تعالوا نشترك فى الحملة الجديدة ونشوف هايحصل ايه؟

انا ياجماعة مكتبى فى مدرج كاميليا وكنت كل ما ادخل المدرج علشان اروح مكتبى احزن جدا لشكل المدرج وحجم الزبالة اللى فيه على الرغم من ان العامل بينظف المدرج ومع وجود سلات فى المدرج ومع ذلك الطالبات مش بيحفظوا على المدرج بدليل وجود زجاجات الحاجة الساقعة وكبايات الشاى البلاستك والورق اللى فى المدرج.
ففكرت فى شئ هاقولكم عليه ايه رايكم نعمل حملة وهدف نقف كلنا وراه لنظافة الكلية ومش مطلوب منكم اكتر من انكم تلقوا المخلفات فى سلات القمامة حتى لو مكنتش موجودة فى كل الامكان ندور على مكان يكون فيه سلة المهم محدش يرمى اى شئ فى ارض الكلية او مدرجاتها . وأدارة الكلية دلوقتى زودت الكلية بعدد كبير من سلات القمامة ولسه في سلات تانى هاتيجى. احنا عايزن نعمل الحملة دى هدف لينا كلنا ونجرب ونشوف ايه شكل الكلية لما تنجح الحملة . فكرنا فى اسم للحملة واخترنا
اسم "كليتك واجهة لبيتك" تعالوا نعمل شئ ايجابى وهدف نمشى وراه ونسعى لنجاح الحملة وصدقونى هانشعر بسعادة كبيرة اوى لما نعمل شئ ايجابى ونشعر بمجهودنا ا
اد ايه حقق النتيجة المرجوة منه انا متحمس جدا للحملة وانتوا حماسكم اد ايه.
محمد عيد سكرتير قسم العلوم النفسية

واحنا كلنا مع حضرتك فى هذا العمل العظيم وبارك الله فيك وجزاك الله كل خير.

عندي فكرة تكون في الكلية مجموعه النظافه من حق هذه المجموعه ان تبلغ عن اي واحد رمي ورقه حتي يكون في نظام لان النظافه من الايمان؟؟؟؟؟؟؟؟؟؟؟؟

الحقيقية اننا اطلاقنا الحملة هذه منذ أكثر من شهر وكانت البداية على المنتدى ثم وحدة ضمان الجودة بالكلية، ولكن للأسف كانت الاستجابة رائعة للحملة ولكن عن طريق التعليقات على المنتدى فقط ولم يتجاوب أحد من الطالبات فى الواقع، ومع انتهاء التيرم الاول وقرب الامتحانات، فلا استطيع ان التأكيد على استمرار الحملة مما يدعونى الى اعلان فشل حملة "كليتيك واجهة لبيتك" وان كنت متحمس لاعلانها مع مرة اخرى مع بداية التيرم الثانى مع وضع معايير أكثر جدية لتفعيل الحملة بالصورة المطلوبة.أنتظر أقتراحتكم لاطلاق الحملة بصورة جديدة.
شكراً لكم ولكل التعليقات التى وردت الينا سواء داخل قسم اعلام الطفل او الاقسام الاخرى
محمد عيد -سكرتارية قسم العلوم النفسية

احنا كلنا مع حضرتك باذن الله وربنا يوفقنا ونخلى الكلية دائما نظيفة و جميلة

السلام عليكم ورحمه الله وبركاته,,,,,,,,,,,,,,

احنا طبعاا فى الحملة ومش نسيناها,,,,,,,,,,,,,,,,بس للاسف مش عارفة هو الغلط عند ميييييييين؟؟؟؟؟؟؟؟؟؟؟

يعنى مافيش بنت بتعمل كدة ف بيتها لية تعمل كدة ف الكلية..

وكنا بنقول مافيش سلات دلوقتى بقي فية,,,,,,,,,,,,,,,

قلنا نعمل حملة وحضرتك عملتها وفي كتير سمعوها ,,,,,,,,,,

طيب المشكلة فيييييييييييييييييين بجد مش عارفة,,,,,,,,,,,,

بس بصراحة اللى انا شيفاه ان كل واحدة بتقول """هية جت عليا"""""",,,,,,,,,,,,,,,,

فلما كل واحدة تقول كدة اكيد دة حال الكلية اللى احنا شيفينه نظافة فوق الوصف,,,,,,,,,,

وانا مش بقول العيب ع البنات بس ولا بقول العيب ع العمال ..........الاتنين ليهم دور متكامل مع بعض,,,,,,,,

بس طول مابنقول هيا جت عليا ,,,,,,,,يبقى مش حنتحرك خطوة واحدة,,,,,,,,,

اسفة ع الاطالة وجزاكم الله خيراااااا

اسمحولي انا موافقه ما ازد شئ بالارض وانا فعلا ما بعمل هيك الله العليم بس ما عندي استعداد لاكنس المدرجات من التراب ولا امسح الجيم ولا كمان ادفع مساري ف كل مره افوت بيها ع سكشن الجيم اكيد العميد ما بيعرف هيك شغلات وين اصلا دور الدادات بالكليه وين نضافه التواليتات فين كل هاد وبس متزاعلين كتير من الكان بيبسي والالشيبسي هاي اصلا شغلات مو محرزه بجانب السابق دكره اسفه كتير لانى طولت عليكن

بجد حملة جميلة اوى يالا شدوا حلكم يا بنات عاوزين كليتنا تبقا احلى للاسف انا اتخرجت يا رتنى كنت موجودة معاكم بس انا الحمد لله كنت تمام فى موضوع النظافة ده متقلاقوش ههههه