منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 عندى مشكلة حتقفو معايا وجمبى ولا حتتخلو عنى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr_samsoma



تاريخ التسجيل : 05/05/2010

مُساهمةموضوع: عندى مشكلة حتقفو معايا وجمبى ولا حتتخلو عنى   الأربعاء 05 مايو 2010, 6:43 am

السلام عليكم و رحمة الله....
انا جديدة معاكم هنا
انا سما طب عين شمس
الفرقة الساتة
ان شاء الله اكون ضيفة خفيفة عليكم
بس.
عندى مشكلة

و أتمنى انكوا تساعدونى لو قدرتوا برى او نصيحة ومعلش لو نزلت المووضع هنا فانا ملقتش مكان مناسب انزل ية الموضوع غير هنا
أنا دلوقتى فى سنةساتة ة طب
و مشكلتى إنى من حوالى 5 سنين
يعنى زى دلوقتى كدة فى سنة أولى و يمكن قبل دلوقتى كمان
حسيت بندم فظيييييييييييييييييييييييييييي ييع إنى دخلت طب
مش مجرد إحساس إنى متضايقة و بس لأ أنا فعلا بحسد الناس اللى فى أى كلية تانية و بكره جدا الواقع اللى أنا عايشة فيه
و بقى نفسى أنى أرجع تانى للحظة ما دخلت الكلية و أغير الرغبة قبل فوات الأوان
لكن مقدرتش أحول
يمكن مش عندى الشجاعة الكافية أو لأنى مش واثقة انى مش هندم لو حولت او عشان خيبة امل اهلى فيا بالرغم من انهم مأجبرونيش عليها لكن برضه هيزعلوا
المهم انى فضلت فيها
و سنة ورا التانية لقيت نفسى بكبر و حاسة ان عمرى بيضيع منى من غير لازمة
انا مش مبسوطة اغلب الوقت بالرغم من انى مستمرة فيها
بقعد اضحك على نفسى
يا جماعة انا كل يوم بموت من الحيرة وبموت من الخنقة
و الموضوع دة بيخلينى اهمل فى دراستى خصوصا همومى الى قبل كدة الى هيا وفاه امى من شهرين فى حادثة
بجد مش عارفة اعمل اية ولا حلاقيها من مين ولا من مين
يعنى انا عندى امتحان رواند النسا والجراحة و مش عارفة اعمل فيهم ايه
و لما ضغط الامتحانات بيهاجمنى ببقى حاسة انى هموت وانا فعلا بموت
انا بموت فى اليوم ميت مرة من العياط بقوم من النوم دمعتى على خدى
تعبانة وكنت محتاجالها فى الايام دى
انا نفسى احس انى طبيعية
نفسى اخرج اتفسح من غير احساس بالذنب نفسى احس انى مرتاحة بقا
كل ما افكر انى بضيع كل الوقت دة بتجنن
انا لو كنت فى أى كلية عادية كان زمانى اتخرجت
انا عارفة انها أفكار كئيبة لكن هى دى أفكارى
دايما بتمنى لو كنت مت قبل ما أدخل الكلية دى
و ساعات بدعى ربنا انى اموت و بعدين استغفره
و لما بفكر انى اصبر لحد ما اتخرج و بعدين اشتغل فى حاجة تانية
ببقى هتجنن انى بضيع كل السنين دى
بس انا فعلا مش عارفة اذا كنت بحب الكلية و لا بكرهها
يعنى الحالة المزاجية عندى متقلبة
لكن الاغلبية العظمى من الوقت ندمانة على انى دخلتها
و بحس انى مش انسانة طبيعية زى بقية الناس
و انا طول عمرى حياتى هى دراستى
معنديش حاجة تانية
اعمل ايه حد يقوللى يا جماعة
اى حد عنده اى افكار يقولها
انا حاسة انى هيجيلى الضغط او السكر ووزنى بيزيد وبجد تعبت من الدنيا دى
كل حياتى ملهاش اى معنى و لا اى لزمة ولا بعمل اى حاجة عليها القيمة
حاولت انى اعمل انشطة برة الدراسة لكن دايما بفشل انى اخد خطوة انا حتى اوقات بعد افكر واقول فكرى وشوفى لية ربنا خلاكى كدة واعد اقول مفيش احلى من انى امسح دمعة مريض بس برجع تانى لفكارى الخنيقة
يا رب انا نفسى اخلص من الموضوع دة
ارجوكوا ساعدونى يا جماعة
واسفة لو عملتلك احباط
اختكم سما
الرجوع الى أعلى الصفحة اذهب الى الأسفل
tweety



تاريخ التسجيل : 27/02/2009

مُساهمةموضوع: رد: عندى مشكلة حتقفو معايا وجمبى ولا حتتخلو عنى   الأربعاء 05 مايو 2010, 1:21 pm

الأول اهدي كده احنا داخلين على امتحانات
وبعدين هانت خلاص مش ناقصلك غير سنة الامتياز
انتي اللي عاملة احباط لنفسك وأكيد انتي مش فاشلة والا مكونتيش
هتمشي في أصعب كلية اللي هي كليتك فأكيد انتي مش فاشلة
وبعدين اللي انتي بتقوليه بيدل انك مش داخلاها غصب عنك
يبقى انتي بتحبي الكلية أو على الأقل كان نفسك تدخليها وانتي الحمد لله
ماشيه فيها يبقى ليه بقى بتكرهي نفسك فيها وبتحسي انك فاشلة؟؟؟؟
وبعين طب دي مش كلية وحشة كل الناس بتبقى بتتمنى تدخلها وأكيد انتي كنتي من الناس دي وكملتي فيها لحد دلوقتي
ومرضتيش تحولي يبقى أكيد كنتي عاوزة تكملي ومش هيفيدك دلوقتي " لو كنت غيرت الكليه " و "كان زماني اتخرجت "
يمكن لو كنتي دخلتي كلية تانية كان زمانك قاعدة في البيت ومخنوقة برضه انك قعدتي 4 سنين تدرسي و في الاخر قاعدة في البيت
فانتي شيلي الأفكار دي من دماغك واعرفي انك مش فاشلة وادعي ان ربنا يوفقك وانتي خلاص هتبقي دكتورة
وركزي في مذاكرتك وخلي عندك ثقة في الله واعملي اللي عليكي وربنا هيوفقك ان شاء الله
ومتكرهيش نفسك في الكلية ومتندميش انك دخلتيها خلاص انتي بقالك 6 سنين فيها يعني وقت الندم عدى خلاص من سنة أولى
و ناس كتير بتدخل كليات مش حباها أصلا بس هو التنسيق بس بتتأقلم لأن الندم مش هيفيد بحاجة
فانتي مش داخلة الكلية غصب عنك يبقى انتي مش بتكرهيها ممكن عشان الدراسة صعبة بس انتي خلاص بتخلصي
وبعدين هتحسي بسعادة لما تلاقي ان ربنا اداكي العلم اللي بيه ممكن تنقذي حد من انه يموت
فربنا ادكي نعمة متقوليش بقى " ليه ربنا خلاني كدة " خلاكي كدة عشان تساعدي الناس وتفرحيهم
وتفرحي انك قدرتي تساعديهم وشيلي الأفكار الخنيقة دي من دماغك وربنا يوفقك
بس يارب مكنش خنقتك أنا بكلامي وأتمنى ان ربنا يوفقك واني أكون ساعدتك في أي حاجه
بس انتي أكتر واحدة ممكن تساعدي نفسك
زي كده القصة بتاعة مدرس العربي اللي كان عنده تفتيش وبعدين وهو بيشرح قام طالب وقاله انه مبيفهمش حاجه وان العربي ده مادة رخمة وكل الطلبة قالوا كده
فقالهم طب احنا مش هنشرح النهاردة وهنلعب لعبة واستغرب المفتشين طبعا
قالهم لو في زجاجة وفيها فرخة ازاي نطلع الفرخة من الزجاجة من غير ما نكسر الزجاجة أو نموت الفرخة
قعدوا يحاولوا محدش عرف راح واحد قام وقاله : مينفعش نطلع الفرخة من الزجاجة من غير ما نكسر الزجاجة أو نموت الفرخة قالهم لأ ينفع قاله: خلاص خلي اللي دخلها يطلعها
قاله المدرس: برافو عليك عرفت الاجابة
انتوا عمالين تقولوا ان العربي صعب واحنا مش بنفهمه فمهما حاولت أشرح وابسط المعلومة انتوا مش هتفهموا
يبقى انتوا دخلتوا الفرخة في الزجاجة وانتوا بس اللي تقدروا تخرجوها

فنصيحة من أختك الصغيرة:
خرجي الفرخة من الزجاجة
وابقي طمنينا عليكي وربنا يوفقك
الرجوع الى أعلى الصفحة اذهب الى الأسفل
ندوووش



تاريخ التسجيل : 01/10/2009

مُساهمةموضوع: رد: عندى مشكلة حتقفو معايا وجمبى ولا حتتخلو عنى   الخميس 06 مايو 2010, 6:32 am

بصي ياسما
مافيش كلية مافيهاش تعب
والله احنا الكليه بتاعتنا كلها عملي برضه وماينفعش تلفي يمنك ولا شمالك
من الصبح لحد المغرب سكاشن ومحاضرات
والله ماكناش بنخرج برده ولا عايشين حياة طبيعيه زي الناس التانيه
وكل واحد في مكانه بيقعد يقول كده مش عارف اعيش حياه طبيعيه
وبعدين تعالي هنا عايزه تاخدي الشهاده كده ببلاش من غير تعب ولا مجهود؟؟

ثانيا لو كنتي دخلتي كلية تانيه يمكن ربنا ماكنش هيوفقك زي ماانتي دلوقتي
و لازم تعرفي ان ربنا مش بيحط حد في مكان الا وهو عارف قدراته
فاكيد ربنا اختارك للمكان ده مش يمكن تبقي دكتوره شاطره جدا
وتتطلبي بالاسم و تبقي كده زي دكتور مجدي يعقوب
جراح القلب المشهور

ثالثا ركزي يا د / سما في مذاكرتك وبدل ماتضيعي وقتك في التفكير والمجهود اللي بيبذله
عقلك في موضوع الكأبه و كده
حطي مجهودك في المذاكره واتخرجي. وبعدين اصلك كبرتي علي موضوع التحويل ده
ولما تتخرجي ممكن تدخلي تعليم مفتوح وادرسي اللي انتي عايزاه ماحدش هيحوشك

وطبعا البقاء لله في والدتك بس حتي حققي حلمها انك
تشوفك متخرجه و تبقي دكتوره قموره
وربنا يوفقك ياقمر
الرجوع الى أعلى الصفحة اذهب الى الأسفل
shemos



تاريخ التسجيل : 25/11/2009

مُساهمةموضوع: رد: عندى مشكلة حتقفو معايا وجمبى ولا حتتخلو عنى   الخميس 06 مايو 2010, 7:11 pm

د.سما ياحلى دكتورة
حبيبتى منورة منتدانا دة اولا
البقاءللة دة ثانيا
حبيبتى انا عايزة اقولك حاجة انتى غالبية اللى انتى بتقولية دة كتييير مننا مربيه وانامنهم بس فكرى بينك وبين نفسك ياسماواسئلى نفسك
اكتردعوة كانت ماما اللة يرحمها بتدعيهالى اية..........هتلاقى نفسك بتفتكرى دعوتها ربنا ينجحك يابنتى ويوفقك وتتخرجى واشوفك دكترة ادالدنيا
هماالبنات اللى معايااحسن منى.........هتلاقى انة لاطبعا انتى جبتى مجموع يدخلك الكلية زى زيهم ويمكن اعلى كمان وربنا اداهم عقل وادانى لية مابقاش احسن منهم فى انى اجتهدوانجز
لية ربنا جعلنى ادخل الطب........هتلاقى ان ربنابيقول من احياانسان كانة احيا من فى الارض جميعا (انا مش فكرة الاية الكريمة بالظيط بس دة مضمونها)
كل انسان فينا فى طاقة اما تستخدميها بطريقة ايجابية وساعتها بتزيديعنى قولى انا هنجح,,,,وهافتح عيادة ,,,,,,,,,,وهبقى دكتورة مشهورة,,,,,,,,,وهانقذناس من الموت,,,,,,,,,,,,,وهحقق امنية امى
اما تستخدميها بطريقة سلبية زى اللى انتى بتعملية دلوقتى انافاشلة ’’’’’’’’’’انا ضايعة ’’’’’’’’انامش هنجح........الخ
بطلى تستخدمى كلمة لا قبل اى كلمة مع نفسك حبيبتى غالبية الكلام مع النفس بيكون سلبى
وان شاءالله هتنجحى وهتعدى وهتبقى دكتورة ناجحة ساعتها اوعدينا انك
هنخلينا نكشف عندك ببلاش هههههههههههه 100امووووووووة بوسة رقيقة على خدك
الرجوع الى أعلى الصفحة اذهب الى الأسفل
nesmty



الموقع : فى الدنيا
تاريخ التسجيل : 21/03/2010

مُساهمةموضوع: رد: عندى مشكلة حتقفو معايا وجمبى ولا حتتخلو عنى   الخميس 06 مايو 2010, 8:17 pm

السلام عليكم ورحمة الله وبركاته .:
نورتى المنتدى حبيبتى
انا مش هقولك اى حاجة من اللى قالوها اصحابنا : انا بس هقولك حاجه واحده
شوفى قد ايهه انت محتاجه امك الله يرحمها
اكييييييييييييييييييد فى امهات كتييير مريضة اولادهم مهددين بالحرمان منهم انت بس اللى فى ايدك تنقذيهم لانك حسيتى بالحرمان ده
انت ممكن ترجعى ام من المرض والالم للعيش بسعادة مع اولادها وطبعا كله بامر الله بس شوفى انت تقدرى تعملى اية مفيش حد
تانى يقدر يعملة ( ربنا لا يحمل نفسا الا وسعها يبقى اكيد انت تقدرى تتحملى ده مادام ربنا ادهولك )
طمنينا عليكى دايما وياااااااااااااااااااااااااااااااااااااااااااااااااااااااااااااااااااااااااااااااارب تتخرجى على خييييييييييييييييييييير
وتحققى كل احلااااااااااااااااااااااامك
الرجوع الى أعلى الصفحة اذهب الى الأسفل
EMY



تاريخ التسجيل : 12/04/2009

مُساهمةموضوع: رد: عندى مشكلة حتقفو معايا وجمبى ولا حتتخلو عنى   الجمعة 07 مايو 2010, 2:38 am

منورة المنتى ياسمسومة
والبقاء لله
انا الاول هاقولك ان اسم سما عندى من اجمل الاسماء لى وده لان اول طفلة اتعلقت بى وتعلقت بيها فى اول شغل لى كان اسمها سما وانا كنت دايما زيك بكره الكلية جدا من الضغط الفظيع بتاعها يعنى كل كلية وليها تعبها لكن الحمد لله حسيت ان ربنا وضعنى فى المكان المناسب حسيت جدا بقيمتها وانا وسط اولادى فى الفصل ووان شاء الله هاحس بقيمتها اكتلر مع ولادى انت كمان هتحسى بالكلية بتاعتك مع اول دعوة تسمعيها من مريضك اللى ان شاء الله ربنا يكتبله السلامة على ايدك
تمنياتى بتمام هذه السنة على خير ليك ياقمر وربنا يوفقك ودائما للامام
الرجوع الى أعلى الصفحة اذهب الى الأسفل
dr_samsoma



تاريخ التسجيل : 05/05/2010

مُساهمةموضوع: رد: عندى مشكلة حتقفو معايا وجمبى ولا حتتخلو عنى   الجمعة 07 مايو 2010, 4:50 pm

ربنا يكرمكم يارب
بجد سعيدة اوى بالردود والاهتمام
بس بجد انا تعبانة والدنيا بتديق عليا اوى
بجد حاسة انى جثةميتة ملهاش اى لازمة فى اى حاجة
الرجوع الى أعلى الصفحة اذهب الى الأسفل
EMY



تاريخ التسجيل : 12/04/2009

مُساهمةموضوع: رد: عندى مشكلة حتقفو معايا وجمبى ولا حتتخلو عنى   الجمعة 07 مايو 2010, 9:20 pm

احنا اللى سعداء انك اتكلمتى فى حاجة تخصك ياقمر واوعى تحسسى الاحساس المميت ده لانك كده مش هتقدرى تعملى حاجة كل واحد منا موجود علشان يعمل حاجة معينة وانت حاولى علشان تنجح فى مهمتك على اكمل وجهه
وربنا معاك
الرجوع الى أعلى الصفحة اذهب الى الأسفل
 
عندى مشكلة حتقفو معايا وجمبى ولا حتتخلو عنى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: