ســــــــــــــــؤال للبنات ؟؟؟ فقط ... الرجــــــــــــــــاء الدخـــــــول

السلام عليكم ورحمة الله وبركاته

هاي بنات اخباركم؟؟ ان شاء الله بخير
عندي لكم سؤال بس للبنات
ندخل للموضوع


سؤال للبنات فقط ممنوع دخول الشباب


السؤال :هل توافقين على النظره الشرعيه قبل الزواج ..؟ وبكل ....صراحه ؟
اذا كانت اجابتك ب ( لا)
اذكري السبب
واذا كانت ب(نعم
وتمت النظرة الشرعية ولكن الخطيب رفض لا يريدك ؟؟
ايش راح تسوين ؟؟؟؟؟
او ماهو شعورك اتجاه هذا الموقف؟؟
انتظر ردودكم يابنات
ملحوظه هامه وليست سامه
النظره الشرعيه يعنى مايعرفكيش وجاي يشوفك هتعجبيه ولا..............

أيوة طبعا
وكمان حسب معلوماتى إنها النبى صلى الله عليه وسلم نبه على كده وقال فيما معناه انظر إليها فى أول مرة
ولكن النظرة الأولى التى لا تتعدى الحدود
وبعدين لو ربنا موفقش بعد كده خلاص هو النصيب فى الأول والآخر

صح يااطياف معاكي حق لان لازم اللي جاي يتقدم لازم يشوفك ولو ماحصلش نصيب خلاص يبقى
ربنا ماارادش......

انا بردوا موافقاكم بس انا طرحت ده عشان شوفت بنات بتقول لا ماينفعش ابقى فازه وهو يجي يتفرج ويقول اه ولا لا
انا لازم اجوز عن حب
سؤال تانى هل انت بتشجعي زواج الحب ولا زواج النظره الشرعيه؟وليه؟

اممممممم ما اكدبش عليكى واقول انى ممكن اتجوز
واحد ما اعرفوش بس فى نفس الوقت مايكونش فيه بيننا حب
يعنى مثلا يكون زميلى فى العمل او اخو صحبتى
او زميل اخويا يعنى يكون فىكلام بيننا على الاقل
ولو فى اطار العادى مش عمرى ماعرفته
ولو حد عنده رأى تانى يقوله
يمكن انا غلط

فى زواج بيكون من خلال النظرة الشرعية وبينجح
بس على الأقل تسأل عليه قبلها طبعا بعد الاستخارة
ما خاب من استخار وما ندم من استشار
مش فاهمة زواج الحب إزاى؟
ممكن توضحى يا أموولة

امولا بالنسبه للسوال التاني

اه بشجع الزواج عن حب بس بمعني

مفيش مانع ارتبط بحد يكون محترم وابن ناس بس اكون عاقله واحافظ ع نفسي

وابعد عن اللي يغضب ربنا

بيتهيالي ده يكون افضل من جواز الصالونات

وياريت تقبلي مروري المتواضع

ممكن سؤال يامنار
أى نوع من الارتباط تقصدى؟؟؟؟؟

فعلا زواج النظره الشرعيه هو الي بيستمر وبيكون مبني على طاعه ....
اه احنا بنشوف ناس اتجوزت عن حب بس صدقونى مابيبقوش سعداء انا اعرف واحده اجوزت عن حب وابن ناس ومحترم جدا بس هوا هي مابيبطلوش شك في بعض لدرجه ان حياتهم بقت نكد

منار انا مجربه الجواز بالنظره الشرعييه وجوزي بيحترم فياوبيفتخر قدام الناس انى عمرى ماحبيت ولا عرفت ولد قبله والنقطه دى خلت ليا مكانه في قلبه بسرعه وثقه
ربنا يرزق كل البنات بالزوج الصالح

عندك حق يا اموله
وكمان اللى بيحب حد هيخبط على الباب
مش هيدخل من الشباك ومهما كان محترم اسمها علاقه عاطفية وغير شرعية
انا وقعت فى المشكلة دى وكان انسان غاية الاحترام لكن الموضوع لم يدوم لعدم ثقته فيا مع
انى اشهد الله على الحفاظ عليه فى قربة وبعده
وربنا يسمحنى على الغلطه دى
والحب الحقيقى هو اللى بعد الجواز بعد ظهور كل واحد على حققتة ومرورهم بظروف الحياه الصعبة لو تقبلوا بعض رغم ده يبقى ده الحب المحترم اللى هيدوم مدى الحياة
بلاش نغمى عنينا عن الحقيقة بايدينا

مشكوره ريري على الكلام الجميل الصادق ده

انا كمان احترم كل ارائم
وكمان من رايي ان النظره الشرعيه احسن بكتير من اي حاجه تانيه
وربنا يوفنا ويوفقكم في حياتكم المستقبليه ان شاء الله

انا كمان بفضل الجواز بالنظرة الشرعيه مع احترامى طبعا لكل الاراء لانه احسن فى كل حاجه لان الشخص الى جاى ده بتباه فعلا نيته الجواز والاستقرار مش التسليه زى الجواز عن حب وبعد كده يبدا يشك فيكى ويقول وانا اعرف منين انك مالتيش الكلام ده لحد تانى قبلى ولا لا .......وعموما ربنا يوفقنا جميعا فى حياتنا كلها يا رب ...... وشكرا.

سورى انا اول مرة اشارككم بس انا راى يجب على الاقل انة يكون هو الى شفنى واخترنى وحس انى اصلح زوجة لية مش حد مش حد قالو عليا انى كويسة وحلوة وهو يجى يعاين البضاعة لو عجبتو اوك ماشى معجبتوش ميجيش تانى يجب على الاقل يكون متقبلنى وحببنى اما ياجماعة الجواز عن حب دة انا مبشجعوش لان ربنا مش راضى عن العلاقة دى وكلها علاقات بتفشل

طيب انت قصدك يشوفك يعجب بجمالك ولا من التعامل مع بعض يعرف ان عندك اخلاق وتعجبيه
انا رايي ان الجمال مش كل حاجه وكل واحده ربنا مديها حاجه جميله
ورايي كمان ان البنت المؤدبه ماتتعاملش مع رجاله خالص ولا تكلمهم
يبقى مافيش غير الرؤيه الشرعيه

اناشايفه ان ما فيهاش حاجه وبعدين حتى لو مش عجبته دى بتبقى راحه نفسيه وربنا هو اللى بيزرعها فى قلوبنا مش بأيدينا

الموضوع بجد جميل جدا يامولة وانا شخصيا من اكتر الناس اللى بيشجعو الزواج بالرؤية الشرعية

ازيكم يابنات ان شاءاللة تكونوة كلكم بخييييييييييييييييير
بصراحة انا بفضل الجواز اللى بيجى كدة يعنى يكون الشخص شفنى فى مناسبة.......الصدفة او اى طريقة من الطرق واقعدمعاها قعدة اشوف راحتى مع الانسان دة واصلى صلاة الاستخارة وربناسبحانة مش هيكتبلى حاجة وحشة
ولكن بالنسبة لموضوع الارتباط العاطفى دة منتشراوى فى حياتناوجوازات كتيرة بتم عن طريقة بس انا مش بفضلة لان الشباب دلوقتى صعب اوى انك تثقى لواحدفيهم
وبالنسبة النظرة الشرعية انا شايفاهاعادى جدا يابنات وفعلامن اسمها الشرعية
ومفيهاش حاجة ابداالوحصل رفض منة او منك بسبب عدم الارتياح
دى كلها مسالة نصيب
وانتوة بس شدوة حيلكوة كدة فى الدعاءلكل البنات ان ربنا يكرمنا بازواج صالحة
ونجيب منهم ذرية ترسم البسمة على وجوهناويكتب لنا فى زواجنا السعادة يابناااااااااااااااات قولوة بقااااااااااااااااااا
امييييييييييييييييييييييين

ذكر الرسول فى معناه
أنة من حقة ان يرى وجهها ليعرف مدى جمالها
وأن يرى اليد ليطمئن قلبه إذا كانت بيضاء أم سمراء
وأعتقد أن الوجه واليد ليست من عورة المرأة