يالا نرغيييييييي

اغلبنا طبعا لسه شباب
عزاب يعني
سينجل
Alone
فبيت امك وابوك لسه
بتمر بمواقف عديده فحياتك اللي انت عايشها
يعني
انت انسان بشخصيه وتركيبه ودماغ وتفكير وتعامل
والدك بقى
انسان تاني بتركيبه وتربيه ودماغ وشخصيه وتعامل مختلفين اكيد عنك كل الاختلاف
والدتك نفس النظام

يعني
احنا عايشين فبيت واحد مع ناس بتركيبات مختلفه
اكيد حصلت مواقف كتير بحكم انه غالبا بيكونوا مش فاهمين حجات كتير احنا بنحسها
واكيد في اختلافات كتير في وجهات النظر

يعني مثلا

كتير مننا لما بيكون فالبيت اغلب قعدته بتبقى لاب ونت
بغض النظر هو قاعد على ايه
يبتدوا بقى يلومو عليك وينتقدوك ويعتبروها هيافه وتفاهه منك تعلقك بحاجه زي كده

مثلا



هتكلم عن نفسي
والدي

بابا مش من النوع المتفهم لحاجات ومتطلبات الشباب
مثلا عايزنا كلنا عاقلين زي واحد عنده 50 سنه

عايز كل مايخش عليك الاوضه يلاقيك ماسك كتاب وبتزاكر
يا اما نايم
ربنا رحمني وبقت جامعتي اون لاين بالنت
بقعد نت بقى وبقوله بذاكر اهو

غير كده بتمنى حجات كتير تكون موجوده فبابا
مثلا
الحنيه المفتقده
قاسي اوي ومافيش تفاهم
الامر لما يؤمره لازم يتنفذ من غير مناقشه
سواء كنت مقتنع او اخبط دماغك فالحيطه بقى


غالبا كلامه جارح
بيوجع اوي
يعني بيعامل ولاده كلهم نفس المعامله
من غير تفرقه ومراعاة لشخصية كل واحد ايه
حجات كتير اوي بتمنى انها تتغير فبابا
بشوف ابهات ناس كتير حواليا
بتمنى بجد بابا يكون زيهم
مش حسد ولا حاجه
بس الواحد تصعب عليه نفسه ساعات
ويقول ليه انا اللي ابويا كده
ليه مايبقاش زيهم

غير كده
نيجي للام بقى

بنات كتير
مامتها مش من النوع المتفهم معاها
مابتحكيش معاها ولا بتديها ودانها
يعني تلاقي البنت بتخبي على مامتها كل حاجه
ولما تكون فمشكله وتحب تستشير حد بتلجأ لصحباتها

طب ليه الام ماتاخدش بنتها فحضنها
وتقرب منها قد ماتقدر
وتنزل لمستواها
وتفهم مشاعرها واحاسيسها
ماهي كانت فيوم شابة زيها
وكانت بتحس زيها بردو

الشباب كمان
شباب كتير بيتمنوا ابوهم يكون صاحبهم
قريب منهم يتكلم ويهزر معاهم
يعرف هما عاوزين ايه
يقرب منهم ويعرف اهتماماتهم
يبقى في مجال مناقشه وحوار فالبيت
ماتبقاش الحياة كلها orders وبس
لاء يبقى في اخد وعطاء فالكلام

مش عارفه

عايزه كل اللي يقرا كلامي ويفهمه
يقولي


انت فالبيت
بتحب تقعد مع مين؟

مين فيهم اللي بترتاحله اكتر وممكن تفتحله قلبك ومتأكد انه هيحس بيك ويفيدك ويسمعك؟

والدك وللا والدتك؟


مين اقربلك فيهم؟

وليه؟

وايه الحاجه اللي ناقصه فالطرف اللي مش قريب منك وبتتمناها تكون فيه؟

هل بتحسد ساعات صحابك اللي بتلاقي عندهم حاجه نقصاك وبتتمنى يكون ابوك او امك زيهم؟؟

اتمنيت عمرك تغير الطرف اللي انت مابتحبهوش؟
ولو اتمنيت كده
مين هي الشخصيه اللي اتمنيتها تكون موجوده فحياتك؟؟

الناس اللي هتقول بابا عسل بقى وماما سكره والامن مستتب فالبيت

مين الشخصيه الي مفتقدها فحياتك وعايزها بجد يكون موجود عندك منها وزيها؟؟


طولت عليكم يالا عيزة اسمع الرغي و اشوفه بعينية

والله انا احب اقعد مع بابا واتكلم معاه بس مش كل الكلام يتقال للاب واغلب وقتى بتبقى امام tvانا عاشقه المسلسلات والافلام العربى

الرغي هيبقي جامد في الموضوع ده شكرا ليكي.
انا بحب اقعد مع امي جدا واحكلها علي كل حلجه في الدنيا بس هي ساعات مش بتفهمني او مش بتخليني اعبر عن مشعري بالطريقه اللي انا عاوزاها يعني مثلا لو عيط علي حاجه انا مضيقه عشنها بتحس اني هيفه ومش بتتعاطف معايا بس هو ده العيب الوحيد اللي في ماما.
لكن بقي بابا مالوش دعوه بأي حاجه تخصنا يعني بيحب يريح دماغه.وطبعا ده بيخليني زعلانه جدا بس خلاص اتعود عليه.
بس عمري ما حسيت ان في حد احسن مني بالنسبه لباباه وممته يعني دايما بحس اني احسن واحده في الدنيا عشان ربنا كرمني باب وام جامدين وبحبهم ويحبوني ويخافو عليا.
وبحاول اصلح ده بأني اقولهم علي الحاجات اللي بتزعلني منهم وهم بيسمعوني .
والصراحه انصح الشباب ان هم يعملوا كده بردو مع بباهم ومامتهم يمكن يلاقو العيب اللي هم مش بيحبوه فيهم يتصلح.
ومش هلكوا اني طولت عليكو عشان انتو اللي طلبتو مني ارغي

في اشياء مابنخدش بالنا منها غير لما نبعد عنها انا كان بيفوت ايااااام احاول اعزل نفسي عن البيت عشان الاوامر من بابا وعدم فهم رغباتي وبعد الزواج عرفت فعلا قيمة كل كلمة كانو بيقوللوه وانهم صح في حاجات كتير وهتي لو ماتغيرتش الفكره دي نقول احنا احسن من غيرنا بكتير وليس لنا الا الدعاء لهم بالهديه والرحمه
وقل ربي ارحمهما كما ربياني صغيرا

i love talk with my father sister no dad no mam

انا بقى اغلب وقتى ف الكلية من ساعة ما اصحى لحد ما انام او قدام

الكمبيوتر ومش بحب اتكلم مع حد منهم خااااااااااااالص لانهم دايما مش فاهمين انك وراكى

مسئوليات برده زيهم وانك ممكن تكونى مضغوطة ومخنوقة ودايما شايفين انك لسة صغيرة

وكمان مش فاهمين ان انتى من جيل غير جيلهم ليكى تفكيريك واسلوبك ف الحياة الطريقة اللى انتى عايزة

تعيشى بيها غير بقى الاوامر طول مانتى قاعدة ومن غير ناقش وكأنك جماد همة اللى بيحركوه

عشان كده انا دايما بريح دماغى ومش بتكلم معاهم من الاساس عايشة مع نفسى وكفاية عليا اصحابى

كلام جميل والله يا zandy أنا أعرف بنات كتير عندها نفس مشكلتك بس بردك نقول الحمد لله انتي احسن من غيرك كتير بس انا هاحككيلكم على أب يمكن بعضكم يلا قيه أسطورة مبتكررش كتير بس والحمد لله موجود الأب ده كان لبناته وفي نفس الوقت لأولاده أب وأم كان بيحاول يعوضهم بأي طريقة عن غياب الأم وكان بيشتغل علشان يؤمن لهم عيشة كريمة وفي نفس الوقت كان بيسمعلهم وبيحاول بقدر الإمكان انه يقف جنبهم وكان في المواضيع اللي بيلاقي انه مش هيعرف يسد فيها بيوصي الكبار على الصغيرين مثلا زي مواضيع النات مع بعضهم يخلي الكبيرة تسمع من اختها الصغيرة وتساعدها وعلى الرغم من انه جوز اتنين من عياله وكل واحد بقى ليه حياته الا انه لسة بيخاف عليهم ومشيل نفسه كل همومهم اقولك ايه ولا ايه عن الأب ده اللي مهما حكيت لايمكن تتخيلو حنانه وفي نفس الوقت على الرغم من انفصاله عن زوجته الا انه مكانش بيحرم اولاده منها واللي هي كمان تعتبر اسطورة في الحنان والشجاعة والصبر انجبت 11 طفل مات منهم 3 (طبعا مش 11 مرة واحدة) وهي صابرة على ابتلاء ربنا غير انها كمان صابره على بعد الادها عنها وبتحاول في الاوقات اللي بتقضيها معاهم انه تعوضهم عن بدها والظريف يا جماعة ان كل واحد من الزوجين النفصلين دولة رفض انه يتجوز علشان عياله على الرغم ن احتياجاته وعلى الرغم من انه ساعة الانفصال كان لسه شباب ولسه قدامه الطريق
والله في امثلة جميلة في المجتمع زي ما في المثال السيء بس يا zandy أحب أقوللك وأقول لكل اللي يشوف النص ده العيب والحمل مش بس على الابهات والامهات احنا كمان لينا دور لازم نقوم بيه حد فكر يطبق حديث الرسول صلى الله عليه وسلم عن بر الوالدين حد فكر يديهم قبل مافكر ياخد منهم حد فكر يعاتب نفسه قبل ما فكر يعاتبهم حد فكر الاب او الام دولة ايه افضالهم عليا وايه مميزاتهم قبل مايفكر ايه عيوبهم وايه مقصرين فيه والله ياجماعة لو بس نحاول نجاوب الاسئلة دية اكيد نظرتنا هتتغير وعلى فكرة الاب والام دول مش خاليين من العيوب بل بالعكس كل واحد مننا مليان عيوب بس لازم كلنا نتقبل بعض على كده ومنركزش في عيوب غيرنا علشان هنتعب واسفة اذا كنت طولت عليكم

احب اشكرك اويييي اوييييي يا سحر عايزة اقولك ان ده كله فضفضة مش اكتر عمره ما كان انتقاد في حد ذاته بس بجد ميرسي ليكي اوي.........وميرسي اوي علي ردك يا ((angel baby))وكمان يا مهجورة.....وشكرا لمروركم

انا بقا معنديش حد اتكلم معاه لأن مفيش حد بيفهمنى ... و ادعوا الله ان يرزقنى الزوج الصالح اللى فعلا يقدر يفهم مشاعرى منغير حتى ما أصرح بيها .

السلام عليكم بجد الموضوع جااااااااااااااااامد فى فكرته:
انا شخصيا الحمدلله ربنا رزقنى بأم كلها حنية ومش بخبى عنها اى حاجة وهى بتفهمنى وعمرها ما منعتنى من حاجة بالعكس بتسبنى اخوض التجربة واطلع بالنتيجة بنفسى وطبعا ده بيحصل تحت اشرافها ومتابعتها
اما بالنسبة لبابا فربنا يعينه بيشتغل ليل ونهار علشان خاطرنا وعمره ما رفضلنا طلب مادام فى مقدرته ومش غلط بس الحاجه الى بضايق منه فيها انه ساعات لما بيبقى قاعد معانا اجازة يعنى او فى وقت فراغة بيتفرج على الرياضة فى التلفزيون او بيقرأ فى الجرنال وكمان مش بيحب يخرج لكن طبعا عمر ده ما كان عيب فيه
لان انا نفسى ساعات كتيييييييييير بسبهم واقعد على النت او بماس هوايتى وبكده بوصل ان لكل واحد حاجات بيحب يبقى مع نفسه فيها فمش بزعل ابدا من بابا
واخير احب اقووول ان مهما كان حال الوالدين معانا علينا ان نحمد ربنا لان فى غيرنا كثييييييييييرا من الايتام
يتمنون ابائنا بما فيهم من عيوب فلله الحمد كما ينبغى لجلال وجهه وعظيم سلطانه
وبعديد سيدنا محمد قال ان احلى باب فى الجنة هو باب بر الوالدين الا يجب ان نضمن الدخول من هذا الباب

انا بقى اللى كنت بحب ارغى معاها ونقعد للفجر صاحييييييييين نرغى اتجوزت وسبتنى ( اختى سرسورى ) وما بقتش عرفة اعمل ايه من غيرها مش لقية حد اتكلم معاه ويفهمنى زيها انا بجد حزينة لا فعلا انا حزينة كفاية كدة لحسن اغرق المنتدى

انا اهو يا انوووووووووووس معاكى انتى فينك من زمااااااااااااااااااااااان

نفسي اتكلم معاكى والله

بس مش لقياكى خاااااااااااالص