منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 تفتكروا الجواز فى المستقبل ممكن يبقى كده؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
ميرو



تاريخ التسجيل : 27/02/2009

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 3:27 am

اولالالالالالالا مبروك يا بيى كوم و ربنا يوفقك بس لما ان شاء الله تخلصوا اعداد البرنامج تبقى تقولنا علشان نشاركك و ثانيا شكرا على مشاركتك فى الموضوع يا ساحرة بس كلامك فى حزن اووووى و كلامك موجود فعلا فى الحقيقة انما بقى بالنسبة لحنية الرجل دة بيتوقف على الموقف الى هو فية مرة يكون حنين و مرة يكون شديد و اعتقد ان الراجل فى تعاملة مع حبيبتة او مراتة بتبقى حاجاة تانية خالص
و اسفة انى طولت عليكم
الرجوع الى أعلى الصفحة اذهب الى الأسفل
مون الملاك



الموقع : www.my.egy.com
تاريخ التسجيل : 15/02/2010

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 4:54 am

كلامك منطقى يا ميرو بس مش دايما
احيانا الراجل بيقسى بغباوة وما بيفرقش اللى قدامة دى تبقى مين وووووووووووووووووووووولا؟؟؟؟؟ظ
الرجوع الى أعلى الصفحة اذهب الى الأسفل
ميرو



تاريخ التسجيل : 27/02/2009

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 5:11 am

اة اكيد فى رجالة كدة بس اعتقد ان مش بيبقى طبيعى او مش فى وعية
الرجوع الى أعلى الصفحة اذهب الى الأسفل
مون الملاك



الموقع : www.my.egy.com
تاريخ التسجيل : 15/02/2010

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 5:20 am

معاكى كلامك صحيح يا ميروووووووو
ربنا يهدى الرجالة كلهم يارب
قولووووووووووو امين
الرجوع الى أعلى الصفحة اذهب الى الأسفل
احلى بنوته



الموقع : احلام اليقظه
تاريخ التسجيل : 26/11/2009

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 5:56 am

السلام عليكم
الساحره عندك حق كنا زمان بنقول الرجل والمراه مش متجوزين عن حب
وده سبب المشاكل
ولكن الموضوع بقى كمان مع الناس المتجوزين
عن حب واقتناع تام
ويمكن من وجهه نظرى ان السبب يرجع الى انى بحس
ان المتجوزين بقى يتلككوا ويقف كل واحد من التانى
على الغلطه
اقصد مفيش تسامح..
ياريت كل واحد من الطرفين يدور على واجباته الاول
ويشوف هو مقصر فى ايه
قبل ما يطالب بحقوقه
ولما تحصل مشكله ياريت نديها حقها بلاش نكبر المواضيع علشان
نعرف نتعامل معاها
وياريت نبدا بالصلح والتراضى فى اقرب وقت
وكمان انا نفسى كل البنات والشباب يعملوا الحاجه دى مع نصفهم التانى
ودى انا متفقه عليها مع خطيبى
ان يكون فى بنا حاجه نعملها مع بعض لربنا
زى مثلا نختار يوم ونصلى فيه مع بعض قيام مثلا قبل النوم
او يوم الجمعه نقرا مع بعض سوره الكهف
ويكون ده بنيه ان ربنا يصلحلنا حياتنا مع بعض
وكمان لما يتعودوا يعملوا الحاجه دى مع بعض هتخلق حب من نوع خاص بينهم
وفى حاجه كمان مهمه جدا وهى ان كل زوجين يدعوا لبعضهم
بظهر الغيب
اسفه على الاطاله
بحبكم كلكم فى الله I love you I love you
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 5:05 pm

وحشتوني كلكم
يا بيبي كوم انا ذكرت اني مش مرتبطة فده الرد على سؤالك الاول
اما عن ان كلامي نابع عن تجربة
فاه لكنها تجربة مش شخصية ومش تجربة واحدة دي تجارب كتير جدا
لكنها لاقارب ولاصدقاء ومعارف تقريبا كل الناس اللي اعرفهم اتفقوا يعقدوني في الجواز والارتباط ونجحوا والحمد لله
اما عن استخدام الحنية مع الزوج او الرجل بصفة عامة فهي مفيدة قبل الجواز لكن بعد الجواز الحنية بتترجم في عقل الزوج بانها ضعف واستكانة وحب زايد عن الحد ورومانسية بعيدة عن الواقع (( فوقي بقى وانزلي ارض الواقع )) ثم ان الزوجة من حقها تدي وتاخد لو حكمت عليها انها تدي وبس تبقى انت كمان سوري اناني زي باقي الرجاله لكن لو اتفقت معايا ان من حقها تاخد بعد ما تدي هقولك انت استثناء من قاعدة الانانية الذكورية هضيف حاجة كمان مش معنى انها هتدي وتاخد يبقى مقدار اللي هتديه هيساوي مقدار اللي هتاخده لا المراه كائن مرهف الاحساس جدا لو تعبت يوم كامل بكل اعمال المنزل والاولاد وكل حاجة مبتستناش اكتر من كلمة تقدير او دعوة حلوة او ابتسامة رضا اعتقد مش كتير اللي بتطلبه لكن تعمل ايه لما زوجها يبخل عنها حتى بكلمة
بالنسبة للجزء اللي بتقول فيه اني بوجهلك الكلام على وجه الخصوص انا اسفة مقصدتش كده بس بالمنطق انت الراجل الوحيد هنا فجت الخبطة فيك مش اكتر ولو كان في اتنين يبقى كانت الخبطة هتيجي في اتنين والخ الخ
اسفة لو حسيت في كلامي هجوم على شخصك انا هجومي على جنسك (( معشر الرجاله ))
سلامي ليكم كلكم بجد اتمنى نوصل للتفاهم والحب والتناغم بين الازواج عشان تقل نسب الطلاق واللي بيدفع التمن اطفال في عمر الزهور
فهمت كمان من كلامك يا محمد انك مهتم بالموضوع ده فهل الاهتمام ده شخصي ولا هو ده موضوع برنامجك
اتمنى لو وصلت لحاجة جديدة في بحثك تساعدنا على فهم الكائن الغريب العجيب المسمى الرجل
متبخلش علينا بيها
الرجوع الى أعلى الصفحة اذهب الى الأسفل
baby comm.



تاريخ التسجيل : 06/04/2009

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 6:40 pm

اولا انا مبسوط ان احنا بتناقش فى موضوع مهم جدا كده مع اننا للاسف مش متجوزين كلنا على ما اعتقد فكنت اتمنى لو فى حد فى المنتدى متزوج ويقولنا تجربته حتى يكون الكلام واقعى اكثر خصوصا اننا بنجتهد فى تشخصينا لهذه الحالة
انا طبعا متصور ان الكلام ده كان لازم يكون عن تجربة ليكى وانا مش قصدى انها شخصية لكن من اللى شوفتيها من خلال اصحابك او قرايبك او جرانك زى ما انا عملت، وانا بجد مش مختلف معاكى وان الراجل اللى انتى صورتيه فى كلامك الاول اكيد ده ابعد مايكون عن الرجولة وانا متفق معاكى انه ده مش صح، بس دايما المرأة ربنا خلق فيها خاصية انها بتقدر تحتوى الراجل ولو هو ايه هيه برضه تسيطر عليه وبتختلف من واحدة لوحدة تانية، فالزوجة ممكن لو جوزها ده نار بكلمه حلوة
بابتسامة رقيق تخلى الراجل ده فى قمة الهدوء وانتوا عارفين اكتر منى اسلحت المرأة الكتييييييير، والحقيقية اسمحيلى انى اقولك انك مكنتيش محايدة لانك مش نقلتى وجهة نظر الطرفين، انا معاكى ان فى رجالة كتير مش رجالة ووعايزن الحرق بالنار انا معاكى، بس كمان مش دايما كل مشكلة بيكون سببها الراجل اكيد هيه كمان بتعمل مشاكل وممكن تخليى حياته جحيم فا المشكلة
مرتبطة بالاتنين مش بالراجل بس ولا الست بس0
ولو كنتى قرأتى تعليقى الاول لما قلت ان الراجل بيكون زى الطفل لو حس بحنية مراته او حببته عليه كنتى عرفتى ان الحل سهل بايدكم انتوا وده عن تجربة شخصية وغير شخصية واعتقد ان ده مش صعب عليكم ابدا لان الحنيه فى طبع المراة اساسا خصوصا انها هاتبقى ام وربنا ادلها الجزء ده بزيادة شوية
بس عايز اقولك حاجة مش معقول انتى مشفتيش زوجين مبسوطين فى حياتهم وسعداء وزى ما فى حالات خناق ومشاكل فى حالات تانية فيها سعادة وحب وتفاهم وانا اعرف كتير كده والدليل ان فى زوجين واحد فيهم مش بيخلف ومع ذلك الطرف التانى مش بيطلب الطلاق وبيكملوا حياتهم مع بعض وده ابلغ رد ان مش كل المتزوجين او كل الرجالة ي\سيئة
اما بخصوص ان انا الراجل او الشاب الوحيد اللى هنا فدة قدرى ومفيش مفر منه وانا مبسوط انى بمثل الراجل وقدامكم
وعايز اقولك انى مهتم بالموضوع ده لانى اعرف ناس كتير متزوجين من الرجالة وبسالهم عن حياتهم الزوجية وباكتشف انها روتنينة وبال طعم علشان كده بينى وبينك انا خايف لما اتجوز ان شاء الله يحصل معايا كده فمن هنا كان اهتمامى بالموضوع
بس اوعدكم ان البنت اللى هاتجوزها هاخليها اسعد انسانة فى الدنيا قدر الاماكن وعلى قدر استطاعتى
وهاكون كل حاجة ليهها وانا اصلا بطبعى بميل للرومانسية فحياتنا ان شاء الله هاتكون كلها حب وسعادة وربنا يكرمنا باولاد
ان شاء الله هانعلمهم صح ونربيهم صح علشان يطلعوا نافعين لدينهم وبلادهم ولنفسيهم
بشكركم كلكم وحقيقي استمتعت بالحوار معاكم ومخبيش عليكم مكنتش متوقع ابدا ان موضوعى هايلاقى الاهتمام دى
تقبلوا تحياتى
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 7:51 pm

اوك بيبي كوم
ربنا يوفقك وتلاقي بنت الحلال
بس من غير زعل كلامك زي كلام كل اصحاب التجارب اللي قولتلكم عنهم
كل واحد قبل ما يرتبط بيقول للي هيرتبط بيها
((هعيش عمري بس عشان اسعدك ))
(( انا رومانسي وهغرقك رومانسية ))
(( انتي عمري وحبيبتي ومش ممكن استغنى عنك او انشغل عنك ))
(( اللي هتجوزني امها راضية عنها ودعيالها في ليلة مفترجة )) مع انه العكس شكلها دعت عليها هههههههههه
والخ الخ من الكلام اللي مفيش اسهل منه عندكم قبل الجواز وقبل دخول القفص والتدبيسة ؟؟
لكن اتمنى لما ترتبط يا محمد تخلي زوجتك تشاركنا في المنتدى عاوزين نسألها عنك بعد الجواز (( خباثة بنات يعني ))
بجد اتمنالك السعادة وليها ويارب ما تتغير
اما عن كلامك اني مش حيادية فده اتهام انا برئية منه لاني لو مش حيادية مكنتش قولت اني لسه عندي امل الاقي راجل بجد ارتبط بيه ، ومكنتش طلبت منك تساعدنا انا والبنات في انك لو وصلت لحل قضية التغير الكلي بعد الزواج تفيدنا والدليل اني عاوزة استفيد واكون صاحبة خطوة اولى في التغيير
في اكيد نوع تاني من الرجاله وهو اللي بيكون الضحية بس انا برضو مش بسميه راجل
فاختصار كلامي
لا الشخص المستبد المتحكم المتجبر الاناني راجل
ولا الشخص المستكين الضعيف السلبي القابل للانقياد بدون شخصية راجل
انا لسه ملقتش راجل بجد
غير حبيبي وفارس احلامي بابا ربنا يخليهولي
الرجوع الى أعلى الصفحة اذهب الى الأسفل
baby comm.



تاريخ التسجيل : 06/04/2009

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 9:05 pm

ياسلام تصورى ان انا ابتديت انسى اسمى واضح انك تعرفينى وعارفة اسمى فى كل التعليقات بيقوليلى يابيبى كوم الاسم اللى انا داخل فيه
لدرجة انى حسيت انى مش بشتغل فى الكلية محدش يعرفنى ولا ايه دا انا زعلان وى
هههههههههههههههههههههههههههههههه
وبالنسبة لردى على الموضوع عايز اقولك موقف او حاجة بتحصل دلوقتى كتير ان فى وبنات بتعرف ولاد للتسلية بس وده بيحصل ومحدش ينكر ده
بس صدقيى اصعب حاجة لما الولد يرتبط ببنت ويكون صادق معاها ويشرحالها ظروفه وتوافق عليها وتحسسه انه كل حاجة ليها وانها هاتستناه لاخر العمر مهما حصل مش هاتسيبه واول ما يتقدملها حد تانى جاهز بتنفض لحبيبها وتتجوز الجاهز اللى معاه فلوس ممكن تقوليلى هيه من حقها تدور على مصلحتها
هاقولك طب وليه هيه خدعته من الاول وطمنته واوهمته بكلمها لحد ماصدقها ما كان من الاول قالتله انه مش هاينفع وخلاص
عندك تفسير لموقف البنات دى
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 9:19 pm

امممممممممممممممم
حاسة كده يا محمد ان كلامك المرة دي تجربة شخصية جدا جدا
وردي على سؤالك ان في بنات بتتسلى بالاولاد فده حقيقي وعلى الصعيد الاخر في اولاد بيتسلوا بالبنات دي بقت مسلمة من مسلمات مجتمعنا اوك
لكن اللي لازم تعرفه ان كل طرف في العلاقة اللي بسميها هبلولة بيكون عارف ان التاني بيتسلى اقصد ان مبيكونش فيها طرف ضحية او مخدوع لكن ممكن يكون في واحد عاوز ينخدع
فاسمحلي اقولك لو انك صاحب التجربة دي مع البنت دي فاسمحلي اقولك انك كنت عارف او على الاقل حاسس انها بتتسلى بس مكنتش عاوز تصدق نفسك وبتقنع نفسك بغير اللي هي حساه
ببساطة لان مهما كانت بتعرف تمثل فعمرها ما هتكون قديرة في انها توصلك مشاعر حب صادقة وحتى لو نجحت في التمثيل فالمفروض انك لما هتستقبل مشاعرها وتمررها على قلبك هتحس بالظلمة اللي فيها مفهاش شفافية وجمال الحب الحقيقي
فاما انك كنت حاسس وبتكدب احساسك
واما انك جديد في الحب ومجربتش الحب الحقيقي اللي فيه بتذوب ارواح المحبين ويصبحوا روح واحدة
مش ملاحظ حاجة محدش بيتابع تاني سابوني لوحدي ضدك ايه البنات الربع كم دول انتوا فين يا بنات محدش واقف جنبي ليه ده انا خليفة قاسم امين وبنادي بحريتكم فهل من مشمر ههههههههه
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 9:22 pm

انا مفهمتش الجملة دي (( ياسلام تصورى ان انا ابتديت انسى اسمى واضح انك تعرفينى وعارفة اسمى فى كل التعليقات بيقوليلى يابيبى كوم الاسم اللى انا داخل فيه
لدرجة انى حسيت انى مش بشتغل فى الكلية محدش يعرفنى ولا ايه دا انا زعلان وى
هههههههههههههههههههههههههههههههه ))
يعني عاوزني اقولك محمد ولا بيبي كوم
ومين قال اننا مش عارفينك ؟؟
الرجوع الى أعلى الصفحة اذهب الى الأسفل
baby comm.



تاريخ التسجيل : 06/04/2009

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 9:30 pm

مش فاهمانى ازاى ما الكلام واضح انا انا مش داخل باسمى الحقيقي وطبيعى ان ممكن محدش يعرف انت مين طالما مش داخل باسمك الحقيقي بس لقيتك انتى عارفة اسمى فده معناه انك تعرفينى او اتعاملنا مع بعض فى الكلية وعارفة الاسم اللى بدخل على المنتدى بيه
وممكن الطالبات اللى كانوا بيعلقوا مش يعرفوا ده بس دى كل الحكاية

ها وضحت كده
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 9:32 pm

اممممممممم
حسستني اني غبية مع ان فعلا كلامك مش واضح ولغاية دلوقتي انا مفهمتش بردو استخدم اني اسم ليك
ممكن تقولي ؟؟
وبعدين حاساك متعصب عليا
؟؟؟
الرجوع الى أعلى الصفحة اذهب الى الأسفل
baby_lolo



تاريخ التسجيل : 21/03/2010

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 11:08 pm

ها ياجماعه هدو شوية اولا يابيبي لو لاحظت انت بتكون كاتب اسمك في معظم المواضيع كتوقيع ليك فاطبيعي هانعرف اسمك محمد عيد كمان انت بتكون كاتب كده انا شفتها كذا مرة وبعدين عادي اتعاملتومع بعض ولا لاعادي يعني ولا ايه ههههه وصحيح انا كمان حسيت انك متعصب المهم ماعلينا معاكم حق انتم الاتنين وانا عاوزة اضيف حاجه ان الولد والبنت بيكملوا بعض ربنا خلقنا كده صح ولا ايه اطمني ياساحرة انتي مش لوحدك انا لسه معاكي بس بفكر اقلب النتيجه علي بيبي كوم ازاي هو كده سابقنا صح ولا ايه ؟تحياتي ليكوا وشكرا علي النقاش المفيد دي
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 11:30 pm

ولا سابقنا ولا حاجة ههههههههههه
وميرسيه لانك واقفة جنبي ومنحرمش منك يا جميل يا بيبي لولو
وبيبي كوم انا مليش كلام معاه ومخاصماه
الرجوع الى أعلى الصفحة اذهب الى الأسفل
farfora



تاريخ التسجيل : 10/06/2009

مُساهمةموضوع: رد: تفتكروا الجواز فى المستقبل ممكن يبقى كده؟   الجمعة 26 مارس 2010, 11:42 pm

اولا وقبل كل شى مبروك يا baby comm وربنا يوفقك ثانيا متخافيش يا ساحرة احنا معاكى فى معركتنا الى مش باين ليها اول من اخر Laughing كلنا متحدين معاكى انا وbaby lolo وكل بنات المنتدى هو احنا هنسيبهم هنفضل وراهم لحد لما يغنوا ويقولوا (يانى يانى يانى مش هنعمل كدة تانى) Razz وبعدين انا ملاحظة ان الموضوع قلب بكابة فكوها شوية الموضوع كلة هزار فى هزار ولا اية ؟؟؟؟
الرجوع الى أعلى الصفحة اذهب الى الأسفل
LELY22



الموقع : في قلب ماما وبابا
تاريخ التسجيل : 06/11/2009

مُساهمةموضوع: رد: تفتكروا الجواز فى المستقبل ممكن يبقى كده؟   السبت 27 مارس 2010, 12:17 am

معاكي حق يا farfora انا ملاحظة انه قلب كابة اوي يا جماعه ده موضوع هزار واحنا بنهزر مش اكتر ده مش معنا اننا مش بندافع عن حقوقنا لا بالعكس احنا هنفضل وراكم لحد اما تقولوا حقنا برقبتنا ههههههههههههههه
الرجوع الى أعلى الصفحة اذهب الى الأسفل
الساحرة



تاريخ التسجيل : 17/01/2010

مُساهمةموضوع: رد: تفتكروا الجواز فى المستقبل ممكن يبقى كده؟   السبت 27 مارس 2010, 1:23 am

تسلمولي يا بنات ربنا يخليكوا ليا وبعتذرلكم لو مشاركاتي سببت ليكم اي ازعاج او كآبه
الرجوع الى أعلى الصفحة اذهب الى الأسفل
مون الملاك



الموقع : www.my.egy.com
تاريخ التسجيل : 15/02/2010

مُساهمةموضوع: رد: تفتكروا الجواز فى المستقبل ممكن يبقى كده؟   السبت 27 مارس 2010, 1:41 am

لا ابدا يا ساحرة مشاركتك اسعدتنا كتير وكلامك منطقى وجميل ويارب تفضلى تشاركينا برايك دايما وتفضلى معانا
اما بالنسبة للموضوع فاحب اقولكم ان مش كل الرجالة بتتغير بعد الزواج ولا كل النساء فى وفى ---------
وانا واللة بجد شوفت دة قدامى كتير ازواج بقى بقوا بيحبو بعض بعد الزواج اكتر من فترة الخطوبة بكتير -------- الحمد للة
وبردة شوفت العكس اللى انتو بتتكلمو فية دلوقتى------- يعنى مش كل الناس زى بعضها--------
واحب اهنى بيبى مرة تانية لانى واللة فرحانة لية كتيررررررررررررر
لان دة كان حلمى انى ادخل صحافة واعلام------- بس يا خسارة والف خسارة الحلم فى لحظة اتدمروضاع الامل
ومعاه ضاع الدافع اللى كان بيحفزنى للمذاكرة ---------وبقيت مش حاسة نفسى فى اى كلية ---
واللة بقيت بذاكر كدة وخلاص المهم عندى اجيب مجموع كبير وادخل اى كلية والسلام ان شالة معهد دولسى
واسفة لو كنت صدعتكم بكلامى بس واللة حسيت انكم زى اخواتى وممكن تخففو عنى شوية
اصعب شئ الحياة لو ضاع منها الامل Crying or Very sad Crying or Very sad Crying or Very sad Crying or Very sad
الرجوع الى أعلى الصفحة اذهب الى الأسفل
baby_lolo



تاريخ التسجيل : 21/03/2010

مُساهمةموضوع: رد: تفتكروا الجواز فى المستقبل ممكن يبقى كده؟   السبت 27 مارس 2010, 2:28 am

عيب عليكي دي احنا كلنا بنات مع بعض ومافيش اي زعل ولا حاجه بالعكس دي مواضيعك حلوة وردودك حلوة بس احنالاقينا الموضوع قلب شويه فاقلنا نهزر يعني انا عاوزة اسئل سؤال احنا وبيبي كوم متعادلين ولا هو فايز علينا ؟
الرجوع الى أعلى الصفحة اذهب الى الأسفل
ميرو



تاريخ التسجيل : 27/02/2009

مُساهمةموضوع: رد: تفتكروا الجواز فى المستقبل ممكن يبقى كده؟   السبت 27 مارس 2010, 4:30 am

لا يا بيبى لولو انا الى فايزين زى ما احنا طبعا
و تسمحلى يا بيى كوم اعلق على موضوع البنات الى انت بتقول عليها دى هو زى ما انت قلت ممكن يكونوا بيتسلوا او ممكن تكون عليها ضغط من اهلها مثلالالالا او شايفة الولد دة بيحبها زيادة شوية فمش هتفرق ازا كانت تسيبة او لا و انا شفت تجارب زى دى بعينى لدرجة ان البنت دى رسمت اسمة بمياة النار على ايديها و دخل كلية هى بتحبها مع انة مكانش لية الكليةدى اصلا و هى الى قالتة عليها و فى الاخر سابتة و اتخطبت لشخص تانى غيرةو فى الاخر كلة نصيب
و بالنسبة بقى يا بيبى كوم احنا نعرفك كاسم لان بتمضى ورا كل توبيك بتكتبة و اكيد اتعاملنا معاك فىالكلية فمتزعلش بقى انك محدش يعرفك ههههههههه
و بالنسبة لمون الملاك خلى عندك امل و ئفاؤل و شدى حيلك فى المزاكرة و تفرحينا و تدخلى اعلام علشان يبقى عندنا اتنين انتى و بيبى كوم
الرجوع الى أعلى الصفحة اذهب الى الأسفل
baby comm.



تاريخ التسجيل : 06/04/2009

مُساهمةموضوع: رد: تفتكروا الجواز فى المستقبل ممكن يبقى كده؟   السبت 27 مارس 2010, 4:37 am

اهلا اهلا باصدقائقى اللدودين انا مش عارف كده صح ولا ايه مفيش مدرس لغة عربية هنا scratch scratch scratch
الحقيقية الموضوع مش قلب كئابة ولا حاجة بس السااحرة صحت فينا الجرح
على اى حال نرجع لموضوعنا الاساسى انا موجود ومش هاسبكم فى حالكم وطبعا يابيبى لولو ياتقليد بيبى كوم انتى مش محتاجة تسالى عن النتيجة لانى انا طبعا متقدم عليكم
كمان بحب اشكرك يا مون الملاك كتير على فرحلك ليا بشكرك كتير مرسى ليكى وعايزكم بقى تسمعونى فى البرنامج بتاعى وتشاركونى بتليفونات وايميلات كده مانتوا لازم تصيتونى هو انا اعرف غيركم هههههههههههههههههههههههههههه وزى ماقولتلكم هيه محطة اذاعية على الانترنت0
بس عايز اقولك يامون بلاش اليأس وذاكرى كويس وهاتى مجموع كويس علشان تدخلى كلية تقدرى تحبيها وتقدمى فيها شئ يسعدك ومش شرط انك محققتيش هدفك يبقى الدنيا هاتقف الانسان لازم يحط اكتر من هدف قدامه علشان لو الهدف الاول متحققش يسعى لتحقيق الهدف الثانى وربنا صدقينى هايقف معاكى وده اللى حصل معايا
وياسلام كمان عليكى ياميرو شفتوا لما بتقولوا الحقيقية وبتبقوا حياديين زى ما انا بكون حيادى الولاد بيطلعوا مظلموين ازاى شوفتوا البنت الولد اللى بتحكى عليه ميرو عمل ايه علشان يارب الساحرة تقرأ الكلام ده علشان تعرف الولاد اد ايه بيضحوا علشانكم اعتقد كده ان النتيجة بقيت 3-1 لصالحى
وبعدين بصراحة انتوا مبقتوش جامدين زى الاول ليه انا حاسس ان مفيش حد بينافسنى
فهل من منافس
الرجوع الى أعلى الصفحة اذهب الى الأسفل
مون الملاك



الموقع : www.my.egy.com
تاريخ التسجيل : 15/02/2010

مُساهمةموضوع: رد: تفتكروا الجواز فى المستقبل ممكن يبقى كده؟   السبت 27 مارس 2010, 4:44 am

فى طبعااااااااااااا منافسين كتير اولهم انا
بس يا ميرو انتى وبيبى دخولى الكلية دى مستحيل لانها بصراحة مش عندنا
حتى البديل عنها (سياسة واقتصاد)هيا كمان مش عندنا
يارب بس ارجع واقول اكيد خير ان شاء اللة
وعلى فكرة يا بيبى انا هنافسك اكيد بس شوية كدة اصلى مكتئبة دلوقتى
الرجوع الى أعلى الصفحة اذهب الى الأسفل
ميرو



تاريخ التسجيل : 27/02/2009

مُساهمةموضوع: رد: تفتكروا الجواز فى المستقبل ممكن يبقى كده؟   السبت 27 مارس 2010, 4:58 am

الله بقى مرة واحدة كدة بقت النتيجة 3 لصالحك يا بيبى كوووووووووووم
و يا مون فكى من الاكتئاب دة علشان بيبى كوم مينتصرش علينا عايزين نجهزلة باسلحة جامدة زى الاول و متخافش يا بيى كوم احنا وراك و هنزهقك اتصالات و ايميلات فى البرنامج بتاعك و ان شاء الله تخلصة على خير
الرجوع الى أعلى الصفحة اذهب الى الأسفل
yoya



تاريخ التسجيل : 07/03/2009

مُساهمةموضوع: رد: تفتكروا الجواز فى المستقبل ممكن يبقى كده؟   الإثنين 29 مارس 2010, 6:07 am

ايه ده شكل مذيعنا غلط فى النتيجة اكيد يا بناويت 3-0 ليكم .

بس بجد انا لما قريت الموضوع تخيلت لو فعلا رحت اخطب واحد و طبعا حضرته هيبقى قاعد مكسوف ( ال يعنى وش

كسوف ) و مامته تقولى سبينا نفكر شوية , و يتصلوا بيا بعد يومين يبلغونى الرفض .

بس طبعا الموضوع ده عمره ما يبقى حقيقى اومال هنعد احنا نتنك على مين و نرفض مين يعنى .

لا بعينكم يا رجالة مصر لو شوفتوا اليوم ده .

هههههههههههههههههههههههههههههههه .

تسلم ايدك الموضوع حلو .

تقبلوا مرورى .

_________________
الرجوع الى أعلى الصفحة اذهب الى الأسفل
 
تفتكروا الجواز فى المستقبل ممكن يبقى كده؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منوعات :: نكت وابتسامات-
انتقل الى: