بنات دفعة 2006 وحشتووووووونى بجد ولا يوم من ايامكم

االسلام عليكم ورحمة الله وبركاته

يارب تفتكرونى لان بدور على اى حد من اصحاب زمان ايام الكليه اللى الواحد ماعرفش قيمتها الا قعد فالبيت بجد على قد الواحد ماكان نفسه يخلص على مابيتمنى يرجع يوم واحد زى ايام الكليه المهم اى حد فاكرنى ومن دفعتى يكلمنى لانكم بجد وحشتونى تعرفوا حتى عبد الرحيم ليه وحشه والمعمل والكتب والعملى والمعيدات
مبروووووك كبيره اوى لدكتوره هند امبابى ولو انها متاخره وكمان مبروك كبيره جدا لدكتور محمد عطا لان بجد شخصية جديره بالذكر والاحترام
وحشتنى الكليه والعملى كمان ودكتور منال ومحاضرتها

ايوووووووووه احنا هنا اهوووووووه
يااااااااه والله والله يا هند كنت لسه عماله افكر فيكى كتير اوى
وحشانى موووووووت وكان نفسى اعرف اى اخبار عنك
فاكره شلة الأنس " هبه عبده ، هبه عبد الرحمن ، ولاء عبد العزيز
ولا نسيتى ؟؟؟؟؟؟

ههههههههههههههه
لا فاكره كنتوا شلة مذاكره
وحركات وشغل عملى

المهم انا اتجوزت بقالى 3 سنين و3 شهور
ومعايا واد سيف الدين انما ايه قمر عامل زى مهند كده
وسافرت السعوديه من كام شهر
يارب تكونى انتى كمان بخير وكويسه بجد انبسطت ان لسه حد فاكرنى زى منا فكراكم

ألف ألف مبروك يا هند على الجواز وعقبال ما تفرحى ب سيف الدين
وربنا يخليهولك يارب ويكبر بسرعة وتفرحى بيه طبعا لازم يطلع
قمر زى ممته بالظبط طبعا
انا الحمد لله بخير وكنت لسه بفكر فى ايام الجامعة من كام يوم
وانتى جيتى على بالى كتير اوى سبحان الله ابص الاقيكى دخلتى
المنتدى ههههههه بس بجد اجمل صدفة
اااااااه يعنى انت بتكلمينى من السعودية على كده
انا مخطوبة دلوقتى وخطيبى فى السعودية برده
واتعينت معيده فى الكلية فى قسم العلوم النفسية بقالى سنتين
وعملت دبلوم خاص ولسه مخلصاه الحمد لله

ما شاء الله يا قمر وللامام عقبال الماجستير والدكتوراه
بفرح اوى لما بلاقى حد بيحقق اللى نفسى فييه انا بجد نفسى ارجع اذاكر
وانا شاطره ودماغى حلوه
ربنا يسهل ادعيلى اكمل قريب لو ينفع