منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 ***ليله العمر لأحلي بنات***

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رنين الصمت



تاريخ التسجيل : 27/01/2010

مُساهمةموضوع: ***ليله العمر لأحلي بنات***   السبت 03 يوليو 2010, 4:24 am

السلام عليكم علي احلي بنااااااااات انا شوفت الموضوع ده في منتدي قلت اجيبه هنا عشان كل عروسه أموره قطقوطه تستفيد ولا تنسوني في دعائكم I love you
الف مبروك لكل عروسه و يارب تبقي احلي عروسه في ليلة العمر

طبعا كل عروسه محتاسه و خايفه و مش عارفه اليوم ده هيبقي ازاي

فانا فكرت اساعدكم بخبرتي البسيطه يمكن تنفعكم
يوم الدخله او الفرح الصبح
صباح الفل في اخر يوم عزوبيه

هتفطري كويس لان ده يعتبر الاكل الوحيد الي هيدخل بطنك طول النهار و احنا عايزينك مشرقه فلازم تبقي وكله كويس
وفي نفس الوقت فطار خفيف بلاش فول و طعميه و بازنجان و الحاجات دي
بالهنا و الشفا و شربت الشاي كمان طب هاتي حبه

هتقومي تخدي الشاور التمام و نصيحه متحطيش علي جسمك اي حاجه و لا كريمات و لا لوشن
لان انتي اليوم لسه طويل و هقولك تحطي امتي

المهم كده خلاص هتروحي الكوافير بتاعك و معاكي كل الي هتحتاجيه هناك برفيوم مزيل عرق فرشة سنان و معجون
و شراب كريستال و ياسلام لو لبستي شورت علشان الحر و العرق
اوعي تنسي فستان الفرح لولولولوليييييييييي
خلاص لبستي و الكوافير خلص الميكب و غرقتي نفسك برفان لما الازازه اشتكت
تقراي المعوذتين و الصمد و ربنا يحفظك من العين يارب
شكلك زي القمر و الميكب حلو قوي و لا فستانك خطير ربنا يتمملك بخير

و جه العريس لولولولييي و هو كمان امور
عريسك شيك قوي و البدله تحفه و شكله هيكلك اكل

نصيحه لو في تصوير روحي اول اما تخرجي من الكوافير علشان متكونيش مرهقه

لو في فرح متجهديش نفسك في الرقص علشان هتكوني خلصتي في اخر اليوم و لا يوجد اعزار
هتروحي البيت و عنيكي تعبانه ؟ ينفع يعني

خلاص روحتي البيت و باباكي و مامتك قفله الباب و بقيتي في البيت لوحدك لا تقلقي
ربنا معاكي و حبيبك و زوجك معاكي
مالك بتتنفضي ليه اوعي تضعي علي نفسك احلي ليله في العمر كله في الخوف
صدقيني لو ضاعت مش هترجع تاني
Smile
هتعملي ايه دلوقتي الباب اتقفل و مطلوب منك تخلي ليلتك و لا الف ليله
اولا قبل اي شيء اتفرجوا علي الشقه سوا كل ركن فيها I love you
دلوقتي بقي هنبتدي
و انتي بفرشي شقتك اخر يوم حضري الحاجه الي هتحتاجيها في الشاور تكون في الحمام علشان متروحيش رايحه جايه
حتي قميص النوم لانك هتلبسي في الحمام و طبعا هتتوضي و بعد كده ابقي حطي ميكب خفيف و متغسليش شعرك دلوقتي ده مجرد شاور لجسمك علشان العرق

يا طلعه من باب الحمام و كل خد عليه خوخه
طلعتي ان ان اه بس تكوني لبسه الروب تقل يعني

هتروحي علي المطبخ و لو هو لازقلك و وراكي تمايلي و قوليله روح اتوضي
علي بال ما يخرج توكني حضرتي كوب لبن دافئ و العشاء حطتيه و الشمع و الجو الي انتي بتحضريله من كام سنه Laughing
طلع و هو متوضي تكوني لبستي الاسدال و تصلوا جماعه ركعتين شكر لربنا و تدعوا ان ربنا يبعد عنكم كل سوء
و بعدين تشربوا اللبن سنه عن الرسول (ص)
و تقعدوا تكلوا و تتكلموا عن اي حاجه رومانسيه بنكم عن اول يوم شفتوا بعض
قد ايه انتي مبسوطه انك في بيته و بقيتي حرمه
طلعي كل الكلام الي عندك و حاولي تفكي علشان الي جاي يبقي سهل

المهم خلاص كله تمام كلته و حليتوا
اوعي تقومي تغسلي المواعين لحسن يوديكي لابوكي

بصي بقي الي جاي ده محظور ان اتكلم فيه لان دي حاجات خاصه و انا بتكسف Rolling Eyes
اهم حاجه عايزه اقولهالك انكم تتعودوا تقولوا الدعاء ده قبل اي لقاء بينكم حتي لو كان الموضوع دون ترتيب قولوه في اي وقت اول اما تفتكروا

اللهم جنبنا الشيطان و جنب الشيطان مما رزقتنا
امين
و دلوقتي بقي اسيبك تتهني يا عروسه و هجيلك كمان كام ساعه lol!
مبروك يا مدام تعبانه معلش ادخل الحمام و امل البانيو ماء دافي مش سخنه
و لو مفيش بانيو حطي شويه ماء دافي في طبق الغسيل
و تكوني جايبه بيتادين دش مهبلي و تحطي منه شويه و اقعدي في المايه دي شويه قولي 10 دقايق
و بعدين قومي نشفي نفسك كويس و جيبي مرهم جرامايسين و حطي منه و انتي مدام خلاص حطي جوه شويه
لو قادره تغتسلي اوكي مش قادره روحي نامي و هصحيكي في صلاه الفجر
صح النوم يا عروسه الفجر هياذن و انتي لسه نايمه قومي اغتسلي و صحي باعلك علشان تصلوا جماعه و يا سلام لو هو نزل يصلي في الجامع و تبقي هي ديه حياتكم بعد كده
نجي بقي للكلام المهم انتي عارفه بتغتسلي ازاي ؟؟؟ انا جبتلك الطريقه الصحيحه للاغتسال عن الرسول (ص)
1-يغسل يده ثلاثا
2-يغسل فرجه
3-يتوضأ وضوء كامل كوضوء الصلاه
4-يفيض الماء علي رأسه ثلاثا مع تخليل الشعرحتي يصل الماء الي اصوله
5-يفيض الماء علي سائر البدن بادئا بالشق الايمن ثم الايسر وداخل الاذنين والسره واصابع الرجلين
....................وبس كده
afro
الرجوع الى أعلى الصفحة اذهب الى الأسفل
ندوووش



تاريخ التسجيل : 01/10/2009

مُساهمةموضوع: رد: ***ليله العمر لأحلي بنات***   السبت 03 يوليو 2010, 7:17 am

الله علي موضوعك
احيكي شكرا ليكي
عالموضوع ده
الرجوع الى أعلى الصفحة اذهب الى الأسفل
without name



تاريخ التسجيل : 23/10/2009

مُساهمةموضوع: رد: ***ليله العمر لأحلي بنات***   السبت 03 يوليو 2010, 8:11 am

بجد الموضوع جميل

والكلام احلى ومش يخوف

والنصائح احلى واحلى

تسلم ايديكى على الموضوع الجميل دة




الرجوع الى أعلى الصفحة اذهب الى الأسفل
نوووور



الموقع : المعادى
تاريخ التسجيل : 11/02/2009

مُساهمةموضوع: رد: ***ليله العمر لأحلي بنات***   السبت 03 يوليو 2010, 2:36 pm

موضوع جميل جداااااااااااا

تسلم ايديكى يا قمر
الرجوع الى أعلى الصفحة اذهب الى الأسفل
emaaa



الموقع : من قلب الحدث
تاريخ التسجيل : 25/02/2010

مُساهمةموضوع: رد: ***ليله العمر لأحلي بنات***   السبت 03 يوليو 2010, 5:57 pm

بجد موضوع جميل جدا
ومعلومات مفيدة
انا فرحي بعد 12 يوم وان شاء الله هعمل بنصحتك
شكرا ليك
الرجوع الى أعلى الصفحة اذهب الى الأسفل
رنين الصمت



تاريخ التسجيل : 27/01/2010

مُساهمةموضوع: رد: ***ليله العمر لأحلي بنات***   السبت 03 يوليو 2010, 6:59 pm

شكراااااااااااا علي مروركو يا احلي بنات flower

وربنا يتمم لكل بنوته علي خير
الرجوع الى أعلى الصفحة اذهب الى الأسفل
نانا



الموقع : من امام الجهاز
تاريخ التسجيل : 24/02/2009

مُساهمةموضوع: رد: ***ليله العمر لأحلي بنات***   السبت 03 يوليو 2010, 10:00 pm

موضوع جميييل ومبروووووووووووووووك لكل البنات
الرجوع الى أعلى الصفحة اذهب الى الأسفل
http://kg-cu.ahlamontada.net/forum.htm
هنودة27



الموقع : فى قلب حبيبي M
تاريخ التسجيل : 05/03/2009

مُساهمةموضوع: رد: ***ليله العمر لأحلي بنات***   الأحد 04 يوليو 2010, 6:22 am

موضوع حلو بجد

والنصايح تماااااااااااااااااااااااام

ويارب كل البنات تعمل بيها ان شاء الله

وربنا يتمملك بخير يا ايما
الرجوع الى أعلى الصفحة اذهب الى الأسفل
shemos



تاريخ التسجيل : 25/11/2009

مُساهمةموضوع: رد: ***ليله العمر لأحلي بنات***   الأحد 11 يوليو 2010, 5:14 am

بجدموضوووووووووووووع تحفة ياقمراية ونصائح بسيطة جداااااااااااااااااااااااااااا
الرجوع الى أعلى الصفحة اذهب الى الأسفل
احلى بنوته



الموقع : احلام اليقظه
تاريخ التسجيل : 26/11/2009

مُساهمةموضوع: رد: ***ليله العمر لأحلي بنات***   الأحد 11 يوليو 2010, 5:26 am

ايه يا بنتى الكلام الجامد ده
على فكره انتى جاوبتينى على سؤال
بس كنت Embarassed اسال فيه
عقبالك
وعقبال كل البنات
تسلم الايادى
الرجوع الى أعلى الصفحة اذهب الى الأسفل
kittycat



تاريخ التسجيل : 14/03/2009

مُساهمةموضوع: رد: ***ليله العمر لأحلي بنات***   الأحد 11 يوليو 2010, 5:41 am

تسلم الايادي
بجد اسلوبك جميل
جدا سلمت يمناك
يخليكي للشعب
flower
الرجوع الى أعلى الصفحة اذهب الى الأسفل
رنين الصمت



تاريخ التسجيل : 27/01/2010

مُساهمةموضوع: رد: ***ليله العمر لأحلي بنات***   الأحد 11 يوليو 2010, 7:10 am

نورتوووووووووووووووني هنودة و شموستي ونانا واحلي بنوته وكيتي .....وربنا يرزق كل بنت بالزوج الصالح ...ويهنيكو يااااارب I love you flower
الرجوع الى أعلى الصفحة اذهب الى الأسفل
 
***ليله العمر لأحلي بنات***
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: