||| السلام عليكم و رحمة الله و بركاته |||
ازيكو النهاردة؟؟؟
انا بقى عايزكم ترجعوا لورا شوية لا لا خليكم مكانكم
انا قصدي نرجع بالذاكرة
بتاع 15 سنة كده ولا حاجة يعنى وتفتكر اعتقاد لذيذ او فكرة عبقرية كنت مؤمن بيها وانت صغير وطبعا اكتشفت بعد كدة انها لا تمت بصلة لاى قانون عرفه البشر ( لحد دلوقتى على الاقل )
يعنى مثلا انا كنت بفتكر ان الكتكوت بيكبر يبقا فرخة وبعدين الفرخة تكبر تبقا ديك ( عادى خالص )
ونفس الكلام المعزة تكبر تبقا خروف. . . . كده يعنى هو التطور الطبيعى للحاجة الساقعة بالنسبة ليا
و كمان كنت أعتقد ان المكرونه بتتزرع
و لحد دلوقتى مش عارف ايه التطور الطبيعي للمكرونه لو حد عارف يتكلم أصل الواحد فيص
؟؟؟
يا ترى فى حد برده كان بيشتكى من الحالة دى ولا كانت مقتصرة عليا
مستنية ردكم