منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 الحكمه من الشجره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ah_za



تاريخ التسجيل : 30/05/2011

مُساهمةموضوع: الحكمه من الشجره   الثلاثاء 31 مايو 2011, 1:59 am

من زمان كان فيه شجرة تفاحه كبيرة – وكان فيه طفل بيلعب عند الشجرة كل يوم – وكان بيطلع علي أغصانها وياكل ثمارها وبعدين ينام تحتها لما يتعب – كان بيحب الشجره وهيا كمان بتحبه لما يلعب معاها – مر الزمن وكبر الطفل – وبطل يلعب حوالين الشجرة – وفي يوم رجع الصبي وكان حزين – قالت له الشجرة تعال إلعب معايا – رد الصبي انا معتش صغير عشان العب حواليكي تاني – انا محتاج لعب وعايز فلوس أشتريها – قالتله الشجرة انا مش معايا فلوس – بس ممكن تاخد التفاح اللي معايا تبيعه وتاخد الفلوس اللي انت عاوزها – الصبي كان فرحان قوي – طلع الشجرة واخد التفاح ونزل فرحان قوي – راح الولد ومرجعش تاني – وكان الشجرو حزينه قوي – وفي يوم رجع بس بقي راجل – وكانت الشجرة فرحانه قوي وبتقوله تعال العب معايا – قالها انا معتش طفل العب معايا انا بقيت مسؤل عن أسرة ومحتاج لبيت يكون ليهم مأوي – تقدري تساعديني ؟ قالتله أسفه معنديش بس ممكن تاخد فروعي تبني ليهم بيت – أخد الراجل كل الفروع ومشي سعيد والشجرة سعيدة عشانه – بس مرجعش تاني والشجرة زعلت قوي – وفي يوم حار قوي – رجع الراجل والشجرة كانت في منتها السعادة – قالتله الشجرة تعال العب معايا – قالها انا تعبان قوي وبدأت أعجز وعايز ( أبحر ) لاي مكان وارتاح – ممكن تعطيني مركب – قالتله ممكن تاخد جزعي تعمله مركب – قطع الجزع وعمل مركب والشجرة فرحانه علشانه – سافر اراجل مدة طويله جدا وأخيرا عاد بعد سنين – قالها المركب بتاعي معتش ينفع – قالتله اسفه يا ابني الحبيب معتش عندي حاجه اعطيهالك – قالتله معتش عندي تفاح قالها ميهمكيش انا اصلا معتش عندي أسنان – قالتله معتش عندي جزع تقعد عليه ولا فروع تطلع عليها – قالها ميهمكيش انا بقيت عجوز ومقدرش اعمل حاجه – قالتله يعني معتش عندي حاجه خالص – وبكت الشجرة وبتقوله كل اللي عندي جذور ميته – قالها كل اللي محتاجه مكان استريح فيه – انا تعبان بعد كل السنين اللي فاتت – قالتله احسن مكان تستريح فيه هنا عند الجذور دي – نزل الرجل يستريح تحتها وبكت الشجرة والدموع تملأ ضحكتها الخفيفه تعرفوا الشجرة دي تبقي مين ؟؟؟؟
الرجوع الى أعلى الصفحة اذهب الى الأسفل
http://www.facebook.com/ahmed.waseef
shemos



تاريخ التسجيل : 25/11/2009

مُساهمةموضوع: رد: الحكمه من الشجره   الثلاثاء 31 مايو 2011, 2:31 am

اممممممممممممم ياما الام او الاب
الرجوع الى أعلى الصفحة اذهب الى الأسفل
ah_za



تاريخ التسجيل : 30/05/2011

مُساهمةموضوع: رد: الحكمه من الشجره   الثلاثاء 31 مايو 2011, 4:27 am

شكرا جدا علي مرورك
هوه فعلا ده الام والاب

بس يارب نستفيد منها
الرجوع الى أعلى الصفحة اذهب الى الأسفل
http://www.facebook.com/ahmed.waseef
shemos



تاريخ التسجيل : 25/11/2009

مُساهمةموضوع: رد: الحكمه من الشجره   الثلاثاء 31 مايو 2011, 8:37 pm

اكيدالقصه دى قريتهاقبل كدة بالانجليزى وعجبتنى جدا بجديسلمووووووووووووه
عليها
الرجوع الى أعلى الصفحة اذهب الى الأسفل
ah_za



تاريخ التسجيل : 30/05/2011

مُساهمةموضوع: رد: الحكمه من الشجره   الأربعاء 01 يونيو 2011, 3:07 am

فعلا هيا مترجمه
ماشاء الله عليكوا
وشكرا علي ردودكم الجميله
الرجوع الى أعلى الصفحة اذهب الى الأسفل
http://www.facebook.com/ahmed.waseef
نوووور



الموقع : المعادى
تاريخ التسجيل : 11/02/2009

مُساهمةموضوع: رد: الحكمه من الشجره   الثلاثاء 07 يونيو 2011, 2:05 pm

قصة بجد رائعة

تسلم الايادى
الرجوع الى أعلى الصفحة اذهب الى الأسفل
meme



تاريخ التسجيل : 20/10/2009

مُساهمةموضوع: رد: الحكمه من الشجره   الأربعاء 08 يونيو 2011, 1:07 am

اكيد الام و الاب
قصة جميلة تسلم ايديكي
الرجوع الى أعلى الصفحة اذهب الى الأسفل
 
الحكمه من الشجره
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منوعات :: موضوعات عامة-
انتقل الى: