منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 هاااااااااام لطالبات الفرقة الرابعة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
سومه45



تاريخ التسجيل : 13/05/2009

مُساهمةموضوع: رد: هاااااااااام لطالبات الفرقة الرابعة   الثلاثاء 22 فبراير 2011, 10:50 pm

السلام عليكم ورحمة الله وبركاته

شكرا لحضرتك د/هبه

محاضرات حضرتك كان فيها تعاون ومشاركة وتفاعل بس ده ما استمرش لاخر الترم
لان المحاضرات زادت علينا في باقي المواد والعملي زاد علينا لان احنا مش بناخد مادة واحدة
هناك 6مواد غير المدرسة

وبالنسبة لكلام حضرتك عن التقدم ومجاراة العصر.فهذا لن يتم بالشغل العملي والتكلفة العالية
الان كل التقدم تكنولوجي.وبالنسبة للاتجاهات الحديثه لا تهدف الي التطور الفكري اين التطور الفكري
كل ما يهتم به الدكاترة في العملي هو شكل ومنظر الشغل ليس الا.

اما التقدم لا يحدث الا باحداث التغيير في وجود الروح المعنوية المرتفعة
والتعاون من الدكاترة مع الطلبة والاحساس بهم والعكس
وياريت يكون في اجتماع للدكاترة ويبحثوا فيما يطلب مننا في جميع المواد
وما ياخذ مننا من وقت وجهد وتكاليف في صنع هذه االاشياء

اذا كان الهدف من العلم والتعلم هو انتاج اكبر كم من الوسائل فأين التقدم والتطويير؟
كما ذكرت لحضرتك ان التقدم تكنولوجي له اتجاهات عديده ليس بها كثرة الوسائل وانما افكار الوسائل
اعتذر عن الاطالة

شكرا لمشاركة حضرتك د/هبه

والسلام عليكم ورحمة الله وبركاته
الرجوع الى أعلى الصفحة اذهب الى الأسفل
الفارس النبيل



تاريخ التسجيل : 06/12/2009

مُساهمةموضوع: رد: هاااااااااام لطالبات الفرقة الرابعة   الأربعاء 23 فبراير 2011, 4:25 am

د/ هبة احب اشكر حضرتك على مشاركاتك المتميزة دائما، وفعلا معكى كل الحق فى انه يجب علينا كلنا ان نطرح افكار واراء مثمرة تساهم فى تغيير الكلية الى الافضل ، وانا فعلا ساهمت برآى لكنى اوضحت فيه السلبيات والشكوى دون ان اطرح الحلول والمقترحات التى يمكن ان تنفذوتقضى على هذه السلبيات.. وهذا ايضا خطأ وقعت فيه ان اشكو ولا اضع الحلول ..

ولدى بعض المقترحات وهى:-
1- بالنسبة الى مادتى انتاج وسائل تعليمية ومادة تكنولوجيا التعليم اقترح ان يتم دمجهما مع بعضهما ليسيرا فى خط متوازى بمعنى ان تدرس الطالبة اهم الادوات والاجهزة التكنولوجية الحديثة التى تستخدم مع الاطفال فعلا فى الروضات بحيث تتعلم كيفية التعامل مع كل جهاز وتبدأ فى انتاج الوسائل التعليمية التى تقدم عبر كل جهاز وان تتعلم وتتدرب الطالبة على اهم الوسائل الحديثة التى تستخدم مع الاطفال واهمها من رأيى( الحقائب التعليمية- والبرامج الالكترونية) وان تدرس المعلمة ايضا اهم الخبرات الاجنبية فى مجال انتاج الوسائل وتكنولوجيا التعليم..كما اقترح ان يكون ذلك من الفرقة الاولى اوالثانية..

2- من المفترض ان تكون السكاشن تدريب عملى للطالبة تتابع فيه المعيدة فنيات الشغل العملى مع الطالبة وتناقشها وتقيمها فى كل خطوة وتتدرج معها فى الخطوات خطوة خطوة وتتابع كل طالبة على حدة بحيث تصل الطالبة الى مستوى المهارة المطلوبة وهذا ما لا يتحقق لان المعيدة معزورة فهى تشرف على سكشن مكون من 5 شعب وكل شعبة تتكون من 25 طالبة فكيف ستتابع كل طالبة كيف ستوضح ايجابيات وسلبيات العمل التى تنفذه الطالبة ...
وهنا يجب ان ندرك ان عدد المعيدات بالنسبة لعدد الطالبات فى الكلية قليل وهناك عجز فى اعداد المعيدات ونفاجأ بالكلية تطلب 7 معيدات فقط خلال 3 سنوات قادمة رغم احتياج الكلية ...
فأنا اقترح ان يكون السكشن مكون من شعبة واحدة تشرف عليهم معيدة وان يكون اسلوب السكاشن معتمد على الممارسة العملية والخبرة المباشرة بمعنى لو نفذت الطالبة او مجموعة الشعبة التى تشرف عليهم المعيدة حقيبة تعليمية مثلا فلماذا لا تنزل المعيدة بهذه المجموعة من الطالبات وتقوم باستخدام هذه الحقيبة مع الاطفال فى روضة ما وهنا ستتعلم الطالبة تنفيذ وسيلة وكيفية توظيف هذه الوسيلة فى تقديم المفاهيم المختلفة للاطفال بافضل الاستراتيجيات التعليمية. وبهذا نكون قد ربطنا بين الجانب النظرى والشغل العملى والخبرة المباشرة.. وعندما تعود المعيدة والطالبات الى الكلية تبدا تناقش الايجابيات والسلبيات والتعديل ...

3-كلنا نقول ان المستوى العام للنظافة فى الكلية متدنى ولكن هذا الخطا يقع على الطالبات وعمال النظافة مناصفة
وانا ارى ان الكلية فى حاجة الى زيادة اعداد الدادات والعمال ، وانا جاءتنى فكرة استوحيتها من اللجان الشعبية التى رآيناها فى الشوارع اثناء الثورة وحتى الان ، فأنا اقترح ان تكون هناك من كل فرقة فى الكلية عدد من اللجان المشرفة على نظافة الكلية مكونة من طالبات الفرقة واسماء الطالبات المشاركات فى هذه اللجان تكون معروفة لاعضاء هيئة التدريس وتكون مهمة هذه اللجان توعية الطالبات بوجوب المحافظة على نظافة المكان وبعد ان تنتهى هذه الفرقة مثلا من محاضرة ما وقبل خروج الطالبات تتأكد هذه اللجان من نظافة المدرج والتزام كل الطالبات وان خالفت الطالبة قواعد النظافة تغرم هذه الطالبة اى تدفع غرامة ، وان يتم تكريم هذه اللجان من قبل المسئولين فى الكلية ..

4-فى المبنى الجديد توجد الحمامات غير المستغلة فلابد من فتحها وتنظيفها وتشغيل المياه فيها مع الحرص على نظافة الحمامات الاخرى وتصليح مرافقها التالفة ، كما اقترح بزيادة اعداد الكولديرات وتوزيعها فى اماكن مختلفة بالكلية...

5-اطالبان يكون هناك اكثر من مايك للمدرج الواحد وان يكون لكل مدرج الداتا شو الخاصة به...

انا آسفة على الاطالة واكتفى بهذا بالرغم من كثرة الاقتراحات، ونتمنى ان تناقش هذه الاقتراحات وان نلمس التغيير فى اقرب وقت..
الرجوع الى أعلى الصفحة اذهب الى الأسفل
هند إمبابى



تاريخ التسجيل : 05/10/2009

مُساهمةموضوع: السلام عليكم ورحمة الله وبركاته   الأربعاء 23 فبراير 2011, 4:30 am

السلام عليكم ورحمة الله وبركاته
رداً على ما ذكر مسبقاً ( farfora , jannatو سومة ورونهـ وفرح ...................) على عينى وراسى كل كلامكم وفعلاً دائماً تعاملى معكم ( ومش لوحدى كتير من اساتذتى وزملائى وزميلاتى) ليس من منطلق إنكم إخواتى لكن واللهى كتير فعلاً زى ولادى وده واضح وضوح الشمس وفعلاً من المنطلق ده دائماً أتكلم معاكم وبهذه اللهجة لهجة أم لأولادها أخت كبيرة لاخواتها الصغيرين ، ورغم مرارة(كم الشكوى ) الكلام الذى ذكرتموه إلا أن هناك بارقة أمل jannat ققالت إن ده وقت العمل ( يعنى هى عارفة كويسة إن إحنا فى مركب واحد ولازم كلنا نكون مع بعض فى كل شئ للتغيير ) ولم تفكر فى نفسها بل للأجيال الأخرى التى ستدخل الكلية ( أحييكى وأحيى كل بنت يكون ده مبدأها) ( حب لأخيك ما تحبه لنفسك) farfora وسومة وبقية البنات أنا زيكم فعلاً بأحب الكلية بكل ما فيها ( إنتم واساتذتى وزملائى وزميلاتى وكل شئ ...................) أنا أؤكد زيكم آه زيكم لو مكنتوش بتحبوا الكلية عمركم يا سنة رابعة يا اللى خلاص على عتبة الانتهاء من مرحلة البكالوريوس ما كان يعنيكم أن يحدث لها تغيير ، وإن شاء الله حبنا للكلية ممكن يكون دافع قوى جداً لمحاولة تطويرها ( ممكن حد يسأل وده إيه علاقته بما طرح فى الموضوع " كم الشغل العملى وتكاليفه ..............." لو رجعتم لموضوع د خالد قوائم التغيير ستتأكدوا من كم الارتباط والتكامل بين الموضوعين) وطبعاً بأشكر أساتذتى د هبه على ردها علينا وتأكيدها ودعمها هى ود محمد ود خالد وغيرهم من الزملاء والزميلات ( عشان محدش يزعل) ...........لأهمية قوائم التغيير والتطوير فى الكلية (كلنا مع بعض كلنا لازم نساعد كلنا لازم نتغير ((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)) بعد الانتهاء من ردى هذا عليكم وجدت اقتراحات من الفارس النبيل حلوة وهى أيضاً تؤكد على أن هناك موضوعات مثل النظافة وغيرها تحتاج لأن نغير أنفسنا أولاً ونتكاتف لحها ثانياً اشكرك ( دايماً بأطول معاكم فى الكلام بس معلش على الاطالة ...)
السلام عليكم ورحمة الله وبركاته
الرجوع الى أعلى الصفحة اذهب الى الأسفل
باشا الزمان



تاريخ التسجيل : 04/03/2009

مُساهمةموضوع: رد: هاااااااااام لطالبات الفرقة الرابعة   الأربعاء 23 فبراير 2011, 4:57 am

السلام عليكم ورحمة الله وبركاته
شكر خاص جداااا لكل من الدكتورة هند والدكتورة هبة على تفاعلكم ورأيكم
وشكر ايضا للبنات اللي دخلت وادت رأيها بكل صراحة

د/ هند : حضرتك والله عن ثقة من افضل الدكاترة الموجودين بالكلية مع اني مصادفش انك ادتيني محاضرات قبل كده بس طبعا " سيماهم على وجوههم " بس والله احنا منقصدش ان الكلية وحشة اوي اوي كده مهي لو وحشة كده زي ما حضرتك بتقولي محدش كان قعد فيها من الاصل هي كويسة وزي الفل وكل حاجة بس ناقصها حبة حاجات كده وتبقي 100 فل و70 كمان ومنها ان الشغل العملي يخف على جميع الفرق مش فرقتنا احنا بس .
وبالنسبة للبنات اللي بتقول ان الدكاترة يحطوا نفسهم مكان اهلينا احنا نقصد في المصاريف اللي اهالينا بتصرفها
حضرتك اهلينا بيوصل بيهم الحال انهم يستلفوا !!!!!
طب ما الحل بقي نشوف شغلانة بعد الكلية عشان نقضي على مصاريفنا احسن ؟؟

د/ هبة والله حضرتك وحشتيني جدا ووحشني التربية البيئية جدا والله احنا مش معترضين علي اننا نستخدم المنتدي في عرض المعلومات ونستفاد من بعضنا وبصراحة وبدون مبالغة والله مش عشان حضرتك موجودة مادة التربية البيئية كانت من اكتر المواد المشوقة في محاضراتها جدا لان طريقة عرض المحاضرة كانت مختلفة كتير عن باقي المحاضرات .
واحنا طبعا عارفين ان الدكاترة زيهم زينا عليهم عبئ بس ارجوكم نغير بقي مش كل حاجة وسائل يا جماعة والله بجد ده ملل .
وزي ما حضراتكم عارفين ان التيرم التاني واضح كده انه قصير جدا ومش هنستحمل طبعا كمية الشغل العملي اللي بيبقي مفروض علي سنة رابعة وخاصة التيرم التاني .




والله يا جماعة احنا مش نقصد اي اهانة لاي دكتور احنا بس عاوزين الشغل العملي يتخف علينا رفقة بس بأهلنا ليس الا !!!



اما بقي بعض النقاط اللي اضافتها بعض البنات بخصوص الغياب والكلام ده فدي بصراحة القول مهزلة مهزلة مهزلة وعاوزالها موضوع تاني وكلام تاني بس حاجة حاجة واحدة واحدة


وبس كده

الرجوع الى أعلى الصفحة اذهب الى الأسفل
ايمان اشرف حسان



تاريخ التسجيل : 07/02/2009

مُساهمةموضوع: رد: هاااااااااام لطالبات الفرقة الرابعة   الأربعاء 23 فبراير 2011, 4:59 am

مش اطاله ولا حاجه يا دكتوره هند وفعلا انا بحب الكليه دي جدااااااااااااااااااااااااااااااااااااااااااا وانا معاكي جداااااااااا يادكتوره
هند ان كل واحد فينا لازم يتغير الاول ومعاكي ان اكيد الكليه كلها مش سلبيات قوي كده واكيد كلنا عايزيين نخلي الكليه تتقدم للامام دائما بدكاترتها وبناتها وكل حاجه فيها
واكيد احنا معاكوااا دائما لتصبح كليتنا الافضل
شكرااا لحضراتكم جمييعا
الرجوع الى أعلى الصفحة اذهب الى الأسفل
باشا الزمان



تاريخ التسجيل : 04/03/2009

مُساهمةموضوع: رد: هاااااااااام لطالبات الفرقة الرابعة   الأربعاء 23 فبراير 2011, 5:16 am

طب دلوقتي التغيير ده بيحصل لما يكون فيه عيوب الكلية وعرفنا عيوبها تتغير احنا بقي عيبنا ايه عشان نتغير؟؟
الرجوع الى أعلى الصفحة اذهب الى الأسفل
أطياف



الموقع : غربتى المؤلمة
تاريخ التسجيل : 29/06/2009

مُساهمةموضوع: رد: هاااااااااام لطالبات الفرقة الرابعة   الأربعاء 23 فبراير 2011, 6:15 am

معلش يادكتور هند ساميحنى
حضرتك أكيد عارفة إننا منقصدش حضرتك والله أبدا
وحضرتك عارفة إحنا بنحبك وبنحترمك قد إيه
أنا قلت فى أول كلامى لباشا الزمان"بس مين يسمعك"
لأن فعلا فى حاجات فى الكلية كلنا معترضين عليها بلا شك
كلنا يعنى طالبات وبعض الدكاترة فقط
لأنه فى أوقات فعلا بنكون مضغوطين فيها جدا وبرده بعض الدكاترة بيشوفو ده وفعلا بيتمنو يساعدونا
أنا والله ما قصدت من كلامى حضرتك ولا الدكاترة الأفاضل إللى كلنا بنحبهم
لأن حضراتكم دايما بتسمعونا لكن أنا قصدت حاجات تانية خالص داخل الكلية
وإن شاء الله من خلال طرح دكتور خالد لموضوع الثورة وقوائم التغيير فى الكلية
أعتقد هنا الأمور وهتوضح ومطالبنا إللى هى واحدة هتوصل
أعتذر لحضرتك على سوء توصيل المعلومة وأشكرك جدا على الرد مع إنه ده المتوقع من إنسانة جميلة زى حضرتك
الرجوع الى أعلى الصفحة اذهب الى الأسفل
الوفاء النادر.



تاريخ التسجيل : 15/01/2011

مُساهمةموضوع: رد: هاااااااااام لطالبات الفرقة الرابعة   الإثنين 28 فبراير 2011, 9:31 pm

شكرا يا دكتوره هند علي العموم احنا منظرين المزيد واحنا ولادكوا واختوكوا الصغيرين
الرجوع الى أعلى الصفحة اذهب الى الأسفل
دكتور خالد النجار



تاريخ التسجيل : 23/02/2009

مُساهمةموضوع: رد: هاااااااااام لطالبات الفرقة الرابعة   الثلاثاء 01 مارس 2011, 5:28 am

طالباتي الاعزاء
السلام عليكم ورحمة الله وبركاته وبعد
قرأت جميع المداخلات وامعنت فيها التفكير وحاولت ان استطلع الواقع الذي نعيش فيه ومدى امكانية التغيير المأمول وقد يدهشكم بعض مما ساقول
اولا: اني لا استطيع ان اصف لكم مقدار سعادتي بكل ما دار من حوارات بل ارحب بكل ما جاء فيها حتى من تلك الطالبات الذين استخدموا مفردات قاسية الى حد ما فأنا اؤمن بأن تحديد ورصد السلبيات والتعبير الصريح والمباشر عنها هو احد سبل الحل والعلاج....لذلك اقول الايجابيات لايجب ان نثني عليها لأنها من المفترض ان تكون قاعدة وليست الاستثناء.
ثانيا: اتمنى ان تتمادوا في التعبير عن السلبيات بل علينا ان نواجهها ونواجه اصحابها ونبذل اقصى الجهد لمنعها عملا بحديث الرسول الكريم انصر اخاك ظالما او مظلوما والمعنى ان نمنع الظالم عن ظلمه.
ثالثا: الوضع الحالى في الكلية ليس مستعدا لنقاش ماورد في حواراتكم وقد اطلب منكم وعبر هذا المنتدي بأن تطالبون بلقاء مع عميد الكلية اول ايام الدراسة وبحضور اعضاء هيئة التدريس بالكلية واتمنى ان هذا الطلب يكون مهذب وعدد غير قليل يؤيده.
رابعا: ان التغيير سيكون له ردة فعل تمثل مقاومة للتغيير وبالنالي فان التغيير سيتطلب مواجهة وقد يكون هناك ضرر يصيب البعض وهذه ضريبة طبيعية لي تغيير
خامسا: التغيير يفرض لا يطلب

تحياتي وتقديري
الرجوع الى أعلى الصفحة اذهب الى الأسفل
ايمان اشرف حسان



تاريخ التسجيل : 07/02/2009

مُساهمةموضوع: رد: هاااااااااام لطالبات الفرقة الرابعة   الثلاثاء 01 مارس 2011, 8:29 am

شكرااااااااااااااااااا لحضرتك ولتشجيع حضرتك لينا وهذا هو المتوقع من حضرتك لان حضرتك وجميع الدكاتره الافاضل هم دائما من يريدوا الارتقاء بالكليه وبمستواها ويدفعونا للامام.
وفعلا احنا محتاجين ان السلبيات اللي في الكليه تتغير علشان نحس فعلالا اننا احدثنا تغير ليس في بلدنا فقط ولكن في كليتنا ولنحس ايضا ان اراءناواحلامنا تتحقق وتاخذ في عين الاعتبار
وانا اول من يطالب بأن يتم عقد اجتماع بين الطلبه والعميد ويحضره جميع اعضاء هيئه التدريس لنوضح فيه اراءنا بكل حريه واكيد في حدود الاحترام ونسمع اراء العميد وحضراتكم فيما سوف يقال وما الذي سوف يتحقق منه لاننا نحتاج ان يتم التغير دائما وباستمرار حتي لايصبح ما نفعله مجرد روتين.
الرجوع الى أعلى الصفحة اذهب الى الأسفل
roka mohammed



تاريخ التسجيل : 09/03/2011

مُساهمةموضوع: رد: هاااااااااام لطالبات الفرقة الرابعة   الإثنين 28 مارس 2011, 10:44 pm

يا بنات حد يعرفني ازاي اكتب او انزل موضوع عالمنتدى لو سمحتم
الرجوع الى أعلى الصفحة اذهب الى الأسفل
lovely.sosa



الموقع : في عشي الصغنون
تاريخ التسجيل : 24/04/2009

مُساهمةموضوع: رد: هاااااااااام لطالبات الفرقة الرابعة   الثلاثاء 29 مارس 2011, 2:48 am


غاليتي roka

بالرغم من أننا هنخرج عن الموضوع


لكن أعتذر إلي كل المشاركين في هذا الموضوع لأني هجاوب علي سؤالك


أنتي عشان تشاركي بموضوع هتلاقي في أي موضوع تدخلية في المنتدي كلمة فوق إسمها موضوع جديد
بالشكل دة










وبعدين هيظهر الصفحة دي تكتبي الموضوع اللي أنتي عايزاة زي كدة

وبعدين تضغطي إرسال اللي تحت الصندوق الأبيض اللي قدامك دة

وهتلاقي الموضع تم إضافتة في المنتدي اللي أنتي إختارتي منه إضافة موضوع في الإول

وعندك في أول الصورة مجموعة من الأوبشنز عشان تغيري نوع الخط أو اللون زي ما تحبي

وأتمني أن أكون أفدتك

دمتي بحفظ الله



الرجوع الى أعلى الصفحة اذهب الى الأسفل
سيف الحق



تاريخ التسجيل : 26/07/2011

مُساهمةموضوع: رد: هاااااااااام لطالبات الفرقة الرابعة   الجمعة 29 يوليو 2011, 2:25 am

نعم
الرجوع الى أعلى الصفحة اذهب الى الأسفل
إيمان محمد محمد رشوان



تاريخ التسجيل : 01/04/2009

مُساهمةموضوع: رد: هاااااااااام لطالبات الفرقة الرابعة   السبت 24 سبتمبر 2011, 3:46 am

مساء الخير عليكم كلكم وكل سنة وانتم طيبيين ويارب سنة سعيدة عليكم وعلينا وعلى أمة الاسلام ، ان شاء الله السنة دي أكيد هتبقى مختلفة ، مختلفة بكم وبنا ، وخاصة بعد أحداث الثورة المجيدة أكيد أسلوبكم في الكلام مختلف طريقتكم في الحوار مختلف ردكم على الاسئلة الموجهه لكم مختلف كل شئ اختلف والجميل انه اختلف بالأدب والخلق والحكمة والاسلوب المهذب ، سيبكم بقى من أي شئ كان خارج نطاق الادب والذوق ولكن في الاجمال كنتم جميعا رائعون وأرجو أن نستمر على هذا المنهاج وهذا الكلام لكل الفرق وليس لفرقة بعينها وأنا كأخت أكبر لكم أنصحكم بالالتزام في كل شئ وأن تحافظوا على كليتكم فهي أمانة بين أيديكم . وأحبوا بعضكم. وشكرا لكم

أستاذة إيمان رشوان
الرجوع الى أعلى الصفحة اذهب الى الأسفل
بكرة احلى



الموقع : فى بيتنا
تاريخ التسجيل : 09/07/2011

مُساهمةموضوع: رد: هاااااااااام لطالبات الفرقة الرابعة   الثلاثاء 27 سبتمبر 2011, 1:31 am

انا معاكوا يا بنات وانا ف الفرقة الثالثة وخايفين قوى من ضغط العملى
والفلوس الكتير اللى بنصرفها وف الاخر بيصفرونا ف الامتحان
او يقطعوا الشغل ده غير الاحباط النفسى
الرجوع الى أعلى الصفحة اذهب الى الأسفل
كيداهم



تاريخ التسجيل : 19/01/2012

مُساهمةموضوع: رد: هاااااااااام لطالبات الفرقة الرابعة   الأحد 22 يناير 2012, 11:23 pm

هو اية الرقم الموحد في النتيجة
الرجوع الى أعلى الصفحة اذهب الى الأسفل
 
هاااااااااام لطالبات الفرقة الرابعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: الفرقة الرابعة-
انتقل الى: