منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 عايزة مسرحية خلال يومين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سهيلة غريب



تاريخ التسجيل : 23/10/2010

مُساهمةموضوع: عايزة مسرحية خلال يومين   الثلاثاء 02 نوفمبر 2010, 6:47 am

السلام عليكم ورحمة الله وبركاتة
ازيكم يا جماعة عاملين اية لعلكم تكونوا بخير
انا كنت عايزة مسريحة تقدم للطفل وتكون ذات هدف جيد ويفضل انها تكون عن التثقيف الصحى بس ياريت تكون خلال يومين عشان عايزاهاا ضرورى ان لقيتبعض المسرحيات بس مش حلوة مش عجبانى حاسة انها مش مضمونها حلو وكمان هدفها مش حلو فياريت لو حد عندة حاجة تفيدونى
الرجوع الى أعلى الصفحة اذهب الى الأسفل
fozdoaa



تاريخ التسجيل : 28/01/2009

مُساهمةموضوع: رد: عايزة مسرحية خلال يومين   الأربعاء 03 نوفمبر 2010, 9:54 am

وعليكم السلام ورحمة الله وبركاته,,,
إزيك يا سهيلة يالنسبة للمسرحية اللى انتى عوزاها
انا لقيتلك مسرحية تنفع للموضوع اللى انتى طلباة
بس عدلت حاجات بسيطة عليها
واتمنى انها تفيدك
هو هنا الحوار بيدور بين حيوانات لكن انتى ليكى الحرية فى اختيار
الشخصيات بما يتناسب معك سواء انسان او حيوانات او طيوراو غيرذلك
من الشخصيات الكرتونية المحببة للاطفال


النص المسرحى


فرفور : أنا اليوم فقت بكير وساعدت امي على تنظيف غرفتي . وبعدين اغتسلت وفركت سناني واسرعت على المدرسة .
(تدخل بسبوسه)
بسبوسه : صباح الخير فرفور ..انت كل يوم بتسبق الجميع على المدرسة .
فرفور : طبعا لأني بنام بكير وبفيق بكير وبقوم بكل الواجبات .
بسبوسه : انت مجتهد كثير يا فرفور والمثل بيقول
" نام بكير وفيق بكير وشوف الصحة كيف بتصير" .
فرفور : اشتريت لأمك ايه هديه ؟ لإني حضرت لأمي هديه حلوه كثير ..
بسبوسه : ايه المناسبه يا فرفور ؟
فرفور : انتى مش عارفه ؟ عيد الأم قرّب ولازم نحضر لماما هديه .
بسبوسه : انت دايما بتسبق الكل يا فرفور . العيد لسه بعد اسبوعين وبكير على الهديه ..
فرفور : أنا اشتريت لأمي بلوزة وجيبة وكمان يوم العيد بشتريلها باقة ورد .
بسبوسه : أنا وأخويا بسبس اتفقنا نشتري لأمي فستان حلو كثير وباباحيساعدنا في ثمنه .
(تدخل المعلمة - " شخصية المعلمة في هذا المشهد حقيقية بعكس باقي الشخصيات التي من المفضل أن تكون دمى)
المعلمة : صباح الخير يا شاطرين .
فرفور وبسبوسه : صباح النور معلمتي ،
اشتقنالك كيف انتى
والله غيرك ما لنا
انت الشمعه المضويه
بتذوب شويّه شويّه
حتي تضوي علينابنورها
ونمنصير زيك انتى
المعلمه : شكرا .. شكرا يا حلوين ، واليوم عارفين عن ايه موضوعنا .
(بسبوسه وفرفور يتسابقان للإجابة)
فرفور : أنا معلمتي
بسبوسة : أنا .. أنا ..
المعلمة : إحكي يا فرفور !
فرفور: درسنا اليوم عن نظافة الأسنان .
المعلمة : صحيح وأكيد انتو شاطرين ومجتهدين . بس وين أرنوب ؟
بسبوسه : أرنوب كعادتة بيجي متأخر .
(يدخل أرنوب)
أرنوب : صباح الخير .
المعلم : صباح النور أرنوب . ليه جاي متأخر ؟
أرنوب : أنا متأسف معلمتي . أنا كنت مريض اليوم وبطني بتوجعني .
المعلمة : سلامتك يا أرنوب . بس انت كل يوم بتتأخر وبتقول نفس العذر .
فرفور : معلمتي ! ما تصدقيش ! لأن أرنوب بيكذب ومش بيقول الحقيقة .
أرنوب : انت اسكت ملكش دعوة وبعدين انا حوريك !
بسبوسه : ايه اللى بتقوله دة يا أرنوب . عيب عليك .
أرنوب : وانت كمان ملكيش دعوة. وبعدين رجعيلي فرشاة الأسنان اللي اخدتيها مني.
بسبوسة : الفرشاة دى بتاعتى و انا اشتريتها من الدكانة إمبارح .
أرنوب : (يصيح) إيـــــه بتاعتك... دى اصلا بتاعتى ! رجّعيها قبل ما أضربك .. يلا بسرعة (بغضب)
بسبوسة : (تبكي) اهئ اهئ ايوة بتاعتى .. (ثم تنادي) معلمتي ...
المعلمة : خلاص ! سكوت ! وانت يا أرنوب ممنوع تتكلم كدة مع اصدقائك . وفرشاة الأسنان دى بتاعة بسبوسه لأني أنا كتبت اسمها عليها امبارح !!!
أرنوب : يعني انت عارفه انها الفرشاة بتاعة بسبوسه .
المعلمة : طبعا عارفه .. وانت كان لازم تجيب معك فرشاتك .
أرنوب : أنا متأسف معلمتي . ومش حعمل كدة تانى
المعلمة : طيب والآن ننتقل الى موضوع الدرس .
يا شاطرين ويا شاطرات نظافة الأسنان مهمة جدا لأنه كل يوم في الصباح وقبل النوم لازم ننظف الأسنان حتى لا تهاجمها الجراثيم والسوس إللي بتسبب ضرر للأسنان ورائحة كريهة للفم .
أرنوب : وايه هى الجراثيم والسوس يا معلمتي .
المعلمة : الجراثيم والسوس هي كائنات دقيقة جدا وتشبة حشرات صغيرة جدا لما بتهاجم اللثة والأسنان لنشان تاكل بقايا الطعام اللي بيتعلق بين الأسنان . بعد ما تأكل بقايا الطعام تهاجم الأسنان وتحفر بيوتها في الأسنان . فتسبب الوجع الشديد وبتتلف الأسنان . علشان كدة لما بننظفها بالفرشاة والمعجون بنقضي على السوس والجراثيم وبنحافظ على نظافة وصحة أسناننا .
بسبوسة : انا كل يوم بنظف أسناني .
فرفور : وأنا كمان لأنه الفئران بيحافظو على اسنانهم صحيحة وقوية علشان نقطع الجبنة وناكلها .
أرنوب : أنا اليوم قبل النوم بدي أفرك أسناني بالفرشاة .
المعلمة : طيب يا شاطرين ! شوفو معايا كيف ننظف أسناننا بالفرشاة .
(تشرح لهم المعلمة عملية تنظيف الأسنان عمليا بالفرشاة والمعجون وهي تغني وترقص معهم على نغمات أغنية تتناول الموضوع)

أغنيه :
بفيق الصبح بكير
و إللي بيتأخردة الكسلان
بغسل بالصابونه وشى كثير
وأسنانى بمعجون الأسنان
بفرك بفرك بالفرشاه
حتى أسناني تصير مرآه
يا ألله ما أحلاها
ريحة فمي كالنعناعة
أنظف مني لا شئ يكون
وأوقاتي مظبوطة على الساعه
بفرك بفرك بالفرشاه
حتى اسناني تصير مرآه
واوعى تنسى تمشط شعرك
وكمان تنظف تحت اظافرك
خلي جسمك كلة يتحرك
فبالرياضه تخف الأوزان
يلا بسرعة وهات محفضتك
وامشى بسرعة على مدرستك
واول لما تشوف معلمتك
صبحها بخير الرحمن
الرجوع الى أعلى الصفحة اذهب الى الأسفل
fozdoaa



تاريخ التسجيل : 28/01/2009

مُساهمةموضوع: رد: عايزة مسرحية خلال يومين   الأربعاء 03 نوفمبر 2010, 10:03 am

اتمنى لو كنت افادتك متنسينيش بالدعاء
وعاوزة اقولك كمان انك ممكن تضيفى حاجات وتعدلى حاجات
ودة طبعا حسب احتياجاتك لمحتوى الموضوع واحتياجات اطفالك
وقدرتهم على استيعاب موضوعات معينة تكون من اختيارك
وتكونى عاوزة توجهيهم ليها
يعنى مثلا تخلى سبب مرض ارنوب انه مش بياكل اكل صحى ومفيد
وتتكلمى عن مكونات الوجبة الغذائية المتكاملة
او اهمية وجبة الافطار مثلا
او ان ارنوب راح للدكتور ونبدأ نحكى مع الاطفال علشان ميخافوش من الدكتور وكدة يعنى
اتمنى اطار المسرحية يعجبك
واكون قدرت افيدك ولو حتى بمجرد الافكار
ولو احتاجتى اى حاجة قولى وكلنا معاكى
الرجوع الى أعلى الصفحة اذهب الى الأسفل
سهيلة غريب



تاريخ التسجيل : 23/10/2010

مُساهمةموضوع: رد: عايزة مسرحية خلال يومين   السبت 06 نوفمبر 2010, 5:39 am

fozdoaa كتب:
اتمنى لو كنت افادتك متنسينيش بالدعاء
وعاوزة اقولك كمان انك ممكن تضيفى حاجات وتعدلى حاجات
ودة طبعا حسب احتياجاتك لمحتوى الموضوع واحتياجات اطفالك
وقدرتهم على استيعاب موضوعات معينة تكون من اختيارك
وتكونى عاوزة توجهيهم ليها
يعنى مثلا تخلى سبب مرض ارنوب انه مش بياكل اكل صحى ومفيد
وتتكلمى عن مكونات الوجبة الغذائية المتكاملة
او اهمية وجبة الافطار مثلا
او ان ارنوب راح للدكتور ونبدأ نحكى مع الاطفال علشان ميخافوش من الدكتور وكدة يعنى
اتمنى اطار المسرحية يعجبك
واكون قدرت افيدك ولو حتى بمجرد الافكار
ولو احتاجتى اى حاجة قولى وكلنا معاكى

اولا انا متشكرة ليكى جدا يا fozdoaa جدا وربنا يكرمك يا ربنا ويحققلك كل اللى تتمنية هية المسرحية جميلة جدا جدا بس الدكتورة جت المرة اللى فاتت طلبت مسرحية عن انفلوانزا الخنازير فانا شايف انها صعب انى اعدل فى المسرحية دى عشان اخليها عن انفلوانزا الخنازير
فياربت لو عندك حاجة عن انفلوانزا الخنازير
الوقاية
واسباب العلاج
كيفية نصح الاطفال للبعد عنها
وكل حاجة اصة بالموضوع دون اكون شاكرة ليكى جدا
ومرة تانية انا متشكرة ليكى

الرجوع الى أعلى الصفحة اذهب الى الأسفل
fozdoaa



تاريخ التسجيل : 28/01/2009

مُساهمةموضوع: رد: عايزة مسرحية خلال يومين   الإثنين 08 نوفمبر 2010, 5:29 am

لا يا حبيبتى مفيش داعى للشكر ولا حاجة
بس بصراحة انا معنديش مسرحية عن الموضوع دة
بس اوعدك انى حدور ولو لقيت اكيد مش حتأخر عنك وحنزلهالك على طول
ولو احتاجتى اى حاجة اطلبى واحنا فى الخدمة
الرجوع الى أعلى الصفحة اذهب الى الأسفل
سهيلة غريب



تاريخ التسجيل : 23/10/2010

مُساهمةموضوع: رد: عايزة مسرحية خلال يومين   الإثنين 08 نوفمبر 2010, 6:39 pm

fozdoaa كتب:
لا يا حبيبتى مفيش داعى للشكر ولا حاجة
بس بصراحة انا معنديش مسرحية عن الموضوع دة
بس اوعدك انى حدور ولو لقيت اكيد مش حتأخر عنك وحنزلهالك على طول
ولو احتاجتى اى حاجة اطلبى واحنا فى الخدمة

معلشى يا جميل انا تعباكى معايا وبشكرك جدا جدا كفايا بس اهتمامك للموضوع وانك بتساعدينى ربنا يكرمك يا رب واشكرك مرة تانية
الرجوع الى أعلى الصفحة اذهب الى الأسفل
eb62



تاريخ التسجيل : 12/12/2010

مُساهمةموضوع: رد: عايزة مسرحية خلال يومين   الأحد 12 ديسمبر 2010, 7:22 pm

انا بحبكم Basketball
الرجوع الى أعلى الصفحة اذهب الى الأسفل
 
عايزة مسرحية خلال يومين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: رياض اطفال :: بحوث ودوريات لرياض الاطفال-
انتقل الى: