لؤلؤة موضوع جميل للطرح
بس ليا ملاحظات عليه ومن خلال تجارب لاقارب ولاصحاب اختاروا صح بداية من التدين وحفظ القران ومراقبة سلوكه للتاكد من مطابقته لادعاءه التدين وبيكون الشخص ده قمة المكر والدهاء وبيمثل لدرجة تقنع كل اللي قدامه وبعد الجواز بيبان تمثيله المسالة مبقتش تتعلق بمواصفات بتختاري على اساسها دلوقتي العريس بيراقب اللي عاوز يخطبها قبل ما يرتبط بيها بيبعت وراها ناس يرصدوا خطواتها وبيعرف عنها كل كبيرة وصغيره مش بس يروح يسال اهل المنطقة عليها لان حتى الناس مبقوش بيصدقوا كل واحد يقول وانا مالي ولو شايف الراجل سمعته وحشة مش بيقول فياريت نبطل نقعد زي ما بيقولوا في الصالون جنب بابا ونبص من تحت لتحت للعريس واللي يقولوا نصدقه
يقولها مبدخنش وهو بيدخن لكنها بتصدق كلامه
يقولها بصلي وهو من سنة مركعش لربه
يقولها انا من البيت للشغل ومن الشغل للبيت ويكون عربيد او سكير او صايع طحن
ومحدش يقولي مع احترامي ليكم ان ده بيبان في الخطوبة صدقوني العريس بيمثل دور الحمل الوديع لكنه في الاغلب بيكون ديب عاوز كل حاجة حلوة لنفسه وبس
اتمنى محدش يفهم كلامي على انه دعوة لعدم الارتباط او دعوة للتخلي عن شروط اختيار الزوج المناسب وفقا لدينا وشريعتنا ومجتمعنا الشرقي
بالعكس انا اللي بطلبه هو اننا كبنات منبقاش زي النعام ونخبي راسنا في الرمل وبعد الجواز نشد حيلنا اوي ونبدأ نخرج راسنا من تحت الرمل وساعتها بنشوف حاجات تخليكي تتمني انك خرجتي راسك من تحت الرمل من زمان من قبل ما تقوليله موافقة
بجد فوقوا يا بنات وزي ما هما بيبعتوا ورانا مرشدين او مخبرين سريين احنا كمان نعمل كده اذا مكنتيش هتبقي انتي المخبرة السرية دوري في معارفك واقرب الناس ليكي اللي بجد هيكونوا صادقين معاكي وبلاش نعتبر ان معارفنا واقاربنا واصدقاءنا دورهم الوحيد انهم يحضروا الفرح
لا دورهم اكبر بكتير في ايديهم يحددوا اذا كان الفرح ده هيتم ولا لا
وكله باذن الله
اسفة جداااااااااااااااااااااااااااااااا لللاطالة
اتمنى اكون وضحت وجهة نظري
موضوع: جايلى عريس ممتاز !!! 
