منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 مجلس وزراء جمهورية طرة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nesmty



الموقع : فى الدنيا
تاريخ التسجيل : 21/03/2010

مُساهمةموضوع: مجلس وزراء جمهورية طرة   الثلاثاء 01 مارس 2011, 4:58 am

يقترب الان مجلس وزراء مزرعة طرة من الاكتمال بعد ان انضم الية الوزير انس الفقى يعنى مجلس وزراء مصغر او مجلس وزراء طوارىء ففى هذا المجلس وزير الداخلية و وزير الاعلام و وزير الاسكان و وزير السياحة دة غير قائد التنظيم احمد عز يا ترى هل يصح انعقاد المجلس ام ينتظرون تشريف نظيف و عبيد ؟
فى كل الاحوال تخيلوا معى هذا الاجتماع :
العادلى :اهلا يا انس ..... شرفت يا حبيبى و انست !
المغربى : كدة بقى نعمل حكومة المزرعة ........ و نعيش حياتنا !
الفقى :نعيش حياتنا فين ؟....انا لا يمكن اسكت ..... هاتصل بكل فضائيات العالم !
جرانة :يعنى هو انت بس الى شريف !
عز :لازم نقدر يا جماعة .....السكينة لسة سارقاة ...... بكرة يهدى !
العادلى : مش عايزين نختلف دلوقتى لازم نفكر مع بعض !
المغربى :نفكر فى اية ؟..... تيجى نقلب نظام الحكم ؟!
الفقى : انا جاهز معاكم بالروح و الدم !
جرانة :طيب اشرب عشان ....علشان تروق كدة ؛ و بعدين نفكر كويس !
العادلى :فكرة المغربى بتاعة الحكومة دى ظريفة ....ما تنسوش احنا وزراء برضة !
المغربى : انتو فاكرنى باهزر .... لازم يبقى فى حكومة .....و لازم يكون لينا دور مهم هنا !
عز : انا مش معاكم .... انا غلباااااااااااااااااااان !
الفقى : غلبان .... انت عارف احنا هنا كلنا بسببك .... خربت البلد و ضيعت سيادة الريس !
عز : و بعديييييين ؟.... يا ابنى اعقل الريس راح و جمال راح ..... و احنا كمان اللة يرحمنا !
العادلى : كفاية بقى ....و الا واللة احطكم فى السجن ....هههههههه !
جرانة :هو نظيف حيزورنا امتى ؟.... الاجتماع ما ينفعش من غيرة !
المغربى : ما تقلقش ..... كلها ساعات و تجتمع الحكومة بكامل هيئتها !
عز : ايوة .... لازم كامل هيئتها ..... عندى تقرير عن الجطة و الموازنة !
العادلى : و انا بصفتى اقدم الوزراء هادير الحكومة لحين وصول نظيف او عبيد !
المغربى :بيقولوا علينا اية يا انس ؟....الصحف اكيد بتشتمنا و تلعنا !
عز :ماطمرش فيهم الاعلانات .... و ماطمرش فيهم المعروف ... كلهم منافقين !!!
جرانة :قابلوك كويس يا انس .... عملوا لك زفة معتبرة زينا ؟
االعادلى :لا اصلة جية بالليل .... و بعدين احنا حنضيع وقتنا فى كلام فارغ !
الفقى :عايزين اول شىء نسيطر على مبنى الاذاعة .... و نعلن جمهورية طرة المستقلة !
جرانة :دة بقى لو حصل .... هاعمل برامج سياحية مجانية للنزلاء !
المغربى :لازم نبنى شقق اقل شىء مساحتها 200 متر ... انا اتخنقت من الزنزانة دى !
العادلى ك شايفك ساكت يا عز ...مفيش حديد مجانا .... طن لكل مواطن فى طرة ؟!
عز: يا ريت بس ربنا يفكها ....ندرا عليا اخلى الحديد بسعر التراب و الندر امانة !
الفقى ك طيب و انت يا عادلى بية حتعمل اية ؟
المغربى : حلوة يا عدلى بية دى .. احنا لسة حنعيد البهوية و البشاوية ؟
العادلى : خلاص دة كلة لازم يروح الجمهورية الجديدة .... حرية و عدل !!
عز : يعنى مفيش فتنه طائفية .... ولا كلام فارغ عن الارهاب و الطوارىء !
جرانة : ايوة شوية حرية بقى عايزين نكفر عن ذنوبنا !
الفقى : طيب و الاعلام ....لازم يكون واقعى ...... بلاش تعليمات تانى !
عز : يبقى لازم حد تانى يعمل الحاجات دى !
الجميع : ليييييييييييييييييييييييييييييييية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعز : علشان مش هنعرف نعمل غير الى كنا بنعملة !
العادلى : يبقى لازم ناأجل المجلس دة حتى تكتمل صفوف الحكومة فى جمهورية طرة و نقرر ساعتها حنعمل اية ؟

( يا ترى مين الى علية الدور للانضمام الى هذا المجلس المبارك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)
الرجوع الى أعلى الصفحة اذهب الى الأسفل
 
مجلس وزراء جمهورية طرة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: للبنـــات :: دردشة بنات-
انتقل الى: