منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 دى لوازم المصيف يا ماما ...

اذهب الى الأسفل 
كاتب الموضوعرسالة
"Hala"

avatar

تاريخ التسجيل : 20/08/2011

مُساهمةموضوع: دى لوازم المصيف يا ماما ...   الأحد 01 يوليو 2012, 9:40 pm

hالسلام عليكم


الأم : ايه يا محمود يابنى الشنط دى كلها ؟؟

محمود : لا ابدا يا ست الحبايب دى بس شوية مشتروات للمصيف .

الأم : " شويــة " !!! ايه يابنى ده انت محسسنى انك مسافر و مش راجع .

محمود : لا يا حاجة دى بس لاوازم المصيف اللى لا ممكن نستغنى عنها ابداا ,, بس لسه هشترى شوية حاجات كمان Smile

الأم : تلاقى يابنى مرتبك خلص على كده بقا ..

محمود :هو المرتب بس !! ده انا حتى سحبت من دفتر التوفير اللى انتى عملاهولى و كمان استلفت من عبده صاحبى ..

الأم : ليه يابنى ده كله ؟؟ ده انت هتقعد اسبوعين بس !!

محمود : ما هو دول مش اى اسبوعين يا ماما و لاااازم نستعد كويس ولا إيه رأيك يا ست الحبايب يا حبيبة انتى ؟؟



أنت بقااا إيـــه رأيـــك ؟؟!!

محمود رايح يصيف و واخد معاه الشنط دى كلها و بيقول " استعداد " و كمان ده هيقضى اسبوعين بس !!



طب انت عملت ايييييه و جهزت اييييييه لمكان لاااااازم هتروحه و هتقضى فيه كمان بتاع 100 او 200 او 300 او 1000 او 2000 سنة ؟؟؟!!


مكان ايه ده اللى هروحه و اقضى فيه المده دى كلها ؟؟

المكان ده انت بإيدك تخليه جنة و بإيدك تخليه نار .......

المكان ده هو ( قبـــرك )

انت بتبقا عامل ازاااى لو النور قطع مرة واحدة و كنت لوحدك و جه حد من وراك و فزعك ؟؟!!

قلبك هيبقا فى رجليك طبعااا

بس ده صوت إنسان ......... طب لو صوت زى الرعد و عنين زى البرق و كمان ليهم انياب تفتكر شكلهم هيبقا عامل ازاااى ؟؟؟

و لو شوفتهم حالك هيبقا ازاااى ؟؟ هتخاف اقصد هتترعب ولا هتفضل
متطمن ؟؟


شوف الحديث ده كده قال رسول الله صلى الله عليه وسلم : { ما رأيت منظراً قط إلا والقبر أفظع منه }

و ده كمان .. كان عثمان بن عفان إذا وقف على القبر بكى ، حتى يُبل لحيته ، فقيل له :
تذكر الجنة والنار فلا تبكي وتبكي من هذا ؟ فقال :إن رسول الله صلى الله عليه وسلم قال

{ القبر أول منازل الآخرة فإن نجا منه فما بعده أيسر منه وإن لم ينج منه فما بعده أشد منه }



يا الله سلــــم !!!


هااااا أعددت ايه للقبر اللى هتقعد فيه لحد اما القيامة تقوم ؟؟؟

بنشوف لو واحد جايب شقة جديده بيفضل يجهز فيها ازااااى ؟؟ و يجيب العفش من هنا و من هنا و يسافر من مكان لمكان علشان ينقى احسن حاجة يحطها فى الشقة ؟؟و لو تسئله يقولك ( اومال ده انا هعيش فيها الباقى من عمرى ) و ممكن اصلا تانى يوم يموت و ميلحقش يتمتع بحاجة )



طب و قبرك انت اعددت ليه اييييه ؟؟


صلاة , ذكر , صيام , قيام , دعاء ..


ولا ... أغانى , سجاير , حب حرام , معاصى السر!!

انهى اللى هينورلك قبرك يوم القيامة ؟؟ الإختيار الأول ولا التانى !!

بإيدك تخلى قبرك جنة تعيش فيها لحد يوم القيامة و بإيدك برضو تخليه ناااااار
قال رسول الله صلى الله عليه و سلم

" القبر إما روضة من رياض الجنة و إما حفرة من حفر النار " ...





انت متخيل المنظر ؟؟؟ ضلمة كحل و قبر متر فى متر هتقعد فيه ليوم الحساب !!!
هى دى نهايتك اللى لاازم تحصل و ساعتها مش هينفعك أى حاااااجة ...
قال رسول الله صلى الله عليه و سلم

" إذا مات ابن آدم انقطع عمله إلا من ثلاث صدقة جارية او علم يُنتفع به او ولد صالح يدعو له "


كل اصحابك اللى بتحبهم مش هييجوا يزورك ولا يونسوك تانى ,, و اهلك و قريباك لو دعولك و عملولك عمل صالح يبقا كتر خيرررهم ..


بس هو انت مستنى لما حد غيرك يعملك عمل صالح ؟؟

قوووووووم انت و اعمل لنفسك .. نّجى نفسك ... ارضى ربك ..

ما انت لسة عايش و فيك إيدين و رجلين اهو ( احمد ربنا ) اتحرك يلاااااا

قبل ما تيجى تندم و تقول " رب ارجعنى اعمل صالحا فيما تركت "

اتحرك يلاااااا قبل ما تندم على ساعة و دقيقة لم تذكر فيها ربنا

ده اهل القبور بيتمنـــوا يرجعوا و لو دقيقة يصلوا فيها و يتوبوا لربنا


عمرك ده ثروتك ... رأس مالك ... كل حاجة فى حياتك
ورينا بقا هتستغله ازاااااى ؟؟

و أخيرا ( ماذا اعددت لظلمة قبــرك ؟؟!! )

( ماذا أعددت للقاء ربـــك ؟؟!! )



الرجوع الى أعلى الصفحة اذهب الى الأسفل
samar

avatar

تاريخ التسجيل : 01/10/2011

مُساهمةموضوع: رد: دى لوازم المصيف يا ماما ...   الإثنين 02 يوليو 2012, 4:02 am

جزاكي الله خيرا علي هذا الموضوع يالولو ويارب احسن خاتمتنا
ويكون القبر روضو من رياض الجنة
جزاكي خيرا
الرجوع الى أعلى الصفحة اذهب الى الأسفل
"Hala"

avatar

تاريخ التسجيل : 20/08/2011

مُساهمةموضوع: رد: دى لوازم المصيف يا ماما ...   الإثنين 02 يوليو 2012, 6:30 pm

آآمين واياكِ يا سمر
ربنا يبارك فيكِ
الرجوع الى أعلى الصفحة اذهب الى الأسفل
 
دى لوازم المصيف يا ماما ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: منوعات :: اسلاميات-
انتقل الى: