منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 اعرفي عريسك من طريقة أكله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
razan



تاريخ التسجيل : 25/02/2010

مُساهمةموضوع: اعرفي عريسك من طريقة أكله   الخميس 25 فبراير 2010, 6:36 am

الموضوع اسمه اعرفي عريسك بدري بدري من طريقة اكله

1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه
وقراراته ويبقى ده آخر
الرجال المحترمين..
كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟

3-
أما إذا كان مش مهتم بالمرة.. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد واعملي حسابك هاتركبي وتدلدلي
رجلييكي.
4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من ع الأكل قبل أي حد تاني.
يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر
للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش
بدري.... بدري....
إخلعي يا أمي...

6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"
""ماعاليش برَّه يا حبيبي وخد الباب ف أيدك""

7- أما إذا كان دايمًا قرفاااان دايمًا مش عاجبه العجب ولا الصيام ف
رجب.. يع..
الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع
مووووز.. أووووف.. الرز محصويل.. يامَّه المكرونة
معجنة..
إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة م العجيييين

والأحسن من ده كله.....

مالها القعدة ف بيت أبووووووكي؟؟

ههههههههههههههه مش تتركو العرسان مشان الموضوع مجرد مزحه
الرجوع الى أعلى الصفحة اذهب الى الأسفل
لولي



تاريخ التسجيل : 29/05/2009

مُساهمةموضوع: رد: اعرفي عريسك من طريقة أكله   الجمعة 26 فبراير 2010, 3:23 am

ههههههههههههههههههههههههههههههه
ده انا كنت هصدق ف الاول
الرجوع الى أعلى الصفحة اذهب الى الأسفل
LELY22



الموقع : في قلب ماما وبابا
تاريخ التسجيل : 06/11/2009

مُساهمةموضوع: رد: اعرفي عريسك من طريقة أكله   الجمعة 26 فبراير 2010, 3:41 am

هههههههههههههههههههههههههههههههه
جميله اوي
تسلم الايادي يا جميل
الرجوع الى أعلى الصفحة اذهب الى الأسفل
نوووور



الموقع : المعادى
تاريخ التسجيل : 11/02/2009

مُساهمةموضوع: رد: اعرفي عريسك من طريقة أكله   السبت 27 فبراير 2010, 11:40 pm

هههههههههههههههههههههههه

بجد جامدة

احسن حاجة القعدة فى البيت
الرجوع الى أعلى الصفحة اذهب الى الأسفل
ملكة الاحساس



تاريخ التسجيل : 03/03/2010

مُساهمةموضوع: رد: اعرفي عريسك من طريقة أكله   الأربعاء 03 مارس 2010, 3:29 am

ههههههههههههههههههههههه خوفتيني من الرجال وضحكتيني يا قلبي تسلمي على الموضوع والله يعطيكي العافيه king
الرجوع الى أعلى الصفحة اذهب الى الأسفل
طيور الجنة



الموقع : في الدنيا
تاريخ التسجيل : 07/10/2009

مُساهمةموضوع: رد: اعرفي عريسك من طريقة أكله   الخميس 04 مارس 2010, 11:05 pm

موضوع جميل

لازم كل واحدة تاخد النصيحة منك واتروح في داهية علي طووووووووووول
هههههههههههههههههههههههههههههههههههههههههههههههههه
تسلم ايدك ياست رزان
الرجوع الى أعلى الصفحة اذهب الى الأسفل
 
اعرفي عريسك من طريقة أكله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: