منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 من أخت لاخواتها البنات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ولاء شعبان



تاريخ التسجيل : 07/07/2009

مُساهمةموضوع: من أخت لاخواتها البنات    الأحد 13 مارس 2011, 11:38 pm

السلام عليكم ورحمة الله وبركاته
كل سنة وإنتم طيبين ويارب يكون ترم سعيد علينا وعليكم كلكم يارب
بداية احب اقولكم ان الرسالة دى بناء على طلب بعض بنات الكلية منى كمعيده فى الكلية
حبيب ان اشارك واقول رايى فى اللى بيحصل ده بغض النظر عن اى حاجه
يا جماعة بجد لازم تخلو بالكم ان الترم ده قصير اوى وبيجرى بسرعة اوى
وحاولوا انكم تلتزموا فى الدراسة وتبطلوا اللى بيحصل ده
لان والله والله فى ناس ليها مصالح شخصية كتيررررررررة اوى من ورا اللى بيحصل ده ومبسوطين بيه جداااااااا
وان كان عندكم اعتراض على اى حاجه فى الكلية فخلاص كلها كام شهر والسنة تخلص
وبعدين التغيير عمره ما بيتم من يوم وليلة
والله كله بياثر عليكم انتم وعلى مستقبلكم ودراستكم بالكلية
وحولوا انكم متخلوش اى حد مهما كانت سلطته عليكم انه يقويكم على اللى بتعملوه ده
لانكم انتم الضحيه فى الاول والاخر
وكمان فيكم ناس كتير بتعترض على ما يفعله البعض منكم
وبعدين ده كده مش اصلاح خالص بالعكس تماماً
وكليتنا ده بيتنا التانى فحاولوا انكم تحافظوا عليها لإنها أمانه واللى بيحصلها ده بياثر عليكم قبل ما بياثر على اى حد تانى
فارجوكم يعنى خلوا بالكم كويس اوى وانتم طبعا عندكم وعى كبير وكلنا عرفين بس ده مجرد رجاااااء من أخت ليكم خيفه عليكم
الرجوع الى أعلى الصفحة اذهب الى الأسفل
نانا



الموقع : من امام الجهاز
تاريخ التسجيل : 24/02/2009

مُساهمةموضوع: رد: من أخت لاخواتها البنات    الإثنين 14 مارس 2011, 1:06 am

السلام عليكم ورحمه الله وبركاته

اولا : منورة المنتدى يا قمر بجد وحشتيييييييينا ليه مش بتدخلى بقالك فترة ؟؟

ثانيا : انا مستغربه اوى رأيك فى اللى بيحصل وخاصة انك بتقولى ان فى ناس ليها مصالح شخصيه ؟؟؟؟ زى ميين ؟؟؟؟

وازاى ده هيأثر علينا ؟؟؟ وعلى الكليه ؟؟؟

يعنى هى قبل كده كانت كويسه ؟؟؟

ده غير اننا اتعرضنا للاهانة والتجريح .......نسكت على كده برضو ؟؟؟؟

بجد مبقتش فاهمة اى حااااااااااااااااااجه ولا بقيت اثق فى اى حد والله حراااااااااااااااااااااااام مبقناش عارفين مين معانا ومين علينا مبقناش عارفين ده صح ولا غلط انا

خلاص جالى احباااااااااااااااااااااط وعاوزة حد يقعد معايا ويفهمنى قبل ما اتجنن affraid

ولاء شعبان كتب:

وحاولوا انكم تلتزموا فى الدراسة وتبطلوا اللى بيحصل ده
لان والله والله فى ناس ليها مصالح شخصية كتيررررررررة اوى من ورا اللى بيحصل ده ومبسوطين بيه جداااااااا
والله كله بياثر عليكم انتم وعلى مستقبلكم ودراستكم بالكلية
وحولوا انكم متخلوش اى حد مهما كانت سلطته عليكم انه يقويكم على اللى بتعملوه ده
لانكم انتم الضحيه فى الاول والاخر
وكمان فيكم ناس كتير بتعترض على ما يفعله البعض منكم
وبعدين ده كده مش اصلاح خالص بالعكس تماماً
وكليتنا ده بيتنا التانى فحاولوا انكم تحافظوا عليها لإنها أمانه واللى بيحصلها ده بياثر عليكم قبل ما بياثر على اى حد تانى
الرجوع الى أعلى الصفحة اذهب الى الأسفل
http://kg-cu.ahlamontada.net/forum.htm
راجية الجنة



الموقع : الغابة
تاريخ التسجيل : 08/03/2009

مُساهمةموضوع: رد: من أخت لاخواتها البنات    الإثنين 14 مارس 2011, 2:08 am

اقتباس :
السلام عليكم ورحمة الله وبركاته


وعليكم السلام ورحمة الله وبركاته


اقتباس :
كل سنة وإنتم طيبين ويارب يكون ترم سعيد علينا وعليكم كلكم يارب

وحضرتك طيبة


اقتباس :
بداية احب اقولكم ان الرسالة دى بناء على طلب بعض بنات الكلية منى كمعيده فى الكلية
حبيب ان اشارك واقول رايى فى اللى بيحصل ده بغض النظر عن اى حاجه

أريد أن أفهم هل الرسالة بناء على طلب وكلام بعض البنات أم لأن حضرتك تحبين مشاركتنا وإبداء وجهة نظرك

لأن هناك فرق كبير بين الاثنين



اقتباس :
يا جماعة بجد لازم تخلو بالكم ان الترم ده قصير اوى وبيجرى بسرعة اوى
وحاولوا انكم تلتزموا فى الدراسة وتبطلوا اللى بيحصل ده


بالتأكيد البنات يعلمون أن هذا التيرم قصير جداً وقد بدأوا بالفعل بالانتظام بالدراسه والالتزام به

ولكن لدي سؤال ما هو (( اللي بيحصل ده؟؟ scratch ))



اقتباس :
لان والله والله فى ناس ليها مصالح شخصية كتيررررررررة اوى من ورا اللى بيحصل ده ومبسوطين بيه جداااااااا


لقد حلفتي حضرتك بالله مرتان لهذا أتمنى أن تكوني واثقه مما تقولين وإلا سيكون هذا بمثابة قذف

لهؤلاء الأشخاص الذين أرجو أن تذكري لي أسماءهم لأنني لم أعرفهم حتى الآن scratch

وكما يعلم الجميع عقوبة القذف تكون كبيرة عند الله سبحانه وتعالى فأرجو أن يكون كلام حضرتك على بينة

لأنني أحبك في الله ولا أريد أن يعاقبك الله Rolling Eyes



اقتباس :
وان كان عندكم اعتراض على اى حاجه فى الكلية فخلاص كلها كام شهر والسنة تخلص


هل تقصدين حضرتك أن نعدي هذه الفترة بالطول أو العرض

بالذل أو الإهانه

وهل تعتقدين أنه هناك مجال للرجوع إلى الخلف؟؟؟؟

وإن عدنا إلى الخلف هل تضمنين لنا تيرم هادئ كريم محترم؟؟؟

هل تضمنين تحقيق العدل والمساواة؟؟؟

وهل تضمنين أننا لن نجلس لسنوات أخرى؟؟!!

وهل تضمنين لمن بعدنا من دفعات معاملة آدمية كريمة وإنسانية؟؟

هل ؟ وهل ؟ وهل؟ Question


اقتباس :
وبعدين التغيير عمره ما بيتم من يوم وليلة


التغيير ممكن يتم بين يوم وليلة وممكن أكثر ولكن اعادة البناء قد تحتاج لبعض الوقت

وهو ليس بكثير إذا ما كان هناك تعاون




اقتباس :
والله كله بياثر عليكم انتم وعلى مستقبلكم ودراستكم بالكلية


كرامة وضاعت...

صحة ورااااحت....

تعب وتعبنا.......

مجهود وبذلنا.......

إهانة واتهانا..........

........إلخ

فهل هناك تأثير أكثر من هذا؟؟؟ Neutral Question Exclamation

وهل اذا توقفنا الآن سيكون حالنا أفضل؟؟؟

أم سيتربص بنا كل من كنا نعارضهم؟؟؟ No



اقتباس :
وحولوا انكم متخلوش اى حد مهما كانت سلطته عليكم انه يقويكم على اللى بتعملوه ده
لانكم انتم الضحيه فى الاول والاخر


لا يوجد من لديه سلطة علينا سوى الله

ومن يقوونا أشخاص نثق بهم كثيراً ونحترمهم جداً من البداية قبل وبعد الثورة

وهم يقوونا على التمسك بحقوقنا وبالمعاملة الإنسانية والآدمية

فلماذا نكون نضحية scratch هل تشرحين لي أكثر؟ Question Exclamation



اقتباس :
وكمان فيكم ناس كتير بتعترض على ما يفعله البعض منكم


فليواجهونها ويتحدثوا معنا بالحجة فإما يقنعونا أو نقنعهم Wink



اقتباس :
وبعدين ده كده مش اصلاح خالص بالعكس تماماً


كيف ذلك scratch هل توضحين لي أكثر؟؟ Question Exclamation



اقتباس :
وكليتنا ده بيتنا التانى فحاولوا انكم تحافظوا عليها لإنها أمانه واللى بيحصلها ده بياثر عليكم قبل ما بياثر على اى حد تانى


بالتأكيد فنحن لم نقوم بتفجيرها ولكن نطالب فقط بإصلاحها

لماذا المطالبة بالإصلاح تأتي علينا بالسوووء والضرر؟؟ scratch



اقتباس :
فارجوكم يعنى خلوا بالكم كويس اوى وانتم طبعا عندكم وعى كبير وكلنا عرفين بس ده مجرد رجاااااء من أخت ليكم خيفه عليكم



ان شاء الله هناخد بالنا

والحمدلله ان حضرتك شاهده اننا عندنا وعي يعني مش تافهين ولا متخلفين scratch

وأنا أقدر جداً خوف حضرتك علينا

بس ممكن حضرتك تقوليلي هنخسر إيه أكتر؟؟ scratch




دمتي بحفظ الرحمن
الرجوع الى أعلى الصفحة اذهب الى الأسفل
lana



تاريخ التسجيل : 15/12/2009

مُساهمةموضوع: رد: من أخت لاخواتها البنات    الإثنين 14 مارس 2011, 2:41 am

حياكي الله وحفظكي راجية الجنة
بجد ده الرد الي انا كنت عاوزة اقوله
اسلوبك جيد وقوي
وانا معاكي في كل كلمه قولتيها
الرجوع الى أعلى الصفحة اذهب الى الأسفل
baby_lolo



تاريخ التسجيل : 21/03/2010

مُساهمةموضوع: رد: من أخت لاخواتها البنات    الإثنين 14 مارس 2011, 3:20 am

وانا كمان معاكي ياراجيه ماكنتش متوقعه من حضرتك تقولي كده ؟؟؟؟
الرجوع الى أعلى الصفحة اذهب الى الأسفل
zandy



الموقع : بايتين في الكية
تاريخ التسجيل : 18/03/2009

مُساهمةموضوع: رد: من أخت لاخواتها البنات    الإثنين 14 مارس 2011, 3:44 am

السلام عليكم ورحمة الله وبركاته
حبيت بس أبتدي بقول الله تعالي ورسوله "الساكت عن الحق شيطان أخرس" (قبل أي حاجة اللي مش متأكد أن هذا الكلام ينسب لقول الرسول وانه حديث ضعيف يروح يسأل أي مفتي أو يبحث في جوجل)...



مع إحترامي الكبييييييير لحضرتك و قد ايه أنا بحبك أيا كان رأي حضرتك في اللي بيحصل مع إني مندهشة جدااااااا من الكلام ده نظرا لأن حضرتك مبقالكيش كتيير سايبة نفس المرحلو اللي احنا فيها دلوقتي ومأظنش نهائي إن حضرتك نسيتي أبدا كل اللي كان بيحصل _ولحد دلوقتي_ فينا من ذل ومهانة وعدم احتراام _ويااااريت بيقتصر انه لينا بس لأ ده بقي أهلينا كمان مش محترمة واحنا جايين من بيئة كذا وكذا_ مش هدخل في تفاصيل لأن كل التفاصيل بتتكلم عنها من غير ما حد يحاول أصلا م من بعيد انه يشير ليها


قبل أي حاجة أحب أقول لحضرتك ز\وزي ما ذكرت قبل كدا اني قد ايه بحترمك احتراام شديد جداااا بس ده ميمنعش ان أنا وكل البنات _الأغلبية المعارضة _ مش مع كلام حضرتك نهائي ومفتكرش ان أي حد شريف أو خايف علي مصلحة الكلية دي ومحترم أوي وحاسس بكل البنات دي _بتكلم عن 1000بنت _ يجي يطلب من حضرتك اخمااد كل اللي بيحصل ده لأن صدقيني حضرتك ان كل الناس اللي قالتلك أو وصلتلك الكلام ده ومظنش انهم بيمثلوا عدد أصلا يذكر لنتحدث عنه (( إن هما دوول الناس الوحيده اللي ليهم مصلحة لسة يطبلوا للدكاترة لمجرد ياعيني انهم خاايفين ان ضرر يمسهم و أكييييييد مصالح تانية كتيير مقدرش أعدها ودماغي متقدرش تتوصلها (( لأنني ببساطة أنا والكثير غيري لسنا بهذا الكم من الخبث والدهاء عشان نتعرف علي اللي كل اللي هما عايزينه)) .... حبيت أوضح لحضرتك نقطة بسيطة ان انهارده كل البنات فعلا من كل الفرق _ما عدا القلة بنات الفرقة الأولي_ ((قصدي بنات الفرقة اللي معمولهم غسيل مخ )) كنا اييد واحدة وهنفضل نحااارب لحد ما ((بعون اللة وحفظه ورعايته )) قريييب جدا مطالبنا كلها هتتحقق أحب أقووول اني الحمد لله عملت انهارده احصاء للعد المؤيد لما يحدث وسيشاركنا بدءا من اليوم كل المطالبات و الحتجاجت لتنفيذ مطالبنا إنهم تقريبا معظم بنات الكلية خلاص مفيش أي حد يقدر يحبطا وبعون الله عز وجل وبوقفة أعظم الدكاترة اللي كلنا نعشقهم ونحترمهم بجانبنا تماماااااا انتظروا مننا قريبا في دووور العرض ((إنتــــــــــــــصاار طالبات رياض الأطفال )) علي كل المهازل والظلم الذي كاان يهيمن علي أرجاء الكلية ويشملهااا...... والسلام عليكم ورحمه الله وبركاته
الرجوع الى أعلى الصفحة اذهب الى الأسفل
baby_lolo



تاريخ التسجيل : 21/03/2010

مُساهمةموضوع: رد: من أخت لاخواتها البنات    الإثنين 14 مارس 2011, 4:16 am

ربنا يعينك ومستنيين ف دور العرض ربنا معاكم
الرجوع الى أعلى الصفحة اذهب الى الأسفل
zandy



الموقع : بايتين في الكية
تاريخ التسجيل : 18/03/2009

مُساهمةموضوع: رد: من أخت لاخواتها البنات    الإثنين 14 مارس 2011, 5:58 am

السلام عليكم ورحمة الله وبركاته
حبيت بس أبتدي بقول الله تعالي ورسوله "الساكت عن الحق شيطان أخرس" (قبل أي حاجة اللي مش متأكد أن هذا الكلام ينسب لقول الرسول وانه حديث ضعيف يروح يسأل أي مفتي أو يبحث في جوجل)...



مع إحترامي الكبييييييير لحضرتك و قد ايه أنا بحبك أيا كان رأي حضرتك في اللي بيحصل مع إني مندهشة جدااااااا من الكلام ده نظرا لأن حضرتك مبقالكيش كتيير سايبة نفس المرحلو اللي احنا فيها دلوقتي ومأظنش نهائي إن حضرتك نسيتي أبدا كل اللي كان بيحصل _ولحد دلوقتي_ فينا من ذل ومهانة وعدم احتراام _ويااااريت بيقتصر انه لينا بس لأ ده بقي أهلينا كمان مش محترمة واحنا جايين من بيئة كذا وكذا_ مش هدخل في تفاصيل لأن كل التفاصيل بتتكلم عنها من غير ما حد يحاول أصلا م من بعيد انه يشير ليها


قبل أي حاجة أحب أقول لحضرتك ز\وزي ما ذكرت قبل كدا اني قد ايه بحترمك احتراام شديد جداااا بس ده ميمنعش ان أنا وكل البنات _الأغلبية المعارضة _ مش مع كلام حضرتك نهائي ومفتكرش ان أي حد شريف أو خايف علي مصلحة الكلية دي ومحترم أوي وحاسس بكل البنات دي _بتكلم عن 1000بنت _ يجي يطلب من حضرتك اخمااد كل اللي بيحصل ده لأن صدقيني حضرتك ان كل الناس اللي قالتلك أو وصلتلك الكلام ده ومظنش انهم بيمثلوا عدد أصلا يذكر لنتحدث عنه (( إن هما دوول الناس الوحيده اللي ليهم مصلحة لسة يطبلوا للدكاترة لمجرد ياعيني انهم خاايفين ان ضرر يمسهم و أكييييييد مصالح تانية كتيير مقدرش أعدها ودماغي متقدرش تتوصلها (( لأنني ببساطة أنا والكثير غيري لسنا بهذا الكم من الخبث والدهاء عشان نتعرف علي اللي كل اللي هما عايزينه)) .... حبيت أوضح لحضرتك نقطة بسيطة ان انهارده كل البنات فعلا من كل الفرق _ما عدا القلة بنات الفرقة الأولي_ ((قصدي بنات الفرقة اللي معمولهم غسيل مخ )) كنا اييد واحدة وهنفضل نحااارب لحد ما ((بعون اللة وحفظه ورعايته )) قريييب جدا مطالبنا كلها هتتحقق أحب أقووول اني الحمد لله عملت انهارده احصاء للعد المؤيد لما يحدث وسيشاركنا بدءا من اليوم كل المطالبات و الحتجاجت لتنفيذ مطالبنا إنهم تقريبا معظم بنات الكلية خلاص مفيش أي حد يقدر يحبطا وبعون الله عز وجل وبوقفة أعظم الدكاترة اللي كلنا نعشقهم ونحترمهم بجانبنا تماماااااا انتظروا مننا قريبا في دووور العرض ((إنتــــــــــــــصاار طالبات رياض الأطفال )) علي كل المهازل والظلم الذي كاان يهيمن علي أرجاء الكلية ويشملهااا...... والسلام عليكم ورحمه الله وبركاته
الرجوع الى أعلى الصفحة اذهب الى الأسفل
UnknoOown Girl



تاريخ التسجيل : 12/03/2009

مُساهمةموضوع: رد: من أخت لاخواتها البنات    الإثنين 14 مارس 2011, 7:12 am

ولاء شعبان كتب:
السلام عليكم ورحمة الله وبركاته
كل سنة وإنتم طيبين ويارب يكون ترم سعيد علينا وعليكم كلكم يارب
بداية احب اقولكم ان الرسالة دى بناء على طلب بعض بنات الكلية منى كمعيده فى الكلية
حبيب ان اشارك واقول رايى فى اللى بيحصل ده بغض النظر عن اى حاجه
يا جماعة بجد لازم تخلو بالكم ان الترم ده قصير اوى وبيجرى بسرعة اوى
وحاولوا انكم تلتزموا فى الدراسة وتبطلوا اللى بيحصل ده
لان والله والله فى ناس ليها مصالح شخصية كتيررررررررة اوى من ورا اللى بيحصل ده ومبسوطين بيه جداااااااا


السلام عليكم ورحمه الله وبركاته..

كل سنه وحضرتكـ طيبه استاذ ولاء flower

جزاكى الله خيرا راجيه الجنه ..لقد تحدثتى عن كل ما كنت اريد ان اتكلمـ عنه..

احب بس اسأل استاذه ولاء
حضرتكـ قولتى ان ده رأى البنات..طيب ورأى حضرتكـ ايه..؟ scratch Exclamation scratch

اما بالنسبه لموضوع المطالب الشخصيه فنحن نعلم جيدا ما هى المطالب وهى ليست شخصيه ابدأ
نحن لدينا ثقه كبيره فى قدراتنا وفى ما نفعل وعندنا ثقه كبيره جدا ان ربنا ان شاء الله هينصر الحق..

لانه لابد من يوم معلوم تترد فيه المظالمـ..ابيض على كل مظلوم .. اسود على كل ظالمـ
وان شاء الله اليوم ده قربيا جدااااااااااا
sunny sunny sunny
الرجوع الى أعلى الصفحة اذهب الى الأسفل
ولاء شعبان



تاريخ التسجيل : 07/07/2009

مُساهمةموضوع: رد: من أخت لاخواتها البنات    الإثنين 14 مارس 2011, 4:40 pm

بداية انا سعيده جدا بالبنات اللى شاركوا وعبروا عن رايهم بكامل الحرية وبحترم ارائكم كلكم بلا استثناء
ويمكن كتير منكم فهمنى غلط انا مش قصدت ابدا انكم تبطلوا تعبروا عن رايكم بالعكس خالص
بصى يا (( نانا )) لما بقول مصالح شخصيه انا قصدى ان فى حجات انتم مش بتكونوا عرفينها ومشاكل بتدور فى
الكلية وبتيجى ناس تحاول تسخن عشان تحس بالشكل ده انها خدت حقها عن طريق البنات ، وانا مش قصدى حد معين
عشان تقولى احدد اسامى ، لما بقول ده هياثر على الكلية يعنى تعطيل الدراسة والتعليم ، كمان يوم ما س من الناس
ينزل 10 مثلا فى مادته وبتيجوا تعملوا تظلم شوفى النتيجة بتعته بتكون كام وحده هى اللى بتعدى انا مش هقول اكتر من كده وانتى فكرى فيها بنفسك وشوفى ، وفى الاول ولا فى الاخر بنصحكم بس مش اكتر يعنى ، بالنسبة للكلية قبل كده كانت كويسه ولا لاه فهى زيها زى اى مكان فى مصر ومفيش مكان فى الدنيا مفيهوش ظلم ، بالنسبة للظم والإهانة اللى بتقولى عليها طبعا محدش يرضى بيها وبعدين هقولك على حاجه كل واحد بيعامل ضميره مش اكتر وحقكم اكيد هتخدوه ولو مش خدتوه مسير الايام هتخده ليكم ومش معنى كده مثلا اننا مش بيحصل معانا حجات زى اللى بتحصل دى لا طبعا بيحصل كتير ، بالعكس تماما مش ضد اى حاجه بتعملوها بس حاولت انبهكم بس

(( راجية الجنه )) شكرا على مساهمتك وسعيده برايك وطبعا انتى عرفه رايكى فيكى ومعزتك عندى شخصيا من غير كلام وطبعا اللى كتبته ده عشان فى بنات فى الكلية حكولى على حجات حصلت من البعض وطلبوا منى اوجههم فطبعا مش هينفع عن طريق الكلية عشان مش هيستحملوا وبرده هيفهمونى غلط ، طبعا الدين بتعنا دين كرامة قبل اى حاجه ومحدش يرضى بالاهانة انا معاكى فى رايك ده طبعا بس الحجات دى بتكون مزروعة فى شخصية الانسان وكل واحد فاهم وعارف هو بيعمل ايه ومن ضمن الدعوات التى لا ترد دعوه المظلوم ودى معروفة ، طبعا الاصلاح اللى بتقولى عليه مش موجود ليه باه جينا ندخل المدرجات مفيهاش بنات سيبين المدرجات ومتجمعين وطبعا ده مش اصلاح خالص بالمره فاحنا دورنا نوجهكم

lana شكرا على مساهتمك نورتى الموضوع وسعيده برايك

baby_lolo سعيده بمشاركتك ومش معارضه لمطالبكم وطبيعى ليكم مطالب وحقوق لازم تنفيذها

zandy سعيده بمشاركتك وانا طبعا مش قصدت اخماد بس كل القصد ان الدراسة تلتزم وتمشى بشكل طبيعى برده وفى نفس الوقت تعبروا عن مطالبكم بكل حرية ، طبعا كنت طالبه زيكم فى يوم من الايام وبالعكس تماما كان فى مساوئ كتير وهقولها كلها بس فى الاخر وياريت تطالبوا بيها من ضمن المطالب بتاعتكم

UnknoOown Girl شرفنى ردك جدا وبالنسبة لرايى الشخصى انكم ليكم مطالب طالبوا بيها بس مش تتعارض
مع المحاضرات والسكاشن وسير العمل بالكلية بس ده كل هدفى من الكلام الكتير اللى حكيته ليكم

وشكرا جزيلا لكل اللى نوروا برأيهم
ومتخافوش من حد ومحدش بيعارضكم بالعكس عبروا عن رايكم بمنتهى الحرية بشرط مش يتعارض مع الدراسة
لان ده مستقبلكم وطبعا مش هنفرح لما الترم يتاجل ولا يتلغى وتروح سنة كامله عليكم
واخيراً
وفى بعض المطالب اللى طبعا هكون مؤيدة ليكم فيها جداااااااااااااااااا لانى كنت طالبة وكانت مضيقانى كتير
تمييز بعض اعضاء التدريس لبعض الطالبات دون البعض الاخر
التظلم والالتماس ومشاكلهم كلها
توصية البعض بالكلية على بعض الطالبات لنا فى السكاشن ولن اسكت عن هذا مطلقااااااااااااااااااااااا
لان الواحد بيعامل ضميره وبيراعى ربنا وكلكم سواسيه




الرجوع الى أعلى الصفحة اذهب الى الأسفل
راجية الجنة



الموقع : الغابة
تاريخ التسجيل : 08/03/2009

مُساهمةموضوع: رد: من أخت لاخواتها البنات    الإثنين 14 مارس 2011, 5:57 pm

السلام عليكم ورحمة الله وبركاته


اقتباس :
بداية انا سعيده جدا بالبنات اللى شاركوا وعبروا عن رايهم بكامل الحرية وبحترم ارائكم كلكم بلا استثناء
ويمكن كتير منكم فهمنى غلط انا مش قصدت ابدا انكم تبطلوا تعبروا عن رايكم بالعكس خالص


احنا أسعد ، وشكراً على توضيح مقصد حضرتك

أود فقط أن أشير أننا لم ندعوا أبداً ولم نشجع عدم الاستمرارفي الدراسة

وكل المطالبة كانت باستمرار الدراسة مع تنفيذ مطالبنا




اقتباس :
(( راجية الجنه )) شكرا على مساهمتك وسعيده برايك وطبعا انتى عرفه رايكى فيكى ومعزتك عندى شخصيا من غير كلام


هذا شيء أكيد وحضرتك ايضاً تعلمين أن لكي نفس المعزة ومن قبل أن اعرفك في المدرج كمعيدة

عرفتك كأخت هنا في المنتدى




اقتباس :
وطبعا اللى كتبته ده عشان فى بنات فى الكلية حكولى على حجات حصلت من البعض وطلبوا منى اوجههم فطبعا مش هينفع عن طريق الكلية عشان مش هيستحملوا وبرده هيفهمونى غلط



ممكن أن تكون هذه الأخطاء بسبب انفعال البعض والتحدث بأسلوب غير لائق

وهم ليسوا بكثير وبالرغم من أنه خطأ إلا أنني التمس لهم العذر بسبب تلك التراكمات فالناس

شخصياتهم مختلفه وقوة التحمل تختلف من شخص إلى آخر كما أن الضغط يولد الانفجار

ومع هذا تدارك الجميع الأمر بداية من الدكاترة الأفاضل وقاموا بحثنا على المطالبة بحقوقنا بكل أدب

وهذا هو ما كنا نطمح إليه منذ البداية Smile



اقتباس :
طبعا الدين بتعنا دين كرامة قبل اى حاجه ومحدش يرضى بالاهانة انا معاكى فى رايك ده طبعا بس الحجات دى بتكون مزروعة فى شخصية الانسان وكل واحد فاهم وعارف هو بيعمل ايه ومن ضمن الدعوات التى لا ترد دعوه المظلوم ودى معروفة


أوافقك



اقتباس :
طبعا الاصلاح اللى بتقولى عليه مش موجود ليه باه جينا ندخل المدرجات مفيهاش بنات سيبين المدرجات ومتجمعين وطبعا ده مش اصلاح خالص بالمره فاحنا دورنا نوجهكم


على حد علمي من الطالبات انهم يقومون بالحضور

ما عدا محاضرة واحدة قرروا عدم حضورها

وإن كانوا في بادئ الأمر يجتمعون قبل حضور المحاضرة

فهذا كان لا بد منه في يوم واحد حتى يتفقوا على مطالبهم

وبعدها أظن أن الجميع انتظم على حد قولهم

كما أنه هناك الكثير من الطالبات لم يحضرن الكلية أصلاً

حتى ينظروا هل الدراسه منتظمة أم لا ولأن أم مدينة الطالبات لم يكن موجود

ونم الصعب على الجميع السفر في مثل هذه الظروف بالتأكيد كان هناك خوف من الأهالي

أما عن توجيهكم لنا

فنحن دائماً بحاجه إليه لأنكم أكثر منا علماً وخبرة ونحن لا ننكر هذا أبداَ لأنه لا غنى لنا عنكم




اقتباس :
وشكرا جزيلا لكل اللى نوروا برأيهم
ومتخافوش من حد ومحدش بيعارضكم بالعكس عبروا عن رايكم بمنتهى الحرية بشرط مش يتعارض مع الدراسة
لان ده مستقبلكم وطبعا مش هنفرح لما الترم يتاجل ولا يتلغى وتروح سنة كامله عليكم


العفو


بإذن الله انتهى زمن الخوف وسنعبر عن رأينا بكل حرية وأدب

ولن يتعارض هذا مع الدراسه ولن نضطر أبداً إلى تأجيل التيرم




اقتباس :
وفى بعض المطالب اللى طبعا هكون مؤيدة ليكم فيها جداااااااااااااااااا لانى كنت طالبة وكانت مضيقانى كتير
تمييز بعض اعضاء التدريس لبعض الطالبات دون البعض الاخر
التظلم والالتماس ومشاكلهم كلها
توصية البعض بالكلية على بعض الطالبات لنا فى السكاشن ولن اسكت عن هذا مطلقااااااااااااااااااااااا
لان الواحد بيعامل ضميره وبيراعى ربنا وكلكم سواسيه


ونحن مع هذه المطالب والحمدلله ان حضرتك معيدة وشاهدة على هذا الكلام

وعلى هذه التوصيات

وأتفق معكي وأدعمك بقوة أن لا تسكتي عن هذا مطلقاً

لأن الخطوة الأولى لبناء مصر جديدة تبدأ بأن يحسن كل فرد فينا عمله ويكون أمين عليه



مع فائق حبي وتقديري
الرجوع الى أعلى الصفحة اذهب الى الأسفل
نانا



الموقع : من امام الجهاز
تاريخ التسجيل : 24/02/2009

مُساهمةموضوع: رد: من أخت لاخواتها البنات    الثلاثاء 15 مارس 2011, 12:43 am

شكراااااااااااااااااااااااااا جداااااااااااااااا ليكى يا استاذة ولاء للتوضيح وبجد احنا مش مع تعطيل الدراسه ابدا ولا نتمنى الغاء الترم مطلقا بالعكس احنا بنحب الكليييييييييييييييييه اوووووووووووووووووى وعشان كده نفسنا تبقى كويسه
الرجوع الى أعلى الصفحة اذهب الى الأسفل
http://kg-cu.ahlamontada.net/forum.htm
 
من أخت لاخواتها البنات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: أخر اخبار الكلية-
انتقل الى: