخ التسجيل : 11/02/2009

مُساهمةموضوع: رد: ذكريات من الطفولة   الثلاثاء 23 فبراير 2010, 2:48 am

حلو اووووووووووووى الموضوع ده

انا وانا صغيرة كنت ديما بحب اشوف الحاجة واجربهاواحب اقلد معظم الحاجات اللى اشوفها

مرة كان عندنا ماكينة خياطة انا عملت ايه حطيت صبعى تحت ابرة الماكينة واعدت اخيط عليه

مش ناسية شكل بابا ساعتها لمل شاف صبعى تحت الماكينة وكان طبعا بينزل دم كتير
الرجوع الى أعلى الصفحة اذهب الى الأسفل
أطفال الجنه



تاريخ التسجيل : 08/02/2009

مُساهمةموضوع: رد: ذكريات من الطفولة   الأربعاء 24 فبراير 2010, 1:26 am

حلو اوي الموضوع ده
وانا صغيره واعوذ بالله من كلمة انا كنا في وسط البلد انا وبابا وماما واخواتي بنشتري لبس العيد والدنيا كانت زحمه موت وتهت منهم وطبعا بابا قعد يدور عليا المهم لاقاني ولما انا شوفته قعدت اضرب فيه واعيط واقوله انت مشيت وسبتني ليه
الرجوع الى أعلى الصفحة اذهب الى الأسفل
ايوت



تاريخ التسجيل : 05/04/2009

مُساهمةموضوع: رد: ذكريات من الطفولة   الأربعاء 24 فبراير 2010, 1:35 am

لما كنت صغيرة في الابتدائي كانت الميس بتحب بنات معينة بمعني لما يغلطوووووووو ميدربوش ومش بتزعق لهم وبالافخر انا مكنتش منهم هههههه المهم كانت الميس دي دايما تزعق للفصل كله الا هما فمره لمارجعت البيت مسكت عصايه وقعدت اضرب الكراسي واسمي كل كرسي باسم البنات اللي الميس مبتضربهمش واقعدت اضرب فيهم كتير اووووووي
الرجوع الى أعلى الصفحة اذهب الى الأسفل
ولاء شعبان



تاريخ التسجيل : 07/07/2009

مُساهمةموضوع: رد: ذكريات من الطفولة   الجمعة 26 فبراير 2010, 1:24 am

شكرا ليكم
هنوده
نور
أطفال الجنه
أيوت
بجد يا أيوت أنا عرفت دلوقتى بس أهمية الكلية دى فكرتنى بحاجات كتير درسناها فى الكلية
نورتم كلكم وبجد إحساس حلو أوى لما نشوف ذكريات الطفولة ونرجع لأيام زمان
ياريت كل اللى عنده ذكرى حلوه يطربنا بسماعها ويضحكنا شويه
الرجوع الى أعلى الصفحة اذهب الى الأسفل
 
ذكريات من الطفولة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: