عايزة تبقى مراسلة للمنتدى

فكرة جديدة ايه رايكم لكل الناس اللى انتخبت سواء المرحلة الاول او الثانية او الثالثة يبقوا مراسلين صحفيين للمنتدى زى القنوات والجرائد ويقولوا ايه اللى شاهدوا بالظبط من اول مارحوا اللجنة بتاعتهم من بره خالص لحد ما رجعو وخرجوا من اللجنة ؟

انا انتخبت ف المرحلة الاولي وكانت الدنيا زحمه جدا لدرجة اني فكرت اروح وبلاش انتخب ومافيش حد مسيطر علي الناس والدنياكانت ضلمة بجد كنت خايفه اوي
لولا خالتي الي شجعتني وكانت مستنياني برة ماكنتش انتخبت اصلا

هههههههههههه
غريبة دى انتى كنت رايحة تنتخبى ولا رايحة مدينة الرعب

انا نفسي ماكنتش متوقعه يحصل كده يلا عدت الحمدلله بس المهم مايكنش ف اعاده لاني مش ناويه اروح تاني لو ف اعاده وميرسي علي الموضوع

تصدقي ولا انا رحت الاعاده انا كنت مضايقه اوي مع الزحمه الستات كانت هاتمسك الجيش
من الزحمه كويس مش انا بس الي كان عندي الوضع دي
هههههههههههههههه
شجعتيني

شوفتى بقى
بس انا مروحتش الاعاده عشان مش فاضيه
المدرسه بعيده اوى عن البيت
وخايفه اروح لوحدى
مرجعش بيتنا تانى
هههههههههه

والله حكايات غريبة وتضحك فى النفس الوقت اللى بتقولها دى على فكرة "Hala
انا فى نفس الدائة بتاعتك بولاق الدكرور فى مدرسة صفية زغلول وحصل معايا عكس اللى حصل معاكى تماما تماما انا نزلت من البيت وانتخبت ورجعت فى 20 دقيقية متستغربوش حكلكوا بقى صلو على النبى (عليه الصلاة والسلام)
انا المدرسة بعيد عن البيت حوالى 5 دقائق وانا اصلا نزلت الساعه 9 الصبح اجيب فطار وقولت لو لقيت الامور هادية هانتخب وفعلا المطعم فى طريق المدرسة عديت من قدمها لقيتها فاضية ومفيش طوابير قولت ادخل اشوف جوه ايه لقيت واحد سالت عن مكان لجنتيى ما انا كان معايا طبعا رقم اللجنة واسمى فى الكشوف المهم قالى عليها فى الدور الثانى طلعت لقيت كذا لجن عليهم زحمة شوية سالت على لجنتينى لقتها الوحيدة اللى فاضية موقفتش طبعا طابور ودخلت لقيت حاجة اححلى مدرس فى شارعنا جوه فى اللجنة سلمت عليه وادانى الورقة واخترت وخدها منى وحطها فى الصندوق كنوع من المجاملة وبس خرجت وروحت وكانت الامور هادية جدا وعلى فكرة جبت فطار وانا مروح كمان شفتوا بقا كان بجد يوم حلو

يا بختك يا استاذ محمد
الحمدلله اخيرا لقيت حد متبهدلش في الانتخابات
وربنا يستر في الانتخابات الجاية هتكون يوم واحد بدل اتنين
ربنا يستر ويعديها على خير