منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 اول اسبوع شغل مع K.G

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
beauty



الموقع : فى بلدى الحبيبه مصر
تاريخ التسجيل : 15/02/2009

مُساهمةموضوع: اول اسبوع شغل مع K.G   الخميس 30 سبتمبر 2010, 3:46 am

السلام عليكم ورحمه الله وبركاته

ازيكو يا بنات .. كان القسم بتاعنا السنه اللى فاتت قسم الفرقه الرابعه

بقينا دلوقتى فى قسم الخريجين

وبما ان معظمنا اشتغل

ف حابه اسألكو عملتو ايه فى اول اسبوع شغل مع الكى جى

عملتوا ايه مع بكاء الاطفال الدائم طوال النهار وخصوصا اول يوم

مستمتعين بالمسئولية ولا ايه ؟!

مستنيه ردودكم
الرجوع الى أعلى الصفحة اذهب الى الأسفل
نانا



الموقع : من امام الجهاز
تاريخ التسجيل : 24/02/2009

مُساهمةموضوع: رد: اول اسبوع شغل مع K.G   الجمعة 01 أكتوبر 2010, 11:40 pm

احكيلنا انت بقى يا بيوتى
الرجوع الى أعلى الصفحة اذهب الى الأسفل
http://kg-cu.ahlamontada.net/forum.htm
نديم



تاريخ التسجيل : 20/02/2009

مُساهمةموضوع: رد: اول اسبوع شغل مع K.G   السبت 02 أكتوبر 2010, 9:08 pm

كل حاجه فى اولها صعب بس بجد لما اولادكم ياخدوا عليكم هتحسوا بمتعه مش طبيعيه وربنا يوفقك الجميع يارب
الرجوع الى أعلى الصفحة اذهب الى الأسفل
beauty



الموقع : فى بلدى الحبيبه مصر
تاريخ التسجيل : 15/02/2009

مُساهمةموضوع: رد: اول اسبوع شغل مع K.G   الإثنين 18 أكتوبر 2010, 2:03 am

ماشى يا نانا .. اعتبرها تدبيسه ديه Very Happy

بس ماشى انا حابه احكى بس اسمعينى انتى بس للاخر .. و اعمليلك كوبايه شاى كدا قبل ما تقري


هوا طبعا زى ما قالت نديم كل شئ فى اوله صعب

بس بينى وبينكم انا محستش انه صعب بمعنى الكلمه لكنه فعلا مش سهل

بمعنى ان اول اسبوع انتى بتبقى تحت الميكرسكوب .. الكل عايز يعرف مين ديه

اد المسئوليه ولا هنمشيكى و ندور علي غيرك .. ده غير ان كل ده بيتقال فى وشك

ف هل عندك قدره لاستحمال كل الاحباطات ديه و الصبر الكافى انك تعدى اول شهر بالمنظر ده

ده غير اولياء الامور و الشكاوى بان المدرسه معينه مُدرسه معندهاش خبره و لسه متخرجه

و انك تثبتى وجوده فى خلال شهر بس و تلاقى ده فى عيون كل المدرسين و الاداره من اكبر واحد فيهم لاصغر واحد فيهم ..

ده مش سهل لكن مش صعب ولا مستحيل


انا بصراحه كنت حابه المدرسه اللى بشتغل فيها و اللى مازلت بحبها جداااا .. من اسم المدرسه لسمعتها اللى كانت وصلانى

لان اخويا فى رابعه ابتدائى فيها و يعتبر بقالو سنتين فيها و بصراحه اد ايه ناس محترمين

وانا مكنتش طالبه اكتر من كدا .. بصراحه عجبنى فى المدرسه انهم بيوقفو الحصص علشان التلاميذ تروح تصلى جماعه

و ده اللى كان نفسى يحصل فى الكليه بتاعتنا بس للاسف محصلش بس انا حبيت ده جداااا فى مدرستى

بصراحه ده المكان اللى انا اخترت انى اتواجد فيه و ده المكان اللى انا عايزه و حابه اشتغل فيه

و ده المكان اللى بحبه و اللى مش هتشغل غير فيه و ده المكان اللى بلاقى نفسى فيه و اللى ببقى فى قمه سعادتى وانا فيه

و ببقى مستمتعه جداااااااااااا وانا مع اطفالى اللى بحبهم و بيحبونى

و بصراحه كل اللى حصل و اللى هيحصل فى مدرستى هوا توفيق من عند ربنا ليا

و الحمد لله بجد على اللى بشوفه دلوقتى من كل الناس فيها و فى المدة الصغيره جداا اللى اشتغلتها فيها

بس ادعولى انى اكمل على ده و ابقى احسن كمان

ده غير ان الكليه ليها الفضل بانى بعرف اتعامل مع الاطفال و علم النفس الكتير اللى مكنش بيفرقنا كل سنه

بجد استفدت كتير من الكليه فى مجال شغلى دلوقتى و بجد مبسوطه انى كنت خريجه رياض اطفال

بس بصراحه متمناش ابدااا انى اعيد التجربه ديه تانى و ارجعها Laughing

هوا الحمد لله على كدا و كفايه اوووى عليها كدا bounce


و كمان الفضل يرجع لاستاذتى فى التدريب الميدانى أ- أسماء إسماعيل بصراحه اتعلمت منها حاجات كتير

اتعلمت الالتزام و الحضور المستمر و التحضير .. المدرسة عندى شافت كشكول تحضيرى و عجبهم اوى

و كلمه اشكرك اللى كنت بموووووت فيها و بزعل جدااا لو مكتبتيهاش .. بيسألونى عنك و بيقولولى مين المعيده ديه

و اكيد حضرتك عارفه انك من احلى المعيدات اللى شوفتهم فى حياتى .. نفسى اشوفك بجد و اعد معاكى لانك وحشانى جامد


معلش بقى طولت عليكو .. انا حاسه انى يا اما ببعت جواب طويل يا اما بكتب مذكراتى

بس ربنا يوفقكو كلكو يارب و يعدى عليكم ايام الكليه بخير بحلوها و بمرها flower

الرجوع الى أعلى الصفحة اذهب الى الأسفل
 
اول اسبوع شغل مع K.G
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منتدى الخريجين-
انتقل الى: