منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 بحبـــــك يا مصـــــــر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
beauty



الموقع : فى بلدى الحبيبه مصر
تاريخ التسجيل : 15/02/2009

مُساهمةموضوع: بحبـــــك يا مصـــــــر    الأربعاء 02 فبراير 2011, 6:41 pm

بدون مقدمات .. كلنا عشنا الفتره اللى فاتت قلق و خوف من بكره

و حصل حاجات كتيررررر .. بعضنا راضى عنها و البعض الاخر مش راضى

رايكم ايه فى المظاهرات .. خطاب الريس الاول .. خطاب الريس التانى .. موقف الشباب فى التحرير ؟


دعوه للتواصل و النقاش .. وحشتنونى جدااااااااااااااا يا بنات .. اينعم كانت فتره قوليله بس عدت ببطء شديد
الرجوع الى أعلى الصفحة اذهب الى الأسفل
Ojamajo Doremi



تاريخ التسجيل : 27/01/2009

مُساهمةموضوع: رد: بحبـــــك يا مصـــــــر    الأربعاء 02 فبراير 2011, 6:56 pm

أنا مع الثورات لحد ما يمشي
أولاً بقاله 30 سنة بيوعد و مبيوفيش
هنصدقه لما بقى خايف على نفسه و كرسيه ؟؟؟
عايز يموت في مصر
طب ما يسيب الحكم و يموت فيها زي أي مصري
و للا ناوي يموت ع الكرسي بكرة يعني ؟؟
ألف حاجة احنا طالبينها من زمن و لا حاجة منهم عملها
أجور آدميه للناس
قانون الطوارئ يتلغي
الداخلية و العادلي و عز يتحاكموا على خيانتهم الحقيرة الأيام اللي فاتت
و بعيدن نهب و رعب إيه اللي فاكر يتكلم عليهم
بذمتكو مش شباب حتتكو في كل مكان كانوا أرجل منه و من حاشيته اللي عايزة الحرق و نزلوا وقفوا و حموكوا ؟؟؟
الموضوع خلص في ليلتها و الشباب عرف يعني إيه يبقى في أزمة و يعمل إيه
الموضوع خلص من 3 و للا 4 أيام و لسه فاكر يقوم يعلق عليه ؟؟؟؟!!!!!!!!!!!!
ده بيقرا جرايد الأسبوع اللي فات و للا لسه صاحي من الغيبوبة ؟؟؟

ارحم شيبتك و امشي بخيبتك
امشي الـ 99% اللي انت بتقول اختاروك خرج منهم ما لا يقل عن 10% منهم يقولوك امشي
مالهوش شرعية أساساً عشان يحكم و يقول
ياااا رب
هو خربها على نفسه
و الناس كلها مستنية
بس قاعدين لحد ما ينولوا
و اللي هيقولي فوضى ما بعد مبارك الدستور محدد مين هيمسك ده أولاً
ثانياً اللي هيقولي عزيز قوم ذل
يخرج يقول خطاب أخير و يعلن التنحي و يطلب إنه يعيش على أرض مصر بدون المساس بيه زي ما الملك فاروق عمل
و للا هو ناسي إن الشعب ضربلوا 21 رصاصة تحية عسكرية ليه لإنه ملك رغم إنه كان ماشي خلص طالع الباخرة ؟؟؟؟؟
الرجوع الى أعلى الصفحة اذهب الى الأسفل
شارلوك هولمز



الموقع : على الفيس بوك
تاريخ التسجيل : 23/07/2010

مُساهمةموضوع: رد: بحبـــــك يا مصـــــــر    الأربعاء 02 فبراير 2011, 8:18 pm

انا مؤيد للريس محمد حسنى مبارك
بحبك ياااااااااااااااااااااااااا مصر
الرجوع الى أعلى الصفحة اذهب الى الأسفل
فرح بنت الاسلام



تاريخ التسجيل : 01/12/2010

مُساهمةموضوع: رد: بحبـــــك يا مصـــــــر    الأربعاء 02 فبراير 2011, 8:55 pm

انا مع الثورات مع الشباب من حقنا نعيش بحرية كفاية 30سنة هما دولى مش شوية مش كفاية نفسى اعيش زاى اى دولة بتعيش بحرية كفاية 30سنة من الفقر والبطالة وجوع ارحم نفسك كفاية نهب وسلب ايه يقول دى حرية ومظاهرت بتعبر عن حرية اراى طب الشباب اللى مات ده يبقى ايه بتضحك عاى نفسك ولا على مين
لو مش عارف انه غلط فى حق الشعب المصري مش كان طلع وقال تعديل المادة 76و77بعد ايه ياحبيبى اللعبة انتهت لوكانت بدوم كانت دمت الى قبلك
ياحبيبى كفاية رصيدك نفذ مصر جمهورية وليس ملكية
بعد اذنك ياشارلوك هولمز راجع نفسك عمرك كام سنة بالله عليك شفت حكم غيره وبعيدن مرتبك كام علشان تقولى بايد الريس
ام بالنسبه وقعدين دلوقتى شوفوا ليه قطع النت وليه قناة الجزيرة بلاش التليفزيون المصرى
لو فيه حرية راى ازاى ماحبيبى بقول شوفوا اللى حصل للمتظاهرين الساعة 2.30 فى ميدان التحرير
ارحل خلى عندك دم حقنا لدماء المصرين
والله مكسفلك سلف بقول ولا مش عارفه اقول (ارحم نفسك وارحم غيرك وكده يبقى كتر خيرك)
(الاسلام هو الحل مسلمة ومصرية وافتخر ولا مش عجبه ينتحر ويكتب على قبره مات من القهر)
الشراره اطلقت ياحبيبى ....................................................................................... امضاء المعتزه بدينها وطنها
الرجوع الى أعلى الصفحة اذهب الى الأسفل
الوفاء النادر.



تاريخ التسجيل : 15/01/2011

مُساهمةموضوع: رد: بحبـــــك يا مصـــــــر    الأربعاء 02 فبراير 2011, 9:19 pm

انا شايفه اننا كده بنظلم كلمة مصر بالي بنعمله احنا مش معارضين لثورة الشباب بس الموضوع كله اننا نديمه فرصه اخيره بس يمكن يحققلنا المطالب وتقريبا الحكومه الجديده يتعمل علي تحقيق مطالبنا يعتي خلاص باقي 7شهور لازم نستحملهم اكيد الراجل ده عملنا حاجه حته لو واحده كفايه ان في عهده بقي حاجه اسما كلية رياض الاطفال انا يا صحابي مش ضد التغيير بس بالعقل والمنطق احنا بقلنا اسبوع عايشين في رعب قارنوا بين الاسبوع ده والي قابله والي قابله وشوفه الرئيس كان موفرلنا ايه الامان وده اهم حاجه وبعدين احنا نقول لمصر ارمي حمولك عليا مش انا الي ارمي حمولي عليها انا معا بقاء محمد حسني مبارك بحبك ياااااااااااااااااااااااااااااااااااااااااااااااااا مصر يا ام الدنيا
الرجوع الى أعلى الصفحة اذهب الى الأسفل
beauty



الموقع : فى بلدى الحبيبه مصر
تاريخ التسجيل : 15/02/2009

مُساهمةموضوع: رد: بحبـــــك يا مصـــــــر    الخميس 03 فبراير 2011, 1:27 am

يا جماعه استخيروا ربنا
مهوا احنا اللى عملناه التغيير ده و احنا اللى واقفين الوقفه ديه و احنا اللى لو موفاش بوعده هنعملها تانى
و كمان اللى خلنا نصبر 30 سنه بحالهم
مش هيخلينا نصبر 6 شهور و نشوف .. انا بقول اننا نديه فرصه
و اسالو الناس اللى عندهم 70 سنه ( جدى و جدكم ) لانهم شافوا وهوا بيحارب و الكل بره بيعمله الف حساب
و محدش قدر يهوب ناحيه مصر فى فتره رئاسته
و كل حاكم له اخطاءه محدش فينا معصوم من الخطأ
هوا راعى السياسه الخارجيه صح لكن مراعاش الشعب صح بغض النظر انه عمل حاجات كويسه بس معملش اللى احنا عايزينه كله
وعلى فكره حطو نفسكوا مكانو هل هتقدروا ترضوا 80 مليون مواطن كل واحد له فكر و له مطالب و له حياته الخاصه
بس اللى اعرفه انه خلانا عايشين فى امن و امان
و كان فعلا ادخلوها بسلام امنين
دلوقتى الحال اتقلب .. مين يقدر يجى مصر دلوقتى .. السياحه اضربت بسبب اللى بيحصل ده
و كمان احترم فى الراجل ده نقطه مهمه الا وهى انه لو عمل زى زين العابدين و مشى وسابها تولع هتضيع زى ما تونس ضايعه
الراجل ده بيحافظ على البلد
لو سابها ومشى و نفذ اللى بعض الشعب عايزه هتلاقوا امه لا اله الا الله عايزه تمسك الحكم و كله عايز ياكل فيها و هيا والعه كدا لان مصر طول عمرها مطمع لكل الناس
و وقتها احنا بس اللى هنضيع و نستنى بقى التدخل الاجنبى كالعاده اللى هيدخل يحلها بشهامته المعتاده مش ده بردوا اللى درسناه فى التاريخ ولا نسيتوا ؟
ربنا يستر على مصر و يحميها هيا و اولادها و كل الشباب المصريين الصالحين

و ليه كل ما يحصل حاجه نقول مبارك هوا اللى عمل
اللى سيب المساجين هوا وزير الداخليه وادى اجازه للشرطه بعد لما الريس اقال كل الوزراء .. وكلامى ده على اللى حصل قبل خطابه الاخير
اما اللى حصل النهارده فالناس اللى خرجت للتحرير علشان تمشى المتظاهرين بالعنف دول ناس شاغلين فى نزله السمان و شغلهم قائم على السياحه و شغلهم اضرب وهما عايزين يرجعوا شغلهم لان ده موسم السياحه وكلنا عارفين ان ديه اجازه نص السنه لينا كمان
علشان كدا بقول مش كل حاجه تحصل يبقى مبارك اللى بيعمل كدا
و على فكره كل واحد بيعبر عن رأيه بطريقته
يعنى الناس ديه عبروا بطريقه غلط و مينفعش اكون جايه اقول رايى و الزمك انك توافقينى فيه
احنا لينا عقل نفكر بيه اذا كان الكلام اللى بيتقالنا مش منطقى
و فعلا مازال فى خونه فى مصر ولسه مصر منضفتيش 100%
و هقولها تانى ايه المانع اننا نستنى 6 شهور ما احنا مستنين بقالنا 30 سنه
جت على 6 شهور

لو معملش حاجه فى السنين اللى فاتت
يبقى مين عمل انجازات السنين اللى فاتت ديه
ابحثوا على النت عن انجازات مبارك فى ال 30 سنه دول
اذا ملقتوش مشروع شباب مصر للبطاله
و اذا ملقتوش المعاشات اللى زادت
...و هتلاقوا حاجات كتير
هنزلها دلوقتى ان شاء الله
و كمان احنا مستحملنهوش غير عشرين سنه
و من ساعت ما تولدنا و احنا كل مطالبنا ابهاتنا بيجبهولنا
يبقى ايه اللى اثر فينا للدرجه امال اللى متخرجين بقالهم خمس .. عشر سنين يعملوا ايه
و انا ابصم بالعشره ان فيهم ناس كتير بيشتغلوا و عايشين
انا مش بقول ان الريس ده مفيش غيره و انه حلو وكويس
مش ده اللى ااصده .. اللى اقصده ان له حسناته زى ما له سيئاته
و مينفعش شعب مصر يبقى ناكر الجميل بالطريقه ديه

و لو هوا لازق فيها و مش عايز يسيب الكرسى زى ما بيتقال مكنش قال انه مش هيرشح نفسه و انه قضى من الحكم ما يكفى
و مش احنا اللى كلمه تودينا و كلمه تجيبنا لازم نثبت على راي واحد
و انا عايزه الريس يفضل الكام شهر اللى فاضلين
و انا اهو و انتم اهو مؤيدين و معارضين
اذا موفاش باللى قاله محدش هيوقف غضب البلد ديه غير حاجه واحد بس راح فيها اللى قبله
و هوا خايف على البلد و ده واضح ومش علشان تحتيه ناس ما يعلم بيهم الا ربنا اول لما قالهم امشوا علشان ارضى الشعب قلبوا عليه و علينا
و اولهم وزير الداخليه اللى سيب المساجين علينا
البلد لسه فيها خونه خليه يدور عليهم و هوا لسه على الكرسى
قبل ما يسيبوا و سيبنا و بعدين يا عالم مين اللى هيجى بعده و هيعاملنا ازاى و هياخدلنا حقنا ولا لأ
انا نفسى اعيش فى بلد امن زى من قبل اسبوع ونفسى ارجع اعيش جو هادي
و ابويا و ابوكو و اخواتكو و اخواتى يرجعوا ينزلوا الشغل تانى
و نعيش زى باقى البنى ادمين
ولا احنا مستنين الاجانب لما يدخلوا بينا
الحكم محتاج واحد كبير معدى الاربعين سنه علشان يبقى راجل ناضج يعرف يدير مصر كجمهوريه كبيره

( بقاله 30 سنة بيوعد و مبيوفيش و قانون الطوارئ متلغاش )

انجازاته ردت على الكلام ده و خاصه قانون الطوارئ
و شباب مصر رجاله طول عمرهم
الرجوع الى أعلى الصفحة اذهب الى الأسفل
beauty



الموقع : فى بلدى الحبيبه مصر
تاريخ التسجيل : 15/02/2009

مُساهمةموضوع: رد: بحبـــــك يا مصـــــــر    الخميس 03 فبراير 2011, 1:29 am

انجازات مبارك لمن يريد ان يعرف ما انجزه هذا الرجل السياسى

تحرير كل شبر من تراب الوطن مع استعادة السيادة الكاملة علي سيناء‏.‏



عودة العلاقات مع الدول الإسلامية والعربية،‏ وعودة مقر الجامعة العربية للقاهرة‏.‏



‏‏إقامة علاقات دولية متميزة،‏ مكنت من إسقاط نصف مديونية مصر الخارجية‏.‏



‏‏إعادة إحياء القمم العربية بعد انقطاعها منذ الغزو العراقي للكويت بدعوة من مصر عام ‏1996‏ وتقنين دورية انعقاد القمة بمبادرة منها‏.‏



‏قيادة مصر في دعم القضية الفلسطينية عربيا ودوليا ومساندة الشعب الفلسطيني في مواجهة



الاحتلال وتأمين حقوقه المشروعة وصولا إلي قيام دولتهم المستقلة،‏ وعاصمتها القدس‏.‏




‏‏ رعاية اتفاقات أوسلو التي أنشأت السلطة الفلسطينية ومكنت القيادة الفلسطينية برئاسة ياسر عرفات،‏ من العودة إلي الضفة الغربية وغزة،‏ ورسخت مبدأ قيام الدولة الفلسطينية كأساس للتسوية‏.‏






‏‏ التصدي بحسم وبقوة القانون وبتضامن الشعب لقوي الإرهاب لضمان استقرار الوطن وتقدمه‏.‏



‏‏ تدعيم العلاقات مع الاتحاد الأوروبي تحقيقا للتوازن في سياسات مصر الخارجية وإبرام اتفاقية الشراكة المصرية‏-‏ الأوروبية‏.‏



‏‏ تفعيل الإشراف القضائي علي الانتخابات‏.‏



‏‏ إنشاء أول مجلس قومي لحقوق الإنسان‏.‏



‏‏ إلغاء القانون ‏105‏ الخاص بمحاكم أمن الدولة‏.‏



‏‏ إلغاء عقوبة الأشغال الشاقة من التشريع المصري‏.‏



‏‏ إنشاء محاكم الأسرة‏.‏



‏‏ إلغاء معظم الأوامر العسكرية الصادرة طبقا لقانون الطوارئ‏.‏



‏‏ تدعيم تنشيط إطلاق حركة الجمعيات الأهلية‏.‏



‏‏ إقرار حق الخلع للمرأة المصرية‏.‏



‏‏ ضمان تنفيذ أحكام النفقة،‏ بإنشاء صندوق لتأمين الأسرة‏.‏



‏‏ المساواة بين الأب والأم المصرية في حق منح الجنسية للأبناء‏.‏



‏‏ التوسع في المناصب القضائية للمرأة‏.‏



‏‏ تعيين أول قاضية بالمحكمة الدستورية‏.‏



‏‏ حرية التعبير والرأي من خلال‏ 515‏ صحيفة تعمل في مصر،‏ منها‏ 48‏ صحيفة حزبية‏.‏



‏‏ تعديل المادة‏76‏ من الدستور‏؛‏ ليصبح اختيار رئيس الجمهورية عن طريق الانتخاب الحر المباشر،‏ لأول مرة في تاريخ مصر‏.‏



‏‏ إصدار القانون رقم‏ 174‏ لسنة ‏2005‏ بتنظيم انتخابات الرئاسة،‏ ليحدد القواعد لانتخابات حرة ونزيهة‏.‏



‏‏ تعديل قانون تنظيم مباشرة الحقوق السياسية بما يضمن المزيد من نزاهة العملية الانتخابية‏.‏



‏‏ تعديل قانوني مجلسي الشعب والشوري،‏ بما يحقق فاعلية أكبر في أداء البرلمان‏.‏



‏‏ تعديل قانون الأحزاب السياسية بما يعزز الحياة الحزبية‏.‏



‏‏زادت قيمة الصادرات الزراعية من نحو ‏0.5‏ مليار جنيه لتصل لنحو ‏7‏ مليارات جنيه‏.‏



‏3‏ ملايين فدان مستصلحة لتصل بالرقعة الزراعية إلي‏8.3‏ مليون فدان‏.‏



‏‏حرية الفلاح المصري في زراعة وتسعير إنتاجه‏.‏



‏‏ تحرير العلاقة بين المالك والمستأجر‏.‏



‏‏ زيادة قيمة الإنتاج الزراعي بحوالي‏ 16‏ مرة من نحو ‏5.8‏ مليار جنيه إلي ما يقرب من‏91‏ مليار جنيه‏.‏



‏‏ زيادة دعم المعاشات بـ‏22‏ ضعفا من ‏554‏ مليون جنيه إلى ‏11‏ مليار جنيه‏.‏



‏‏ وصل معاش الضمان الاجتماعي ومعاش الطفل إلي نحو مليار جنيه‏.‏



‏‏زاد عدد المؤمن عليهم من نحو‏10.3‏ مليون مواطن إلي‏19‏ مليون مواطن‏.‏



‏‏ زيادة الإنفاق علي الدعم المباشر علي السلع والخدمات من‏2‏ مليار جنيه إلي‏35.4‏ مليار جنيه‏.‏



‏‏ زيادة دعم السلع التموينية من مليار جنيه إلي‏10‏ مليارات جنيه‏.‏



‏‏ زيادة دعم المنتجات البترولية من‏100‏ مليون جنيه إلي أكثر من‏22‏ مليار جنيه‏.‏



‏40‏ مليون مواطن يستفيدون من البطاقات التموينية‏.‏



‏‏ تحول رصيد الميزان الجاري من عجز قدره‏2.3‏ مليار دولار إلي فائض بلغ ‏3.7‏ مليار دولار‏.‏



‏‏ زادت قيمة الصادرات الصناعية‏(‏ بدون البترول ومنتجاته‏)‏ من نحو ‏0.5‏ مليار دولار إلى نحو ‏6.6‏ مليار دولار‏.‏



‏‏ زادت إيرادات قناة السويس من نحو‏909‏ ملايين دولار إلى ‏3.4‏ مليار دولار‏.‏



‏‏ تضاعفت قيمة الصادرات إلي دول الاتحاد الأوروبي في الست سنوات الأخيرة ووصلت إلى نحو‏2.7‏ مليار دولار‏.‏



‏‏ تضاعف إنتاج الغاز الطبيعي منذ بداية التسعينات ليصل ‏23.6‏ مليون طن‏.‏



‏‏ تضاعف احتياطي الغاز الطبيعي أكثر من أربع مرات منذ بداية التسعينات ليصل إلى ‏65‏ تريليون قدم مكعبة‏.‏



‏‏ توقيع بروتوكول إنشاء المناطق الصناعية المؤهلة لتسهيل نفاذ كافة المنتجات المصنعة بهذه المناطق إلى السوق الأمريكية بدون تعريفة جمركية أو حصص كمية أو غير ذلك من قيود‏.
الرجوع الى أعلى الصفحة اذهب الى الأسفل
لولي



تاريخ التسجيل : 29/05/2009

مُساهمةموضوع: رد: بحبـــــك يا مصـــــــر    الخميس 03 فبراير 2011, 2:06 am

كان عنده 30 سنه يغير ويجدد
و الفرصه دي عايزها مش للتجديد دي لاخفاء الادله اللي ممكن تدينه و تنظيم صفوف الشرطه و الامن المركزي و الحرس الجمهوري و الجيش
الرجوع الى أعلى الصفحة اذهب الى الأسفل
لولي



تاريخ التسجيل : 29/05/2009

مُساهمةموضوع: رد: بحبـــــك يا مصـــــــر    الخميس 03 فبراير 2011, 2:08 am

و عموما ربنا ينصر الحق واهله و يخسف الباطل و اهله
قولوا اااااااااااااااااااااااامين
الرجوع الى أعلى الصفحة اذهب الى الأسفل
beauty



الموقع : فى بلدى الحبيبه مصر
تاريخ التسجيل : 15/02/2009

مُساهمةموضوع: رد: بحبـــــك يا مصـــــــر    الخميس 03 فبراير 2011, 3:04 am

ربنا الاعلم بالنوايا يا لولى .. اللى قاله انه هيصلح و هيغير للاحسن

و اعتقد اننا عشنا البطاله الحقيقيه لما ابويا و ابوكم و اخويا و اخوكو و كل الناس تبقى اعده فى البيت
ف نديله الفرصه .. مش هنخسر اد اللى خسرناه فى الاسبوع ده

و ربنا ينصر الحق و يقدملنا اللى فيه الخير
اللهم اصلح الراعى والرعية
اللهم ولى امورنا خيارنا ولا تولى اومورنا شرارنا
اللهم ارنا الحق حق وارزقنا اتبعه وارنا الباطل باطل وارزقنا اجتنابه
...اللهم اعصمنا من الفتن ما ظهر منها وما بطن


الرجوع الى أعلى الصفحة اذهب الى الأسفل
Tota Batota



تاريخ التسجيل : 22/10/2009

مُساهمةموضوع: رد: بحبـــــك يا مصـــــــر    الخميس 03 فبراير 2011, 3:07 am

قولتى انجازات يا بيوتى بس كل حاجه فى الدنيا مميزات وسلبيات ويجب عند ذكر الايجابيات للحق ذكر السلبيات وده اللى نفسي فيه فى التغيير اللى يعمل حاجة سواء غلط او صح ايجابية او سلبية يعترف بيها من باب الاعتراف بالحق فضيلة ومع ذلك الاشهر القادمة هى مجرد القليل من الايام نصبر عليها ونصتبر ونستصبر حتى تمر بسلام افضل من دخول غرباء فى شئونا الداخلية ونرجع نقول ياريت اللى جرى ما كان بتمنى بجد كل اللى نزلوا المظاهرات انتوا كده شكرررررا ليكوا عملتوا كتير اوى بس كفاااااااااااااية الدم اللى بينزل على الارض ده دمنا وبدأنا نضرب فى بعض ده مش فى مصلحتنا وعمر ما كان ده التعبير عن الرأى او حريته؟
مش عايزين نخربها عايزين نعمرها كفاية كده تدمير وسلب و نهب كفاااااااااااية بجد شهور نستحملها وخلاص المفروض الناس تتفرغ للناس اللى هترشح نفسها نشوف البرامج الانتخابية الجديدة علشان نقرر هنختار مين نستعد للجديد بقي والكلام فى اللى فات قلة عقل خدوا حقوقكم بس مش ده وقته كفاااااااااية
الرجوع الى أعلى الصفحة اذهب الى الأسفل
سومه45



تاريخ التسجيل : 13/05/2009

مُساهمةموضوع: رد: بحبـــــك يا مصـــــــر    الخميس 03 فبراير 2011, 3:22 am

ارحل يا ريس
كان فين كل اللي انت عاملته دا من الاول
ولا لازم نقتل في بعض عشان تفوق وتغير الوزارة
البلد تعبت
ممكن اللي ييجي بعد كده اوحش بس احناتعبنا
واهليناوالمصاريف
والشباب اللي مش لاقي ياكل ولا يتجوز
كل دا لسة الريس حاسوا
لما المخدرات ملت البلد
ومفيش لا امن ولا امان
يبقي نستحمل لية

الرجوع الى أعلى الصفحة اذهب الى الأسفل
ننوسه



تاريخ التسجيل : 01/12/2010

مُساهمةموضوع: رد: بحبـــــك يا مصـــــــر    الخميس 03 فبراير 2011, 6:26 pm

احنا مش لازم ننكر انه عمل حاجات كتير وحمى مصر وكفاية ان مصر عايشه في امان من30سنة وكل انسان في الدنيا بيغلط بس احنا دلوقتي لازم نفكر في بلدنا لان باستمرار المظاهرات دي احنا كده بنعطى الفرصة للناس والبلاد الثانية انها تدخل مصر وهو ده اللي هما عاوزينه من زمان فلازم نعقل والناس اللى بتتظاهر ترجع ويشوفوا اللى هيحصل لان مش كل اللي الانسان بيتمناه بيحققه في يوم فنعطي فرصه ونشوف تنفيذ القرارات ونتمني ان كل الناس تدعي ان ربنا يرجع مصر امنة
الرجوع الى أعلى الصفحة اذهب الى الأسفل
beauty



الموقع : فى بلدى الحبيبه مصر
تاريخ التسجيل : 15/02/2009

مُساهمةموضوع: رد: بحبـــــك يا مصـــــــر    الخميس 03 فبراير 2011, 9:38 pm

انا معاكى جدا يا توتا فى اللى قولتيه
و فعلا زى ما قولتى ان فيه مميزات وفيه سلبيات و ده لان مفيش حد كامل
و انا بوافقك فى كلامك و ده كان كلامى بردوا فى ردى السابق
و ربنا يستر بجد علينا
لان دول الغرب بدأت بالتدخل و على رأسهم امريكا و الريس اوباما بيطلب من الريس الرحيل الان
هوا ماله بقى فى الموضوع ده متعرفيش

نستحمل يا سومه .. و ندى فرصه دول 6 شهور .. و الوقت بيعدى بسرعه اصلا ..
نستحمل علشان لو غيرها للاحسن يبقى احنا اللى كسبانين
و اذا مغيرش احنا مش خسرانين حاجه .. اهو هيمشى و يجى بعده
و يارب اللى بعده يبقى احسن منه
و بلاش نعلق اخطاء بعضنا على الريس .. بمعنى ان الريس مجاش ضرب بعض الشباب على ايديهم و قالهم لازم تشربوا مخدرات .. كل واحد عارف كويس ايه الصح و ايه الغلط
و الاكل موجود و ممكن تفتحى التلاجه عندك و انتى تعرفى
و بالنسبه للجواز ف النصيب لسه مجاش علشان نتجوز و يوم ما ربنا بيئذن مفيش حاجه بتقف
و الامور كلها بتمشى بسرعه و بتسهيل رهيب من عند ربنا
بس مش كل الناس راضيه بحالها

يارب يا ننوسه ترجع مصر تعيش فى امن و امان ياااااااااااااارب
الرجوع الى أعلى الصفحة اذهب الى الأسفل
الاميره لولو



تاريخ التسجيل : 19/05/2010

مُساهمةموضوع: رد: بحبـــــك يا مصـــــــر    الخميس 03 فبراير 2011, 11:37 pm

يا جماعه انامش مؤيده ولا معارضه انا عايزه الناس تفهم يعنى ايه امن وسلام مش الرعب اللى عايشين فيه لو كان الريس غلط كتير وكلنا عارفين كده بيحاول يصلح غلطه اصبروا الريس مش ملاك ده بشر زينا وبعدين اذا كنا فالظروف دى وهو موجود والدنيا مقلوبه كده امال لو مشى زيى الناس ما هى عايزه هنبقى عاملين ازاى وبعدين اكيد فى حاجات حلوه عملها مش كله وحش يعنى فكروا شويه شوفوا الخراب اللى حصل فى بلدنا

ياااااااااارب يعم الخير والامان عليكى يا مصر
الرجوع الى أعلى الصفحة اذهب الى الأسفل
لولي



تاريخ التسجيل : 29/05/2009

مُساهمةموضوع: رد: بحبـــــك يا مصـــــــر    الخميس 03 فبراير 2011, 11:42 pm

اذا كنتي باصه ع الخسائر الماديه فلما الشعب ياخد حريته و بقي واثق ف حكومته هيتخطي الخسائر اللي حصلت و يحقق نجاح و هنبقي من الدول الاولي لاننا شعب لا يكل و لا يمل من الشغل و العمل الشاق و الكفاح
لكن لو فضل النظام هيفضل ينهب كل اللي كان بينهب زي الاول بل و اكتر لان خلاص حبه و النظام هيتغير بعدين اذا كان 30 سنه ما غيرش هيلحق يغير ف كام شهر و لا دي ذريعه عشان ياخد الدروه الجديده
الرجوع الى أعلى الصفحة اذهب الى الأسفل
beauty



الموقع : فى بلدى الحبيبه مصر
تاريخ التسجيل : 15/02/2009

مُساهمةموضوع: رد: بحبـــــك يا مصـــــــر    الجمعة 04 فبراير 2011, 12:43 am

بالعقل و المنطق مفيش دوره جديده للريس و الا هتتقلب على دماغه حتى لو كان هوا عايز الكرسى

و اذا كان فى اختيارين يا اما نفضل فى التحرير يا اما نسيبها و نشوف الريس هيعمل ايه

و الشعب انقسم و اللى واضح ان اللى متنفذ ان الشباب اعد فى التحرير

و ده خلف وراه كوارث كتيره و ناس بتروح تضرب و حورارت كبيره

فما المانع ان نجرب الاختيار التانى الا و هوا اننا نسيب التحرير و نشوف الريس هيعمل ايه

و اذا حصل عكس ما وعدنا بيه .. هنجمع صوتنا و هنبقى يد واحده ضد اى بنى ادم يقف فى وشنا

هوا ده مش كلام منطقى بردوا ولا ايه ؟
الرجوع الى أعلى الصفحة اذهب الى الأسفل
Tota Batota



تاريخ التسجيل : 22/10/2009

مُساهمةموضوع: رد: بحبـــــك يا مصـــــــر    الجمعة 04 فبراير 2011, 5:14 am

اضم صوتى لصوتك يا بيوتى بعيدا عن الشخص ذاته عمل اللى عمله احنا داخلين مرحله جديدة
لازم نفكر فيها كويس احنا عايزين ايه بالظبط
نشوف برامج انتخابية جديدة
والناس اللى فى التحرير لو عاوزين يولعوها ويجيبولنا امريكا لحد هنا يبقى دول ايه؟
ردوا انتوا بقى ؟
احنا كده بندى فرصة لناس ملهاش اى قيمة تتحكم فى مصيرنا واذا كان اللى بيسرق وبينهب من بلدنا هيبقى من بره
و اول حاجة هتتسرق ارادتنا اللى احييناها كشعب بلاااااااااااااااش ارجوكم نوصل لكده
شوية صبر وكل واحد عايز حاجة يحطها فى دماغه ولما تطلع البرامج الانتخابية الجديدة يختار اللى هينفذله احلامه
ارجوووووووووووووووووكم شئ من الصبر دول اقل من 200 يوم استحملتوا 30 سنه مش قادرين على على اقل من 200 يوم
ارجوووووووووووووووكم اى حد بيفكر ينزل مظاهرات بكرة يقعد عايزين نفضى التحرير على الناس اللى بتولع فيه عايزين ندى فرصة للامن ياخد وضعه معاهم مش هنستفيد حاجة لو البلد ولعت ولا احتلت ارجوووووووووووووووكم شئ من الصبر
الرجوع الى أعلى الصفحة اذهب الى الأسفل
 
بحبـــــك يا مصـــــــر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: