ازيك يا سما ؟ انا هاقولك ازاى تحطى صور ..
بصى يا ستى اول حاجه تدخلى على الموقع ده :
http://diabloader.diabcenter.com/index.php
و هناك هتلاقى صفحة فيها اكتر من زرار اسمه Browse اضغطى عليه و ساعتها هيفتحلك مربع جواه الملفات اللى على جهازك و منه اختارى الصورى اللى انتى عايزة ترفعيها و لنفرض ان الصورة ديه هى صورة تفاحة و إسمها apple و بعد ما تختارى الصورة من المربع ده هتضغطى اوكيه و بعدين تدوسى على زرار اسمه " بدء رفع الملفات "
و ده واضح فى الصورة اللى انا حاطاهاكم هنا و بعدها هتشوفى مربع لونه ازرق بيظهر للحظات بس اثناء رفع الصورة من على جهازك الى الموقع ده عشان تتخزن فيه و بعدها هتظهرلك الصفحه و هتلاقى فيها على اليمين صورة التفاحه اللى انتى رفعتيها للموقع و هتلاقى فيه فوق خالص مربع فيه عنوان موقع ده عبارة عن عنوان الصورة اللى اتخزنت على الموقع انا عامله خط احمر تحت العنوان ده فى الصورة التانيه اللى هنا .. بس كده تقريبا خلصنا اهم جزء ...
آخر خطوة بقا تاخدى العنوان اللى تحته خط احمر فى الصورة ده (مفيش داعى تنقليه ممكن تعملى copy و paste )
و بعدها تدخلى على المنتدى بتاعنا هنا و تكتبى اى موضوع جديد (مثلا موضوع التفاحه) و تدوسى على الزرار اللى شكله مرسوم عليه شجرة صغيرة و لما بتقفى عليه بالماوس بيكتب كلمة " صورة " و تدوسى عليه هيظهرلك مربع ابيض فى مكان فاضى اعملى paste لعنوان الصورة اللى انتى أخدتيه قبل كده من الموقع بتاع رفع الصور و بعدين اضغطى على كلمة " نعم " هتلاقى الكود اللى بيظهر صورتك ظهر تحت الكلام اللى انتى كاتباه و بعد ما تعملى استعراض للمساهمة هتظهرلك صورة التفاحه زى ما انا عملاها كده ...
وأى خدمه
موضوع: كيفية وضع صور فى اى موضوع تكتبيه .....( ارجو التثبيت من المشرف) 
