منتدى كلية رياض الأطفال

منتدى كلية رياض الأطفال جامعة القاهرة يرحب بكم
 
الرئيسيةالبوابةالتسجيلدخول

شاطر | 
 

 رسالة موجهة لدكتور خالد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MiSs-Library



تاريخ التسجيل : 07/04/2009

مُساهمةموضوع: رسالة موجهة لدكتور خالد   الأربعاء 08 أبريل 2009, 5:45 pm

السلام عليكم ورحمة الله وبركاته

نرجو أن تكون فى تمام الصحه والعافيه ,, أمـا بعـد ..


الطالبات غير ملتزمات بنظام المكتبة كالأتى :-

- هناك تعليمات مكتوبة فى مدخل المكتبة لا تقرأها الطالبة وبالتالى يضطر العاملين بالمكتبة لكثرة إصدار التعليمات طوال الوقت بالكلام .
-كثرة التحدث داخل المكتبة ( الرغى ) .
- عدم إعاده الكتاب الى مكانه على الرف وإعادته فى أى رف أخر وعندما يقال للطالبة رتبى الرف ترد وتقول ( مش أنا اللى عملته كده ) .
عدم إعاده المقعد الذى تجلس عليه الى مكانه بعد الانتهاء من عملية الاطلاع .

-ترك المناديل الورقيه على مناضد الاطلاع على الرغم من انتشار السلات بالمكتبة .

- إن عدم الالتزام بهذه الامور يشكل عبء يومى على العاملين بالمكتبة وخاصة عندما تدخل الطالبة للمكتبة ولا تكون هى المرة الاولى التى تدخل فيها للمكتبة لا تترك متعلقاتها قبل الدخول فطوال اليوم تترد كلمة إتركى شنطتك لو سمحتى .

- فإذا كان هناك طالبات يشتكين من المكتبة ويطالبن ببعض الحقوق هناك ايضا واجبات عليهن لابد أن تؤدى.


وفقكم الله إلى صالح الأعمال |,,,
والسلام عليكم ورحمة الله وبركاته
الرجوع الى أعلى الصفحة اذهب الى الأسفل
دكتور خالد النجار



تاريخ التسجيل : 23/02/2009

مُساهمةموضوع: رد اعرف انه يغيظ   الأحد 12 أبريل 2009, 6:35 am

السلام عليكم ورحمة الله وبركاته وبعد

الأخت الكريمة والاستاذة الفاضلة .....

قرأت رسالتك بدقة واهتمام وكنت احاول ان امنع نفسي من الرد عليها ويبدو اننى قد فشلت المهم

سأخبرك أنني اعرف ان كل ما ذكرتيه صحيح وانا اتفق معكي فيه بل اعدك بالسعي الى تغيير كل هذه السلبيات التي ذكرتيها وسنبدأ من الفصل الدراسي الأول العام القادم مع مراعاة ان في الوقت الحالي وردا على رسالتك اخبرك بأن عندي بنتين هما ياسمين وحبيبة يعني كما يقولون عني أبو البنات وبالتالي مهما ذكرتي عن بناتي من عيوب سوف اخبرك بأني ابوهم ومن الصعب جدا عقابهم بل اخبرك دعيهم فليس لهم غيرنا ولا يجب ان نصدهم وان نصلح عيوبهم بالنصح والارشاد

الأخت الكريمة

تذكري أني معك مشارك في المسؤلية واتمنى ان نصل معا للكمال في كل شيئ وسيكون هدفنا بأذن الله

ومن القلب اقول لكي ولجميع الزملاء العاملين في المكتبة ....أن كلمة الشكر لكم لا توفيقكم حقكم الذي اصبح تاج على رأسي ..كيف لي أن اشكركم على استجابتكم وتفاعلكم مع شخص ممل ومتعب مثلي

تحياتي وتقديري
الرجوع الى أعلى الصفحة اذهب الى الأسفل
manga



الموقع : في بيتنا
تاريخ التسجيل : 02/02/2009

مُساهمةموضوع: رد: رسالة موجهة لدكتور خالد   الأربعاء 15 أبريل 2009, 6:58 am

lممل ..... ومتعب .... والله يا دكتور خالد ............
اارجوك متقولش علي دكتور خالد كده لانه بجد افضل دكتور راته اعيننا وسمعته اذننا
يارب يكون دايما افضل دكتور ودائما بعيداااااااااااااااااااااااااااااا عن الملل لانه هو الذي اطلعنا علي كل ماهو جديد وممتع
وبعدين كفايه علينا الفيلم اللي حضرتك عرضته يوم الخميس
بالله عليكم .... اين الملل في هذا؟؟؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
http://manga21.ahlamontada.com/
silent lover



تاريخ التسجيل : 27/01/2009

مُساهمةموضوع: هو مين اللى يشتكى من مين ؟؟؟؟؟؟؟؟؟؟!!!!!!!!!   الثلاثاء 21 أبريل 2009, 8:13 pm


السلام عليكم ورحمة الله وبركاتة

اولا بشكر دكتور رضا على محاولاتة الجاهده للارتقاء بالكلية

ثانيا يادكتور لازم كل حد ليه اى علاقة بالكلية يكون فاهم كويس اوى اننا اول ناس عايزين اسم الكليه يرتفع

يعنى مش معقولة هتبقى الناس كويسه واحنا هنرد الرد ده

احنا بنتعامل فى اى مكتبة بره الكليه احسن من كده مليون مره لدرجة ان الناس ممكن تتساهل ف دخلولنا لو ناسيين الكارنيه

وتساعدنا على اد ما تقدر

لازم حضرتك تكون عارف ان مع احترامى لكل الناس الى فى المكتبة هما محسسنا كويس جدا انهم كارهين دخولنا الدراسات واننا مش اد المسؤلية
يعنى متهيالى مفيش طالبة وصلت للفرقة الرابعة ومش عارفه تتعامل مع المكتبة ازاى صعب اوى

وكمان احنا الى بنشتكى من عدم تنظيم المكتبة

وعلى فكره عيب اوى لما حد يقومنا من الدراسات علشان واحد جاى من بره الكليه هو الى يقعد والناس كلها تقف علشان تساعده وطيب حضرتك عاوز ايه وتلاقيه فين

مع العلم يعنى هو مكانش حد بيعمل رساله ولا اى حاجة الفكرة كلها ان الناس بتعاملنا بطريقة مش كويسه ومع احترامى لاى حد مفيش واحده عندها 21 سنه تقبل ان حد يعاملها بمعاملة هى مترضاش تعاملها للاطفال اللى عندها فى الروضة

لك كل احترامى وتقديرى

عـــــــــاشـــــــقــــة الــــصـــمــــــــت

-----------------------------------------------------------------------------
الرجوع الى أعلى الصفحة اذهب الى الأسفل
دكتور خالد النجار



تاريخ التسجيل : 23/02/2009

مُساهمةموضوع: رد   الأربعاء 22 أبريل 2009, 6:05 am

السلام عليكم ورحمة الله وبركاته وبعد

أعدك بالتحقق من هذه الواقعة التي ذكرتيها وإن كنت اشعر ان ما ذكرتيه ليس كل الواقعة وسوف اعرف كل تفاصيلها وارد عليكي في اقرب فرصة ممكنة ويبدو ان هذا الموقف جعلك في حالة غضب وانفعال لدرجة انك وجهتي كلامك لدكتور رضا على الرغم ان عندك 21 سنة

تحياتي وتقديري
الرجوع الى أعلى الصفحة اذهب الى الأسفل
فتاة القران



تاريخ التسجيل : 14/03/2009

مُساهمةموضوع: رد: رسالة موجهة لدكتور خالد   الأربعاء 22 أبريل 2009, 6:22 am

معقولة كده يا عاشقة الصمت هل من احد يجهل دكتور خالد انا بتأسفلك يا دكتور بالنيابة عنها
اما بالنسبة للمكتبة فانا وما دخلتهاش الا فى سنة اولى وما حاولتش تانى بعد كده لانى اشتركت فى مكتبة تانية خارجية مليااااااااااااانة كتب مش مكتبة الكلية اللى فيها عدد بسيط جدا ومش بيفدنا للدرجة الكافية
الرجوع الى أعلى الصفحة اذهب الى الأسفل
silent lover



تاريخ التسجيل : 27/01/2009

مُساهمةموضوع: رد: رسالة موجهة لدكتور خالد   الأربعاء 22 أبريل 2009, 9:57 am

أولا بجد انا اسفه بس يمكن لان حضرتك ودكتور رضا من اكتر الناس الى كلنا حاسين بمجهود كبير اوى منهم

ثانيا الموقف ده حصل من فتره ووالله فعلا ده الى حصل واتقال للبنات بالحرف سيبى الدفتر ليه هو يبشوف الى هو عاوزة الاول
مع العلم اننا ممكن نستنى ساعه علشان ندخل الدراسات لان عدد محدد الى بيدخل بس

وكمان ان احنا نسكت وف الاخر يتقال اننا احنا الى مش كويسين صعب بجد

وعلى فكره انا كمان معاهم ان فى بعض البنات مش بترتب الكتب وكل حاجة بس بالدرجة دى

وفى النهاية متهيالى كل انسان ذكى يقدر باسلوبة يخلى اى حد يعمل كل الى هو عاوزة

حضرتك عارف كويس اوى ان فى بنات بتساعد فى عمل اعمال ف الكليه لا تعود عليهم شخصيا باى شىء فعلى

يمكن بس لحبهم فى الكليه بيعملوا كده

اسفه مره تانيه ولك جزيل الشكر

عــــــــاشـــــقـــة الــــصـــــمـــــت
الرجوع الى أعلى الصفحة اذهب الى الأسفل
MiSs-Library



تاريخ التسجيل : 07/04/2009

مُساهمةموضوع: رد: رسالة موجهة لدكتور خالد   الخميس 23 أبريل 2009, 3:48 pm

السلام عليكم ورحمه الله وبركـاته

SilenT LoveR ( عاشقة الصمـت )

بـرجاء التوجـه للمكتبـة لمقابلة الأستاذه المسئوله عن المكتبـة لأمر هام يخصـك ,, ولا داعـى للقلق ..0
والكريم لا يرفض الدعــوة
والسلام عليكم ورحمه الله وبركاته
الرجوع الى أعلى الصفحة اذهب الى الأسفل
نانا



الموقع : من امام الجهاز
تاريخ التسجيل : 24/02/2009

مُساهمةموضوع: رد: رسالة موجهة لدكتور خالد   الجمعة 24 أبريل 2009, 6:54 pm

انا بصراحه شايفه ان فعلا البنات مهملين شويه وبصراحه كمان ده نابع فعلا من تعامل الاساتذه اللى فى المكتبه لينا
يعنى على سبيل المثال وده حصل معايا انهم بيعاملونا على اننا اطفال واول ما ندخل مش بيسبونا على حريتنا لا....انت عاوزه ايه .....يبقى تقفى عند الرف ده ومتتحركيش من عنده .........
انت بتلعبى فى الرفوف دى ليه انتى سنه كام ..........وكاننافى تحقيق
وشكرا وده رايى ويارب مايزعل حد
ولا ننسى بالشكر لدكتور خالد لانه بجد بيتعب جدا معانا وزى ماقال احنا بناااااااااااااااته
الرجوع الى أعلى الصفحة اذهب الى الأسفل
http://kg-cu.ahlamontada.net/forum.htm
zandy



الموقع : بايتين في الكية
تاريخ التسجيل : 18/03/2009

مُساهمةموضوع: رد: رسالة موجهة لدكتور خالد   الجمعة 01 مايو 2009, 4:02 am

اولا كل الشكر وكل التقدير للاب الروحي لجميع طالبات الكلية دزخالد النجار اللي مش بيسيب اي شكوي كبيرة كانت او صغيرة غير لما يحلهل تماما اكيد الكلية من غيره ولا اي حاجه ولا اي حاجة فعلا ومع اني اضغر منك يا عاشقة الصمت بس واسفة جداا جداا اني اقولك ان في طريقة احسن من كده كتييييييييير للكلام مع الدكاترة و خصوصا دكتور خالد
الرجوع الى أعلى الصفحة اذهب الى الأسفل
silent lover



تاريخ التسجيل : 27/01/2009

مُساهمةموضوع: رد: رسالة موجهة لدكتور خالد   الجمعة 01 مايو 2009, 4:07 pm

شكرا على ردك يا zandy
لكن الكلام مش على دكتور خالد اصلا الكلام لانى متضايقه من الى حصل
على فكره انا يوم ما كنت ف المكتبه رتبت اكتر من رف لكن ده مش علشان حد قالى رتبى لانى بحب الكليه واحب اشوف كل شىء فيها جميل حتى لو مش انا السبب فى الغلط ده
وطلب صغير الى عاوز يعلق على الاسلوب ويعنى كلام بنات ممكن يبعت رساله خاصه ومتهيالى ده افضل

شكرا لرد مره تانيه

عــــــــــــــــــــــــاشـــــــــــــــقـــــــة الـــــــــــــــصـــــــــمـــــــــت

-----------------------------------------------------------------------------

ا ان صمتى لا يعنى وجهلى لكن صمتى ابلغ تعبير عن ما يدور حولى
الرجوع الى أعلى الصفحة اذهب الى الأسفل
я тебя люблю



تاريخ التسجيل : 08/03/2009

مُساهمةموضوع: رد: رسالة موجهة لدكتور خالد   الثلاثاء 05 مايو 2009, 6:00 am

مكنتش عايزة اتدخل في الحوار بس حبيت ارد على مها السيد واقولها ان مكتبة الكلية عندنا فعلا يوجد بها اكبر كم من الكتب و المراجع و الدوريات اللي بجد الواحد صعب انه يلاقيها في مكتبة تانية ..

بس انا حاسة انكم متحاملين جدااا يا بنات على هيئة شئون المكتبة مع العلم اني عمري ما حسيت ده الا انهم بيضايقوني لما بيرغوا كتير وبيعملوا تجمعات غداء عمل و مناقشة الامور المنزلية و غيرها اللي تجعلك تتركي ذهنك واذنك يذهب مع حكاوي المكتبة و ترك ما بين يديكي و اعتقد ان دي سياسة لزيادة السعة التصويرية لاني في الاخر مش بعرف اركز و بضطر اصور المرجع او استعيره لاني مستحيل اركز مع حكايات خلفية

بقولها واجري على الله
الرجوع الى أعلى الصفحة اذهب الى الأسفل
 
رسالة موجهة لدكتور خالد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية رياض الأطفال :: شئون ادارية-
انتقل الى: