منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 مسرحية 6 اكتوبر (مسرح العرائس)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
moro



الموقع : www
تاريخ التسجيل : 05/07/2009

مُساهمةموضوع: مسرحية 6 اكتوبر (مسرح العرائس)   الثلاثاء 05 أكتوبر 2010, 3:55 am

مسرحية : 6 اكتوبر باستخدام مسرح العرائس .
الشخصيات : مشمشة (بنت) ؛ بابا مشمشة (رجل).

مشمشة:سلاموا عليكم.
يا ولاد يا ولاد انتم عارفين احنا بناخد يوم 6 اكتوبر اجازة ليه؟؟
طب انتم عارفين مين اللى جه معايا النهاردة علشان يعرفكم ايه اللى حصل فى 6 اكتوبر سنة 1973.
(يدخل بابا مشمشة)
بابا : يا مشمشة يا مشمشة انا جيت اهوه زى ما اتفاقنا فى الميعاد بتاعنا .
مشمشة : هيه هيه بابا جه بابا جه ؛ بابا هوا اللى هيكلمنا ويقلنا ايه اللى حصل فى 6 اكتوبر.
يالاه بقا يا بابا قلنا ايه اللى حصل فى 6 اكتوبر؟؟
بابا : ياه يا مشمشة دى كانت حرب كبيرة جدا.
مشمشة : حرب ؛ حرب ليه يا بابا .
بابا : علشان كان فيه ناس عاوزه تاخد حته من بلدنا ليهم خالص.
مشمشة : طب وفيها ايه يا بابا مانديلهم اللى هما عاوزينه ولا تعمل حرب ولا حاجة.
بابا : ايه ده يا مشمشة انا كدا ازعل منك.
مشمشة : ليه بس يا بابا هوا انا عملت ايه بس.
بابا : يا مشمشتى مدام ديه الارض بتاعتنا احنا يبقا لازم نحافظ عليها ومنسمحش لحد ياخدها مننا ابدا مدام مالوش حق فيها .
مشمشة : اه فهمت يعنى لو حد جه ياخد البيت بتاعى ده اعمل معاه حرب علشان ده البيت بتاعى انا.
بابا : ايون يا مشمشة عليكى نور مدام هوا عاوز ياخده غصب عنك لازم ندافع عنه ومانخليهوش ياخده ابدا.
مشمشة : طب وبعدين يا بابا مين بقا الناس دول اللى كانوا عاوزين ياخدوا الارض بتاعتنا.
بابا : دول ناس اسمهم اسرائيل.
مشمشة : اه يا بابا يعنى الحرب دى كانت بين مصر واسرائيل.
بابا : ايون عليكى نور يا مشمشة .
مشمشة : طب والحرب دى كانت فى مصر كلها ولاه فى حته صغيرة .
بابا : دى فى حته من مصر اسمها سينا.
مشمشة : اه يعنى الحرب كانت بين مصر و اسرائيل على سينا .
بابا : ايون صح شطورة يا مشمشة .
مشمشة : طب وكانوا بقا بيحربوا بأيه يا بابا .
بابا : كان فيه دبابات وطيارات وبنادق و قنابل .
مشمشة : ايه ده كله ايه ده كله .
بابا : وبعدين فى الاخر بقا يا مشمشة احنا اللى انتصرنا فى الحرب دى واخدنا سينا تانى و رفعنا عليها علم مصر.
مشمشة : ايون ايون فهمت يعنى الحرب كانت يوم 6 اكتوبر بين مصر و اسرائيل على سينا ومصر هيا اللى انتصرت.
بابا : صح كدا يا مشمشة ؛ عرفتى بقا احنا ليه بناخد يوم 6 اكتوبر اجازة .
مشمشة : ايون علشان انتصرنا فى الحرب ورجعنا الا رض بتاعتنا .
بابا : ايه رايك بقا يا مشمشة نغنى مع كل الولاد الحلوين دول بلادى بلادى .
مشمشة : يالاه نغنى يالاه نغنى .

مع تحياتى : M.S
4\10\2010
الرجوع الى أعلى الصفحة اذهب الى الأسفل
نانا



الموقع : من امام الجهاز
تاريخ التسجيل : 24/02/2009

مُساهمةموضوع: رد: مسرحية 6 اكتوبر (مسرح العرائس)   الثلاثاء 05 أكتوبر 2010, 4:26 am

حلووووووه كتييييييييييييير
يسلمووووووووووووووووووووو
الرجوع الى أعلى الصفحة اذهب الى الأسفل
http://kg-cu.ahlamontada.net/forum.htm
اسماء 6



تاريخ التسجيل : 15/10/2010

مُساهمةموضوع: رد: مسرحية 6 اكتوبر (مسرح العرائس)   الجمعة 15 أكتوبر 2010, 1:31 am

جميلة جدا
بارك الله فيكى
king
الرجوع الى أعلى الصفحة اذهب الى الأسفل
سوزى حمدى



تاريخ التسجيل : 03/10/2010

مُساهمةموضوع: شكرا لك انا كنت محتجاها   الثلاثاء 19 أكتوبر 2010, 1:55 am

lor=red]]جميلة جدا وياريت تاتى بالمذيد وجزاك الله خيرا[/size][img][/img][flash][/flash] Very Happy
الرجوع الى أعلى الصفحة اذهب الى الأسفل
fozdoaa



تاريخ التسجيل : 28/01/2009

مُساهمةموضوع: رد: مسرحية 6 اكتوبر (مسرح العرائس)   الثلاثاء 19 أكتوبر 2010, 6:03 am

بجد حلوة اوى اوى تسلم الايادى
الرجوع الى أعلى الصفحة اذهب الى الأسفل
الفارس النبيل



تاريخ التسجيل : 06/12/2009

مُساهمةموضوع: رد: مسرحية 6 اكتوبر (مسرح العرائس)   الثلاثاء 19 أكتوبر 2010, 4:03 pm

المسرحية حلوة كتير ، شكرا ليكى...
الرجوع الى أعلى الصفحة اذهب الى الأسفل
nano91



تاريخ التسجيل : 28/06/2009

مُساهمةموضوع: رد: مسرحية 6 اكتوبر (مسرح العرائس)   الجمعة 04 فبراير 2011, 1:42 am

جميلة جدااااااااااااااا
رائعة و جذابة للطفل .
الرجوع الى أعلى الصفحة اذهب الى الأسفل
moro



الموقع : www
تاريخ التسجيل : 05/07/2009

مُساهمةموضوع: رد: مسرحية 6 اكتوبر (مسرح العرائس)   الإثنين 21 فبراير 2011, 1:31 am

ميرسى يا جماعة ع الكلام الجميل ده
الرجوع الى أعلى الصفحة اذهب الى الأسفل
 
مسرحية 6 اكتوبر (مسرح العرائس)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: رياض اطفال :: انشطة وافكار جديدة-
انتقل الى: