منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 انا ضد العصيان المدني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دكتور خالد النجار



تاريخ التسجيل : 23/02/2009

مُساهمةموضوع: انا ضد العصيان المدني   الإثنين 06 فبراير 2012, 4:06 am

طالباتي الأعزاء
السلام عليكم ورحمة الله وبركاته وبعد

بدون مقدمات أو خطابة أو تلاعب بالألفاظ أقول أنني ضد الدعوة الى العصيان المدني الاسبوع القادم وأنا بصفتى مصري حتى النخاع لست ليبراليا ولا اخوانيا ..لست سلفيا ولا شيوعيا ...لست مسلما ولا مسيحيا .....أنا مصري وأدعوكم على نحو صريح بالحضور الى الكلية يوم الاحد القادم وسأكون في شرف استقبالكم وسندعو للمشاركة الايجابية في دعم بناء منظمات الدولة و الحفاظ على أمن الوطن رفضاً لكل دعوات التخريب والتشكيك....والنيل من هيبة الدولة والعمل على اسقاطها
وليكن الشعار الوحيد الذي نرفعه هو..... مصر فوق الجميع

تحياتي وتقديري
الرجوع الى أعلى الصفحة اذهب الى الأسفل
"Hala"



تاريخ التسجيل : 20/08/2011

مُساهمةموضوع: رد: انا ضد العصيان المدني   الإثنين 06 فبراير 2012, 5:58 am

السلام عليكم
اكيد يا دكتور خالد ان احنا جايين
بأذن الله
وانا شايفه دعوى الاضراب دى
عايزه تعمل فوضى وتخريب
حتى لو مين اللى دعا اليها
وشكرا الحضرتك
الرجوع الى أعلى الصفحة اذهب الى الأسفل
baby comm.



تاريخ التسجيل : 06/04/2009

مُساهمةموضوع: رد: انا ضد العصيان المدني   الثلاثاء 07 فبراير 2012, 1:00 am

و وانا ضد العصيان المدنى
وليا اقتراح ان شاء الله نقدر ننفذه
الاقتراح اننا نعمل ندوة سيايسة فى الكلية ويحضرها كل اللى مهتم بالشأن السياسى فى الكلية فقط من اعضاء هيئة تدريس وطالبات واداريين
ونتكلم كلنا ونقدم اقتراحتنا واكيد كلنا هانكمل بعض وهنلاقى حل وعلى الاقل نعرف انتماء كلياتنا ايه
شكرا
الرجوع الى أعلى الصفحة اذهب الى الأسفل
Radwa Bahjat



تاريخ التسجيل : 10/02/2012

مُساهمةموضوع: رد: انا ضد العصيان المدني   الجمعة 10 فبراير 2012, 6:18 pm

أستاذي العزيز د/خالد
حاجة كويسة اننا تكون خايفين علي اقتصاد البلد ورافضين لفكرة الإضراب ..بس عندي سؤال لما بتروح تشتغل حوالي 8 ساعات في محل عملك هل لما عجلة الانتاج اشتغلت ده اثر علي مرتبك !!!!!!!دا بالطبع مش مطلب شخصي او فئوي بس ليه لما العامل والفلاح والمهندس والمدرس والدكتور والصنايعي كل الناس دي لما بتشتغل بكامل مجهودها المرتب يبقي كما هو ؟؟؟؟ممكن واحد يقول اصلهم مش بيشتغلوا بذمة .طيب ممكن السنة دي او السنة الي قبلها بس انا بتكلم عن اجيال من العاملين؟؟؟ممكن واحد يقول الوضع اتغير ولناس الي واكلة البلد اتحبست ..كلامه صحيح بس عادي اتشال من مكانة وسلمها لمن ينوب عنة في ذلك يبقي ايه الي اتغير؟؟؟؟
مثلا احمد المغربي وزير الاسكان في النظام البائد الذي بلغت ثروته الي «17» مليار جنيه كما هو مدون في اقرار الذمة المالية الخاص
به ..يعني حوالي نص ميزانية وزارة التربية والتعليم؟؟؟؟..وفي النهاية تم الحكم علية السجن 5 سنوات والعزل من الوظيفة لأحمد المغربي وبالفعل أوجد من ينوب عنه في شركاته كأن شيئا لم يكن!!!! الأدهي من كده تقرير للنائب العام المصري في قضية تصدير الغاز لإسرائيل إن البلاد خسرت نحو 80 مليار جنيه مصري (نحو 14 مليار دولار) بسبب التعاقدات التي تمت وللأسف لم يتم تعديلها للآن...الفساد كتير حتكلم عن سامح فهمي ولازهير جرانة ولا احمد عز وغيرهم كتير والي مش مصدق يعمل بحث ف جوجل ويكتب مليارديرات مصر..يكفينا ان نعرف ان مصر بها اكبر عدد مليارديرات علي مستوي أفريقيا في نفس الوقت فيها اكبر نسبة بطالة علي مستوي العالم وحوالي 40%تحت خط الفقر..دا مش غريب !!!!!علي فكرة ده مش كلامي دا علي لسان خوان سومافيا، المدير العام لمنظمة العمل الدولية..ضيف للنهب ده كلة 40% من موارد الدولة لقيادات الجيش حترد وتقول طبعا دي حاجة كويسة ماهو الجيش بيحمينا وبيشتري سلاح وبيأمنا حقه ..انا متفق معاك لو كانت النسبة بتتصرف علي التسليح ازاي والتسليح المصري معظمة منحة أمريكية ...حتقول يمكن للجنود حقولك يبقي حضرتك مدخلتش جيش وشفت وضع الجنود عامل ازاي ف الجيش !!!تبقي النسبة دي بتروح فين ؟؟؟الرد علي لسان الأستاذ خالد على" رئيس المركزى المصرى للحقوق الاقتصادية والاجتماعية في اليوم السابع يوم الاتنين 30 يناير 2012 قال ان مرتب المشير 3 مليون شهريا ومرتب سامي عنان 2 مليون شهريا!!!اعتقد ان الراجل ده لو كان كلامة كذب كان اترفع قضية ضدة واتحبس واتقفلت اليوم السابع كمان..اتنين بس من قيادات الجيش مرتب شهري بدون حساب الاملاك الأخري 5 مليون ..مع حساب باقي القيادات حتبقي كاااام.؟؟باقي الناس الي علي نفس الشاكلة دي الي لو حسبنا عددهم حيكون آلاف يعني الآلاف يمتلكوا أكتر من ثلاث ارباع اقتصاد البلد وأكتر من 80 مليون بيشاركوا في الربع فقط!!!!نا عايز أفهم الإقتصاد ده بتاع مصر ولا بتاع الناس دي؟؟؟؟لما بنخاف علي اقتصاد البلد بنخاف علي مصر ولا علي الي ناهبين مصر !!!!
في ناس ممكن تقول ان الحل السياسي افضل من الحل الثوري ولنا مجلس شعب يمثلنا قدام الحكومة ...كلام جميل فعلا مجلس الشعب مبشر جدا ممكن نقول علية برلمان ثورة بس للأسف مهمتة غاية في الصعوبة ليس لقلة كفاءة بالعكس ولكن لأن من يمثلونا أمامهم هم في الأساس من نهبوا البلد قد ينجح اعضاء المجلس في مساعيهم وايضا لاقدر الله قد يفشلوا الإحتمالان واردان ولن نتحقق من اياهم الا بعد فترة طويلة قد تمتد لأعوام ..أما الآن فأمامنا حل سلمي يستخدم كورقة ضغط دون تخريب او اضرار بمنشآت عامة او ايا من التهم التي يحاولون الصاقها بالثوار فما المبرر للرفض؟؟؟؟
لو بعد الكلام ده برده مش موافقك علي الاضراب فدا برده حاجة ترجعلك بس ياريت تعرف الناس الي انتا بتخونهم عاملين اضراب ليه؟؟؟وياريت نعرف كمان مين الي ف مصلحتة ان يظهر الثوار بالخونة ....ملحوظة أخيرة.. الشيخ حازم صلاح أو الدكتور عبد المنعم ابو الفتوح مرشحي الرئاسة اعلنوا تأييدهم للإضراب احدهما قد يكون الرئيس القادم بنسبة كبيرة.. الإثنين قد وصلوا لمرحلة من النضج السياسي تؤهلم لقيادة دولة كمصر هل هما ايضا خائنان يهدفان لهدم مصر!!!!!!
الرجوع الى أعلى الصفحة اذهب الى الأسفل
دكتور خالد النجار



تاريخ التسجيل : 23/02/2009

مُساهمةموضوع: رد: انا ضد العصيان المدني   السبت 11 فبراير 2012, 1:33 am

الابنة العزيزة رضوى
السلام عليكم ورحمة الله وبركاته وبعد
لن ادخل معك في جدل لا جدوى منه وسأكتفي فقط بقولين:
الأول: أنني متمسك بأن مصر فوق الجميع بعيدا عن أي حوارات اخرى
الثاني: أن الثورة لا تنبى دولة مدنية ديمقراطية ، وأن الحكومات الثورية لن تحقق العدل، وأن المحاكمات الثورية هي مصادرة والتفاف حول مفهوم المحاكمات المدنية العادلة....نحن نحتاج بناء مؤسسات الدولة المنتخبة وسن التشريعات التى تحقق العدالة الاجتماعية والمساواه....العدل يتحقق بالتشريع و التشريع يحتاج الى مراجعة كافة القوانين التى تستبيح ثروات الشعب وهو أمر يحتاج الى فكر وارادة ووقت

اسأل الله أن يهيئ لنا من أمرنا رشدا
الرجوع الى أعلى الصفحة اذهب الى الأسفل
علا



تاريخ التسجيل : 24/02/2009

مُساهمةموضوع: رد: انا ضد العصيان المدني   السبت 11 فبراير 2012, 3:00 am

الشيخ حازم صلاح ابو اسماعيل لم ينادى بالعصيان المدنى و يرفضه رفضا باتا ارجو عدم نشر معلومات غير موثوق بها
الرجوع الى أعلى الصفحة اذهب الى الأسفل
Radwa Bahjat



تاريخ التسجيل : 10/02/2012

مُساهمةموضوع: رد: انا ضد العصيان المدني   الأربعاء 15 فبراير 2012, 4:08 pm

الأستاذه علا:
بعتذر مبدأيا عن تأخري في الرد عليكي نظرا للعصيان المدني
الأستاذ حازم صلاح أبو أسماعيل فعلا مؤيد لأسباب العصيان المدني و هذه هي مصادري فتأكدي أنت من مصادرك
أكتبي على يوتيوب لقاء حازم صلاح أبو أسماعيل في قناة التحرير
أدخلي على جريدة الفجر
و على الجروب الرسمي للأستاذ حازم على الفايس بوك
للأسف لم أتمكن من وضع اللينكات المناسبه لأنه غير مسموح لي

و شكرا
الرجوع الى أعلى الصفحة اذهب الى الأسفل
Radwa Bahjat



تاريخ التسجيل : 10/02/2012

مُساهمةموضوع: رد: انا ضد العصيان المدني   الأربعاء 15 فبراير 2012, 4:08 pm

أستاذي العزيز خالد

ألف سلامه على حضرتك
الرجوع الى أعلى الصفحة اذهب الى الأسفل
 
انا ضد العصيان المدني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: أخر اخبار الكلية-
انتقل الى: